اكاديمية كيان لتنمية المهارات والتدريب بالمنزله

✨👩‍👧 همسة في ودن ابنك وهو نايم… ممكن تغيّر حياته كلها من غير ما تعلي صوتك! 🤫💖

كتير مننا كأمهات بنتنرفز 😤 ونزعق عشان ولادنا يسمعوا الكلام… بس عارفة إن في طريقة سحرية 💫، هادية جدًا وفعّالة، تقدر تغيّر سلوك ابنك من غير صريخ ولا عصبية؟

السر ببساطة 👉 تكلمي مع عقله الباطن وهو نايم! 😴🧠

🧠 ليه وقت النوم بالذات؟

لما ابنك يدخل في النوم العميق، عقله الواعي بينام، لكن عقله اللاواعي بيبقى فاتح ودانه لكل كلمة 💌. يعني أي كلمة إيجابية هتقوليها هتترسخ جواه كحقيقة.

العلم بيقول 🧑‍🔬:
الأطفال لحد ٧ سنين بيبقوا في حالة "موجات ثيتا" 🌀، نفس الحالة اللي بيستخدموها في التنويم الإيحائي… وده يخليهم يستقبلوا الكلمات زي الإسفنجة!

✅ إزاي تعمليها؟

1. 💤 استني النوم العميق: بعد ٢٠–٤٠ دقيقة من نومه.

2. 👂 قربي من ودنه بالراحة: وابتدي باسمه وبعدين قولي العبارات الإيجابية.

3. ⏳ ٣ دقايق بس كل يوم: كرري نفس الكلام ١٤ يوم ورا بعض… وشوفي الفرق!

🟢 أمثلة لعبارات تقوليهاله:

"يا بطل 💪، إنت شاطر وذكي جدًا."

"إنت هادي 😌 وبتعرف تتحكم في مشاعرك."

"إنت شجاع 🦁، ومفيش حاجة تخوفك."

"إنت محبوب 💖 ومميز، وماما وبابا فخورين بيك."

🚫 ممنوع النفي!
ما تقوليش: "إنت مش خايف" ❌، لإن عقله يترجمها "إنت خايف".
قولي بدلها: "إنت شجاع وقوي." ✅

🎯 مشاكل تقدري تعالجيها بالهمسات دي:

التبول اللاإرادي 🚽: "إنت بتقدر تتحكم في جسمك وتقوم للحمام بسهولة."

الخوف 😨: "إنت آمن ومطَمّن، وماما دايمًا جنبك."

العصبية 😡: "إنت هادي وصبور، وبتفرح مع أصحابك."

💡 صدقيني… ٣ دقايق همس كل ليلة ممكن يبنوا جواه ثقة، هدوء، وراحة نفسية تعيش معاه العمر كله.
الكلمة الطيبة بتغيّر عالمه الداخلي ، فخليه عالم مليان حب وثقة 💪

الاخصائيه/ سحر سعد الضويني
اكاديمية كيان HM لتنمية المهارات والتدريب بالمنزله 👏💪

👈لو ابنك بيعمل السلوكيات دي لحد عمر ٣ سنوات اعرفي إنه طبيعي جدًا وبيتطور بشكل رائع👇

♦️لازم في الأول تفهمي طبيعة المرحلة اللي بيمر بيها طفلك وطبيعة نموه.
لأن كتير مننا بيحتاروا قدام بعض السلوكيات اللي بيعملها الطفل في أول ٣ سنوات من عمره، أوقات بنشوفها ،غلط ،عناد ، دلع، قلة تربية، زي ما الناس ساعات بيوصغوها.
لكن الحقيقة اللي لازم كل أم تعرفها كويس جداً إن كل حركة، كل كلمة، كل صرخة، كل فعل ورد فعل ،ليها هدف كبير جدًا، ووراها خطوة مهمة في نمو طفلك وتطوره الطبيعي❤️

تعالي أقولك إيه السلوكيات دي وليه لازم تفرحي إنها بتحصل مش تتعصبي وتضايقي منها.

١- البكاء الكتير:
هدفه: دي اللغة الوحيدة اللي بيعرف يعبر بيها عن نفسه. بيقولك أنا جعان، أنا تعبان، محتاج حضنك...
الطفل بيتولد ولغته الوحيدة هي البكاء لحد ما يقدر يعبر لفظياً عن كل احتياجاته.
تأثيره الإيجابي: بيساعده يتعلم إن فيه أمان حواليه وإن في حد بيستجيب ليه ،وده أساس بناء الثقة بينكم في الأول❤️

٢- يرمي الحاجة على الأرض ويرجع يطلبها:
هدفه: بيكتشف (السبب والنتيجة) بيجرب لو رميت اللعبة، إيه اللي هيحصل؟
(هتقع هتتحرك هتعمل صوت..)
تأثيره الإيجابي: بيعلمه القوانين الطبيعية في بيئته اللي لسه بيحاول يفهمها، وبينمي فضوله وتجربته للعالم المحيط بيه.

٣- يقول "لأ" كتير:
هدفه: بيحاول يثبت ذاته ويجرب استقلاليته.
تأثيره الإيجابي: بداية تكوين شخصيته وبيتعلم إنه شخص مختلف له رغباته وقراراته.

٤- الحركة الزايدة والتنطيط والجري:
هدفه: الجسم والمخ محتاجين تجارب كتير عشان ينموا. الحركة بتبني عضلاته وتوازن جسمه ونموه الجسدي.
تأثيره الإيجابي: بتقوي عضلاته الدقيقة والكبيرة، وبتخليه أكثر ثقة بنفسه ،والحركة الزايدة من المتطلبات الأساسية لنموه الجسدي والعقلي.

٥- اللعب العشوائي أو التخريب (يفتح الأدراج/يفضي الشنط/يفتح التلاجه/يلعب في المياه...)
هدفه: بيستكشف البيئة المحيطة بيه كلها واللي بالنسبالة عالم جديد لازم يتعرف عليه ويستكشفه وتجارب كلها بتنمي مهاراته.
تأثيره الإيجابي: بيساعده يتعلم يميز الأحجام والأشكال ويطور ذكاءه الحسي والحركي ويفهم قوانين صغيره بتساعد تطوره العقلي بشكل كبير جداً.

٦- الخيال الواسع (يكلم نفسه أو يتخيل العابه أشخاص ويتكلم معاهم)
هدفه: بداية تنمية الإبداع والتفكير التخيلي عنده الطفل ودول أول مهارات التفكير.
تأثيره الإيجابي: بيطور قدرته على حل المشكلات والتفكير الابتكاري والإبداعي.

٧- نوبات الغضب زي (الصريخ/البكاء/الرمي على الأرض):
هدفه: لسه مش بيعرف يعبر بالكلام عن مشاعره ،وبيجرب كل فعل ورد الفعل.
تأثيره الإيجابي: فرصة يتعلم تدريجيًا إزاي يتحكم في مشاعره ويعبر عنها لما يلاقي منك هدوء وتوجيه للطريقة البديلة

٨- التعلق الشديد بالأم:
هدفه: بيبني عنده الارتباط الآمن.
تأثيره الإيجابي: لما يشبع من حضنك وأمانك، هيطلع مستقل وواثق بنفسه مع الوقت(مش العكس زي ما كتير بيقول)

٩- التقليد المستمر (يقلد حركاتك وكلامك وطريقتك)
هدفه: كده هو بيتعلم اللغة والسلوكيات الاجتماعية.
تأثيره الإيجابي: بيتعلم مهارة التقليد ودي أسرع مهارة لتطوره العقلي والاجتماعي واللغوي.

١٠- اللخبطة في الأكل (مرة ياكل كويس ومرة يرفض)
هدفه: جسمه بيتغير واحتياجاته بتتغير باستمرار في المرحلة دي.
تأثيره الإيجابي: بيعلمه يستجيب لاحتياجات جسمه وبيطور استقلاليته في الأكل.

١١- بيكرر نفس الكلمة أو الفعل ميت مرة:

هدفه: تثبيت المعلومة في دماغه، ودي طبيعة المرحلة دي بيحتاج تكرار كتير عشان المعلومة تثبت.
تأثيره الإيجابي: ده اللي بيخلي اللغة والمعرفة ترسخ عنده من وهو صغير.

باختصار يا ماما لو ابنك لحد ٣ سنوات بيعمل الحاجات دي،

متقلقيش، هو مش بيغلط، هو بيتعلم ودي حاجة تستاهل منك إنك تفرحي وانك تكوني صبورة معاه.
احتوي واصبري وافهمي طبيعة سن إبنك.

إوعي تسمعي كلام الناس اللي بيقولولك ابنك متعب أو ربيه وامنعيه وسيبيه....هو مش متعب، هو بيكبر قدام عينيكي إنتي وإنتي اللي لازم تفهمي إن إبنك كده بيكبر صح 👌

الغيرة بين الأخوات بعنوان (أنا مش وحش، أنا بس كنت الأول)

فيه طفل صغير في البيت كان كل حاجة في البيت بتتقال بإسمه هو.
شوفوا حبيبي
برافو يا حبيبي
ده أول ضحكة ليا
أول فرحتي
أول كلمة ماما وبابا تسمعوها
كل الصور ليه، كل الدلع ليه، وكل الحب في البيت كان ليه❤️

وفجأة
جه أخ صغير👶👦
طفل جديد دخل البيت ،ومع دخوله، الدنيا حرفياً اتغيرت.

الأم بقت تعبانة ومجهدة، الأب بقى مشغول ساعات بالمولود الجديد
والطفل الكبير بقى يسمع جمل زي:
انت كبرت خلاص، لازم تساعدنا
اسكت شوية، أخوك نايم
متقربش من حاجته
سيب اللعبه بتاعت اخوك، هو صغير
مش وقتك دلوقتي

الطفل الكبير بدأ يحس إنه اتشال من على العرش💔
بدأ يسأل نفسه:
هو أنا كنت غلط لما كنت مبسوط؟
هو أنا بقيت وحش لما أخويا جيه؟
هو ليه لما يعيط الكل يجري عليه؟ وأنا لما أعيط يتقالي إنت كبير او الرجالة مش بتعيط؟
فيبدأ يعند
يبدأ يغير
يبدأ يتصرف تصرفات مش مفهومة لبعض الأمهات
ممكن يرجع يتبول على نفسه، أو يبقي عصبي ، أو يزق أخوه، أو يقول كلام يوجع، أو يقلد أخوه الصغير في كل حاجة.

لكن الحقيقة؟
هو مش وحش ولا شرير خالص
هو "موجوع"

الطفل الكبير مش محتاج عقاب، ولا صريخ، ولا مقارنة…
هو محتاج "حضن" محتاج اللي يطبطب على قلبه ويقوله:
نا عارف إنك زعلان وساعات بتكون مضايق، وأنا جنبك، وإنت لسه حبيبي الأول والأخير.

👩‍👦 قوليله:
أنا مبسوطة بيك إنك أخ كبير، بس ده مش معناه إني بحبك أقل، ده معناه إني بقيت أثق فيك أكتر من الأول.
هو أخوك ساعات بيكون محتاجني أكتر دلوقتي، بس إنت دايمًا في قلبي وحبيبي.
تعالى نعمل حاجه إحنا الاتنين لوحدنا، زي زمان.

وفريله وقت خاص ليه هو بس
خليه يحكيلك من غير ما تقاطعيه…
اديله مساحة يعبر حتى لو بأسلوبه البسيط…
خليه يحس إن له مكان ثابت ميتهزش مهما الدنيا تغيرت.

الطفل الكبير مش محتاج يتعلم يتقبل أخوه الصغير بالعافية
هو محتاج يتطمن إنه "لسه محبوب" زي ما هو
ساعتها بس، هيفتح قلبه لأخوه، وهيحميه، وهيفرحله، وهيكون صديقه قبل ما يكون أخوه.❤️

لو عندك طفلين، افتكري دايمًا:
الأول اتخلق على إيده أول حب❤️
والتاني جِه يكمل البيت، مش يسرق مكانه👌

أخصائيه /سحر سعد الضويني
اخصائي نفسي وتربيه خاصه
اكاديمية كيان HM لتنمية المهارات والتدريب بالمنزله 😍

👈أطعمة تزود طول طفلك👇
===============
1-منتجات الألبان👏
مثل: الحليب والجبن وهى عالية في المعادن الأساسية مثل الكالسيوم والفيتامينات مثل A و B و D و E.

الحليب هو أيضًا مصدر جيد للبروتين، ما يساعد في نمو الخلايا في الجسم، لا يكتمل نظام غذائي لأي طفل بدون كوب كبير من الحليب يوميًا.

2-الزبادي👏
يحتوي الزبادي على البروتين، الذي يساعد في عملية نمو الطفل، ودوره في تحسين عمل الجهاز المناعي وتقليل فرص الإصابة بالالتهاب المسببة للأمراض الخطيرة.

3-التوت والفراولة👏
يحتوي التوت بأنواعه والفراولة على نسبة عالية من فيتامين سي الذي يعزز نمو الخلايا وإصلاح الأنسجة التالفة وزيادة الكولاجين الذي يعمل على زيادة كثافة العظام وتحسين صحتها.

4-الخضروات الورقيه👏
تحتوي الخضروات الورقية مثل السبانخ والخس والكرنب وغيرها على كمية كبيرة من العناصر الغذائية، على رأسها فيتامين K الذي يزيد كثافة العظام ويدعم نموها وطولها بشكل سليم، إلى جانب فيتامين سي والكالسيوم والحديد والماغنسيوم والبوتاسيوم.

5-البيض👏
يحتوي البيض على نسبة عالية من البروتينات والكالسيوم وفيتامين ب 12 والريبوفلافين، وهي إضافات أساسية في نظام طفلك الغذائي إذا كنت ترغب في زيادة طوله.

6-الدجاج👏
الدجاج غني بالبروتين ويساعد في بناء أنسجة وعضلات طفلك والتي بدورها تساعده على النمو.

7-فول الصويا👏
من الأطعمة التى تساعد في تعزيز صحة طفلك وطوله، غني بالبروتينات والفولات والفيتامينات والكربوهيدرات والألياف، وهو بديل جيد لأولئك الذين يبحثون عن خيارات البروتين النباتي.

8-الموز👏
غني بالبوتاسيوم والمنجنيز والكالسيوم، ويساعد في تعزيز صحة طفلك.

9-الشوفان👏
دقيق الشوفان هو أيضًا مصدر غني بالبروتين، وهذا أيضًا عنصر غذائي لزيادة الطول والعضلات في الجسم.

10-المكسرات والبذور👏
المكسرات والبذور غنية بالمعادن والفيتامينات الأساسية وكذلك الدهون الصحية والأحماض الأمينية التي تعتبر حيوية للنمو.

12-السلمون👏
يعتبر السلمون من الأسماك الدهنية الغنية بأحماض أوميجا 3، والتي تلعب دورا مهما في الحفاظ على صحة العظام ودعم تطور ونمو الأطفال بشكل سليم، فضلاً عن البروتين والبوتاسيوم وفيتامين B.

👈اكاديمية كيان HM لتنمية المهارات والتدريب بالمنزله

العنوان /بجوار السمك أعلي عيادة د.ايمن منيسي

تآزر بصري وحركي 👌💪

Follow @vandita.momandmore for more such fun activities! Check out my saved highlights folder called "Indoor Play" for over 260+ easy science experiments, fun indoor games and brilliant brain gym activities for kids🙌

تدريبات Brain Gym 🧠💪

#زيادة_التركيز #تنمية_مهارات #مركز_التميز_لتطوير_المهارات_وصعوبات_التعلم

👌

من كرتون… لأنشطة تنمّي مهارات طفلك! 🎨🖐️ اليوم جهزت أنشطة ممتعة ومتنوعة لميمي بإستخدام رول كرتون المناديل ! ♻️✨ 1️⃣ تحدّي الحلقات: قصيت الكرتون لحلقات ، وميمي استخدمت االعصا لتحريكها ووضعها داخلها ♻️نشاط حركي ممتع لتنمية التركيز والتحكم اليدوي 🤹‍♀️ 2️⃣ تلوين الحلقات: رسمت دوائر على ورقة بكل لون، وفي نهاية كل دائرة خط مختلف، وميمي تلوّن الحلقات بأصابعها، نشاط لتنمية المهارات الحسّية والتنسيق بين اليد والعين وتنشيط الدماغ 🎨🖐️ 3️⃣ بناء طولي: استخدمت الحلاقات لبناء أبراج طويلة، نشاط لتنمية التوازن والإبداع الهندسي 🏗️✨ 4️⃣ تلوين الحلقات حسب الشكل: شكلت الحلاقات على شكل مثلث، مستطيل، ودائرة، وطلبت من ميمي تلوين كل حلقة حسب الشكل المطلوب على الورقة، نشاط لتنمية المهارات البصرية والمعرفة بالأشكال 🔺📐⚪ ✨ أنشطة بسيطة… لكن مليانة متعة وتعلّم!✨ اذا الهمتك الأفكار تابعينا عشان توصلك أفكار أكتر كل يوم 🌈💡

👈القسوة عند الأبناء

🗣️ بلاش تربي عيالك بالزعيق… وتيجي بعد كده تقول:

"ابني قلبه حجر عليا" 💔…
هو اتعود يشوف صوتك العالي مش حضنك.

"ابني بيكدب عليا" 😶‍🌫️…
ما هو لو قالك الحقيقة هيتشخط ويتشتم… فالكدب عنده أمان أكتر.

"عيالي مش بيحبوا البيت" 🏃…
هو البيت مكان أمان ولا محطة قطار عياط وخناقات؟

📌 خد عندك مواقف من كل يوم:

👩‍👦 ابنك بيوقع كوباية مية… بدل ما يسمع "عادي يا حبيبي"، بيسمع "إنت هتفضل خايب لحد إمتى؟!" 😡

👈 بعد شوية… هتستغرب ليه بقي متوتر من أقل حاجة.

📚 بنتك ما جابتش الدرجة النهائية… بدل "يلا المرة الجاية أحسن"، بيسمع "إنتِ عمرك ما هتنفعي!" 💔

👈 بعد شوية… هتستغرب ليه ثقتها في نفسها صفر.

📝 ابنك نسي يعمل الواجب… بدل "طب المرة الجاية ركّز"، بيسمع "إنت غبي ولا إيه؟!" 😠

👈بعد شوية… هتستغرب ليه بيكدب ويقول "عملته" وهو ما عملش.

🎮 ابنك قاعد يلعب ونسى الوقت… بدل "تعالى نرتب وقت اللعب والمذاكرة"، بيسمع "إنت هتفضل فاشل طول عمرك" 😱

👈 بعد شوية… هتستغرب ليه عايش في عالمه ومش عايز يقرب منك.

👊 خد بالك يا أب ويا أم:
البيت اللي كله صوت عالي 👂🔥
= بيت بينتج ولاد ضعاف، مهزوزين، مش عارفين يثقوا في نفسهم.

البيت العنيف مش بيربي…
البيت العنيف بيكسر.

♦️♦️وافتكر 👇
اللي إنت اتربيت عليه مش مقياس.
لو إنت اتربيت بالزعيق واتأذيت… مش معنى كده تكرر نفس الألم مع ولادك.

❌ إنت مش مجبر تخلف.

✔️ لكن لو اخترت تخلف… تبقى مجبر تربي برحمة وصبر ووعي.

♦️التربية مش معركة🥹

التربية رحلة حب وصبر… وصوت واطي أحن من ألف زعيق. ❤️

#اكاديمية كيان HM
لتنمية المهارات والتدريب بالمنزله
#أخصائيه /سحر سعد الضويني

💥1-اذا عاش الطفل في جو من التشجيع يتعلم الثقة بالنفس.

💥2ـ اذا عاش الطفل في جو من التحمل يتعلم الصبر.

💥3ـ اذا عاش الطفل في جو من المديح يتعلم الرضى والمحبة.

💥4ـ اذا عاش الطفل في جو من المشاركة يتعلم العطاء والكرم

💥5ـ اذا عاش الطفل في جو من النزاهه يتعلم الصدق.

💥6ـ اذا عاش الطفل في جو من الانصاف يتعلم العدل.

💥7ـ اذا عاش الطفل في جو من مراعاة المشاعر يتعلم الاحترام

💥8ـ اذا عاش الطفل في جو من المحاسبة والانتقاد يتعلم الكذب

💥9ـ اذا عاش الطفل في جو من الاحباط والعنف يتعلم العدوان.

💥10ـ اذا عاش الطفل في جو من الخوف يتعلم الضعف والقلق.

💥11ـ اذا عاش الطفل في جو من الوحدة الاجتماعية يتعلم الانطواء.

💥12ـ اذا عاش الطفل في جو من السخرية يتعلم الخجل.

💥13ـ اذا عاش الطفل في جو من الغيرة يتعلم الحسد.

💥14ـ اذا عاش الطفل في جو من الاهتمام الزائد يتعلم عدم الاعتماد على النفس.

الاخصائيه /سحر سعد الضويني
اخصائي نفسي وتربيه خاصه

ـاكاديمية- كيان HM ـ
لتنمية المهارات والتدريب بالمنزله.دقهليه

لما يكون عندك طفلين بيتخانقوا، لازم يكون عندك طريقة ثابتة وعادلة تتعاملي بيها، علشان ما يحصلش ارتباك عندهم أو إحساس بالظلم. الطرق اللي ذكرتيها عندها تأثيرات مختلفة:

1️⃣ "معلش يا حبيبي" وأحضنه" → ده بيعلم الصغير إنه ضحية دايمًا، وإنه لما يتضرب مش لازم يدافع عن نفسه، بس يستنى الحضن والمواساة.
2️⃣ "خد حقك واضربه" → ده بيعلمهم إن العنف هو الحل، وإن الضرب هو الطريقة الوحيدة لاسترجاع الحقوق، وده ممكن يخلي المشاكل تزيد بينهم.
3️⃣ "أنا أضرب الكبير لأنه غلط" → ده بيخلي الكبير يشعر بالظلم، وبدل ما يتعلم إنه غلطان، بيتعلم إنه ضعيف قدام السلطة بس، وهيكرر العنف على الصغير لما انتِ مش تبقي موجودة.

✅ الحل الصحيح: تعليمهم ضبط النفس والتواصل

افصلي بينهم فورًا بدون صراخ أو ضرب.

اسألي الكبير: "ليه ضربت أخوك؟ هل كنت غاضب؟ ممكن تقول لي بدل ما تمد إيدك؟"

اسألي الصغير: "هل كنت تضايقه؟ هل حاولت تقول له توقف قبل ما تحصل المشكلة؟"

علميهم قاعدة: "ماينفعش نؤذي بعض بأي شكل، لازم نتكلم أولًا".

لو الكبير ضرب الصغير، قولي له: "ممنوع الضرب، لو كنت غاضب تعال نتكلم عن اللي مضايقك"، واطلبي منه الاعتذار بطريقة مش مذلة.

لو الصغير مستفز، فهميه إنه لازم يحترم حدود أخوه.

🎯 الخلاصة:
✔ لا تعاقبي بالعنف، لأن ده بيزود العدوانية.
✔ لا تشجعي على رد الضربة، لأن ده بيعلمهم الانتقام.
✔ علميهم التواصل وحل المشاكل بالكلام، مش باليد.

❌ لو اتعودوا على الضرب كوسيلة، هتزيد المشاكل، لكن لو اتعلموا يعبروا عن مشاعرهم بالكلام، علاقتهم هتبقى أقوى وأفضل طول العمر.