17/08/2025
طالب علمي ياخد تاريخ ليه هو هيشرح ب سيف الدين قطز وههه الكتير من اللي بشوفه الايام دي ع الفيس ودا للأسف بينم عن جهل كبير وانحدار الثقافة العامة وعدم فهم لماهية التاريخ عشان طبعا كانوا بيحفظوه زي البغبغان ويخش يرص ف الامتحان وشكرا ع كدا
وحتي الأهالي حاليا بيزرعوا في دماغ الطالب ان التاريخ دش ف بيطلع كاره التاريخ
هو السؤال المهم
إزاي عايزين نطلع جيل عنده وعي وهو مش عارف ماضيه ولا فاهم إزاي وصلنا للي إحنا فيه؟
✅ بصوا مثلًا على الدول المتقدمة:
في أمريكا، التاريخ الإجباري لحد آخر سنة في المدرسة، بيدرسوا تاريخ بلدهم وتاريخ العالم، علشان الطالب يطلع فاهم هويته.
في إنجلترا، التاريخ مادة أساسية برضه، ومش مجرد حفظ، لكن بيدربوا الطلبة إزاي يحللوا الأحداث ويقارنوا بين الماضي والحاضر.
في فرنسا وألمانيا، مفيش طالب يخلص ثانوي من غير ما يعدي على تاريخ بلده والحروب اللي خاضها والشخصيات اللي صنعت مستقبله.
🎯 الفكرة إن التاريخ مش رفاهية، ده أمن قومي.
لو الجيل الجديد مش عارف اللي حصل قبل كده، هيتكرر قدامه بنفس الأخطاء… وساعتها مش هيعرف يفرق بين الصح والغلط.
📝 عشان كده لازم ننادي إن التاريخ يبقى مادة أساسية لكل التخصصات، سواء علمي أو أدبي أو تجاري أو صناعي.
لأنك مهما اخترت طريقك، لازم تكون عارف طريق بلدك راح فين ورايح فين.
واخيرا هو طالب علمي رياضة ياخد احياء ليه هو هيستغني عن المسطرة ويستخدم المستقيم في الرسم !!
طالب ادبي ياخد احصاء ليه دا داخل ادبي هروبا من الرياضة
دا نفس التفكير العقيم
الاحياء مادة تخصصية تؤهلك للكليات الطبية ليس لها ادني علاقة بالحياة العامة ولا الثقافة ولا التفكير هي مادة لن ينتفع بها إلا الطالب الساعي للدخول للكليات الطبية فقط
