Basmala"Elsafwa" NasrEldin

16/04/2020

مراجعة تالتة ثانوى مع مستر فتحى بكر ⁦🤗

Third secondary

26/03/2020

فيديو جديد لتالتة ثانوى مع مستر فتحى بكر 💪🧐

شباب تالثة ثانوى🙋ده فيديو لشرح kinetic energy and relation between the kinetic energy and the work💪وربنا يوفقكم💞تذاكر وتراجع كويس 👌👌عشان تحقق اللى نفسك فيه⁦♥️⁩. https://youtu.be/KHgLb-nZ3aY

24/03/2020

تانية ثانوى علمى وأدبى نركز مع البوست ده 👇

درس الأسبوع مع مستر فتحى بكر 😉💪

شباب تانيةثانوى 🔥علمى وأدبى 🔥ده درس الاسبوع 💪على فيديوهين 👌👌وربنا يوفقكم💞وتحل الواجب exercise 12 https://youtu.be/ZjmOZxlFEOEb. و. https://youtu.be/fp_AkL9Pm1E.

24/03/2020

لو أنت أولى ثانوى يبقى البوست ده ليك 👌
يلا ذاكر ملكش حجة 🧐💪

شباب اولى ثانوى🔥🔥دول ٢فيديو لدرس الاسبوع 💪عشان تذاكر وربنا يوفقكم⁦💞واوعى تطنش ومتذاكرش🏁 تبقى حمار 😂😂الشرح من صفحة37ل42 والواجب من 30ل38 https://youtu.be/6D6eywDJcX4. و. https://youtu.be/B2mve8HsgqE

23/03/2020

تالتة ثانوى نركز فى البوست ده 👇
شرح درس Power(Dynamics) مع مستر فتحى بكر 😍

شباب ثالثة ثانوى ✋ده فيديو شرح لدرس 💪 Power(Dynamics) https://youtu.be/YZG6mn0fcyw

19/03/2020

Vectors part1& part 2 Mr.Fathi Bakr 🤓🤓👇

شباب اولى ثانوى🔥يلا نذاكر درس vectors بالتفصيل 👌👌على فيديوهين عشان ما تزهقش 😀ذاكر وحل الواجب وبالتوفيق أن شاء الله 💞. https://youtu.be/zsR-mfJcRmU. و. https://youtu.be/yLCQgglQrUg

09/03/2020

لو فى مدرس نفسك يبقى موجود فى البسملة هيبقى مستر مين 👨‍🏫؟

05/03/2020

ايه اللى يخليك تحضر معانا فى سنتر الصفوة 🤩
1- قاعات كبيرة مكيفة بأحسن التجهيزات من شاشات عرض وساوند سيستم 🖥
2- أكفأ كوادر المدرسين 👨‍🏫
3- متابعة دورية مع الطالب وأولياء الأمور 🧔
4- تكريم الطلاب وحفلات لأوائل الطلبة 👨‍🎓

03/03/2020

اللى مشافش حلقة مستر تامر القاضى 😍
ده لينك الحلقة على اليوتيوب :

مساء dmc - "فيزيكو" مسلسل درامي تعليمي لفهم منهج "الفيزياء" لطلاب الثانوية العامة "برنامج مسائي يقدمه الإعلامي رامي رضوان والإعلامية إيمان الحصري، يتناول الأ...

03/03/2020

لو مش عارف تركز في المذاكرة .. اقرأ البوست ده كويس 🧐

هعلمك أفكار بسيطة وجميلة تساعدك على التركيز عشان من غير تركيز مفيش مذاكرة أصلا🤷‍♀️🤔

1. حط قدامك كل حاجة محتاجها لمادة واحدة: لو قدامك ورق اكثر من مادة هتسرح ، ولو حاجتك ناقصة برضه هتضيع وقتك كل شوية وأنت بتدور ، وهتبقي فرصة ممتازة تهرب من المذاكرة.

2. قرر إنك هتركز: تعرف حد راح مشوار قبل كدة مائة مرة ومحفظوش وبعدين عرف إنه هيروح لوحده فركز وحفظه من مرة واحدة؟ وأنت قبل المذاكرة قول لنفسك: أنا النهاردة نويت أركز؟ واقفل قبضة إيدك بقوة وأن بتقولها وارسم على وشك ملامح التصميم.

3. شوف اللي بيلهيك وابعد عنه: كل واحد عنده اللي بيشغله فيس أو يوتيوب أو تليفزيون أو حواديت الأسرة ، أسهل لك بدل ما تقاوم الفيس إنك تبعد عن الفون أصلا أو الكمبيوتر ، أو التليفزيون

4. ابدأ بالسهل: الحماس بيبدأ ضعيف ويزيد لما تدخل مود المذاكرة ، خلي البداية دايما بسيطة ، حتى لو هتتعرف على عناوين الدرس ، المهم أن أول 5 ثواني تكون سهلة بشكل مبالغ فيه لدرجة السخافة.

5. قسم الدرس لقطع تحتاج نصف ساعة : تركيزك بعد نصف ساعة بيكون في الأرض ، كل نصف ساعة خد 5 دقايق راحة ، كل نصف ساعة لما تلاقي نفسك أنجزت هتنبسط وتفرح ونفسك تتفتح

6. قبل ما تبدأ الجديد سمع لنفسك: ببساطة اسأل نفسك : إيه خلاصة اللي ذاكرته في النص ساعة اللي فاتت ، الحركة دي هتثبت المعلومات وتبين أي نقطة ضعيفة فيها ، وهتساعدك تربطها مع الجديد

7. اشغل كل حواسك بالمذاكرة: العقل مش بيعرف يركز في حاجتين في وقت واحد ، استخدم اليد اكتب أو حتى تشاور ، والعين شوف أشكال أو خطوط ، والأذن بإنك تتكلم أحيانا ، كدة مش هتسرح

8. اتحدي نفسك: العب لعبة وحدد وقت تخلص فيه جزء معين ، وخلي الوقت فيه شوية تحدي ، ولو كان التحدي سهل صعبه شوية وقلل الوقت أو زود الكم ، وحاول كل مرة تحقق رقم قياسي جديد.

9. كلم نفسك واشرح لها بتعمل إيه: قول لنفسك : أنا دلوقتي بدات مذاكرة ، أنا دلوقتي هقرأ العناوين كلها عشان آخذ فكرة عامة عن الموضوع ، الطريقة هتزود تركيزك وهتفكرك بأي خطوات عملتها.

10. أي فكرة مهمة تخطر على بالك أكتبها: طالما هي في بالك مش هتعرف تركز ، ومش هينفع تسيب المذاكرة عشان تفكر فيها ، الحل اكتبها واوعد نفسك أنك هتفكر فيها أول ما تخلص مذاكرة

11. جرب ال white noise : هي أصوات طبيعة أو مطر أو دوشة خفيفة من اللي بتكون في الكافيهات ، بعض الطلاب بتحتاج صوت جمبها وهي بتذاكر بس حاجة ما تشغلش انتباهها

12. افتكر نفسك باستمرار أنت بتتعب ليه: فكر كل مرة قبل ما تذاكر إيه أفضل حاجة في الدنيا هتحصلي لو نجحت بالتفوق اللي أنا عايزه ،

13. خد بالك عن قصد من شكل الصفحة : الهوامش والصور والأشكال التوضيحية. غمض عينك وافتكر شكل الصفحة ، قول لنفسك : أنا شايف وابدأ اوصفها بسرعة.

14. أهم حاجة وأول حاجة وقبل كل حاجة توكل على الله واستعين بيه ، حط في بالك أنك بتعمل كل اللي تقدر عليه ولكن بتطلب من ربنا التوفيق والعون والتيسير
من صفحة ذاكر بذكاء أكثر وجهد أقل

01/03/2020

💥💥💥 ركز معانا بوست طويل بس مهم جداً 💥💥💥

ازاي تقفل فيزياء وأنت حاطط رجل على رجل 😉😍

خلاص الامتحان قرب ولازم نبدأ نلم المنهج ونراجع عليه 🤓

⚡️خلى بالك احنا بنقولك على طريقة مذاكرة لو عملتها هتسهل عليك الدنيا مش ملخص للمادة 🧐
كشكول جديد بقى وركز معانا ✋

📌أول حاجة هنعملها هنقرأ الفصل قراية سريعة ، بعد كده نقسم الفصل
يعني هنكتب فى الكشكول من فوق الباب الأول الدرس الأول مثلاً
هنكتب (التعريفات - التعليلات - ماذا نعني - ماذا يحدث - ما النتائج - القوانين - الوحدات والوحدات المكافئة - المقارنات - الرسم البياني - التجارب )

🔗 خلصت الباب تجيب الكشكول وتكتب التعريفات وقصادها عدد التعريفات ف الدرس مثلاً 4 والعلل 10 والقوانين 5 ...الخ وتكتب قصاده العدد، لأننا كده بندى رسالة للعقل أن الدرس ده مش هيجي منه غير 4 تعريفات وكام علل وكام وحدة كده أنت لميت الدرس من غير ما تذاكره.

◀️بعد كده كل درس تخلصه اعمله خريطة ذهنية اعمل دايرة فى النص واكتب فيها عنوان الدرس وطلع سهم كل سهم عليه اسم سؤال والاسئلة دي هي اللي موجودة فى الدرس، كده لما تيحي تذاكر الدرس تذاكر من كراستك تقرأ السؤال وتدور على الإجابة أو تحلها من نفسك.

◀️تانى حاجة هنعملها هنغش !! 🤨🤨
أسهل طريقة للاستذكار هي الغش بمعني إني خلصت الباب وبحل وقفت مسالة قدامي اغشها عادي وافهمها وبعد كده احلها لوحدي.

🔗جرب كده تمسك امتحان وتغشه وتفهم المطلوب وبعدها حل فيه هتلاقي نفسك افتكرت على الأقل 60% منه وامتحان ورا امتحان هتلاقي الاسئلة اتكررت طبعا مش هنعمل كده غير ف اول شهر 4.

📌طب المسائل هنعمل فيها ايه ؟!🤔
إنك تعرف تحل مسائل دى من أول الخطوات اللى هتقدر تفهم بيها الفيزياء، عندك مشكلة فى الحل ؟! حاولت و حليت غلط ؟!

⬅️ركز بقي معايا 🧐
1. خليك هادي و متخافش أول ما تشوف المسألة، دى مسألة مش نهاية العالم، أكيد ليها حل.
2. اقرأ المسألة أول مرة و لو مسألة طويلة قسمها لأجزاء و الأهم من دا تركز على الموضوع اللى المسألة جاية عليه.
3. بعد القراية هترسم مخطط أو رسم كروكى على اللى فهمته و احب أقولك الرسم الكروكى دا لو طلع صح يبقي حليت 80 % من المطلوب و لو مش عارف الحل ارسم برده .. الرسم عليه درجة متضيعهاش.
4. هتكتب على جنب الحاجات المعلومة فى المسألة و دى هنسميها Known و لو الحاجات المعلومة فى منها أكتر من واحدة رقمهم يعنى مثلاً لما يكون عندك أكتر من سرعة فهتقول V1 و V2 و هكذا.
5. دور على الحاجات المطلوب منك كويس و اعرف كام حاجة علشان ساعات بيتنسوا و اكتب جنبهم unkown.
6. كده أنت خططت للحل تبدأ بقي تكتب كل المعادلات اللى تعرفها عن الموضوع.
7. هتختار منهم المعادلة اللى بتجمع كل المعلوم و المجهول و هتبقي هى دى المعادلة اللى هتشتغل عليها.
8. هتبدأ تحل بقي المعادلة بالحاجات المعلومة عندك و لو معرفتش هات بحاجتين من المعلومين حاجة مجهولة.
9. هتكرر اختيار المعادلة المناسبة مع كل حاجة مطلوبة منك.
10. اعمل دايرة أو مربع حوالين الإجابة علشان تبقي واضحة و أهم حاجة تبقي واثق ان كل مسألة و لها حل و متخافش.

📌الطريقة دى مش للفيزياء بس ده ممكن كمان تحل بيها أى مشكلة بتواجهك لأن حل المسائل بيساعدك على حل المشكلات.

📚 لو عجبك البوست ده قلنا ايه أكتر مادة صعبة عليك واحنا هنساعدك فيها 😉

27/02/2020

مستر تامر القاضي علي قناة dmc الأن