Easy Englizy with Rahma Sha'ban

بدأت الكورس الاونلاين الصيفي بالفعل 👏🏻

تشجيع حلو بقى لميس مريم 😍
دلعت كيكو وفسحته فسح انا وهي متفسحنهاش 🤣
استنوا باقي السلسة 😌💖

ولأن Kiko بدأ الفكرة والفكرة لا تموت 😌✨
مين مستني باقي السلسلة 🫶🏻

من افضل الطرق للتعلم هي حفظ الكلمات في السياق.
مش هتتعلم كلمات فقط.. انا جهزتلك جمل مختلفة التراكيب عشان تتعلم تكوين جمل مختلفة كمان 👏🏻

صباح الخير 🌷

حابة أوضح نقطة مهمة بخصوص الكورس المجاني.

أنا بفضل الله بحاول أوفر المحتوى بأفضل شكل ممكن؛ بجهز خطة، بصمم الملازم، بشرح الدروس، وبرفع الفيديوهات والملفات بشكل منظم سواء على الصفحة أو الجروب، وبستخدم هاشتاجات لتسهيل الوصول لكل المحتوى في أي وقت.

لذلك، فضلاً وليس أمرًا، قبل إرسال رسالة خاصة لطلب ملزمة أو رابط شرح، أتمنى يتم البحث داخل الجروب أو من خلال الهاشتاجات الموجودة، لأن كل شيء بيتم توفيره بالفعل بشكل مرتب ومنظم.

وأعتذر مقدمًا عن عدم القدرة على متابعة الرسائل الفردية الخاصة بطلب الملازم أو روابط الدروس، لأن الوقت المتاح عندي بيكون مخصص لإعداد المحتوى الجديد، وتجهيز الملازم، وتصوير ورفع الشروحات ليستفيد منها الجميع. ولو خصصت وقتًا للرد على كل رسالة بشكل فردي، للأسف هيأثر على قدرتي على الاستمرار في تقديم المحتوى المجاني بالشكل اللي أتمنى يوصلكم.

كمان، التفاعل البسيط من حضرتكم - حتى لو مجرد لايك أو تعليق - بيفرق جدًا في وصول المحتوى لكم أولًا، وكمان لأولياء أمور تانيين ممكن يكونوا محتاجين يستفيدوا منه. التفاعل ده هو الدعم الحقيقي لاستمرار تقديم المحتوى، خاصة إني لا أحقق أي مقابل مادي من وراء هذا المحتوى، وكل هدفي إنه يوصل لأكبر عدد ممكن من الأطفال وأولياء الأمور.

وفي النهاية، أحب أشكر كل أولياء الأمور المتابعين والمتعاونين، واللي دائمًا بيقدروا المجهود المبذول وبيشجعوني بكلمة طيبة أو تفاعل بسيط ❤️

شكرًا لتفهمكم وتعاونكم دائمًا، وربنا يقدرنا نكمل ونقدم كل ما هو مفيد لأطفالنا 🌷

بقالي كام يوم تعبانة ومش قادرة اسجل..
استعذت بالله من الشيطان وقومت
لقيت الطابعة بايظة، ومعنديش مكتبات بتطبع قريب
قولت استخدم تابلت اخويا واشرح عليه
القلم ضاع، قولت اكتب بإيدي
الاستاند بتاع الفون اتكسر
قولت مش مشكلة واتصرفت
الشارع قام خناقة ومش هعرف اعمل مونتاج عشان الاشتراك خلص 🫢

الكورس ده مش فاهمة مش راضي يكمل ليه؟؟؟ 🥹