نشء

بعد سنة كاملة من:
دراسة .. شاشات .. زحمة .. ضغط واجبات، أطفال كتير بقوا محتاجين حاجة مهمة جداً "يتنفسوا"

يتحركوا براحتهم .. يجروا .. يلعبوا .. يتكلموا بحرية ويعبروا عن أفكارهم .. يجربوا يغلطوا بدون خوف 🤍

في أرض وسما إحنا بنحاول نرجع الطفل لطبيعته وناديه فرصه يستكشف نفسه ومهاراته بشكل طبيعي بدون ضغط 🤍
عشان كده الكامب بتاعنا في
ـ طبيعة واسعة
ـ أنشطة حقيقية
ـ مهارات حياة من خلال مشاريع حقيقية بيتعلم فيها عن الزراعة والنجارة والكشافة ويشتغل بإيده .
ووقت كافي يفرغ فيه كل الضغط اللي جواه.

لأن الطفل مش محتاج "وقت يضيع" في الصيف .. هو محتاج يستعيد نفسه.

لسه متاح أماكن في كامب "أرض وسما" الحقوا مكان لأطفالكم في تجربة هتلمسوا آثارها من أول يوم ❤️

#نشء
#كامب
#طبيعة
#الواحة

كل عام وأنتم وأطفالنا الحلوين بألف خير وصحة ❤️
عائلتنا في نشء بتتمنالكم عيد أضحى مبارك مليان بالدفء واللمة واللحمة 😁

#نشء
#طبيعة
#كامب

هتعمل ايه لو لقيت نفسك في صحراء ؟
هل هتقدر تقيم حياتك بكل ما تحتاجه ؟
طب لو قررت تعيش فيها ازاي تقدر تستقل بحياتك وايه اللي محتاجه أصلا عشان تقدر تعمل ده بدون مساعدة ؟

ده كان سؤالنا الأساسي اللي المفروض الأولاد يجاوبوا عنه .

كيف نستقل بحياتنا داخل الواحة؟

ومن خلال اجاباتهم حددنا المشاريع اللي هنشتغل عليها وهيدرسوا من خلالها المفاهيم الأكاديمية بشكل تطبيقي عملي وفي نفس الوقت هيتعلموا مهارات كتير جداً عن التعلم الذاتي وعن نفسهم وقناعاتهم ده غير مهارات التواصل والنقاش والتفاوض اللي بيحصل بينهم في كل خطوة بيفكروا فيها ويحللوها ويحطوا الاحتمالات ويختبروها وفي الآخر يطلعوا بنتيجة 💪

نتيجة تقول إنهم فعلاً حقيقي اتعلموا مش مجرد مرور عابر على كلام مكتوب في الكتاب هيمتحنوا فيه وينسوه .
لأ تعلم قائم على مشاريع حية بيفكروا فيها كحلول للمشكلة الأساسية .. يخططوا ويجربوا بنفسهم و بيعملوها بإيديهم ويعيشوها فكل لحظة، يحسوا بالتعب والإجهاد و المحاولة مع كل خطأ وبيتعلموا إن الخطأ مش فشل ولكنه خطوة مهمة للتعلم وفي الآخر يحسوا بالإنجاز والرضا والثقة بالنفس لما يكتشفوا إنهم بإيديهم الصغيرة ومحاولاتهم المستمرة قدروا فعلاً يبنوا ويحققوا شئ كبير 💪

عشان الثقة بتكسب بتجارب حقيقية 🤍

تفتكروا إيه الإجابات اللي طلعوها الأطفال؟
ولو انت مكانهم إيه أهم حاجة بالنسبة لك محتاج توفرها عشان تقيم حياتك بشكل مستقل ؟

إجاباتكم هتلهمنا هننتظرها 😊

ولسه مشاريع الواحة مكملة معانا في الكامب اكتبوا مهتم وهنبعتلكم فايل بالتفاصيل 😉

استغلوا الخصم المبكر حتى 24 مايو والحقوا مكان في كامب مختلف في قلب الطبيعة 🌱 🥰

#نشء
#طبيعة
#كامب
#الواحة

العيد فرحة هييييييه 🥳🥳🥳
عشان فرحة العيد متكملش غير واحنا مع بعض قررنا نعمل يوم احتفال بالعيد 😊❤️
معادنا يوم الجمعة الجاية من الساعة 5 ل 7 في مزرعتنا الحبيبة في الشيخ زايد 😍
هنخبز كعك و نعمل توزيعات العيد و نكبر ونلعب مسابقات 🥳🥳
ومنسناش حبايبنا الصغار هيكون ليهم ركن حسي وركوب للحمار 😍
انضموا لينا زحسوا بفرحة العيد 😉
العدد محدود .

#نشء
#طبيعة

من أكتر الحاجات اللي بتخلي الطفل عنده ثقة في نفسه، هي أنه يتعرف أولاً على نفسه وعلى مهاراته 🤍

وده بنحاول نعمله في نشء بأشكال كتير تساعد الطفل أنه يجرب حاجات مختلفة، ويقدر يتعرف على أنسب حاجة ليه، وايه اللي بيحبه ويقدر يتطور فيه، وايه اللي ممكن يمر عليه مرور سريع بس يكون كوّن فكرة عنه والأهم فكرة عن نفسه 🌿

ومن ضمن المنهجيات اللي بنستخدمها لكده هو "التعلم التعاوني" إن كل طفل مطالب منه يفكر في حاجة سواء معلوماتية أو مهارية يعلمها لأصحابه .. يعمل عنها برزنتيشن قدام الجميع ويبقى مطلوب منه أنه يكون معلم .. يقود الفريق .. يوزع الأدوار .. يحدد خطة التعلم .. ويبدأ يعلمهم بشكل تدريجي 😊

كل الأطفال مهما كانت خجولة بتحب تجرب في فقرة "أنا المعلم" وبنكتشف عنهم كنوز 🥰

انت كمان طفلك قدامه فرصة كبيرة يكتشف نفسه و يتعرف على مهاراته لو لحق حجز الكامب الصيفي معانا 😉

العدد محدود .. استغلوا خصم الحجز المبكر حتى 24 مايو 😉

#نشء
#طبيعة
#كامب

ازاي بتعلموا الأطفال في نشء؟
بسيطة بنفسحهم ونحكي لهم قصص 😄

الصور اليوم من رحلة السلطان حسن ومسجد الرفاعي كجزء من مساق العمارة والبناء 🤍

ابعتولنا واعرفوا عن برامج الصيف هتتفتح لعدد محدود جداً 😉

#نشء
#طبيعة