مبادرة ثانويه بدون توتر

الهبوط في مطار الانجاز!!

مطار كامل على أتم الاستعداد ورحلات جوية مختلفة دامت لمدة ١٠ ايام لكل دول العالم
خدمة مميزة في كل الخطوط الجوية والان وبعد رحلات كثيرة لأكتر من ٧٠ متطوع حان وقت الهبوط في مطار الانجاز

بعد الكثير من الإنجازات خلال الرحلات حبينا نعرفكم عض ردود الأفعال ل ٧٠ شخص شاركوا في رحلات الانجاز

كل الدعم لطلاب الثانويه العامه في امتحان غدا
بالتوفيق ليكم يا أبطال

البوست ده لطلاب الثانوية ونصائح مهمة قبل الامتحان

في البداية لازم تعرف إنك بطل بكل المقاييس، وإن الامتحان أو المجموع مش هو المقياس الوحيد لتعبك ومجهودك. أنت تعبت واجتهدت، وربنا سبحانه وتعالى لا يضيع تعب أحد.

✨ نصائح مهمة قبل الامتحان:

1️⃣ توكل على الله وخليك واثق إن ربنا هيختار لك الخير ويوفقك.

2️⃣ ابعد عن التوتر لأنه أكبر سبب للتشتت ونسيان المعلومات.

3️⃣ ثق في مذاكرتك، إحساس إنك ناسي كل حاجة قبل الامتحان طبيعي جداً ، وأول ما تبدأ الحل هتفتكر بإذن الله.

4️⃣ نام كويس من 6 إلى 8 ساعات، ومتستبدلش النوم بالسهر للمذاكرة.

5️⃣ كل كويس واشرب مياه قبل الامتحان، وجهز كل حاجتك من بالليل.

6️⃣ اقرأ السؤال بهدوء وتركيز قبل ما تجاوب، لأن فهم السؤال نصف الإجابة.

7️⃣ بعد ما تخرج من اللجنة متراجعش الإجابات، اقفل صفحة المادة وركز في اللي بعدها.

8️⃣ افتكر دايماً إن ربنا مش هيضيع تعبك، وإن الخير اللي كتبهولك هيوصلك في الوقت والطريقة اللي تناسبك. 🤍

في النهاية..
ثق بالله، ثق بنفسك، وادخل الامتحان وأنت عارف إنك عملت اللي عليك.

ربنا يوفقكم جميعاً ويكتب لكم النجاح والتوفيق. 🌷

ليه مفيش مبادرة لطلاب الجامعات!!

سؤال بيتكرر كتييير جدا علشان كدا جايين ليكم بفكرة جديدة ومختلفة لطلاب الجامعات "متطوعين المبادرة"

بما اننا في فترة امتحانات فقولنا مينفعش نكون بنساعد الطلاب على الإنجاز والمتطوعين مش بينجزوا
فقررنا نعمل حاجة تساعد المتطوعين على إنجاز تاسكاتهم زي ما بنعمل مع الطلاب

ولكن علشان الموضوع يكون كرياتڤ اكتر اعتمدنا على إن جلسات المذاكرة تكون عبارة عن رحلات سفر لدول مختلفة كل رحلة بعدد ساعاتها تساوي جلسة إنجاز

وبكدا نكون حققنا كذا هدف
١/ وأهمهم الانجاز ودا الحمد لله تحقق
٢/ البُعد عن الروتين قدر الإمكان
٣/حرص كل متطوع على إتمام الرحلة بحيث مينفعش يعمل هبوط اضطراري في أي مطار

عدد المشاركين في رحلات السفر الى الآن ٧٠ طالب وطالبة من كل جامعات مصر الأزهر والعام والجامعات الأهلية والخاصة مع اختلاف تخصصاتهم وكلياتهم

إليكم بعض تأشيرات السفر وإنتظروا مزيد من الاخبار نُطلعكم عليها أولًا بأول فكونوا معانا

البوست ده لطلاب الثانوية ونصائح مهمة قبل الامتحان

في البداية لازم تعرف إنك بطل بكل المقاييس، وإن الامتحان أو المجموع مش هو المقياس الوحيد لتعبك ومجهودك. أنت تعبت واجتهدت، وربنا سبحانه وتعالى لا يضيع تعب أحد.

✨ نصائح مهمة قبل الامتحان:

1️⃣ توكل على الله وخليك واثق إن ربنا هيختار لك الخير ويوفقك.

2️⃣ ابعد عن التوتر لأنه أكبر سبب للتشتت ونسيان المعلومات.

3️⃣ ثق في مذاكرتك، إحساس إنك ناسي كل حاجة قبل الامتحان طبيعي جداً ، وأول ما تبدأ الحل هتفتكر بإذن الله.

4️⃣ نام كويس من 6 إلى 8 ساعات، ومتستبدلش النوم بالسهر للمذاكرة.

5️⃣ كل كويس واشرب مياه قبل الامتحان، وجهز كل حاجتك من بالليل.

6️⃣ اقرأ السؤال بهدوء وتركيز قبل ما تجاوب، لأن فهم السؤال نصف الإجابة.

7️⃣ بعد ما تخرج من اللجنة متراجعش الإجابات، اقفل صفحة المادة وركز في اللي بعدها.

8️⃣ افتكر دايماً إن ربنا مش هيضيع تعبك، وإن الخير اللي كتبهولك هيوصلك في الوقت والطريقة اللي تناسبك. 🤍

في النهاية..
ثق بالله، ثق بنفسك، وادخل الامتحان وأنت عارف إنك عملت اللي عليك.

ربنا يوفقكم جميعاً ويكتب لكم النجاح والتوفيق. 🌷

اهلا بابطالنا اللي دايماً رافعين راسنا🤍
عارفين إن الثانوية الأزهرية مش سهلة… لأنك مش بتذاكر مواد ثقافية بس، ده انت كمان شايل مواد شرعية وعربية محتاجة حفظ وفهم وتنظيم كبير 👏🏻
وعشان كده السر مش في عدد ساعات المذاكرة… السر الحقيقي في ذكاء الإدارة

وهنا شوية نصائح هتساعدك👇🏻
✨ متضغطش نفسك بجداول خيالية
خليك واقعي وحدد كل يوم:
(مادتين ثقافي + مادة شرعي أو عربي)
كده توازن بين الفهم والحفظ من غير تراكم ولا ملل.

✨ القرآن خط أحمر
حتى لو نص ساعة يومياً للحفظ والمراجعة هتفرق جداً معاك، المهم الاستمرار وعدم التأجيل.

✨ اشتغل بنظام الـ 50 دقيقة
50 دقيقة تركيز تام
10 دقايق بريك بعيد عن الموبايل والسوشيال ميديا.

✨ البوكليت والامتحانات أهم من القراءة الكتير
الفترة دي حل ثم حل ثم حل… لأن الامتحانات هي اللي بتثبت المعلومة وبتكشف نقاط ضعفك بسرعة.

✨ متجلدش نفسك على اللي فات
الوقت اللي باقي كافي جداً بإذن الله لو بدأت من دلوقتي واستعنت بالله
كل يوم خلص فيه 3 مهام أساسية بس، واعتبر يومك ناجح

✨ والنوم مش رفاهية
عقلك محتاج راحة عشان يعرف يجمع بين الحفظ والفهم، فنام كويس عشان تركيزك يفضل ثابت.

اعمل اللي عليك واسعى وربنا هيكرم تعبك بإذن الله 🤍

كل عام وعيلتنا الكبيرة بألف خير🤍🎉
متطوعينا الأبطال اللي بيصنعوا الأثر بحب وطلابنا الغاليين اللي بنعافر عشانهم دايمًا🤍🙈
عيد أضحى مبارك عليكم جميعًا ويارب دايمًا ناجحين، ومحققين كل اللي بتتمنوه، وفي أحسن حال

كل طالب عنده مادة أول ما يسمع اسمها يحس إن يومه اتقفل

في اللي بيعاني مع الرياضة،
وفي اللي الفيزياء بالنسباله كابوس،
وغيرهم شايفين إن اللغات أو النحو أصعب حاجة ممكن يذاكروها!

بس الحقيقة إن كلنا بنمر بنفس الضغط أوقات،
وعادي جداً إن تكون في مادة محتاجة منك وقت ومجهود أكتر✨

قولنا بقى في الكومنتات 👇
إيه أكتر مادة صعبة عليك؟
وإيه السبب اللي مخليها بالنسبالك الأصعب؟ 👀

ببالغ الحزن والاسمى تنعي مبادرة ثانوية بدون توتر
القائد أمتية عبدالغني
في وفاة المغفور لها بإذن الله جدتها
سائلين المولى عز وجل أن يتغمد الفقيدة بواسع رحمته

بطل واحد مش كفاية🙈
نظرًا للمنافسة القوية اللي شفناها، والمستوى المتقارب جدًا اللي خلانا في حيرة حقيقية وقت التقييم.. كان لازم القرار يكون استثنائي زي أداءكم🤍
لأن المجهود من الفريقين كان جبار اللهم بارك🤩
فقررنا بفضل الله إعلان فوز الفريقين بالمركز الأول🏆🥇
ألف مبروك لنجوم التحدي:
🥇فريق [وسم] & فريق [بوينت في الجيب]🥇
شكرًا لأبطالنا رفعتوا راسنا، وخليتوا التحدي له طعم تاني🔥
موفقين دايمًا يا أبطال🤍

بطل الحكاية هو اللي بيكمل للآخر🎯
مين قال إن المنافسة خلصت؟ دي لسه بتبدأ💪🏻
النهاردة المواجهة الحقيقية بين (بحري وقبلي).. مفيش حد أحسن من حد بس فيه حد مركز أكتر من التاني😉
الجولة الأخيرة دي محتاجة عين على الهدف، وروح مبتستسلمش👌🏻
فريق (وسم) وفريق (بوينت في الجيب).. انتوا الاتنين أبطال، بس الكاس واحد والقمة مابتشيلش اتنين🥇
اثبت مكانك.. ركز في هدفك.. وانزل احسم الجولة!🔥
موفقين يا أبطال بإذن الله🤍