ABC Learning Academy

24/08/2026

هَيّا نتعلّم حرف الحاء (حـ) 🌸

اليوم كان لنا موعد جميل مع حرف الحاء 💕
تعرّفنا على شكله وصوته، وتدرّبنا على كتابته وتتبع النقاط ✏️
وتعلّمنا كلمات تبدأ بحرف الحاء مثل:
🐴 حصان — 🐳 حوت — 🥚 حليب

نتعلّم… نلعب… نكتشف… ونبني حصيلتنا اللغوية خطوة بخطوة 🌱✨

حَ حَ حَ… حرف الحاء جميل وسهل! ❤

23/08/2026

علشان نكوّن عند أطفالنا حصيلة لغوية أكبر ونخلّي التعلم أسهل وأمتع ❤️✨
اتعرّفنا النهارده على أجزاء الجسم بالعربي والإنجليزي، واتعلمنا نسمّي كل جزء ونربط بين الكلمة ومعناها. 🧠👧🏻👦🏻

من Head 👦🏻 – رأس
لـ Eyes 👀 – عيون
و Nose 👃🏻 – أنف
و Mouth 👄 – فم
وغيرهم من أجزاء جسمنا الجميلة. ❤️

كل كلمة جديدة بيتعلمها طفل النهارده… هي لبنة جديدة في حصيلته اللغوية وثقته في التعبير عن نفسه. 🌱

وعشان إحنا بنشوف ونسمع ونجرّب ونكتشف 👀👂🏻✨

عملنا تطبيق عملي على حاستي السمع والبصر، وخليّنا الأطفال يستخدموا حواسهم بأنفسهم علشان يفهموا المعلومة ويثبتوها بشكل ممتع. ❤️

👂 حاسة السمع: اتعلّمنا إننا نستخدم الأذن علشان نسمع الأصوات ونميّز بينها.
👀 حاسة البصر: اتعلّمنا إننا نستخدم العينين علشان نشوف الأشياء والألوان والأشكال.

🌱 لأن الطفل لما يجرّب المعلومة بإيديه وحواسه… مش بس بيتعلمها، لكنه بيفهمها ويفتكرها

23/08/2026

قال رسول الله ﷺ: «لا يدخل الجنة قاطع رحم»

يعني إيه قاطع رحم؟
يعني شخص يبعد عن أهله وأقاربه، وما يسألش عليهم، ولا يزورهم، ولا يهتم بيهم، ويزعل منهم ويقرر إنه ما يكلمهمش.

👧🏻👦🏻 فهمنا ياحلوين ولا نقول كمان

“ربنا بيحب إننا نحب أهلنا ونحافظ عليهم.
نسأل على جدودنا، ونكلم خالاتنا وعمامنا وأقاربنا، ونفرح لما نشوفهم، ولو حصل بيننا وبين حد منهم زعل، نحاول نصالحه وما نقاطعوش.

لأن صلة الرحم مش بس إننا نزور أهلنا…
دي كمان كلمة حلوة، وسؤال بالتليفون وزيارة ، واهتمام، ومساعدة، ودعوة جميلة من القلب. ❤️

الطفل اللي بيحب أهله وبيوصل رحمه، بيعمل حاجة ربنا بيحبها. 🌷

23/08/2026

حضانة ABC ❤️✨

🌙✨ نُهنئكم بمولد خير الأنام ﷺ ✨🌙

في ذكرى ميلاد نبينا وحبيبنا محمد ﷺ، يسعدنا أن ندعو أطفالنا وحبايبنا الصغيرين لحفلة مميزة نعيش فيها معًا أجواء الفرح، والمحبة، والصلاة على النبي ﷺ. ❤️

🎉 موعدنا يوم الأحد القادم الموافق ٨/٣٠
🕌 احتفالًا بـ المولد النبوي الشريف

هنعيش يوم مليان فرحة.. ألوان.. أنشطة.. أناشيد.. مفاجآت
والأجمل إننا هنزرع في قلوب أطفالنا حب رسول الله ﷺ بطريقة تليق ببراءة طفولتهم. 🤍

صلّوا على من أشرق الكون بنوره ﷺ
واجعلوا أطفالكم جزءًا من يوم جميل…
نحتفل فيه بالمولد، ونغرس فيه الحب والسيرة والقيم. 🌿✨

📢 مستنيين كل حبايبنا يوم الأحد…🎈🤍

اللهم صلِّ وسلم وبارك على سيدنا محمد

سجلوا اسماء الحلوين مع الادارة

23/08/2026

21/08/2026

مش كل وداع بيكون فيه حزن…
في وداع بيكون فيه حب، وامتنان، وذكريات حلوة بتفضل عايشة جوانا ❤️

سليم الجميل خلّص معانا مرحلة من أجمل مراحل عمره، وبدأ يستعد لخطوة جديدة في حياته… المدرسة 🎒✨

وقبل ما يمشي، حب يسيب لأصحابه حاجة حلوة تفضل تفتكرهم بيه…
فجاب لهم البسكوت، وقال بطريقته الصغيرة والجميلة:
“أنا هروح مدرسة جديدة… بس مش هنساكم.” 🥹❤️

يمكن البسكوت خلص في دقائق…
لكن ذكرى سليم، وضحكته، وأيامه مع أصحابه هتفضل أطول بكتير. 🤍

سليم… مش هنقولك وداعًا، هنقولك:
روح ابدأ حكاية جديدة، واحلم كبير، وخلّي دايمًا في قلبك مكان لأصحاب البدايات الجميلة. 🌷🎒

ربنا يكتبلك في مدرستك الجديدة أيام أجمل، وأصحاب أطيب، وخطوات كلها نجاح وفرحة.
هنفتقدك يا سليم… وهتفضل واحد من حكايات حضانتنا الحلوة. ❤

21/08/2026

Circle Time

من أهم فقرات يومنا فى ABC. لقاعة Butterflies
الأطفال بيقعدوا مع بعض في دائرة مع المس ، وبيبدأوا اليوم بالتفاعل والتعلم بطريقة ممتعة

والأجمل إن Circle Time مش مجرد وقت تعليم؛ هو وقت بنعلّم فيه الطفل يسمع، يتكلم، ينتظر دوره، يشارك، ويعبّر عن نفسه… يعني بتبنى شخصيته قبل ما بنعلّمه المعلومة. ❤
بنشكر مس تسنيم على المجهود الرائع مع الحلوين

21/08/2026

يوم الخميس يعنى مسرح العرائس
وقصتنا الشيقة مع عمو دقدق
الكل منتبه الكل مستفيد
الكل فرحان
كلهم بيحبوا يتصوروا مع عمو دُقدُق
يابختك يادقدق