28/01/2024
لو انت مزكرتش الانجلش لحد دلوقت او مش عارف تلمة كويس تعال هنا وحلك معايا. النهاردة هقولك علي طريقة ازاي تقفل مادة الانجليزي للثانوية العامة.
تعالوا نتكلم عن الانجليزي بالتفصيل
البوست ده هيفرق معاكم جدا باذن الله 🙂
هنتكلم عن :
١- لو مش متاسس قبل كده في المادة اعمل ايه
٢- معتقدات عن الانجلش لازم تشيلها
٣- درجات الانجلش
٤- ازاي اذاكر الانجلش
٥- ازاي تراجع الانجلش في وقت وجيز
٦- ازاي تجيب ٥٠ من ٥٠ في الانجلش
اولا متقلقش اوي من النقطة دي ، انا هقولك تذاكر ازاي
بس اهم حاجة متخليش هاجس انا مش متاسس انا مش متاسس يأثر على مذاكرتك للمادة
نتفق ف الاول اننا هنبطل نقول مش متاسس وبعدين هقولك تذاكر اذاي
اولا التاسيس قوة للطالب وعدم وجوده ليس ضعف
يعني المتاسس من وهو صغير دي حاجة قوية ليه اكيد
لكن ال مش معنى كده ان ال مش متاسس ه يضعفه طالما هيذاكر
ركز معايا في ال جاي وسيبك خالص من وسواس انا مش متاسس انسى الكلام ده خالص
في ناس مفكرة انه يستحيل يتقفل
ناس تانية شايفة انه عقدة في الثانوية العامة
ناس حاسة ان ممكن مجموعها يطير بسببه
ده كله معتقدات غلط جدااا
امتحان الانجلش بيجي كويس جدا وهوريكم ازاي بالتفصيل
الاهم نذاكرففي قاعدة بتقول :
( كل ما تفكر فيه باستمرار ستحصل عليه )
يعني لو بتفكر دايما انك مش هتعرف تحل في الانجلش عقلك الباطن بيترجم ادراكك لأفعال وبيخليك تعمل حاجات تبعد بيها عن الانجلش عشان تثبت لنفسك انه اصعب مادة بالنسبالك رغم انه مش كده
عشان كده خلي بالك من الافكار السلبية انت معتقدها مجرد افكار بس هي اكبر من كده وانت لا تدري
متفكرش بسلبية في اي مادة نصيحة
النتيجة 50 درجة
؟؟
هنقسمه لمحورين
محور بالمنهج ومهحور من خارج نطاق المنهج
المحور بالمنهج وده ال هو ( units , story ) وده عليه في الامتحان 23 درجة من الامتحان
وده تذاكره عليهم 14 درجة من الامتحان ودول ال ممكن يفرقوا ال مذاكر من ال مش مذاكر ودول ال يقفلهم بنسبة كبيرة باذن الله هيقفل الامتحان
طيب تذاكرهم ازاي ؟؟
١- اليونيت تقسمها ل ٣ اقسام ( كلمات، قراءة الدرس نفسه ، الجرامر )
#الكلمات :
اولا لو اول مرة تمسك اليونيت
هتقرا الكلمات قراءة لاول مرة ، هتلاقي بنسبة ١٥٪ في كلمات انت عارفها
بنسبة ١٥٪ كلمات جديدة صعبة النطق او الكتابة اكتبهم في ورقة لوحدهم
وبنسبة ٧٠٪ كلمات جديدة بس سهلة النطق هتقرأها وتخليهم في ورقة لوحدهم بردو
احفظهم بشكلهم واكتبهم وسمعهم كتابة
هتكون نسبة حفظك ليهم وصلت ٧٠٪ بردو
طيب ازاي تعلي نسبة حفظك ليهم ل ٩٥٪ ؟؟؟
بانك تقرأ نص اليونيت ، كل يونيت فيه نص ، لو مش موجود ف مذكرة المدرس لازم تقراه هتلاقيه في كتاب المدرسة او نص الدرس لما تقراه هتلاقي الكلمات كلها ال انت حفظتها متوظفة بقى في جمل
فحفظك هنا هيتدعم بفهمها كمان وبالتالي نسبة حفظك ليهم هتعلى جدا توصل ل ٩٠٪
بعد ما تقرا الدرس في اليونيت ارجعلهم اقراهم قراية تاني لكل الكلمات وسمعهم تاني اوعدك هيبقى صعب تنساهم
الموضوع ده عشان تعمله باتقان مش هياخد منك بالكتير ساعة ونص
حروف الجر مهمة جدا ولازم بيجي منها ف الامتحانات هتقراهم في كل يونيت بيبقى في جديد اقراهم واحفظهم وبردو هتلاقيهم ف الدرس موجودين وارجع اقراهم مرة تاني وكده تمام
بعد كده في تعبيرات ، التعبيرات دي متاخدة من النص
بلاش تحفظها افهما ارجوك متحفظش
افهمها وترجمها كلمة كلمة وهتلاقيها بردو ف النص
النص بتاع الدرس قرايته مهمة جداااا
لما تخلص اوعى تستنى علطول تطلع اشئلة اختياري و تصحيح الاخطاء وتحل
الانجلش الاختياري والاخطاء عاوزين حل كتييير اقعد حل هتلاقي الامور بسيطة وكام حاجة ممكن تقف معاك مش عيب ابقى اسال فيها
#الجرامر :
دا لعبتنا
الجرامر مينفعش ابداااااا يتحفظ
ال بيحفظه دايما بغلط فيه
لو مش فاهم جرامر يونيت لازم تخلي حد يفهمهولك لااازم المستر بتاعك صاحبك المهم حد يفهمهولك ويديك امثلة
وبعدها تحفظ القاعدة بعد م تكون فهمتها
يعني المضارع التام المستمر
لازم تعرف يعني ايه الزمن ده بالعربي حتى عشان تعرف تكوينه بيكون ازاي وليه اضافة ing يبقى اكيد عشان مستمر ، افهم بعدها احفظ القاعدة
الجرامر عامل زي النحو بالظبط في العربي
عاوز فهم وحفظ القواعد بعد فهمها ثم حل كتيييييييير
بدون حل انت معملتش حاجة
حل واغلط مش عيب قبلها
اما
وال هو ( translation , passages , paragraph , ) وده عليه 27 درجة من الامتحان ودول مضمونين وهقولكم ازاي تضمنوهم باذن الله
الترجمه
بص ي سيدي هتعمل ايه عشان تستريح
١- تترجم الجملة عربي وتفهمها عربي كويس جدا
٢- جاوب بالعربي فس دماغك
٣- ترجم اجابتك بالانجلش بطريقة فنية
مثلا :
- your friend suggested to you visiting the pyramids next holiday , you have another suggestion.
بص ركز اوي على اخر الجملة بيبقى مهم جدااا
قالك you have another suggestion
يعني لما تترجمها انت ليك اقتراح مختلف
يعني مطلوب منك تعرض عليه اقتراح
يبقى هترجع لكيفية عرض المقترحات
والحاجات لازم المدرس يكون مدربك عليها
كيفية عرض الاقتراحات او الاراء او الرفض او النصح او او كل ده ليه طرق تكون عارفها لازم
هترد مثلا
I suggest visiting Cairo tower , I think it's better الموضوع بسيط وكلام سهل بس اتمرنوا عليه من دلوقت
ثالثا القطع
هم قطعتين بنسبة كبيرة لازم يبقى في كلمات فيهم كتير جديدة عليك والقطعة بتقيس مدى فهمك مش حفظك
وبالتالي القطعة عاوزة ذكاء وهتقفلها
هتقرا اول حاجة الاسئلة بتاعتها قبل ما تقراها
بعدها تقرا القطعة قراية بتأني
لما تلاقي كلمة او اكتر مش عارفها حاول تترجمها بال قبلها وال بعدها مش لازم تكون بالظبط مثلا
This centrifugation can centrifuge many microorganisms and isolate them away from their environment
طبعا الكلمة الصعبة هنا سنترفيوجيشن
انت مش عارفها اقرا ال بعدها هتفهم انه جهاز بيعزل الميكروبات او الكائنات الصغيرة عن بيئاتهم ومش لازم تقول اسمها المهم تبقى فاهم متعقدش نفسك وانت في اللجنة وسهل الدنسا على نفسك 🙂
وده جهاز اسمه الطرد المركزي بيعزل حاجات صغيرة جدا كتير
المهم لما تلاقي جزء انت شاكك انه حل لاول سؤال مثلا
تروح معلم عليه وكذلك مع السؤالين التانيين
وبعدها ترجع للسؤال تاني تقراه واقرا الاجابة ال انت شاكك فيها تاني لو لقيتها اكتبها لو شاكك في حتة قبلها خد ال ثبلها وخدها بس الاهم متزيدش عن ٣ سطور
خليك ذكي
الاختياري بيعتمد ع فهمك للقطعة بردو اقراها زي م قولتلك وبتاني 🙂
رابعا البارجراف :
في ناس كتير بتقول مبعرفش اعبر ومش بعرف اكتب كتير
وفي ناس محترفة كتابة جمل كتير بس بتوقع نفسها بالفزلكة احيانا او بكثرة الكلام
لو عاوز تقفل البارجراف اعمل ال هقولك عليه :
اعمل حسابك تكتب ١٢ جملة
١- اي موضوع في الدنيا ممكن تفكر في جمل بالعربي ليه الاول زي تعريفه مزاياه عيوبه الناس بتهمل اي ناحيته ، مفيد ولا مضر ولا الاتنين هتلاقي مليون جملة بالعربي ف دماغك عنه
ابدا ترجم الاسهل والابسط منهم
٢- متطولش الجملة على قد م تقدر
٣- اختار زمن واحد بس تمشي عليه طول الجمل وراعي المستقبل والمتضي والمضارع واستخدم الازمنة البسيكة اسهلك وبلاش تتفزلك عشان متقعش
٤- اول حرف من بداية كل جملة كابيتال واخر الجملة نقطة
٥- الاسماء والايام والحاجت ال اول حرف منها كابيتال لازم تراعيها
٦- متقلقش هو مش هيتريق على كلامك هو مش بيهمه انت كاتب ايه هو بيهمه انت كاتبه ازاي والحروف والزمن فمتقلقش لو كانت جملك مش حلوة في معناها مش مكلة المهم تكتبها صح
٧- متقللش عن ١٠ جمل ومتزيدش عن ١٥ عشان متغلطش
٨- حاول تحسن خطك على اد ما تقدر وركز في الجملة قبل ما تكتبها عشان متشطبش عليها ويبثى شكل الباراجراف محترم ونضيف
ان شاء الله هتقفله وقتها حاجات صغيرة وبسيطة بس راعيها
خامس واخر حاجة الترجمة
مش لازم حرفيا
اوعى تترجم كلمة كلمة وتكتب علطول
ممكن تترجم كلمة كلمة وبعدين تكون جمل في دماغك وتبدا تترجم
بحيث مترجمش الاجملة بلاش تترجم كلمة
مثلا it made my day
اوعى تترجمها حرفيا بمعنى انك تكتب انها صنعت يومي
لا ده تعبير على بعه معناه اسعدني
خلي بالك
ترجم في مسودة ورا خااالص وارجع اكتب الخلاصة الصح بكل واضح ونضيف
الكلمة ال مش عارف معناها متعقدش نفسك في اللجنة ترجمها من ال بعدها وال قبلها باي معنى بديل هتمشي
؟
١- مراجعة مستمرة كل اسبوع علة اخر ٣ يونتيتات بالمراجعة بتاعتهم والمراجعة عبارة عن قراءه كلمات وتعبيرات وحروف جر والنص والقواعد وحلولك واخطائك تقراها بحرص دي المراجعة مش هتاخد منك وقت لو ذاكرت صح
؟
١- ثق في الله وفي نفسك انك تقدر تجيبها لان ده اهم واول عامل هيخليك تقفله لو انت صدقت ده فعلا وقتها لو نقصت حتى هتنقص نص او بالكتير درجة
٢- ثق في ربنا دايما انه عمره ما هييعلك تعبك
٣- متوترش نفسك ف الامتخان وتقعد تحسب ال انت هتحله وتحسب الدرجات والكلام ده كله بيضعف تركيزك وينسيك معلومات مهمة ويسببلك قلق وتقعد تترع ف اللجنة
ادعي دايما اللهم لا سهل الا ما جعلته سهلا وانت تجعل الصعب اذا شئت سهلا
٤- راجع كويس وحل كويس امتحانات درب نفسك على امتحانات لاااازم
٥- منكتفيش بمذاكرة مذكرات المدرس
٦- حل اسئلة ال work book بيجي منها كتييير
٧- طمن وساعد اصحابك واوعى تبخل على حد بنصيحة او معلومة
٨- اذكر ربنا دايما وقرب علاقتك بربنا
بالتوفيق للجميع
وربنا معاكوا ان شاء الله ✋
تواصل معنا واتس 01144934369
او فون 01090731626
