عامر صلاح الدين - ابسطهالك

عيد اضحي مبارك 1446
تقبل الله منا ومنك صالح الاعمال
كل عام وانتم بخير

س : ما سبب وجود حروف صامتة في اللغة الانجليزية؟؟؟
س : ولماذا لايقومون بإزالتها طالما لاتنطق؟؟؟
••••••••••••••••••••••••••••••••••••••••••••••
حد_يعرف_الاجابة !!!
الأسئلة دي بيسألهالي الطلاب عندي وكمان اولياء الامور وتقريبا الكل 😅
--------------------------------------------------------
سيب وجود حروف صامته في الانجليزي

• علشان في كلمات كتيرة دخلت علي اللغة الانجليزية زي اللاتينية والفرنسية ، والفرنسية بالاخص لان كان في اسرة فرنسية كانت بتحكم انجلترا ف وقت من الاوقات
فكانت الكلمات دي لما تدخل الانجلش مكنتش بتتبع قواعد الانجلش كانت بتيجي وتدخل بنفس طريقة النطق والكتابة بتاعة لغتها الاصلية
فكان الانجليز بياخدوا الكلمة وعلي حسب هيعرفوا ينطقوها او لاء
وده خلي في حروف كتير سايلنت ومش بتتنطق
وفي حاجة كمان ، ان في كلمات بقت مشتقة من اللغتين دول اللاتينية والفرنسية
زي مثلا كلمة 👇
Doubt (شك)
اصلها ف اللاتينية doute
واصلها ف الفرنسية dubitare
جم الانجليز حطوا الكلمتين دول ف الخلاط وطلعونا الكلمة دي Doubt
• وفي حاجة كمان دخول اعراق واجناس مختلفة زي Vikings اللي هما حاليا بلاد السويد والنرويج والدنمارك دول بقي كان ليهم تأثير كبير ع اللغة الانجليزية من ناحية الكلمات والجرامر
مثلا زي كلمة 👇
Knife ( سكينة )
لحد الان بلاد السويد والنرويج بينطقوا حرف K لكن الانجليز لقوه تقيل ع لسانهم مابقوش ينطقوه فبقي سايلنت
وعلشان اللغة بتطور مع الوقت فكانت في حروف زمان بتتنطق لكن مع رتم الحياة السريع بقوا الانجليز بيختصروها ف نطقها فاتحولت لحروف صامتة
زي مثلا كلمة 👇
Knight فارس
تخيلوا كانت زمان بتتنطق .. (كنجهت)
دلوقتي مع تطور اللغة بقت بتتنطق .. (نايت )
• واكتر وقت اتغيرت فيه اللغة الانجليزية تغيير كبير وشامل كان ف عصر نهضة الادب الانجليزي شكسبير وغيره
حصل تغير جذري للحروف واخترعوا حروف متحركة جديدة ونطق جديد وكمان ضموا حروف ساكنة مع بعض علشان يدونا صوت جديد
زي مثلا 👇
Sh .. بتنطق ش
th .. بتنطق ث
------------------------------------------------------
طيب ليه يا مس مش بتشيلوها خالص 😅

• اول سبب ان الانجليز رفضوا حذف الحروف دي لانها كانوا بيتباهوا بدخول ثقافات مختلفة عليهم وبيعتبروها تاريخ وده طبعا سبب عاطفي اكتر مايكون منطقي وعقلاني
• تاني سبب ان في بعض الحروف الصامتة هتسبب مشاكل كبيرة اذا اتحذفت
زي مثلا 👇
To .. دي حرف جر بمعني الي
Two .. دي بمعني رقم 2
- هنا W صامتة فلو حذفناها هتبقي شبه اللي قبلها
Too .. دي بمعني ايضا
- هنا O الاخيرة صامتة فلو حذفناها هتبقي شبه الاولي
وبالتالي الحروف دي بتميز الكلمات لتسهيل معناها
ملحوظة_مهمة_برضو 👇
- لما يكون في حرف دابل ف الكلمة بننطق الاول فقط والتاني اعرفوا انه صامت
زي مثلا كلمة 👇
little .. قليل الحجم
بننطق t واحدة بس لكن التانية لاتنطق
------------------------------------------------------
وفي كمان حرف e في اخر الكلمات طبعا انتم مش عارفين ايه لازمته طالما صامت ، صح
حرف e ف اخر الكلمة بيميز معني الكلمة المقصودة ، وبيفرق ف نطق الكلمة
زي مثلا كلمة 👇
Cut .. يقطع / يقص
Cute .. لطيف
انطقوا الاتنين كده هتلاقوا ان حرف e فرق جداا ف النطق ع كده وجوده مهم 👌
------------------------------
ع كده مش دايما الحروف الصامتة وجودها مالهوش قيمة او لازمة لاء ده بيسهل علينا نطق وكتابة اللغة والتمييز بين الكلمات المتشابهة ف النطق..

#مسترعامر #ابسطهالك

👨‍🏫 دروس اللغة الانجليزية
📆 ابتداءا من 1 - 9 - 2024
🌟 المراحل
✅ الصف الرابع الابتدائي
✅ الصف الخامس الابتدائي
✅ الصف السادس الابتدائي
......
✅ الصف الاول الاعدادي
✅ الصف الثاني الاعدادي
✅ الصف الثالث الاعدادي
.......
✅ الصف الاول الثانوي
✅ الصف الثاني الثانوي
✅ الصف الثالث الثانوي

📍 6 اكتوبر و حدائق اكتوبر

📱 للحجز والاستفسار
01007229359

👨‍🏫 دروس اللغة الانجليزية
📆 ابتداءا من 1 - 9 - 2024
🌟 المراحل
✅ الصف الرابع الابتدائي
✅ الصف الخامس الابتدائي
✅ الصف السادس الابتدائي
✅ الصف الاول الاعدادي
✅ الصف الثاني الاعدادي
✅ الصف الثالث الاعدادي

📍 6 اكتوبر و حدائق اكتوبر

📱 للحجز والاستفسار
01007229359

English language tenses

Parts of speech

Opposite words

Participles

Telling the time ⌚🕑⏲️⏳⏰

Common Collocations

Punctuation rules