04/11/2020
-ايه رايك التعليم اون لاين افضل ولا نظام الحضور التقليدى افضل ؟
-متى توفرت الحقائق والارقام يبقى رايى الشخصى ده نركنه على جنب
الدراسات على أرض الواقع ، البيانات والارقام من جامعات ومؤسسات تعليمية وطلبة ومناهج وامتحانات حقيقية تحسم الامر تماما لصالح التعليم اون لاين ،معظمها يقول بأفضلية الاون لاين superiority وبعضها لا يجد فرقا not statistically difference ، ولكن لا يوجد اى منها يقول ان الاون لاين اقل فاعلية non inferiority، علىى الرغم من انه فيه دراسات قديمة شوية من سنة 2000 تقريبا يعنى وقتها ما كانش التعليم الالكتروني بالصور الحالية ولا بعشر الإمكانيات الحالية ومع ذلك اظهر افضلية او على اقل تقدير ليس اقل من التعليم التقليدي
وده أسبابه كتير ومع التطور التكنولوجي وظهور انظمة ادارة التعلم LMS فلا مجال للمقارنة اطلاقا فالفرق كبير ويتسع اكثر واكثر
- اومال ليه الناس رافضة وتعانى منه و....
- اولا الرفض ومقاومة التغيير ده مش فى كل مكان ، الناس عموما بتميل لرفض اى تغيير، وتخاف من التجربة حتر وان كانت النتائج موثقة ولا مجال للتشكيك فيها
- ثانيا التطبيق بيفرق كتير ، للاسف كتير من اللى بيطبقوا النظام ده بيطبقوا عن جهل ، على سليل المثال استخدام الفيس بوك ومنصات التواصل كوسيلة وحيدة للتعلم ( لا بأس ان يكون فيه جروب فيس للتواصل لكن لا يصح باى حال ان يكون اساس ، واشد سوءا منه بكثير الواتساب )
وايضا التعليم اون لاين مش معناه ابدا ان بدل المحاضرة او الحصة ما تكون وجها لوجه ، تبقى عن طريق برنامج زى زووم ، ده برضه غلط جدا ولا يصح ان يكون زووم وسيلة اساسية وحيدة الا فى حالات بسيطة وقليلة
-ثالثا اى تعليم بدون اختبارات لا يسمى تعليم اصلا ، العلم حاجة والتعليم حاجة تانى ، وده ما ينفعش يتعمل بجروبات الفيس والواتس و.....
- رابعا تصور ان الاونلاين ما ينفعش فى حاجة فيها شغل عملى ، والغلط فى التصور ده يرجع لخطا فى مفهوم ايه هو العملى وايه النظرى، يعنى على سبيل المثال لو مدرس بيعمل تجربة حية قدام الطلبة فى الفصل او مكان ما ، وهما بيشوفوا ده ، هو بيعتبر أن ده شرح عملى ، وطبعا ما ينفعش فى مخيلته أنه يتعمل أون لاين ، لكن فى الحقيقة اللى بيعمله ده شرح نظرى تماما ولت يمكن اعتباره عملى الا لو كل طالب اشتغل بايده وهو بيقيم الشغل ده ، حاجة كده زى تعليم قيادة السيارة ،
وهنا يظهر تفوق كامل للاون لاين ! وممكن تقديم الامر ده بصورة اكثر فاعلية واقرب للعملى الخقيقى ، اولا مشاهدة التجربة مصورة بكاميرا جيدة وفيديو معمول له مونتاج وبيختصر الوقت الضاءع ( زى انتظار ذوبان مادة على حمام مائي)
افضل كثيرا من المشاهدة فى الواقع خصوصا لو العدد أكثر من 5 طلاب بحيث اول صف بس هو اللى بيشوف عن قرب ، وثانيا امكانية ان كل كالب يعمل التجربة ويصورها ويبعتها ويتم تقييمه من المدرس ومن زملائه ايضا
- خامسا تصور مغلوط عند الطلاب انه لما يكون المدرس قدامه وجها لوجه حايقدر يفهم اكتر ويستفسر منه لو ما فهمش نقطة ما ، وده غلط 100٪( حقيقة وليست وجهة نظر برضه ) لان علشان يعمل كده اما انه يستوقف المدرس اثناء الشرح مرة او 2 او 10 ، وطبعا مش هو بس اللى بيستوقفه ، كل الزملاء كده وده معناه ان المحاضرة حاتتحول الى مدعكة ومهرجان ، واما الانتظار لاخر المحاضرة ويسال ( فرق ايه عن الاون لاين ؟) ، تفوق الاون لاين هنا ياتى من نقطة ان المحاضرة المسجلة يمكن تكرارها عدد لا نهائي من المرات ، ومن ان سؤال المحاضر عبر اكثر من وسيلة امر فى غاية البساطة، ده طبعا غير إمكانية تعاون الطلاب مع بعض وقبل ما المدرس يحاوب يكون زميله قام بالواجب وزيادة
- سادسا طول فترة المحاضرة مشكلة كبيرة ( برضه مش وجهة نظر شخصية لكن حقيقة) ، طبيعى ان مش حانزل من البيت واخد مشوار محترم غالبا علشان اسمع محاضرة نص ساعة ، اللى بيحصل غالبا انها بتكون محاضرة طويلة جدا كل اسبوع مثلا وده مهما كان اسلوب المحاضر جيد ومهما كان اقتناع الطالب واستمتاعه بالمحاضرة لمن الحصيلة اقل من لو كانت المحاضرة مجزاة على محاضرات صغيرة ، اللى عاوز يعرف اكثر يكتب فى جوجل حاجة زى mini lecture vs long lecture , او benefits of mini lecture
- سابعا استخدام تقنيات التعلم الاكثر فاعلية تصبح اسهل بكثير جدا جدا مع الأون لاين زى
Flipped classroom, spaced reputation, test- enhanced learning.....يتبع ان شاء الله
