BioResearch - Xplain

BioResearch - Xplain Stay Curious: Biological Sciences 🧪🦠 & the cutting-edge research and breakthroughs 🔬

نجح فريق بحثي في تطوير أول فأر مؤنسن "humanized" بجهاز مناعي مطابق للجهاز المناعي البشري. الفريق حقن الفار في البطين الأ...
13/07/2024

نجح فريق بحثي في تطوير أول فأر مؤنسن "humanized" بجهاز مناعي مطابق للجهاز المناعي البشري.
الفريق حقن الفار في البطين الأيسر من القلب بخلايا جذعية من حبل سري لإنسان، وبعد أسابيع حقنوه بهرمون الestrogen عشان يعززوا تمايز وانتاج ال B lymphocytes وال antibodies.
الفار بقى يمتلك جهاز مناعي بشري يعمل بشكل كامل، ويشمل بقى: lymph nodes, germinal centers, thymus human epithelial cells, human T and B lymphocytes, memory B lymphocytes, and plasma cells.

وعشان يتحققوا من كفاءة الmodel، اختبروا عليه vaccines زي COVID-19 mRNA و Salmonella flagellin، وبالفعل الفار كوّن استجابات مناعية فعالة و neutralising antibodies محددة ضدهم ومطابقة للي في الانسان.
بالتالي هيكون نموذج واقعي لل In vivo human immunotherapies وفهم اكتر ل autoimmune diseases، وهيسرع تطوير اللقاحات البشرية.
#فأر

من فترة قريبة اتنشر بحث بيرصد استخدام الأورانغوتان (نوع من القردة العليا) لنوع من النباتات ومضغ أوراق النبات (بدون بلعها...
01/07/2024

من فترة قريبة اتنشر بحث بيرصد استخدام الأورانغوتان (نوع من القردة العليا) لنوع من النباتات ومضغ أوراق النبات (بدون بلعها) وتطبيق عصارة الأوراق leave juice على جرح عميق في وجه الأورانغوتان بأصابعه بشكل منتظم ومتكرر.
والغريب ان نوع النبات ده فيه مواد معروف عنها انها مسكنة ومضادة للالتهاب ومضادة للبكتيريا والفطريات.

ومش بس كده بعد ما طبق عصارة الأوراق بدأ يتلم الذباب على مكان الجرح فبدأ الأورانغوتان يغطى الجرح بالكامل بالألياف الممضوغة المتبقية (green leaf material) عشان يحمي الجرح من الذباب !
وفي خلال أيام قليلة التأم الجرح بشكل كامل.
والسلوك ده اسمه Animal Self-medication او Zoopharmacognosy ومنتشر بين مملكة الحيوان وله صور متعددة..

لو سألتني مين هو أصيع Molecular Biologist على سطح هذا الكوكب -والله أعلم ممكن يكون وصل كواكب تانية🙄- هقولك قطعاً و بدون ...
09/04/2024

لو سألتني مين هو أصيع Molecular Biologist على سطح هذا الكوكب -والله أعلم ممكن يكون وصل كواكب تانية🙄-
هقولك قطعاً و بدون تفكير الڤيروس 🧬🧬
الكائن ده شغلته في الحياة أنه يهكر ”hijack“ ال cell و ال central dogma لدرجة أنك تحس أنه الڤيروس بيتولد ب PhD في أيده 😂😂😂
أنا مش هكلمك عن ال HIV ولا أنه عنده reverse transcriptase علشان يجمع بين سرعة تطور ال RNA Viruses وال integration جوا الجينوم ولا أنه بيدخل الخلايا اللي بتشغل المناعة الي المفروض هي اللي بتهاجمه ولا أنه بيفضل مستخبي جوا الجينوم ٦ شهور قبل ما يتوجد.
لا لا، تعرف ال HCV؟ أيوة ده اللي دوخ البشرية لدرجة أن اللي يدوبك عرفوا يجبوله animal model اخدوا نوبل. عارف الجينوم بتاعه أول عن اخر كام جين؟
الأستاذ ده عنده ١٠ جينات بس 😳
المشكلة مش هنا بقى، الأصيع من كده أنه بيخش الخلية يوقف ال Elongation Factor (EF) اللي مسؤول عن كل عمليات ال protein synthesis في الخلية. لحد هنا ممكن تقول أن ده كده فيرس غبي ما كده مش هيعرف يعمل بروتيناته.
شايف الصورة الي تحت دي؟
ده جزء موجود في ال RNA بتاع جينات الڤيرس ده اسمه IRES أو Internal Ribosomal Entry Site يعني مكان الريبوسوم يقدر يدخله internally دون الحاجه لل EF و بكده كل ال proteins بتاعة الخلية مش هتطلع وهو بس الوحيد جوا الخلية اللي هيطلعله proteins فمش بس هيقدر يستخدم كل موارد الخلية لوحده لا ده كمان أي defense mechanism جوا الخلية راح بالسلامة لأن مفيش أصلاً بروتينات الخلية بتعملها.
والصراحة كل ڤيرس بيعمل حركات أصيع من بعض وال molecular Biologists جايبين ورقة وقلم وبيتعلموا حرفياً.


تخيل ايه ممكن يحصل لو غيرت في جينات كائن🤔؟!هتقولى وانا اعمل كده ليه اصلا!! ،كمل معايا وافهم✨حسب الUSDA, النسب التالية من...
25/02/2024

تخيل ايه ممكن يحصل لو غيرت في جينات كائن🤔؟!
هتقولى وانا اعمل كده ليه اصلا!! ،كمل معايا وافهم✨
حسب الUSDA, النسب التالية من المنتجات الأمريكية هي معدلة وراثيا:
94% of soybeans
92% of corn
94% of cotton
95% of sugar beets, one of our main sources of sugar
90% of canola oil, commonly used in prepared foods and for deep-frying
77% of Hawaiian papayas
موضوعنا عن الGenetically Modified Organisms "GMOs".
ايه هى ال"GMOs" اصلا ؟
ببساطه هو ادخال صفة مكنتش موجودة على الكائن (نبات/حيوان/بكتيريا) عن طريق إضافة أو حذف أو تبديل جين مسؤول عن صفه معينه بتقنيات الgenetic engineering زي تقنية CRISPR ودي أكثر دقة واتكلمنا عنها قبل كده.
طب وايه الفائدة من ده؟
اهمياته كتير ومفيدة، بعضها زى :
-تسريع النمو تقريبا من 3-5 مرات
-رفع القيمة الغذائية وجودتها
-زيادة مقاومة النبات للجفاف وللآفات والأمراض بالتالي تقليل استخدام المبيدات
-زيادة فترة تخزين المحاصيل
-لأغراض بحثية

طبعا في مخاوف من استهلاك المحاصيل المعدلة وراثيا ولكن حتى الآن مفيش دليل واضح على انها خطر على صحة الانسان والبيئة

ودول شوية امثلة على الGMOs:👇🪄

The First Vampire Virus 🧛🏻‍♂️🧛🏻طلاب جامعيين طُلِب منهم يعزلوا فيروس (bacteriophage) من عينة تربة بهدف تعلم تقنيات معملية...
13/02/2024

The First Vampire Virus 🧛🏻‍♂️🧛🏻
طلاب جامعيين طُلِب منهم يعزلوا فيروس (bacteriophage) من عينة تربة بهدف تعلم تقنيات معملية..
بعد ما عزلوا وعملوا sequencing لجينوم الفيروس وجدوا بالصدفة sequence اصغر منفرد، وكأن حصل contamination في الشغل.
ولما مشرف المجموعة فحص العينة تحت الميكروسكوب (TEM) وجد فيروسين !
الفيروس اللي عزلوه كان نوع من ال Helper viruses، والفيروس الغريب هو نوع من ال Satellite viruses وده بيكون فاقد القدرة على نسخ الDNA الخاص به؛ عشان كده بيحتاج الhelper virus ويستخدم الgenetic machinery فيمسك في رقبته ويدخلوا مع بعض الخلية البكتيرية (Streptomyces) ويعملوا co-infection.. ولأول مرة يتم تصوير مشهد لفيروس ملتصق بفيروس آخر!
وفسر العلماء العلاقة التطفلية دي بأن ال satellite phage طور ذيل فريد يسمحله بالالتصاق ببروتينات على رقبة الhelper phage زي مصاص الدماء.
الاكتشافات زي دي في طرق الAttachment للفيروس هتساهم في مزيد من الأبحاث على ال antiviral/phage therapy وإيجاد بدائل للantibiotics.

Address

Giza

Website

Alerts

Be the first to know and let us send you an email when BioResearch - Xplain posts news and promotions. Your email address will not be used for any other purpose, and you can unsubscribe at any time.

Shortcuts

Share

Category