صعوبات تعلم وتنميه مهارات

تدليك الجذع لطفل متلازمة داون… الشغل اللي بيفرق فعلًا
أنا هتكلم معاكِ هنا كـ مختص ،
مش بوست تحفيزي،
ومش كلام عام…
لكن خبرة شغل حقيقي مع أطفال متلازمة داون وأهلهم.

كتير من الأمهات بتشتغل على:
✔️ الفم
✔️ القدمين
✔️ الرقبة
وده شغل مهم جدًا 👏
لكن في جزء محوري بيتنسي…
ولو اتنسي، التقدم كله يبقى بطيء:

الجذع (الظهر – الصدر – البطن)

ليه الجذع مهم؟
لأن الجذع هو:
مركز التحكم في الجسم
أساس الجلوس والحبو والمشي
أساس النفس السليم
والأساس الحقيقي للصوت والكلام
طفل متلازمة داون غالبًا عنده:
ضعف توتر عضلات الجذع
ارتخاء في الظهر والبطن
نفس قصير أو سطحي

وده يبان في:
تأخر الجلوس
تعب سريع
صوت واطي
تأخر الكلام رغم إن الفهم كويس
وده مش كسل
ومش تقصير منك
ده جزء من طبيعة المتلازمة… ويتصلّح بالشغل الصح.

نشتغل إزاي في البيت؟

1️⃣ تدليك الظهر
الطفل على بطنه أو على رجلك
تدليك براحة الإيد من أعلى لأسفل
حركات ثابتة، مش سريعة
⏱️ من 3–5 دقائق
✔️ يقوّي عضلات التثبيت
✔️ يساعد على الجلوس والحبو

2️⃣ تدليك الصدر
حركات دائرية خفيفة حول الصدر
بدون ضغط
مع تهوية كويسة للغرفة
⏱️ 2–3 دقائق
✔️ يفتح النفس
✔️ يحسّن جودة الصوت
✔️ يقلل الخمول

3️⃣ تدليك البطن
مع عقارب الساعة
ضغط خفيف ومنتظم
⏱️ 3 دقائق
✔️ يساعد على الهضم
✔️ يقلل الإمساك
✔️ يزود الإحساس الجسدي

أسئلة بتتكرر من الأمهات:
هل التدليك لوحده كفاية؟
لا.
هو أساس مهم،
لكن لازم يتبني عليه حركة + تفاعل + تكرار يومي.

من سن كام نبدأ؟
من أول الشهور… وكل ما بدري كان أفضل.

كام مرة في اليوم؟
مرة إلى مرتين
أفضل وقت: بعد الحمام أو قبل النوم.

لو الطفل رفض؟
نبدأ بثواني…
ونزود تدريجي
من غير ضغط ولا إجبار♥️

حبيبى ربنا يشفيك ويعفو عنك ويزيل عنك التعب والمرض 😢

اجمل فرعون من متلازمه داون

"نصائح مهمة لكل أم عندها طفل بيعاني من صعوبات تعلم

صعوبات التعلم مش نهاية الطريق، لكنها بداية لفهم احتياجات طفلك بطريقة صح!
لو لاحظتي إن ابنك عنده مشكلة في القراءة، الكتابة أو الفهم، متقلقيش، انتي مش لوحدك، وفي حاجات كتير تقدري تعمليها علشان تساعديه:

1. اتقبلي الطفل زي ما هو
أول خطوة للدعم الحقيقي إنك تتقبليه وتحبيه بدون شروط. ده بيديله ثقة في نفسه.

2. ابعدي عن المقارنة
مقارنته بإخوته أو زمايله هتحبطه ومش هتفيده. كل طفل له قدراته وطريقته في التعلم.

3. ركزي على نقاط قوته
حتى لو عنده صعوبات، أكيد فيه حاجات بيحبها أو شاطر فيها.. شجعيه واعملي عليه

وجود أخصائي تربية خاصة أو معالج نفسي ممكن يفرق كتير في تطوره.

4. اعملي روتين ثابت للمذاكرة
الروتين بيساعد الطفل يحس بالأمان والتركيز، وقللي وقت الشاشات قدر الإمكان.

5. استخدمي وسائل تعليمية ممتعة
الألعاب التعليمية والرسوم التوضيحية بتسهل عليه المعلومة.

6. اشكريه على أي تقدم حتى لو بسيط
كل خطوة بيعملها تستاهل تشجيع.. ده هيحفزه يكمل.

شاركي البوست مع كل أم ممكن تستفيد، وسبيلي في تعليق لو عندك تجربة أو سؤال.


Ragab

لا للتنمر

🔴 لا للتنمر.. نعم للحب والتقبل! 🔴 💔 "قالوا عني زِفت... ليه القسوة ليه الجرح؟ أنا طفل لسه بريء... ليه تحكموا من غير شرح؟" 🎶 أغنية مؤثرة تروي قصة طفل صغير يعاني من التأخر النمائي، لكنه يواجه التنمر بدلًا من الاحتواء! كلمات تلامس القلب، ورسالة لكل من نسي أن كل طفل هو إنسان يستحق الحب والاحترام. 🤲 ساعدونا بنشر التوعية ضد التنمر! كل كلمة طيبة تصنع فرقًا، وكل احتواء ينقذ روحًا. 🔹 برعاية مؤسسة "احمي طفلك" 🔹 #أنا_مش_زفت #لا_للتنمر #احتويني_ولا_تؤذيني #معًا_لحياة_أجمل

كان فيه طفلين عايزين يتفرجوا علي فيلم كارتون ...
بس الفيلم ده كان فيه لقطة صغيره جدا سيئة ...
لقطه سريعه مخله بالادب...

لكن باباهم رفض تماما ومنعهم من انهم يشوفوا المنظر ده.
وقتها قالوله مش من العدل ابدا انك تحكم علي فيلم كامل عشان لقطه واحده...
مش منطق يعني وكمان دي لقطة سريعه وعابرة..
بابا قالهم بكرة تعرفوا معني كلامي...

تاني يوم صحيوا من النوم لقوا باباهم محضرلهم تورتة شيكولاته شكلها تحفه وريحتها تجنن...

اتبسطوا جدا وقبل ما يبدأوا ياكلو قالهم :
قبل ما تاكلوا محتاج اقول لكم ان في قطعه صغيره جدا من ( براز ) القط بتاعنا موجوده في الكيكه.... ومش معروف مكانها فين...
قطعه صغيره جدا يعني مش هتحسوا بيها ...لكن باقي الكيكه تمام لا تقلقوا....

الشئ الغريب ان الاطفال رفضوا تماما يلمسوا حتي الكيكه!!!

وكمان قالوله الكيكه دي كلها تترمي في الزباله...ده مكانها الطبيعي!!!

قالهم انا مش فاهم فين المشكله ،
دي قطعه صغيره جدا لدرجة يمكن حتي ما تجيش في الحته اللي هتاكلوها ..
مش معقوله يعني تحكموا علي الكيكه كلها وتقولوا عليها زباله وما تنفعش بسبب قطعه صغيره!!!

الاطفال وضحوله ان حتي قطعه صغيره من القرف ده طبيعي تبوظ الاكله كلها وتحولها لشئ مقرف لا يصلح للأكل ابدا!!

ابتسم ابوهم وقالهم :
صح جدا .... وعشان كده ما ينفعش نشوف افلام فيها ما لايرضي الله وانتكاس للفطره حتي ولو لقطه صغيره ... الفيلم كله باظ ... ومكانه مزبلة التاريخ!

الاطفال فهموا وقتها وسكتوا بعد ما حسوا بحقيقة الموضوع.

خللي بالك..... دايما الخداع 99% عسل...و 1 % سم .
الحرب دلوقتي علي الهوية وعلي الدين وعلي الفطرة
َوكان لازم التربية بالقدوة وبالفهم وبالمثال النقي الطاهر مش بالضرب والعنف...



🌷احمي اولادك

ممنوع تماما جلوس الطفل في وضعية الw لانها🤷

_تتسبب فى انحناء مفصل الركبه والضغط على مفصل الحوض
_ تؤثر سلبا على نمو العظام والعضلات
_ينتج عنها ضعف عضلات البطن والظهر
_تؤدي دخول القدم للداخل اثناء المشى