CDSI

العلم مش المشكلة.
اللغة هي المشكلة.

2.5 مليار إنسان فيهم عقول عبقرية، بس محرومين من المعرفة لأن مفيش حد ترجمها للغتهم.

احنا جايين نحل المشكلة دي.

🎯 الهدف: 10 مليون مستخدم بنهاية 2026

ايه اللي بنعمله؟
بدأنا بكتب هندسة البرمجيات - مشروحة بالعربي والإنجليزي والإسباني والبرتغالي.
بس دي مجرد البداية.

الرؤية الكاملة؟
كل كتاب انتجته البشرية، مترجم ومشروح بكل لغة حية في العالم.
ومين هيعمل دا؟ المجتمع. انتم.

ليه دي مش منصة عادية؟
✨ عدّل شروحات الـ AI وخليها أحسن
✨ شارك معرفتك وابني جمهورك الخاص
✨ اكسب ولاء حقيقي من ناس بتتعلم منك فعلاً

دي مش مجرد منصة تعليم.
دي ثورة في طريقة التعلم والتواصل.

خطوتك الأولى:
1️⃣ سجل على cdsi.cc
2️⃣ اختار أول كتاب
3️⃣ بلغنا بأي مشكلة - كل تعليق بيساعدنا نكمّل

دي اللحظة اللي تقدر تقول فيها "أنا كنت هناك من الأول"

ساعدنا نبني فريق قادر يغير شكل التعليم مرة واحدة والى الأبد.
ملحوظة: علشان تاخد احسن تجربة مستخدم افتح الموقع من كمبيوتر او لاب توب، بلاش الموبايل.
شكرا من القلب ❤️

حاليا بندور على متطوعين يساعدونا في شرح وترجمة الكتب الموجودة على المنصة وكمان مطورين next.js، المنصة مجانية تماما ومفيهاش حتى اعلانات الى وقتنا الحالي. هتقدر تشير الشروحات على حساباتك في مواقع التواصل وهتقدر تبقى مشهور جدا في فترة قصيرة جدا مقارنة بأي منصة تانية. كمان الجمهور بتاعك هيكون اكثر ولاء من جمهورك على اي منصة تانية.

المنصة بتاعتنا بتستهدف 2 الى 3 مليار انسان لايتحدث باللغة الانجليزية وهنوصلهم كلهم باذن الله فانت تقدر تحجز نصيبك من التورتة وهي المنصة لسه في البدايات وبناء الجمهور من اسهل مايمكن في الوقت الحالي.

راسلنا على رسايل الصفحة بالاسفل

Send a message to learn more

هل تخيلت في يوم إنك تحاول تتعلم علم جديد مع نفسك، لكن كل المراجع مكتوبة بلغة مش لغتك؟ - "English version below"
الواقع إن فيه 2 إلى 3 مليار إنسان بيعانوا من ده كل يوم.
الكتب هي المرجع الأوثق للعلوم البشرية، ومع ذلك معظمها مكتوب بالإنجليزية فقط.

من كام يوم، أطلقنا النسخة التجريبية من **CDSI (سِدْسي)** 🚀
منصة بتخلي أي شخص يقدر يشرح جزء من كتاب بلغة بسيطة، بلغته هو، ويوصّل المعلومة للآخرين بشكل مجاني.

بدأنا بمجموعة كتب في هندسة البرمجيات، بلغتين (العربية والإنجليزية). لكن رؤيتنا أوضح:
👉 الوصول لكل العلوم البشرية، بكل اللغات، من خلال قوة المجتمع.

✨ المميزات:
- أي مستخدم يقدر يشرح فقرة/فصل بلغة مفهومة.
- الشرح نفسه ممكن يترجم "On the fly" لأي لغة تانية.
- الأمثلة البرمجية اللي في الشرح ممكن متكونش مكتوبة بلغة البرمجة المفضلة بالنسبالك وعلشان كدا تقدر تحول الاكواد اللي في الشرح للغة البرمجة اللي تناسبك.

الحلم أكبر من كده. إحنا عايزين نعيد تعريف التعلُّم.
نخلي المعرفة أسرع وأسهل وأمتع، ونفتح أبواب العلم لأي حد في أي مكان.

🙏 ساعدونا نوصّل المنصة للناس اللي محتاجاها:
1. شارك البوست مع شبكة علاقاتك.
2. اعملنا Upvote على Product Hunt (الرابط في أول تعليق).

شكراً لكل واحد بيقرأ لحد هنا. دعمك مش بس بيكبر المنصة، لكنه ممكن يغير مستقبل التعلّم. ❤️

Have you ever imagined trying to learn a new science on your own, but all the references are written in a language that's not yours?

The reality is that 2 to 3 billion people suffer from this every day.

Books are the most reliable reference for human sciences, yet most of them are written only in English.

A few days ago, we launched the experimental version of CDSI (Sidsee) 🚀

A platform that allows anyone to explain a part of a book in a simple language, in their own language, and deliver information to others for free.

We started with a set of books in software engineering, in two languages (Arabic and English). But our vision is clearer:

👉 Reaching all human sciences, in all languages, through the power of the community.

✨ Features:
Any user can explain a paragraph/chapter in an understandable language.
The explanation itself can be translated "On the fly" to any other language.
The programming examples in the explanation might not be written in your preferred programming language, and that's why you can convert the codes in the explanation to the programming language that suits you.
The dream is bigger than that. We want to redefine learning.

Making knowledge faster, easier, and more enjoyable, and opening the doors of science to anyone, anywhere.

🙏 Help us deliver the platform to the people who need it:
Share the post with your network.
Upvote us on Product Hunt (link in the first comment).
Thank you to everyone who reads this far. Your support not only grows the platform, but it can also change the future of learning. ❤️

خلال الفترة الجاية هنبدأ نشرح الكتب المهمة اللازمة لتحويلك من كودر الى مهندس برمجيات حقيقي. بقالنا فترة مش بننشر ودا ضيع الريتش بتاع البوستات فرجاء اتفاعل مع البوست دا علشان يظهر لناس أكتر

الاختراع دا مع انه من السنة اللي فاتت اللي انه طفرة فعلية.

تايوان تطور أصغر كمبيوتر كمي في العالم
الحاجات الكبيرة بتيجي في أحجام صغيرة!
علماء من جامعة تسينج هوا الوطنية (NTHU) في تايوان قدروا يحققوا إنجاز تاريخي بتطوير أصغر كمبيوتر كمي في العالم، وكل ده بفوتون واحد بس!

إيه اللي بيخليه حاجة ثورية؟

تصميم فائق الصغر: بيشتغل في درجة حرارة الغرفة من غير ما يحتاج أنظمة تبريد ضخمة!
قوة خارقة: بيقدر يشفر المعلومات في 32 بُعد باستخدام فوتون واحد بس، وبيعمل عمليات حسابية معقدة.
جاهز للمستقبل: ممكن يغير مجالات زي الذكاء الاصطناعي، وتطوير الأدوية، وأمن البيانات، وتحسين الخدمات اللوجستية.

💡 يعني إيه الكلام ده ببساطة؟
تخيل إن الكمبيوترات العادية بتشتغل على النظام الثنائي (0 و 1)، يعني كل معلومة بتتبني على اختيار بين حاجتين بس. لكن الكمبيوتر الكمي ده بيستخدم فوتون (وهو جزء صغير جدًا من الضوء) علشان يشفر المعلومات في 32 حالة مختلفة في نفس الوقت بدل ما يكون محصور في حالتين بس زي الكمبيوتر العادي!

📌 وده معناه إيه؟
ده معناه إن الجهاز ده ممكن يعمل حسابات معقدة جدًا بسرعة خرافية، لأنه بيقدر يعالج بيانات كتير في نفس اللحظة، مش واحدة واحدة زي الكمبيوتر التقليدي. وده اللي بيخليه مثالي لحل مشاكل ضخمة زي تحليل البيانات الضخمة، تطوير الأدوية، وتأمين المعلومات بشكل أقوى بكتير من اللي موجود دلوقتي.

الموضوع مش مجرد إنجاز تقني، ده نقلة نوعية في مستقبل الحوسبة.
تخيل لو في يوم تقدر تحط سوبر كمبيوتر في جيبك؟

#الابتكار

Send a message to learn more

الهندسة مش نقابة
الهندسة مش شهادة
الهندسة مش كلية

الهندسة علم. وهندسة البرمجيات هي التخصص الهندسي الوحيد اللي تقدر تدرسه لوحدك. متكتفيش بكونك كودر، اتعلم الساينس على اصوله وساعتها هتيجي في الرسايل وتشكرنا. ولما بنحاول نحفز الناس انهم يكونوا مهندسين برمجيات مش مجرد كودرز فاحنا فاهمين ان كتير من اللي بيتابعونا مش خريجين كليات لها علاقة بعلوم الحاسوب لكن عارفين انك ممكن تكون مهندس برمجيات على قدر عالي من الكفاءة لو بحثت وساعدت نفسك. الطريق اطول بكتير من انك تتعلم شوية مكتبات ولغات برمجة بس ساعتها هتفهم اهمية العلم وهتقدر ببساطة تفرق بين اللي اتعلم كويس واللي ما اتعلمش.

اهتم بالعلم
اهتم بالعلم
اهتم بالعلم

ليه مبدأتش تتعلم برمجة؟

هل انت شايف انك مش محتاج تتعلم برمجة؟

هل انت شايف ان الموضوع صعب؟

ولا انت شايف ان مفيش عندك وقت؟

في البوست دا هنحاول نرد على الأسئلة دي.

علشان نرد على الاسئلة دي هنحاول نتبع مجموعة من الخطوات او المبادئ اللي هتسهل عليك تبدأ دراسة البرمجة لو انت عندك مشكلة من اللي ذكرناهم فوق.

المشكلة الاولى هو انك تكون شايف انك مش محتاج تتعلم برمجة، في الحالة دي هقولك ايه اللي مخليك بتقول انك مش محتاج تتعلم برمجة. في الغالب لو غيرت السؤال وقولتلك هل انت محتاج تطور تفكيرك بشكل عام وتغيره للاحسن؟ أكيد هتقول اه، باختصار البرمجة هتحققلك دا فليه متديش نفسك الفرصة وتبدأ تستكشف الموضوع، وخليك متأكد ان الموضوع هيكون ممتع جدا باذن الله.

المشكلة رقم ٢: هو انك تكون شايف ان الموضوع صعب. الشعور دا ممكن يكون نتيجة كلام سمعته من ناس على السوشيال ميديا. الموضوع هيفضل صعب طول مانت واقف برا لانك في الحالة دي بتكون عرضة للتشتيت بسبب اختلاف الاراء وردود الفعل الخاصة بالناس اللي بدأت واللي مبدأتش. خليك عارف ان كل واحد ليه تجربته و خليك متأكد انك غير الناس وخلينا نقتبس مقولة الراجل العظيم الباشمهندس أسامة الزيرو صاحب جروب Elzero Web School "من فضلك ابدأ".

المشكلة رقم ٣: هو انك تكون "معتقد" انك معندكش وقت. في الحقيقة دي اسهل مشكلة فيهم لان تقريبا كل سكان الكوكب عندهم وقت ضايع كتير من مواصلات ووقت بيضيع في السوشيال ميديا مفيش منه اي استفادة، كل المطلوب منك ساعة يوميا مش أكتر، ساعة واحدة كفيلة انها تغير حياتك الى الابد.

من فضلك ابدأ
من فضلك ابدأ
من فضلك ابدأ

لو عملت شير للبوست فدا كفيل انه يعلي الريتش الخاص بالبوست ويوصل المعلومة لناس أكتر. لايك وشير من فضلك.

هل علشان تتعلم برمجة هتكون محتاج مينتور؟

في البوست دا هتعرف ايه هو المينتور وهل انت محتاج واحد معاك ولا لأ.

مبدأيا كدا ايه هو المينتور؟ المنتور هو شخص عنده خبرة في مجال ما وبيحاول يساعدك في بناء حياتك المهنية بشكل سريع وفعال بحكم خبرته وبحكم ان المشاكل اللي هتقابلك هو قابلها بالفعل وقدر انه يتخطاها. لما بتكون بصدد اتخاذ قرار ما زي مثلا انك هتتعلم مهارة جديدة في رحلة تعلمك للبرمجة ممكن تسأله عن رأيه وغالبا هيساعدك ان تاخد القرار السليم.

المينتور مش هيشرحلك كورس او هيعلمك مهارة جديدة، هو بس هيساعدك تتعلم بشكل افضل، هيساعدك تتعلم مهارة البحث اللي هي شيء لو تعلمون عظيم.

هل انت محتاج مينتور؟ الاجابة المختصرة هو انك فعلا محتاج مينتور طالما انك لسه في مرحلة التعلم بس انت تقدر تكمل من غيره عادي ولكن الفرق انك بنسبة تتجاوز الـ ٩٠٪ هتاخد قرارات خطأ وهتضيع وقت قد يكون شهور وهتبقى محتار ومشتت وهتاخد وقت اطول بكتير في حل المشاكل اللي هتقابلك.

ازاي تلاقي مينتور يساعدك في تعلم البرمجة؟ الحقيقة ان شبكات التواصل بيتواجد عليها عدد كبير جدا من المحترفين في كل المجالات وبالأخص لينكد ان ودا عن طريق انك هتتواصل معاه بأدب وتطلب منه المساعدة بعد ما تبينله ايه الطرق اللي حاولت بيها تحل مشكلتك لانك لو ما حاولتش تحل المشكلة اللي عندك فدي اشارة سلبية انك شخص مبيحبش يتعب ويبحث عن حل المشاكل اللي بتواجهه.

في النهاية ياريت لو البوست عجبك تدخل تبص على المحتوى اللي بنقدمه وتعمل شير لايك وشير للبوست لانه بيفرق جدا معانا وهنكون ممتنين جدا لحضرتك.

ملحوظة: لأول ١٠ اشخاص هيتواصلوا هتقدر انك تشترك معانا في شرح Roadmap للـ Mern stack علشان تكون web developer محترم وتكون مؤهل انك تشتغل بمجرد ما تخلص الخطة. هيتم تحديث البوست بمجرد ما العدد يكتمل.

الجزء التاني
اتمنى من حضرتك انك تقرأ الجزء الاول اللي هتلاقي اللينك بتاعه في التعليقات واللي بنحاول نوضح فيه ايه الفرق بين المهندس والكودر وعلى فكرة البوست مش طويل.

في البوست دا هنحاول نوضح فيه بقى ازاي تبقى مهندس برمجيات مش مجرد كودر، برضو لو حضرتك مستعجل فانت ممكن تبحث عن Software Engineering Roadmap في جوجل وهتلاقي اللي احنا هنقوله هنا.

علشان تكون مهندس برمجيات لازم تفهم ان التقنيات اللي انت بتتعلمها زي لغات البرمجة والفريمووركس دي كلها ادوات بتنفذ بيها المفاهيم الهندسية او العلمية اللي عندك.

في البوست اللي فات كنا بنحاول نوضح الفرق بين المهندس والكودر باسقاط المثال دا على المهندس المعماري والمقاول وبرضو هنكمل على نفس المثال في البوست دا.

المهندس المعماري على حسب علمي بيستخدم برامج زي اوتو كاد وثري دي ماكس علشان ينفذ التصميم اللي هو بيكون مبني على اساس علمي وهندسي يعني البرامج دي بالنسبة للمهندس المعماري هي مجرد ادوات يعني مش هي اللي مخلياه مهندس.

طيب بافتراض ان شخص ما جه واتعلم برنامج الماكس والاوتوكاد هل هو كدا بقى مهندس 🤔، لأ طبعا مش مهندس لان التصميمات بتاعته مش هتكون مبنية على اساس هندسي سليم.

البرامج اللي ذكرناها دي هي مجرد ادوات بالنسبة للمهندس المعماري زي ما لغات البرمجة والفريمووركس هي مجرد ادوات لمهندس البرمجيات. يعني اللغات دي مش هي اللي خلت مهندس البرمجيات مهندس برمجيات.

لحد هنا والمفروض انك بقى عندك فهم راسخ للفرق بين مهندس البرمجيات والكودر. يعني المفروض انك عارف انك علشان تكون مهندس برمجيات لازم تكون عارف انك مفروض تدرس هندسة البرمجيات.

الحقيقة ان المصادر اللي ممكن تتعلم منها هندسة برمجيات موجودة كتير على جوجل وهتلاقي ناس كتير بتتكلم عن الموضوع دا بس لازم تكون عارف ان المشوار اطول حبتين تلاتة عن مشوار انك تكون مطور او كودر وهتضطر انك تقرأ كتب وتتعب شوية بس الأكيد ان الموضوع يستحق التعب.

الحقيقة ان افضل تجميعة كتب لقيتها علشان تكون مهندس برمجيات وبالاخص انك تتخصص في الباك اند هي تجميعة الكتب اللي رشحها الباش مهندس Mohamed Hammad واللي هي موجودة في الصورة تحت. اقرأوا الكتب دي واتعلموا العلم على اصوله.

ملحوظة : مش عيب ابدا انك تكون كودر ودرست برمجة ٣ او ٤ شهور ولكن العيب انك تكون فاهم انك مهندس وتتكلم من هذا المنطلق.

ملحوظة: دراسة البرمجيات في مصر تعتبر للاسف في الضياع فلو انت خريج كلية بتدرس برمجيات لازم تحاول انك تعوض الفقد اللي عندك من الكتب دي بما يتناسب مع التخصص بتاعك او من كورسات الجامعات الكبيرة اللي بتنشر كورساتها على يوتيوب.

ملحوظة: المهندس بيتقال عليه مطور والمطور بيتقال عليه مهندس عادي بس دا مش معناه انك تكون مش فاهم الفرق الحقيقي لان دا مصطلح اصلا جاي من بلاد الغرب وهما هناك بيستخدموا اللقبين عادي بس انت ممكن تبحث عن الفروق دي في المواقع الاجنبية برضو.

الجزء الاول
هو انت صنايعي بجد ولا انت مهندس؟
مبدأيا متزعلش من شوية الحقائق - رغم ان فيه ناس مش هتقتنع بيها كحقائق - المذكورة في البوست ولكن حاول تفكر فيها شوية قبل ما تبدأ تنتقد.

كإجابة مختصرة توفر على حضرتك وقت لو انت مستعجل، فالفرق بين المهندس والمطور ان المهندس بيحط تصميم اما المطور بقى هو اللي بينفذ التصميم دا.

لو حضرتك حابب تفهم أكتر ونفسك تبقى مهندس بجد، اتفضل كمل قراءة.

انت كودر؛ غالبا دا وصف ينطبق على نسبة كبيرة من اللي بيقرأوا البوست حاليا بما فيهم ناس مخلصة كلية حاسبات ومعلومات وناس مخلصة هندسة حاسبات اللي هما بيتخرجوا بلقب مهندس.

البوست دا هيخليك تحكم على نفسك انت ايه بالظبط. تقدر تقولي ايه الفرق بين المهندس المعماري وبين المقاول او البنّاء. حضرتك غالبا هتنقل الاجابة من فوق وتقولي ان المهندس المعماري بيحط تصميم والمقاول بينفذه، الاجابة دي صح بس مش قوي.

ازاي بقى صح بس مش قوي؟ هقولك ان فيه مقاولين ممكن هما اللي يحطوا التصميم وهما برضو اللي ينفذوه. هل ينفع بقى نقول ع المقاول انه مهندس 🤔 حضرتك هتقولي لأ، طب لأ ليه؟ لو حضرتك مش عارف لأ ليه، فانا جاي اقولك الاجابة الوحيدة المنطقية.

١- المعايير
٢- حجم التصميم نفسه

المعايير: التصميم اللي بيعمله المهندس بيكون مبني على اسس علمية وهندسية بتتوافق مع مفاهيم متفق عليها نتيجة سنوات طويلة من بحث ووضع نظريات لتوفير افضل حلول لحل المشاكل اللي هتكون في التصميم اللي هيعمله المقاول. يعني من الاخر التصميم اللي بيحطه المهندس بيكون مبني على اسس علمية بخلاف المقاول.

حجم التصميم: في التصميمات الصغيرة مش بيكون فيه مشاكل كتير بتظهر في التصميم، ودا هيخلي الناس اللي مش متخصصين ميعرفوش يطلعوا الفرق بين تصميم المهندس وتصميم المقاول، اما بقى في التصميمات الكبيرة فحتى الاشخاص اللي مش متخصصين هيقدروا يشوفوا العك اللي المقاول هيعمله لانه باختصار معندوش حلول للمشاكل اللي هتقابله.

لو انت بتفكر بالكود، يعني اول متيجي فكرة في دماغك بتبدأ تكتب كود على طول فانت كودر مش مهندس.

لو كل اهتمامك يكمن في مطالعة التقنيات الجديدة بس مش بتهتم بالهندسة نفسها او بالعلم نفسه فانت كودر مش مهندس.

لو بتستسهل انك تكتب if conditions ومش فاهم ايه لزمة الـ polymorphism فانت كودر مش مهندس.

الحالات دي مش بتستثني خريج كلية معينة زي ما قولنا فوق.

طيب ابقى مهندس ازاي بقى
دا بقى اللي هنتكلم عنه في البوست الجاي. سلام.