Scienceology - Ms/Nada Darweesh

عندي طلبة في الإمتحانات جايبين الدرجة النهائية، وطلبة جايبين درجة كويسة، وطلبة جايبين درجة مش كويسة..

الغريب إن أنا اللي بدرّس للتلاتة
فالطالب اللي مقفل الدرجات أخد عني فكرة إن أنا مدرس شاطر جداً عشان خليته يقفل، والطالب اللي جايب درجة كويسة أخد عني فكرة إن أنا مدرس كويس ومش بيتكلم، والطالب اللي جايب درجة وحشة أخد عني فكرة إن أنا مدرس وحش عشان خليته يجيب درجة وحشة..

والحقيقة إن كلهم غلط
الدرجة اللي كل واحد جابها بتاعته هو حسب مذاكرته وذكاءه، والحل اللي بيحله
( أنا بعمل اللي عليا وبقول كل الأفكار وبسهل عليهم الأمور و بسهل توصيل المعلومات لكن مش أنا اللي هخليك تقفل أو تجيب درجة وحشة، ما هو المدرس مش ساحر يخليك تقفل وانت مش مهتم ولا في دماغك )
عقلية الطالب بتفرق جداً
والمدرس ما هو إلا عامل مُساعد بيسهل عليك الطريق بنظامه..

-ميس حموكشة ابني محلش الواجب سامحيه المرادي
- ميس حموكشة ابني محلش الواجب شدي عليه انتي بقي
- ميس حموكشة ابني مش بيزاكر شدي عليه شوية
- ميس حموكشة ابني جايب درجة وحشة ف الامتحان شدي عليه شوية

ما تجربو تشدو انتو شوية يا جماعة على عيالكم يمكن الموضوع يجيب نتيجة
On the other side

ـ ميس انتي بتدي واجبات كتير علي العيال
ـ ميس انتي بتشدي علي العيال ليه كدا مش هيحبو المادة
ـ ميس انتي زعقتي لابني ليه و احرجتيه
ـ ميس ابني مش هيحضر معاكي تاني عشان انتي زعقتيله و احرجتيه لما جه بعد نص الحصة ما خلصت و كمان زعقتيله لما محلش الواجب

و الكثير و الكثير من ميس ميس ميس ميس ميس ميس ميس ميس

والله العظيم الواحد ما عارف يعملكم ايه 😂😂😂😂😂😂😂😂😂

هابي شم نسيم يا حلوين

حصص بكرا ف مواعيدها ومفيش إجازة

الوانك و البيض و رنجتك و بصلك و اياك تجيب فسيخك و تيجي السيشن بكرا يا حلو نشم النسيم سوا احنا و المنهج 😂❤️❤️

ما تدعوش علىٰ المدرسين لما تلاقوا الواجبات كتير علىٰ الولاد أو تلاقوهم شرحوا درسين وأكتر في حصة واحدة..
ادعوا علىٰ اللي حط ووافق علىٰ المناهج دي..

نظرا للأحوال الجوية غير المستقرة:

وزير التربية والتعليم يقرر منح المدارس أجازة يومي الأربعاء والخميس المقبلين

الثلاثاء ٢٤ مارس ٢٠٢٦

نظرا للأحوال الجوية غير المستقرة التي من المتوقع أن تشهدها بعض المحافظات بداية من الغد الأربعاء، وجه السيد محمد عبد اللطيف وزير التربية والتعليم والتعليم الفني، بمنح جميع المدارس على مستوى الجمهورية، أجازة خلال يومي غد الأربعاء وبعد غد الخميس، على أن تكون الأجازة للطلاب والمعلمين وكافة العاملين بالمدارس، وذلك بهدف تحقيق تكافؤ الفرص بين جميع الطلاب على مستوى الجمهورية، والعمل على حماية أبنائنا الطلاب من التعرض لأي مخاطر نتيجة سوء الأحوال الجوية.

كل سنة وكل الماميز الي عندي طيبين و بخير
كل سنة وانتم super mum
كل سنة وكل ام فيكم شايفة ولادها احسن الناس وفرحانة بيهم
أنا حقيقي بشكر كل ام فيكم علي تعبها مع ولادها و اهتمامها بيهم و مزاكرتها معاهم و مساعدتهم ليا ف اننا نطلع طلبة شاطرة علمياً و أخلاقياً 🤍🤍
Happy Mother's Day

عيد فطر مبارك .🎉🌙

ربنا يديم عليكم الفرحة ويحقق لكل طلابنا النجاح

كل سنه وانتم طيبين ❤️

لما انزل استوري بشكتي من أولياء الأمور
ولية الأمر اللي شلاني 😂

غداً الأربعاء المتمم لشهر شعبان؛
والخميس أول أيام شهر رمضان المبارك.

لأجل أننا مُسلمون وتعظيم شعائر الله فريضة
رمضان مُبارك، وكُل عامٍ وأنتُم بخير. ♥️🌙

في نوعية من أولياء الأمور و الطلبة أنا مش بحبها نهائي و بسميهم قطاعين ارزاق ، ليه بقي ؟ عشان يبقي في حد قدامهم بيسأل علي مدرس كويس ف المادة الي انت بتشتغلها و نفسك عدد طلابك يزيد و تتعرف اكتر و دا ميرضاش يقول إنه بياخد معاك أو يرشحك أو يقول اصل الميس مش بتقبل حد جديد او مكتفية بالعدد كل دا عشان بس عدد الطلبة ميزدش عندك و يبقي ابنه أو بنته بياخد لوحده أو ف عدد قليل وكدا كدا بيدفع سعر قليل ، مع أنه لو رشح المدرس ممكن يكون المدرس عنده مواعيد تانية و مجموعة تانية و يبقي بعيد عن ابنه أو بنته تماما

الموضوع دا انا اتكلمت فيه لأن بيوصلني الكلام دا و بيوصلني أن احنا كنا عايزين ناخد معاكي يا ميس بس فلانة قالتلنا الميس مش بتقبل حد جديد او مكتفية بالعدد و اتحرجنا نكلمك أو عرفنا بالصدفة أن فلان بياخد معاكي مع اننا سألناه علي مدرس كويس مرضاش يقولنا عليكي و كلام كتير شبه كدا

أنا بس عايزة أقول إن دي مش جدعنة ولا شطارة من ولي لأمر و أنه لما يعمل كدا المجموعة هتفضل زي ماهي لا هي هتزيد بردو لأن طول ما ربنا كاتب الرزق هيجي بأي طريقة كانت سواء عن طريقك أو عن طريق غيرك كدا كدا هيجي ، ف ارجو منبقاش من قطاعين الارزاق من غير ما ناخد بالنا و نحب الخير لبعض و منستكترش الزيادة أو النعمة علي بعض

🔥✨ طلاب الصف الثاني الإعدادي! ✨🔥

مستعدين للترم الجديد؟ بكرة التلات، هتكون معاكم ميس:
ندى درويش

خبيرة مادة (Science – Integrated Science – Biology)،
بأسلوبها المميز والعملي هتخليك تفهم المادة بسهولة وتحب المادة بدل ما هي صعبه عليك،
وهتساعدك تبني أساس قوي تقدر تعتمد عليه في امتحاناتك وتجيب اعلى درجه يا بطل 💡🧬

🕒 موعد الحصة بكرة ان شاء الله👀
الثاني الإعدادي | الساعة 3:00 عصرًا

في سنتر لورد أكاديمي، بنوفر لك:
✅ فريق مدرسين محترفين وذوي خبرة
✅ بيئة تعليمية داعمة ومريحة
✅ برامج تعليمية متطورة تناسب كل المستويات
✅ متابعة مستمرة لضمان أفضل النتائج

مستني ايه؟؟ ، احجز مكانك وابدأ الترم معانا بثقة ونجاح! 🚀💪

📍 مكاننا:
آخر فيصل – 13 شارع سليم – برج ناصر
خلف الموقف الجديد
أمام مدارس المستقبل الحديثة (بوابة عربي)

https://maps.app.goo.gl/nzazsPbJNQVUWPFa8

📞 للحجز والاستفسار:
01211145124
0233845672