09/06/2013
مش مشكله ان فى امتحان العربى 3 ثانوى
جالهم سؤال ما جمع كلمه وحى وكمان ضعها فى جمله مفيده !!!!!
ولا المشكله انه سأل ما هو عكس كلمه فجأه !!!!!
ولا المشكله ان فى واحد اخد ورقه الاجابه بتاعته وهرب من المدرسه
ولا المشكله ان الاهالى قطعوا الطريق فى اماكن كتير
ولا المشكله ان الطلاب طلعت عملت مظاهره فى كذا مكان
ولا المشكله ان الامتحان هو اسوأ امتحان عربى يمر على الثانويه العامه فى التاريخ
المشكله ان احنا خلاص بقينا مصدقين ان الدرجه بتفرق وان التعليم شئ اساسى
فى بلد مفيهاش تعليم
يعنى ايه مقفل كمبيوتر ومش عارف حتى تسطب نسخه للجهاز بتاعك
يعنى ايه مقفل فلسفه وانت فاشل فى الحوار مع الناس
يعنى ايه مقفل علم نفس وانت مش عارف ايه الى مضايقك ولا فاهم الناس
يعنى ايه مقفل عربى وانت اصلا فاشل املاء
يعنى ايه مقفل انجليزى ولما تيجى تشتغل لازم تكون واخد كورسات عشان الانجليزى بتاع المدرسه ده ميأكلش عيش
يعنى ايه مقفل ايطالى وانت عمرك ما هتروح ايطاليا اصلا ولا هتشتغل بالايطالى
يعنى ايه تقفل دين وانت مبتركعهاش وماشى مع 9 بنات والكدب والسب على لسانك 24 ساعه
يعنى ايه مقفل جبر وانت مش عارف انت هتستخدمه فى ايه اصلا هو والتفاضل وتكامل ومش عارف الداله دى بيتعمل بيها ايه فى الحياه العمليه ومش عارف تكون منظم اقتصاديا
يعنى ايه مقفل احياء وانت متعرفش ان التعبان بيبيض وان الدولفين من الثدييات ومتعرفش ان الطماطم فاكهه ولو سألتك عن طول الامعاء مش هتعرف (9متر)
يعنى ايه تبقى مقفل كيمياء وانت متعرفش اضرار اكل كتير فى حياتنا زى الشيبسى الماده الحافظه الى فيه هى نفس الماده الى بتستخدم فى حفظ الجثث فى المشرحه
يعنى ايه مقفل تاريخ وانت مؤيد مرسى او مبارك او السادات او عبد الناصر ومتعرفش ان مفيش واحد فيهم مزادش فى عصره ديون مصر وان اخر واااحد عمل نهضه بجد كان محمد على و اول خطوه عملها انه عزل القضاء وحكم منفرداً وطبعا لو حد عمل كده دلوقتى هنقتله
يعنى ايه مقفل جغرافيا وانت هتستفيد ايه لما تعرف ان العراق فيها 33 مليون نخله وان استراليا عدد الخرفان فيها اكتر من سكانها بأضعاف ده انت بتوصل بيتكم بالعافيه
يعنى ايه مقفل فيزياء وتقف على كوبرى على النيل مش عارف انت لو نطيت هايحصل ايه بظبط وتبقى عايش على احتمالات لحد ما تشوف نطه فى فيلم وتنط وانت مش عارف انت المفروض تنزل ازاى بظبط فتتفاجئ ان مفيش عضمه فى جسمك سليمه
استفدت ايه من الى درسته لغايه دلوقتى فى مصر ؟؟
تفتكر الشغل الى هتشتغله لما تكبر هايكون له علاقه بأى حاجه درستها
اسأل اى واحد متوظف فى اى وظيفه جديده ايه اول كلمه سمعها هايقولك قالولى انسى بقى كل الى انت درسته والى تعرفه عن الشغل ده وبدأوا يعلموه
بلد الشهاده فيها مجرد ورقه فى برواز على الحيطه عشان بابا وماما يتباهوا بيها لما يجيلنا ضيوف
منقول
Muhammad Yasser
21/03/2013
كل سنة وكل ام طيبة وبخير :)
Mohamed Yasser
18/03/2013
علبه صغيرة-قطن-فول أو حلبة.
حطهم فى الشمس و اسقيهم :D:D
لو مش عارف ايه دى >>>
يبقى انت مدخلتش مدارس مصرية :D:D
Mohamed Yasser
14/03/2013
مبارك: يصدر قانون حظر جماعه الاخوان المسلمين فى مصر
مرسى :يصدر قانون حظر تكوين روابط الاولتراس فـ مصر
اذكر الفرق بين المخلوع و مرسى ؟
وكأن ثورة لم تقم .. وكأن نظام لم يسقط !!
Mohamed Yasser
12/03/2013
الظابط و العسكري اللى بيرجع من الحرب
بياخد فتره بيتعالج نفسيا من اللى شافه
ومن شيلته زميله على كتفه وهو ميت
وبيفضل طول العمر يحلم بالمشهد ده
رغم انه راجع من حرب
يعني كانوا رايحين و هم عارفين ان فيهم حد هيرجع على كتف التاني
ورغم انهم متدربين نفسيا كتير اوى على ده
ورغم كده كتير بيرجع بامراض نفسيه من ده و بيرجع بيكره العدو وعنده غريزه فظيعه للانتقام من شعب العدو كله
في حين انهم كانوا ف حرب يعني العدو كان طبيعي يقتلهم لان لو مقتلهمش كانوا هم هيقتلوه
--------------
بعد الحقيقه العلميه العسكريه دي
فيه ناس بتلوم على شاب معداش العشرين شال زميله على كتفه بس هم مكانوش راجعين من حرب
هم كانوا راجعين من ماتش كورة
رايحين يفرحوا و يهتفوا
رجع واحد شايل التاني
وهو ميت ابشع الموتات و دمه متصفي
ومن يوم رجوعهم و الكلام كله ان الالتراس بلطجيه
وهو ده العلاج النفسي اللى شافوه من الاعلام و النظام
وبيقولك هم بيعملوا كده ليه !!
منقولــ
Mohamed Yasser
09/03/2013
الاحكام الخاصة بقيادات وزارة الداخلية
*******************************
عصام الدين محمد سمك: لواء ومدير أمن بورسعيد (15 سنة )
محمد محمد سعد – عقيد (15سنة)
*******************************
- عبد العزيز فهمي حسن: لواء ومدير الأمن المركزي ببورسعيد (براءة )
-محمود فتحي عز الدين: لواء ونائب مدير أمن بورسعيد (براءة )
-جمال علي رب السيد: لواء ومساعد مدير أمن بورسعيد للأمن العام(براءة)
-أبو بكر مختار هاشم – لواء ومساعد مدير أمن بورسعيد للوحدات – المسئول عن تأمين (براءة)
-مصطفى صالح الرزاز – عميد ومدير مباحث بورسعيد (براءة )
هشام أحمد سليم – عقيد ومفتش الأمن العام ببورسعيد(براءة)
بهي الدين نصر زغلول – مدير الأمن الوطني ببورسعيد(براءة)
!!!!!!!!!
09/03/2013
لم يعد هناك عيش.
ولم تعد هناك حرية.
ولم تعد هناك كرامة إنسانية.
و لم يعد هناك دولة .
Mohamed Yasser
28/02/2013
المتدين : ليس فاقداً للشهوات
الكريم : ليس كارهاً للمال
حتى المتفوق : ليس محباً للدراسة
ولكنهم أقوياء في مواجهة [ أهواء أنفسهم ]
Mohamed Yasser
25/02/2013
رسالة من مصطفى حسين :
أنا عايز أاقول حاجة واحدة بس للمدرسة..... أنتوا لييه مصرين على انكوا تعاملونا كاطفال بناخد أوامر وبس !! ولما نيجى نتناقش أو نتكلم تقولولنا من غير لييية !! يعنى أية من غير لييية !! أنا متعودش أاخد أوامر ومسألش لييية !!يعنى إية أحلق شعرى !! هل لمجرد إنو مش عاجبكوا أحلقوا !! دى حريييييه شخصيه أنا أعمل فيه إلى أنا عايزو !! مفيش ولا دين ولا ولا قانون فى وزارة التربية والتعليم بيقول أن يجب حلق الشعر !! لا وكمان إكتشفنا إن المدرسة بتعمل المناظرات علشان تتصور بس ويبان إنها مدرسة ديموقراطية و بتناقش طلابها و بتسمعلهم لكن فى الحقيقة إنها مش بتسمعلنا هيا بس بتصور المناظرة !! وانا كنت غلطان علشان حلقت شعرى بس كانت فى ضغوط من ماما و بابا علشان كانوا خايفين من إن المدرسة تدينى ملفى بس أنا مكنتش خايف وكنت عايز أدافع عن قضيتى لأن الثورة معلمتنيش إنى أخاف وعلمتنى إنى أدافع عن قضيتى بكل قوة وشجاعة !! يمكن بعض الناس تقول أيه الهبل اللى أنتوا بتقولوا ده كل ده علشان شعر !! أحب أقولك الحكاية مش حكاية شعر دة الحكاية إن إنتا ترضى حد يتحكم فى لبسك يقولك البس دة و متلبس دة !! يقولك أحلق شعرك علشان أنا عاوز كدة !! الحكاية حكاية مبدأ إن دى حرية شخصية !! وارجو إن المدرسة تفهم إن إحنا جيل صعب اووى انكوا تعاملونا بالطريقة دى !! واعلن من هنا إنى مش هحلق شعرى تانى وانى مش هنزل فى اى مناظرة تانى حتى لا أشارك فى هذا النفاق.
Mohamed Yasser
24/02/2013
رسالة من كريم كمال :
طول م الادارة تفكيرها سلبي و بيقتصر علي الخناق و بس الطلاب عمرهم ما هيحترموا الادارة دي !!
كنت جاي فى يوم لابس رصاصي و المستر الى بيشوف المخالف وقفني كدا شوية وكنت واقف مع كام واحد كدا لقيتو جاي و بيقوول اللى مش عارف انو مخالف يقولي ونتناقش انا سمعت الكلمة دي من هنا و قولتلوا انا ايه المخالف في اللى انا لابسوا قالي اللون الرصاصي مخالف قولتلو مخالف فيين ما كل البنات بيطلعوا بييه لاقيتوا قلب وقلي انت هتناقشنييي !
طب ما انت اللى قولت !!
طول ما بيتعاملو معانا علي اننا كراسي ملناش اي رأي هنعاند اكتر .
Mohamed Yasser
24/02/2013
ل هشام الجخ
علمونا فى المدارس يعنى ايه كلمة قيام ..علمونا نخاف من الناظر فيتمنع الكلام ..علمونا ازاى نخاف ازاى نكش ... بس نسيوا يعلمونا الاحترام ..فمتزعلوش لما ابقى مش بسمع كلامكم و متزعلوش لما ابقى خارج ع النظام
Mohamed Yasser
23/02/2013
رسالة من احمد عصام :
احد مؤسسى حملة ــ متدين مش معقد ـــ بمدرسة النيل بمدرسة النيل
ادراتنا الحلوة سابت كل مصايب المدرسة وبتشد فى شعر الولاد!!!!!!!
خلاص كل مشاكلنا اتحلت ومش فاضل غير الولد اللى عامل تسريحة مش جاية على مزاجكم؟؟ ....طب لو بالمنطق ده يبقى انتم لازم تحجبوا كل بنات المدرسة وتجبروهم والبنت او المدرسة اللى مش لابسة كويس تتفصل من المدرسة وارمولها ملفها زى ما انتم بتعملوا مع الولاد!!!!! الإدارة بتستخدم حملتنا عشان يخوفوا الطلاب بيها .....الإدارة فى المناظرة كانت عايزانى اتكلم عن شعر الولاد!!! قولت لها انا اخر حاجة اتكلم فيها موضوع الشعر.قلت لها مليش دعوة بالشعر...هو انا اسيب الكلام عن الدين كله وامسك فى الشعر .....انا مش عايز اعمل منافقين بيخافوا من الإدارة والحملة ...انا عايز مسلمين بجد عن اقتناع...ثم ان مش من حق ادراة المدرسة تجبر ولد انه يقص شعره ....والا يبقى كله يلبس الحجاب جوا المدرسة ...وبيقولوا علينا ارهابيين متشددين !! احنا اللى متشددين ولا انتم اللى بتشددوا فى الهايفة؟؟
وهو الدكتور فوزى سايب المناظر الغريبة اللى بتحصل فى الملعب ومسك فى شعر الولاد....انا مش هقبل ان حملتنا يتم استغلالها عشان نخوف اصحابنا..احنا عملنا الحملة دى عشان نحبب الناس فى الدين مش عشان نخوف اصحابنا ويتم استغلال حملتنا.....وانا لما نزلت فى المناظرة قلت ان المظهر لن يتحقق الا اذا كان فى اسلام حقيقى داخل القلوب...مش اطلب من واحد مش بيصلى اصلا وبيعمل بلاوى الدنيا كلها انه يظبط شعره ..
Mohamed Yasser
