Attallah kids care د.عبدالله عطاالله

⚠️

وحشتوني جدا وبعد السلام والاطمئنان🥰
نود ان ننوه ان الأعراض المنتشرة هذه الأيام في الأطفال والكبار مثل حرارة مستمرة تطول لمدة ٦ ايام قد وجد ترشيحات عالمية انه يكون فيرس hMPV🧐

وكالعادة احنا لا بنقلق ولا بنخاف احنا متعودين كل شتا على علقة كده سخنة تستمر فترة معينة ثم تنطفئ تدريجيا ولا يوجد خوف من شئ🤝

هو فيرس شبيه بالانفلونزا لكن حرارته بتطول شوية ممكن توصل إلى ٦ ايام مع احتقان الحلق الكحة المستمرة والعطس🦠

لما الحرارة تطول اكتر من ٣ ايام يفضل عمل صورة دم مع احتمالية اكبر للاحتياج للمضاد الحيوي ويفضل زيارة الطبيب حينها🥼

بعد الشر لما ابنك يسخن ما توديهش مدرسة ولا حضانة اولا لراحته ولإعطاء جهازه المناعي فرصة للتغلب على الفيرس ولسرعة الاستجابة للحرارة اللي بتوصل الي
درجة حرارة ٤٠ في بعض الحالات🥵

وارد القصة تبدأ بالتهاب في الحلق مع كحة ثم تقلب نزلة معوية😇

لا داعي للقلق والخوف اطلاقا ، نولي اهتماما اكبر للرضع وحديثي والولادة والعمر اقل من سنة واكتر من ٦٠ عاما تحوطا لانه ممكن يعمل التهاب شعبي شديد او التهاب رئوي لا قدر الله⚠️

دمتم بحفظ الله ورعايته، و وحشتوني تاني 💚

للتذكير في علاج النزلات المعوية للأطفال ؛🤮

🤚الترجيع بإذن الله بيقف بالعلاج.
🤚السخونية بتتحسن بإذن الله بالعلاج.
🤚لكن الإسهال بياخد وقته وبيقف، أهم شئ نتذكره ان علاج الاسهال هو التعويض بمحلول الجفاف أو أشربة الجفاف الجاهزة.
😔مفيش علاج بيوقف الإسهال في يوم او نص يوم للأسف
مدة الإسهال ممكن تتراوح من ٣-٤ أيام الي أسبوع.

😅تاني، أهم شئ في الإسهال هو تعويضه.

د. عبدالله عطاالله
أخصائي الأطفال والحالات الحرجة للأطفال

عيدكم مبارك 🌹

😆

في ظل هذه الأجواء الحارة🥵
وفي ظل ان لسه في أمهات مصممة تلبس أطفالها ب ٣ او ٤ قطع والأطفال يعيني بيفرهدوا ويسخنوا من كتر الهدوم 🫠
منقدرش نحكم على أي حرارة بدون ترمومتر ( ديجيتال او زئبقي)
الترمومتر في بيتك أهم الطاسة التيفال وماسك الوش بالجرجير وزيت الشعر بالصبار 😅

د. عبدالله عطاالله
أخصائي الأطفال والحالات الحرجة للأطفال وحديثي الولادة