Mr.Mohamed Elkholy

هل دخولك على حساب Mr.Mohamed Elkholy .. فرق معاك!😍
قولي ياريت

والله يا جماعة الموضوع بقى يحزن
كلنا بنلاحظ إن أولادنا المراهقين دلوقتي غير زمان. مش قصدي أعمم لكن أغلبهم بقى عنده شعور غريب: لا مبالاة، زهق، وعدم تقدير لأي حاجة حواليه. اللي فاتح تليفونه 12 ساعة في اليوم ولا كأن الدنيا فيها حاجات تانية تعالوا نشوف المشكلة دي بالتفصيل وبالأمثلة اللي بنعيشها كل يوم.

أولا: عدم تقدير النعم
المثال الأول: التليفون الجديد
تجيبه أحدث موبايل بعد شهر يقولك "عادي كله بقى عنده زيه" تقوله إحنا كنا بنفرح بالقلم الجديد في المدرسة! يرد عليك: "دي حاجات زمان يا بابا".

المثال الثاني: الأكل
تحضر له أحلى أكل ويقول "مش جعان" وهو فاتح الثلاجة كل ساعة بيدور على أيه مش عارفه؟ النعمة اللي احنا كنا نتخانق عشان متخلصش من البيت هو مش حاسس بقيمتها.

المثال الثالث: المصروف
تدي له 200 جنيه مثلا في اليوم يقولك "أصحابي بياخدوا 500" يروح يصرفهم على أكل شارع ولا بلاستيشن ولما تطلب منه يشتري فول وطعميه وهو راجع البيت يقولك "مش معايا فلوس".

ثانيا: اللامبالاة بالدراسة
المثال الرابع:
تقوله "خلص واجبك" يقولك "مش مهم مش بروح الدرس وخلاص" 📚 ساعات كان زماننا بنموت خوف من المدرس النهاردة هما مش فارقة معاهم حاجة.

المثال الخامس: أيام الامتحانات
يقعد طول السنة يلعب على بلايستيشن ولا تيك توك يجي قبل الامتحان بيومين يقولك "أنا هحفظ الـ 20 صفحة دول؟ مستحيل" يروح ينام ولا يكمل والنتيجة تجيب دروس خصوصية في كل المواد عشان بس يعدي.

المثال السادس:
يدخل الفصل يطلع التابلت يفتح يوتيوب ولا ألعاب المدرس يشرح وهو واقف يتفرج على فيديوهات تيجي تسأله "إنت فهمت حاجة؟" يقولك "آه كل حاجة سهلة" وتيجي الامتحانات تلاقيه ناجح بالعافيه.

ثالثا: الإهمال في الصحة
المثال السابع: الأكل الصحي
تحضر له سلطة وفاكهة يبص لك بصة "إيه القرف ده؟" وداخل عليك البيت بالشيبسي والأندومى والمشروبات الغازية والوجبات السريعة تيجي تقوله "يابنى حافظ على صحتك دا انت لسه فى شبابك" يقولك "حاضر" وطبعا علشان ياخدك على أد عقلك وتسكت.

المثال الثامن: النوم
الساعة ٥ الفجر لسه قاعد على البلاستيشن عادى الصبح تقومه للمدرسة يقعد يظبط الموبايل ٥ مرات علشان يصحيه والحقيقه البيت كله بيصحى والباشا لسه بيفكر يقوم ولما تزعق وتقوله خلى عندك دم قوم بقى يضطر يصحى.

المثال التاسع: الرياضة
بدل ما يلعب كرة في النادي قاعد على الكنبة تحاول تشترك له في جيم ولا نادي يقولك "مش وقته" جسمه بقى ضعيف عينه تعبانة من شاشة الموبايل اللى هو اصلا عامله هاديه وضهره بيوجعه من القعدة الغلط ورقبته من الفرجه على الموبايل.

رابعا: العلاقات الأسرية المكسورة
المثال الحادي عشر: وقت العيلة
تنادي "تعالوا نتغدى سوا" يدخل ياخد الأكل على أوضته وقافل الباب لو قولتله "اقعد معانا" يقولك "هو أنا معرفش أقعد لوحدى شوية".

المثال الثاني عشر: الزيارات العائلية
تروحوا لبيت جدته يفضل ماسك التليفون طول الزيارة لو عمته او خاله تسأله "أخبارك إيه؟" يرد بصوت واطي "تمام" ويكمل في الشاشة.

ما تذاكريش لأولادك قدام أي حد
لا مذاكرة
ولا قرآن
ولا أذكار
ولا مواقف
و لا أكل
و علموا عيالكم اللي يسألهم حافظين قد إيه يردوا إن ماما وبابا قالولنا منقولش لحد!
صريحة كدا..

أقولكم؟
اللي حاسس من عياله ١٪ بس طاعة وأدب يخفيهم خالص.

و الأيام هتفهمكم ليه!
يارب ما يتضر أحد في أولاده ويقر عين كل أبوين بأطفالهم ويرزق كل مشتاق.

أصبحنا وأصبح الملك لله، والحمدلله ، لا إله إلّا الله وحده لا شريك له، له الملك وله الحمد وهو على كل شيء قدير، ربِّ أسألك خير ما في هذا اليوم ،و خير ما بعده، وأعوذ بك من شر هذا اليوم، وشر ما بعده، ربِّ أعوذ بك من الكسل، وسوء الكِبَر، ربِّ أعوذ بك من عذاب في النّار ،و عذاب في القبر.
اللهم ما أصبح بي من نعمةٍ، أو بأحدٍ من خلقك، فمنك وحدك لا شريك لك، فلك الحمد ولك الشكر.
يا حي يا قيوم برحمتك أستغيث أصلح لي شأني كلّه ولا تكلني إلى نفسي طَرْفَةَ عَيْن.

نموذج استرشادي الصف الثالث الاعدادي الترم الثاني بنظام البوكلت
محافظة الفيوم