RTC (Resala Training Center)
Free courses in all kinds of knowledge
مركز رسالة التدريبي فرع المهندسين
مراكز رسالة للتدريب
مركز رسالة التدريبي المهندسين
ايمانا منا بأهمية العلم في جميع مجالات الحياة ولكل الناس تقدم جمعية رسالة خدمة متميزة من خلال تقديم دورات تدريبية مختلف المجالات
يتم التقدم للحصول على أى من هذه الدورات التدريبية المختلفة فى مركز رسالة التدريبي الموجود بجميع فروع جمعية رساله
أما بالنسبة للمتطوعين فى المركز فتتعدد الأنشطة وطرق تعاونهم لتقديم خدماتهم فى المركز ومن ضمنها:
1) تدري
25/04/2026
الإنجازات بتبدأ بخطوة بسيطة!
وخطوات متتالية.. خطوة بتسلم للتانية.💪
مشوار كبير نهايته نجاح، المهم تبدأ.👌
وما تقولش دى خطوة بسيطة هى اللى هتوصلني؟
هتوصلك لو انت عايز وآمنت بده واشتغلت وسعيت.
خطوتك الأولى ممكن تكون من خلال كورس يغير طريقة تفكيرك، أو يحط رجلك على بداية الطريق.💡
جدول كورسات شهر مايو هتلاقى فيه مجالات متنوعة ومختلفة.
حدد وجهِتك وإبدأ معانا بداية الطريق.😊
23/04/2026
جربت تحضر قافلة إطعام معانا قبل كده؟🤔
لو الإجابة : لا
يبقى إنت محتاج تعرف إجابات لبعض الأسئلة.👇
هو اية الى بيحصل فى الأطعام يعنى احنا بنوزع الأكل ولا احنا الى بنعمله؟
احنا بنعمل الاتنين.🤍
طب انا مش بعرف اعمل اكل.😢
عادى جدا كده كده بنكون مخططين للقافلة والوجبة هتكون عبارة عن ايه.
وبيكون فى ليدر للمطبخ إللى إحنا بنعمله أو بنساعد فيه هى خطوات الاعداد بتوجيهات الليدر.
طب احنا بنطبخ فين؟
إحنا بنكون متفقين مع الجمعية الى هننزل فيها وبتكون موفرة لينا مطبخ ومعدات.
طب بنوزع على مين؟
بعد ما نخلص الوجبات بنجهزها لتوزيعها على الأسر.
📌 موعدنا بكرة فى قافلة الإطعام "أكلة خير"
مكان القافلة : الوراق
التجمع: الساعة 8,30 صباحًا.
التحرك: الساعة 9,00 صباحًا.
وجودك هيفرق وهيفرح ناس كتير.😊
📌 لينك جروب القافلة:👇
https://chat.whatsapp.com/CPCNMsMc1NsHfSlKnv2pH2?mode=gi_t
20/04/2026
لو لسة مسجلتش فى كورس Retail Banking.
الفرصة لسة قدامك سجل دلوقتى معانا:👇
https://forms.gle/fiP5vMYyUyZeNWes8
📌وشرفنا فى أول محاضرة للكورس يوم 23/4/2026.
الساعة: 6 مساءًا.
19/04/2026
فيه ناس بتجري أسرع وناس بتوصل فعلًا.👀
المشكلة مش في السرعة المهم انك تجرى فى الاتجاه الصح.👌🏻
وده بيحصل كل يوم مع أي حد بيواجه مشكلة ومش عارف يبدأ منين.🤔
هنا بقى الفرق.👇
إنك تتعلم ازاي تفكر قبل ما تتحرك.
كورس Problem Solving مش هيعلّمك تحل مشكلة
لكن هيغيّر طريقتك في التعامل مع أي مشكلة.
هتتعلم:
• تشوف الصورة كاملة قبل ما تاخد قرار.
• تحلل بدل ما تتوتر.
• تختار الحل الصح مش أول حل ييجي في بالك.
مترددش تحل المشكلة.👇🏻
بدون انترفيو.
ميعاد البداية: 23/4/2026
الساعة: 6 مساءًا.
لينك التسجيل:👇
https://forms.gle/tg9RBcoFMFUUTZWu8
مستنينك فى الميعاد.😊
العنوان:
11ش مصدق أمام مستشفى ابن سينا التخصصي، الدقي.
اللوكيشن:👇🏻
https://maps.app.goo.gl/TweBsTYLcuTY4NEBA
ولو عندك أي استفسار ابعتلنا أو سيب كومنت وفريق RTC هيرد عليك ويقولك كل التفاصيل.🤝
وما تنساش جميع كورساتنا مجانية.💪
19/04/2026
فيه ناس بتفتح التلاجة كل شوية مش عشان جعانة
بس يمكن يكون فيه حاجة مختلفة او حاجة جديدة عايز يلاقيها جوه.🍃
الغريب؟ إن نفس الفكرة دي بتحصل في حياتنا
بنفضل ندور على حاجة مختلفة، على حاجة تحسسنا ان فيه قيمة.
بس الحقيقة ان المعنى مش بيتلاقي
المعنى بيتعمل.✨
عشان كده
احنا جبنالك الفرصة لحد عندك عشان تعرف تلاقي الحاجة اللى بتدور عليها جواك.
هتلاقيها لما تطوع معانا.
- هتعرف ايه اللى انت موهوب فيه وتعمله ازاى.👌🏻
- وازاى تساعد نفسك قبل ما تساعد حد تاني
• ازاى تعمل فرق حقيقي في حياتك قدام الناس قبل ما تعمل الفرق فى حياة حد.
- هتلاقي فريق كامل بيساعدك وعايزك تكون افضل نسخة من نفسك.💪🏻
- كمان هتلاقى جو عائلي تحبه ، وصحبة صالحة تكون معاك فى الفرح والحزن.❤️
حتى لو كان الفرق ده بسيط مش مهم الاهم انك تكون انت. 👌🏻
لو حاسس ان جواك حاجة عايزة تتعمل متأجلهاش اعملها من غير تفكير.
تعالى وخليك جزء مننا:👇
https://forms.gle/REbXPpKLgoKJZ5ee9
وخلي احساس “يمكن فيه حاجة مختلفة”
يبقى حقيقة.💫
📌ودلوقتي شاركنا وقت مميز من يومنا العائلي الأخير 😊
#متطوعين
18/04/2026
من فعاليات قافلة "سوق الخير"😊
لو ملحقتش تكون معانا فى القافلة اللى فاتت الفرصة لسة قدامك.👇
تقدر تحضر معانا قافلة الاطعام القادمة "أكلة خير"✨
المكان: الوراق.
الزمان: الجمعة القادمة الموافق 24/4/2026.
موعد التجمع: الساعة 8,30 صباحًا.
موعد التحرك: الساعة 9:00 صباحًا.
متفكرش كتير وبادر للخير.❤️
📌جروب القافلة:👇
https://chat.whatsapp.com/CPCNMsMc1NsHfSlKnv2pH2?mode=gi_t
15/04/2026
ايه الحاجة المشتركة بين المطر و الواتساب؟🤔
المطر بييجي فجأة🌧
بس اول ما ينزل بيغيّر شكل اليوم كله
والواتساب؟
مجرد صوت رسالة صغير 💬
لكن أحيانًا رسالة صغيرة توصل في وقتها بتعمل تأثير أكبر من محادثة طويلة جدًا؟
أو يمكن تغير تفكيرك😇 أو حتى يومك.😊
الموضوع كله في الرسالة اللي بتيجي في وقتها الصح.
وعشان كده
عملنالك قناة واتساب بتوصل فيه الرسائل اللي تستاهل فعلًا تقراها.👀
يمكن يبقى السبب في فكرة تغيّر يومك كله.💡
لو حابب تبقى من الناس اللي بتوصلها الرسالة دي🤝🏻
انضم لقناة الواتساب من هنا 👇
https://whatsapp.com/channel/0029Vb1h2Uq1dAvunI2k1V2M
14/04/2026
مش كلنا شبه بعض ولا طريقنا واحد.🤷
بس الغريب اننا كلنا اتقابلنا في نقطة واحدة.🤝🏻
اننا نكون سبب في خير حقيقي.🤍
الصورة دي مش مجرد تجمع.
دي لحظة لناس اختارت تسيب أثر، حتى لو بسيط.👌🏻
هيرو الخير مش مسابقة.
دى كانت دليل ان الخير لسه فيه ناس كتير بتعمله وبتتسابق عليه.
ويمكن أجمل حاجة اننا قدرنا نكون المركز السادس.🏆
خطوة صغيرة بس كبيرة في احساسنا باللي عملناه.💪🏻
فخورين اننا كنا جزء من حكاية أكبر مننا.💪🏻
14/04/2026
مش كل البطولات ليها جمهور🤷
فيه بطولات بتحصل في هدوء🤫 من غير ما تستنى مقابل او ان حد يسقفلك 👌🏻
ومسابقة [هيرو الخير] كانت اللحظة اللى كلنا بقينا نسأل نفسنا هنعمل خير ايه النهاردة؟
والسؤال ده اللى وصلنا اننا نبقا من العشرة الأوائل فى المسابقة 💪🏻
ده مش مجرد تكريم🪙
ده تقدير لكل فعل خير اتعمل من القلب🤝🏻
فخورين بالتكريم وفخورين أكتر بكل حكاية خير كانت وراه ✨
13/04/2026
مش كل اللي بتشوفه حقيقي.
بس كل حاجة حقيقية ممكن تبقى أجمل.👀
كورس الفوتوشوب مش مجرد برنامج.
ده عين جديدة بتشوف بيها التفاصيل، وبتحول العادي لـ حاجة تبهر.
السر مش في الكاميرا.🤫
السر في اللي بيحصل بعد الصورة. 📸
وهنا بييجي دور الفوتوشوب.
من أول تعديل بسيط.
لحد شغل يخلي أي حد يقف عند صورتك ثواني زيادة.👌🏻
في كورس الفوتوشوب هتعرف تحول أي صورة
لـ شغل يبان انه معمول بإيد محترف.
ميعاد الانترفيو: 18/4/2026
ميعاد البداية: 25/4/2026
الساعة: 5 مساءًا.
لينك التسجيل:👇
https://forms.gle/tXppX2yhMV7KwtV77
مستنينك فى الميعاد.😊
العنوان:
11ش مصدق أمام مستشفى ابن سينا التخصصي، الدقي.
اللوكيشن:👇🏻
https://maps.app.goo.gl/TweBsTYLcuTY4NEBA
ولو عندك أي استفسار ابعتلنا أو سيب كومنت وفريق RTC هيرد عليك ويقولك كل التفاصيل.🤝
وما تنساش جميع كورساتنا مجانية.💪