الافوكاتو للاستشارات القانونيه والمحاماه

“إتجوزت ست أمها مكنتش بتبطل تقولها ،والله مانتي نافعة وامه داعية عليه اللي هيتجوزك..

بداية جوازنا كانت بتتعامل معايا علي أساس إني خالها، كل يوم أستني تبعتلي ع الواتس اب وانا ف الشغل تقولي "هات جرجير ولا بصل ولا بقدونس قلقاس حتي" مكنش بيحصل..

هي كانت بس بتبعتلي تقولي هات "دوريتوس ، مورو ، شيبسي ابو سبعة ، فشار من ابو خمسة،بيك رولز ،ماندولين، بيبسي" ..

حرفيا مكناش بناكل من ايديها انا وهي خالص ماشاء الله ، انا كنت ساكت علشان بحبها ،كنت بخاف ابداء مشاكل الجواز من اول شهر ، كنت باجي علي نفسي واجيب اكل جاهز..

صاحبك علي عيبه و شريكك علي عيبه برضه، وطلاما ربنا أراد إنها تكون شريكة حياتي ،ف لازم اتقبل كل عيب فيها ، وخصوصا يعني انه مش عيب كبير بنسبالي..

بنسبالي أنا ممكن أكلها وأشربها طول ما هي رايحة جاية قدامي وبتتحرك، طول ما هي لسه بتناكف فيا وترخم عليا وبنضرب بعض بالمخدات ف انا مش محتاج حاجة..

بس الغريبة ف يوم قومت بليل اشرب ،شوفت ف سلة المطبخ أكل محروق وطاسة بايظة واكل كتير مرمي بايظ، وقتها ابتسمت

وفهمت انها حاولت تطبخ بس فشلت ، ومجرد محاولتها بس ده بنسبالي نجاح ، اصل كنت لسه امبارح بقولها ان الفلوس بداءت تخلص ، ف اكيد حست وحاولت من نفسها ..

تاني يوم خدت أجازة م الشغل وجبت اللاب توب وفتحت علي شيف بيعمل طبخة "فراخ ،ورز وبسلة" ،وشدتها من ايدها معايا ع المطبخ ..

وانا وهي لبسنا المريلة ، وبداءنا نطبخ سوا ،أنا أقشر البسلة وهي بتسوي الرز ، أنا اجهز الصالصه وهي تسلق الفرخة ..

لحد ما نجحنا سوا اننا نطبخ اول أكلة هناكلها سوا ، يوميها حضنتها وقولتلها إطمني أنتي مش فاشلة انتي بس كنتي محتجاني معاكي ، انا موافق كل يوم اكل نفس الاكلة وهكون مستمتع برضه..

النهاردة وبعد مرور سنة علي الموقف ده بقت تطبخ كل الاكل اللي ف العالم ،ومعتش بنجيب اكل جاهز خالص ووفرت فلوس كتير كمان..

انا فخور بيها وباحلي اكل بأكله من ايديها، وعايز أقول لمامتها شئ مهم، إن أمي كانت دعيالي مش داعية عليا يوم ما حبيتها واتجوزتها.💙”

في كل قضية أسرة دخلتها، كنت أظن في البداية أن سبب الخلاف هو المال، أو الغيرة، أو الأهل، أو الخيانة.
لكن مع الوقت اكتشفت إن وراء كل حكاية وجع، في جذر واحد متكرر: غياب لغة التفاهم.

ما بين كل زوج وزوجة كانت هناك لحظة بسيطة، لو كانت تُدار بالحوار الهادئ، لما وصلت الأوراق للمحكمة، ولما تحول البيت إلى ساحة معركة.
المشكلة الحقيقية مش في حجم الخلاف، لكن في طريقة التعامل معه.

في العلاقات، العند بيتنكر في هيئة كرامة،
والصمت بيتلبس ثوب القوة،
والبُعد بيتقال عليه راحة.
لكن في الحقيقة، دي كلها صور من صور الخوف من المواجهة.
خوف من إننا نكون صُرحاء بضعفنا، أو باعتذارنا، أو باحتياجنا للطرف الآخر.

كل طرف بيفكر إزاي "ينتصر" في الخلاف،
لكن محدش بيسأل نفسه: "هكسب إيه لما أخسر قلب اللي بيني وبينه حياة؟"

كسب المواقف مؤقت،
لكن كسب القلوب بيبني عمر.
وفي الزواج، مفيش حد بيكسب لو العلاقة خسرت.

في جلسات الصلح اللي بحضرها كمحامية، بشوف نظرات كلها تعب وحنين.
كل واحد فيهم بيحاول يقول "كنت عايزك تفهمني"،
مش "كنت عايزك توافقني".
الفرق بسيط في اللفظ، لكنه عميق في المعنى.
فهم الآخر هو الخطوة الأولى في طريق الأمان.

لو الأزواج أدركوا إن الخلاف مش حرب لازم يخرج منها منتصر،
لكن اختبار لازم يخرج منه واعي،
كان الحال اتغير.
لأن الأصل في العلاقة مش الصراع،
بل المشاركة، والرحمة، والمودة اللي ربنا جعلها آية من آياته.

الزواج مش عقد بيجمع توقيعين،
ده حوار طويل عمره عمر المودة.
فكل مرة تختار فيها أنك "تسمع" بدل ما "ترد"،
أنت بتكتب سطر جديد في قصة حب نضجت بالعقل لا بالعاطفة فقط.

وفي النهاية،
كسب القلوب أولى من كسب المواقف،
لأن المواقف بتنتهي،
لكن أثر الكلمة الطيبة والحوار الصادق
هو اللي بيبني بيت ما تهزوش محكمة ولا خلاف.

#آماليات

يسافر… ويترك خلفه امرأةً تُقاتل وحدها.
تحمل مسؤولية البيت، وتُربّي الأبناء، وتنتظر اليوم الذي يعود فيه ليكفيهم حرمان السنين.
سنواتٌ تمضي وهي تُقنع نفسها أن الصبرَ ثمنُ الوفاء.

ثم تُفاجأ بأنه هناك، قد تزوّج بأخرى باسم "العفّة"!
وكأن العفّةَ لا تكون إلا له، وكأن شوقَها وصبرَها واحتياجَها ليسوا شيئًا يُحسب.
مش الراجل لوحده اللي بيخاف على نفسه من الفتنة…
فالمرأة أيضًا تُقاتل بصبرها كلَّ يوم، لتبقى طاهرةَ
القلب، عفيفةَ الروح… في مجتمعٍ لا يرحم .

امرأة بلا زوج فريسة لكل ( قذر )
فالعفّة ليست حِكرًا على الزوج دون الزوجة،
بل هي ميثاقٌ غليظٌ بين طرفين .

والشرع لم يقل لك : تزوّج بإمرأة لتَظلِم أخرى ، أو تزوّج لتعف امرأة وتفتِن أخرى في دينها، وتُحمّلها مسؤولياتٍ فوق طاقتها أو تتركها لنفسها ولشياطين الإنس والذئاب البشرية

يا تسمع مشاكلي وتكتئب وحياتك تسود معايا يا تنسى إني موكل ليك
والتوكيل هلغيه ومفيش اتعاب كمان ! 🌚