معلمة رياض أطفال مس نعمة خالد

04/05/2026

مكُنتش فاهمة ان الغلط من عندي وقتها!🤦‍♀️💔
كنت بدخل الحصّة عادي وأبدأ أجهز البورد وأبدأ في الشرح مباشرة عادي جداا بس كنت بلاحظ ان الأطفال مش متحمسين ولا مركزين برغم انهم بيبقوا شايفين النشاط أو اللعبة الي هستخدمها في الشرح
، وكنت بقول هي حاجة من اتنين " يا إما شايفين النشاط ممل أو حصتي بشكل عام، يا إما هم جيل بايظ وزيرو تركيز"!😂😂
والحقيقة إني اكتشفت إنهم غلابة والله ونفسهم يركزوا معايا بس مش قادرين! 😅🥹♥️
آه مش قادرين!؛ لأن عقلهم فاصل ، بقالهم ساعة قبلي كانوا بياخدوا حصة تانية وكانت واخدة كل تركيزهم أو حصة P.E وتعباهم جسديا وذهنيا!
طيب مش بإيديهم ماشي ، ايه الحل بقى؟🙂🙂
الحل هو : الأنشطة الانتقالية الي بتكون بين الحصص أو حتى بين فقرات الحصة الواحدة ، تساعدهم يفصلوا ويقدروا يركزوا من أول وجديد زي ما بتعمل restart كدا للكمبيوتر بتاعك!

الأنشطة الانتقالية في مرحلة الروضة مش رفاهية… دي عنصر أساسي بيخلي اليوم الدراسي يمشي بسلاسة، ويمنع الملل أو الفوضى لما الأطفال ينتقلوا من نشاط لنشاط أو من مادة لمادة. الفكرة كلها إننا “نفرّغ الطاقة + نرجّع التركيز” في دقايق بسيطة ومن غير ما نغيّر المكان.
دي مجموعة ألعاب حركية خفيفة وسهلة التطبيق داخل الفصل 👇

1. لعبة “ إشارة المعلمة ”

المعلّمة تقول:

لمست رأسي → الأطفال يقلدوا

لمست كتفي → يقلدوا
وفجأة تعكس الحركة (تقول حاجة وتعمل حاجة تانية)
➡️ الطفل لازم يركز مش بس يقلد

مفيدة للانتباه والتركيز قبل بداية نشاط جديد

2. نطّات الحيوانات

قولي للأطفال:

نط زي الأرنب 🐰

امشي زي البط 🦆

ازحف زي الثعبان 🐍

كل حركة 10–15 ثانية
➡️ طاقة + ضحك + تفريغ شحنات

3. التصفيق الإيقاعي

اعملي نمط تصفيق: 👏👏 👏
وخليهم يكرروا وراكي

بعدها صعّبي الإيقاع شوية
➡️ بيجهزهم للتركيز والهدوء

4. لعبة “تجمّد” Freeze

شغّلي صوتك أو قولي: “حركة” → الأطفال يتحركوا
“تجمّد” → يثبتوا مكانهم

اللي يتحرك يخرج جولة واحدة (بشكل لطيف)
➡️ بتعلم التحكم في الحركة

5. امشي حسب التعليمات

قولي:

امشي ببطء

امشي بسرعة

امشي على أطراف صوابعك

امشي كأنك تقيل

➡️ بيعزز فهم التعليمات + تفريغ طاقة

6. تقليد المشاعر

قولي:

فرحان 😊

زعلان 😢

متفاجئ 😲

والأطفال يمثلوا بالحركة والوجه
➡️ نشاط خفيف + دعم للذكاء العاطفي

7. لفّة وثبات

الأطفال يلفوا حوالين نفسهم
أول ما تقولي “ستوب” يثبتوا

➡️ ممتع جدًا + بيضحكهم + بيرجع تركيزهم

8. لمس اللون

قولي: “المس حاجة لونها أحمر”
الأطفال يبصوا حواليهم ويلمسوا

➡️ مراجعة سريعة + حركة بسيطة

نصايح سريعة:

مدة النشاط: من 1 لـ 3 دقائق بس

بلاش تعقيد… البساطة هي السر

صوتك وحماسك أهم من أي أدوات

خليه مفاجأة مش روتين ممل

27/04/2026

🧑أهم الطرق لتنمية ذكاء طفلك بشكل فعال

💥اللعب الهادف:
وفري له ألعاب التفكير مثل الألغاز (Puzzles)، المكعبات، والبطاقات التعليمية التي تحفز الربط البصري والذهني.

💥القراءة التفاعلية:
لا تكتفي بالقراءة له، بل اسأليه عن توقعاته للأحداث لتنشيط خياله وتحليله المنطقي.

💥الحوار المفتوح:
شجعيه على طرح الأسئلة وأجيبي عليها بصدق، وناقشيه في تفاصيل يومه لتطوير مهارات النطق والذكاء الاجتماعي.

💥حل المشكلات:
بدلاً من حل مشكلاته فوراً، اسأليه "ماذا تقترح أن نفعل؟" لتنمية التفكير الاستنتاجي لديه.

💥بيئة غنية بالمثيرات:
اسمحي له باستكشاف الطبيعة، ممارسة الهوايات اليدوية، وتجربة أنشطة متنوعة (رسم، تركيب، تصنيف).

💥التعزيز المعنوي:
امدحي "المجهود والتفكير" الذي بذله وليس النتيجة فقط، ليبني ثقة في قدراته الذهنيه

22/04/2026

⸻

😤 العِناد عند الأطفال… ليس قلة أدب! ❤️

👶 عندما يقول طفلك: “لا!”
فهو لا يتحداك…
بل يحاول أن يشعر أن له رأيًا وشخصية

⸻

❗ لماذا يعاند الطفل؟

* يريد أن يشعر بالتحكم 🎮
* لا يفهم المطلوب جيدًا 🤷‍♂️
* متعب أو جائع 😴
* لا يعرف كيف يعبّر 🗣️

⸻

🚫 أخطاء شائعة:

* العصبية الزائدة 😡
* كثرة الأوامر 📢
* مقارنته بغيره ❌

👉 هذه الأشياء تزيد العناد ولا تقلله

⸻

✅ الحل الصحيح:

✔️ أعطه اختيارات:
“هل تفضل أن ترتدي هذا أم هذا؟”

✔️ تحدث بهدوء:
“أنا أفهم أنك لا تريد… لكن يجب أن نفعل كذا”

✔️ كن ثابتًا:
بدون صراخ أو توتر

⸻

🌱 علّمه تدريجيًا:

* الاستماع
* الاختيار
* تحمّل نتائج بسيطة

⸻

💡 الخلاصة:

طفلك لا يحاول أن يغلبك…
بل يتعلم كيف يكون “شخصًا”

22/04/2026

خالي بالك مش كل حاجة نقول عليها عناد
مش كل حاجة تستاهل شد وجذب.
لو الحاجة بسيطة (زي لبس معين أو لعبة)، سيبيه يختار… ده بيقلل العناد جدًا.
١- ادي له اختيارات بدل أوامر
بدل ما تقولي:
مش تقولي اقفل التليفزيون حالًا”
قولي:
هتقفله دلوقتي ولا بعد 5 دقايق؟”
كده هو حاسس إنه صاحب قرار.

اثبتي على كلامك
لو قولتي “لو ما سمعتش الكلام مش هتنزل”، لازم يتنفذ.
التراجع بيخليه يتمادى أكتر.

١- تجاهل العناد أحيانًا
لو بيزن أو يعاند بس عشان يلفت الانتباه، التجاهل الذكي بيخليه يهدى أسرع.

١-مدح السلوك الحلو فورًا
أول ما يتعاون حتى لو بسيط، امدحيه:
“أنا مبسوطة إنك سمعت الكلام بسرعة”
ده بيخليه يكرر السلوك.
————————
١-وقت هدوء مش عقاب
لو العناد زاد، خليه يقعد شوية لوحده يهدى (مش كعقاب قاسي، بس تهدئة).
٢-افهمي السبب
أحيانًا العناد بيكون:

* تعبان
* جعان
* عايز اهتمام
مش دايمًا “دلع”

⸻———————

أهم حاجة: ما تدخليش معاه في صراع قوة، لأنه لو حس إنها “مين يكسب”، هيكمل عناد أكتر
—————————
طيب تعملي إيه عشان يبقى عنده شخصية صح
1. اسمعي له بجد
لما يقول رأيه حتى لو بسيط، خليه يحس إن كلامه مهم:
“فاهمة إنك مش عايز تنام دلوقتي”
ده بيبني شخصيته بدون عناد.

1. ادي له مساحة اختيار
زي:
“تحب تلبس الأزرق ولا الأحمر؟”
كده بيتعلم يقرر، مش يعاند.

1. علميه إن في حدود
في حاجات ينفع يختار فيها، وحاجات لا:
النوم – الأكل – السلامة = مفيهاش نقاش
وده طبيعي ومش بيضعف شخصيته.

1. ما تكسريش رأيه طول الوقت
لو كل مرة نقوله “غلط”، هيبقى يا ضعيف يا عنيد زيادة.

1. امدحي السلوك مش الشخص
“عجبني إنك قلت رأيك بهدوء”
ده يقوي شخصيته بطريقة صح.

1. علميه يعبر مش يعاند
قولي له:
“قول أنا مش موافق بدل ما تزعل وتصرخ”
‏لكن لو كل حاجة لا مفيش نقاش كده ما هيكون عنده شخصية اما يكبر ولا يعرف ياخذ قرار لنفسه …

10/12/2024

طلابي الحلوين بعد ما هدوا حيلي طول اليوم 🤦
كتبولي ورقه فيها { I love you } 😁

18/11/2024

تساعد الأنشطة التشكيلية الإنمائية في بناء الطفل مفهوم إيجابي لنفسة وتنمي قدراتة وتزود له الحصيلة اللغوية وتلبي احتياجاتة النفسية وتراعي الفروق الفردية ده غير انه بتخلية واثق من نفسة فمهم جداً الأنشطة للأطفال الإنمائية وليست التقليدية أ ـ نعمة خالد جبر ♥️

12/11/2024

من مكتسبات العمل كمدرسة هي الحصول على الحب من الأطفال وهذا الحب هو ما يدفعنا نحو الإستمرار
لذلك أنا أحب مهنة التدريس
شكراً أثير مجدي♥️احلى كلمة بحبك واحلى وردة♥️♥️

31/10/2024

30/10/2024

-يا مس نعمة اديني نجمة لما اخلص
=ده انا هديك المجموعة الشمسية كلها بس خلص 😅

30/10/2024

أفضل أكاديمية على مستوى الحوامدية حرفياً 👏🏻💪🏻

21/10/2024

على فكرة سيدنا نوح مش هو اللى قصر فى تربية إبنه علشان الابن يطلع كافر .
😭😭😭😭
ولا (آزر )الكافر . عم.. سيدنا ابراهيم اجتهد ونجح فى تربية ابنه إبراهيم اللى أصبح رسولا نبيا.
🤷🤷🤷🤷
ولا يعقوب هو إللى زرع الغيرة والحقد فى نفوس أولاده لدرجة أنهم يتخلصوا من اخوهم الاصغر.
😞😞😞😞
كل ما فى الأمر أن الهداية بيد الله وحده
فما فيش داعى للافتخار وإنك تنسب هداية وأدب أبنك لنفسك ، وتنسى إن ده توفيق من الله يهدى من يشاء .
☝️☝️☝️☝️☝️
ولا فى داعى تجلد ذاتك لأن ابنك اللى بذلت جهد السنين معاه لسة بعيد عن ربنا وضل الطريق.
🤔🤔🤔🤔😔
الموضوع ببساطة :
(انك لا تهدى من أحببت ولكن الله يهدى من يشاء ).
🌿🌿🌿🌿🌿🌿
بلاش نغتر بصلاح ولادنا ،لانها مش بشطارتنا ده توفيق من الله وارحموا اللى ربوا ولادهم وخدوا بالاسباب لكن مالقيوش نتيجة ..لأنهم تعبوا و سعوا وعملوا اللى عليهم لكن النتيجة مش بأيديهم.

و لا ننسى أن العبرة بالخواتيم وأن الله لن يضيع من أحسن عملا