CALCHE

* #الشغل و #النجاح فى العمل من أكتر المواضيع اللى بتشغل فكر كل أنسان و يمثل حوالى 70% من تفكيره و سعادته و كمان أسقراره النفسى متوقف على نجاحه و تقدمه فى العمل. الشغل و التقدم و الترقى يعنى حياة أفضل و دخل أكتر و أسقرار أكتر و أسلوب حياة أفضل و مستوى اجتماعى أحسن و صحة أفضل.....
* و فى نفس الوقت الظروف الاقتصادية بقت أصعب و فرص العمل قلت و الدنيا غالية و مستوى التعليم مش كويس يعنى فيه مشاكل كتير بتواجه الشباب و الموظفين فى حياتهم العملية
"كن متأكد أنك مش لوحدك فى الظروف دى "
* أنت عارف أن حوالى 60 % أو أكتر و خاصة خيريجى الجامعات الحكومية و المعاهد من الشباب حديثى التخرج أو حتى اللى بقالهم 5 سنين متخرجين مش لاقيين شغل أو مش لاقيين شغل مناسب لهم أو المرتبات ضعيفة جدا ... و فى نفس الوقت تلاقى كتير من الموظفين مش لاقيين نفسهم فى الشغل اللى بيشتغلوه .. و برضوا فيه ناس مش عارفين يلاقوا نفسهم و لا يحددوا الكرير بتاعهم أو مش عارفين يطوروا من نفسهم أزاى.......
( فاكيد أنت مش لوحدك اللى بيواجه أيا من المشاكل دى )
* زمان كان فيه بطالة برضوا لكن مجالات العمل كانت محدودة لكن دلوقتى مع التقدم العلمى بقت كتير أوى و عملت تشتت للشباب و بقى فيه شباب كتير أوى تايهة مش عارفة أى مجال عمل أفضل لهم أو أى مجال عمل مناسب لهم.
" لو أنت من الشباب دى فبرده فيه شباب عندهم نفس المشكلة "
* فيه شباب سايبة نفسها للظروف يعنى بتشتغل أي حاجة و خلاص .... صحيح ممكن الاحتياج المادى يخلى الواحد يشتغل أى حاجة متاحة و لكن هل هتفضل كده و تقضى وقتك تشتغل أى حاجة متاحة وخلاص و فى الاخر و بعد سنين من العمر تلاقى نفسك معملتش أى كرير و لا أتقدمت فى حياتك ... ممكن الظروف تخليك تشتغل أى حاجة بس تكون لفترة محددة و تكون حاطط خطة لتحقيق ذاتك.
" لو أنت من المجموعة دى فأنت مش لوحدك فى الظروف دى بس هل أنت سايبها و لا حاطط خطة علشان تخرج من الحلقة المفرغة دى "
*فيه شباب كتير بيجلهم أحباط و أكتئاب و بيستسلموا ... طب لو الواحد عمل كده أكيد الحالة النفسية عنده مع مرور الوقت هتكون أسوء و شغف الحياة هينعدم و كمان فرص العمل فى المستقبل هتكون شبه معدومة.
" لو أنت فى المرحلة دى يبقى لازم تلحق نفسك "
*فيه شباب تانية عايزة تطور من نفسها و لكن مش عارفة تعمل أيه أو بتاخد كورسات فى أى حاجة و فى أى مكان و خلاص علشان تلاقى أى شغل مناسب و ده فى أهدار للوقت و الفلوس و هنا بيكون السبب الرئيسى أنك مش محدد هدفك.
" لو أنت تايه فأكيد مش لوحدك لكن لازم تعرف أفضل مجال عمل مناسب لك علشان توفر وقتك و فلوسك "
* و اكيد و كلنا عارفين و شايفين أن فيه مشاكل كتيرة فى سوق العمل و معظم المرتبات ضعيفة و فيه شركات كتير بتقفل و فيه موظفين بيسيبوا الشغل و لكن فى نفس الوقت فيه شركات كتير بتفتح و فيه مرتبات بتبتدى من 10 الاف أو أكتر
و أكيد أنت عارف أن فيه موظفين مرتباتهم 120 الف
وبرده أكيد أنت عارف أن فيه أستثمارات و مشاريع كتير داخلة البلد
طب سؤال مهم أوى تسأله لنفسك
هو انا هفضل كده ؟
طب هو المفروض تكون مستعد قبل الفرصة ما تيجى و لا تبتدى تجهز بعد ما الفرصة تيجى؟
*لازم تكون عارف أنك صاحب القرار أما تكمل زى ما أنت أو لازم تتغير و تطور من نفسك و لازم تكون عارف أن لكل قرار ثمن يعنى لو هتفضل زى ما أنت فأكيد فيه ثمن و هو الاحباط و الاكتئاب و هيفضل دخلك قليل و لكن لو هتقرر أنك تتغير هيكون فيه تعب و دراسة و تطوير لكن فى الاخر حياتك هتختلف.
الخلاصة :
* لو عندك أي مشكلة من المشاكل دى فأكيد الصفحة دى تهمك و هتفيدك
* أحنا عملنا الصفحة دى مخصوص علشانك و علشان تقدر تحدد هدفك و تطور من نفسك و تلاقى #الشغف و تقدر تفكر بشكل مختلف و تعرف تحدد أى مجال أفضل و أزاى تحط خطة نجاح.......
*هنتكلم فى كل حاجة ليها علاقة بالشغل و سوق العمل و أيه متطلبات النجاح و يعنى أيه Career Coaching و يعنى ايه Career Test & Personal Evaluation.
* كمان هنتكلم عن ال Hard Skills & Soft Sills و أيه الفرق بينهم
* هنتكلم عن بعض المواضيع المهمة فى التنمية الذاتية و أهميتها
* كل شغلانة لها متطلباتها فى المهارات الذاتية فهنحاول نتكلم عن كل وظيفة و أيه المهارات المطلوبة لكل وظيفة علشان تقدر تركز عليهم.
* و كمان هتتعلم أزاى تعتبر نفسك كمشروع قائم بذاته
* و بما أن الانسان جزء لا يتجزء و أن المشاكل النفسية بتأثر على حياة الانسان بصفة عامة بما فيها العمل فبرضوا هنتطرق لبعض و أهم المشاكل النفسية و اللى غالبية الشباب بتتعرض لها.
صفحة Calche هى أول صفحة تناقش مشاكل سوق العمل بواقعية و تساعد الشباب على تطوير نفسهم بشكل صحيح

#التوظيف

#كورسات
#النجاح
#تنميةبشرية

للأسف أكثر من 90% من الشباب الراغبين فى الحصول على دورات تدريبية و #كورسات يبحثون على شهادات معتمدة و عليها ختم النسر بغض النظر عن مدى جودة محتوى الكورس أو مدى أستفادتهم من هذا الكورس.
و للأسف الشديد معظم دكاترة الجامعات يحثون الشباب على ذلك و بيقولوا لهم "جمعوا شهادات على قد ما تقدروا "
و لكن فى حقيقة الامر أن صاحب العمل لايهتم من الاساس هل هى شهادات معتمدة أو لاء بقدر أهتمامه بأستيعاب الموظف و مدى أستفادته من الدورة التدريبية.
فمثلا لو شاب أخد دورات تدريبية فى اللغة الانجليزية و حصل على شهادات معتمدة و لكن فى الأنترفيو لم يستطع التحدث باللغة الانجليزية هل صاحب العمل هيقبله علشان معاه شهادة معتمدة ؟ و من ناحية تانية لو واحد تانى أجتهد و أشتغل على نفسه و أتعلم اللغة على طريق الانترنت أو اليوتيوب و فى الانترفيو أجاد اللغة و تحدث بلباقة هل صاحب العمل هيرفضه علشان معهوش شهادة معتمدة ؟
أكيد طبعا لاء
المهم أنك تختار المكان الصح و اللى هتستفيد منه بجد و الموضوع مش بكتر الشهادات و لكن الموضوع بقدر أستفادتك من أى حاجة بتدرسها.
حاول تشغل عقلك و ما تخليش أى حد أو أى مركز تدريب غير مؤهل يضحك عليك و يفرحك بكم الشهادات أو هى معتمدة و لا لاء.
يعنى مثلا و بالصدفة أتبعت ليا أعلان عن مكان بيدى كورسات و الأعلان بيقول " خد 20 كورس فى أسبوع " هل ده ممكن يعقل؟
هل أى حد هيشترك هيستفيد بأى حاجة ؟ و لو أشتركت يبقى أنت بتضحك على نفسك
مع العلم أن أصغر كورس من الكورسات المذكورة مدته الفعلية لأ يقل عن أسبوعين ؟
فكر صح و ما تسترخصش و لا تجرى ورا الوهم و لا كتر الشهادات.
أنت اللى هتدفع الفلوس و أنت اللى هتستفيد و أنت اللى هتكتب الكورسات دى فى ال C.V و أنت اللى هتروح الانترفيو و أنت اللى هيختبروك مش أى حد تانى.
القرار .....قرارك

#التوظيف

#كورسات
#النجاح
#تنميةبشرية

#التوظيف

#كورسات
#النجاح
#تنميةبشرية