27/07/2025
خلاصة الكلام والي نزلته من شهر ٨ الي فات 👇
دفعة 2026 مفيش لغة هتتلم في شهر ولا اتنين ولا ليلة الإمتحان كما يعتقد البعض، المناهج كما هي بدون أي تغيير،
وواضع الإمتحان بقة بيضرب من كل ناحية يعني من منهج أولى على منهج تانية على منهج تالتة، مش فارق معاه الإمتحان منين سواء بقه حضرتك كنت ( فرنساوي، ألماني، إيطالي، أسبانى هو مش فارق معاه، يعني من الآخر اللغة التانية لازم تبدأها من أول السنه مع كل دروسك عادي جداً،
يا إما تعمل حسابك إنك هتدخلها دور تاني حتى لو كنت جايب 100% ومش عاوز أقولك ده معناه إيه التنسيق معناه إن الكلية الي حضرتك كنت بتحلم تخشها وانت جايب فوق ال90% هتكتفى بالعدد ف المرحله الأولى و المرحله التانيه وحضرتك كده كده أساسى انت بقيت ف المرحله التالته .
أصل زمايلي قالولي والمدرس الفلاني قالي اني أقدر ألم الدنيا أخر شهرين تلاته، مفيش منه الكلام ده، وأعتقد إنك شوفت معظم النتايج عاملة إزاي مايقرب من 70 ألف طالب منهم حوالي 10 آلاف طالب جايبين فوق ال 90 % شايلين اللغة التانيه، ده غير اللي هيعيد السنه للأسف.
بقول الكلام ده وأنا عارف ان فيه ناس ممكن تهاجمني.
ولكن الله على ما أقول شهيد 🤝
