29/08/2024
اول جزء في درس العلوم
دي قصه جميله
احنا عشان نقدر نعيش لازم نتأقلم في المكان الي عايشين فيه
دلوقتي الدنيا لما بتبقي ساقعه لازم نلبس جاكيت ممكن فرو عشان يبقي تقيل او بنلبس ملابس كتير
لكن لما الدنيا بتكون حر بنلبس لبس خفيف وفاتح
وكمان ممكن نشرب مشروبات ساخنه في الشتا والصيف بنشرب عصاير ساقعه
عشان نقدر نتأقلم او نتكيف في الجو والمكان الي عايشين فيه
واحنا من الكائنات الحيه بناكل ونشرب ونكبر يعني ننمو وبنتكاثر
اي كمان من ضمن الكائنات الحيه زي الإنسان
ممكن تخليه يفكر ويقول لوحده ( عندنا مثلا الحيوانات والنبات كمان )
طيب الحيوانات ازاي ممكن تتاقلم او تتكيف في المكان الي بتعيش فيه
عندنا مثلا الجمل
اشمعنا العرب زمان كانوا بيستخدموا الجمال في السفر الطويل
عشان ربنا خلق الجمل بيقدر يخزن الاكل والشرب لمده طويله عنده شنطه جوه جسمه اسمها سنام لما بياكل بيحط الاكل والشرب على شكل او هيئه دهون عشان لما يجوع ياخد حبه على قده ويشيل الباقيفبيقدر يتحمل الجوع والعطش لمده طويله جدا عشان كده اختروه يسافروا بيه فالسعر البعيد بدل الحصان لانه سريع زي الحصان بس هو بيقدر يستحمل الجوع والعطش لمده أطول
وهكذا بقا باقي الحيوانات
فبكده حنفهم ان التكيف معناه
خصائص ( يعني صفات بتميز كل واحد ) بتساعد الكائن الحي ( قولنا الي هو اي انسان وحيوان ونبات ) على البقاء والتكاثر في النظام البيئي الذي يعيش فيه ( يعني انه يقدر يعيش ويجيب اطفال في المكان الي عايش فيه والجو الي موجود فيه سواء حر او سقعه)
