حضانة الزهور بيبي

08/10/2024

حضرتك عارفه إنك لازم تنزلى إبنك أو بنتك الحضانه ؟؟
طيب عارفه ليه ؟؟
- لأن الطفل اللى نزل حضانه فى سن بدرى متميز ومختلف تماما عن الطفل اللى منزلش أو نزل متأخر .
طيب مختلف ومتميز فى ايه بالظبط ؟؟
- الطفل اللى نزل حضانه بدرى بيكون جريء وشخصيته قويه.
- ذكى وسريع البديهه
إجتماعى مش إنطوائى و مش بيحب العزله و بيعرف يتعامل مع أصحابه .
- بيقدر يدافع عن نفسه و يحافظ على أدواته وممتلكاته.
- بيعرف يرد ويتكلم ويتحاور مع الناس كويس.
- شخصيته ونفسيته وصحته ومناعته بيتأثروا تأثير إيجابى جدا لأنه بيصحى من النوم بدرى وياكل وجباته بدرى فبالتالى بياخد باقى وجبات اليوم فى ميعادها وبينام بدرى وبيجرى وبيلعب وبيقابل أصحابه ومدرساته وبيلعب معاهم وبيكتسب مهارات جديده كل يوم .
وبيكتسب معلومات جديده وبتنمى مهاراته عن طريق أنشطة تنمية المهارات ومن خلال إكتساب مهارات جديده أخرى من مدرساته وأصحابه .
عرفتي اد ايه الحضانه مهمة لطفلك؟

28/09/2024

في اول ١٨ سنه من حياتنا ..عقلنا بيخزن كل مفاهيمنا عن الحياه.
معني الحب
معني الصداقه
معني الاستقلاليه..الاحترام ..التقدير.. الاعتماد علي النفس و الاستقلاليه..الدفاع عن النفس و الرأي.
معني التسامح. الانضباط و الالتزام.
ما يسمي حاليا بالتربيه الايجابيه ما هو الا محاوله لترسيخ المفاهيم الصحيحه للمبادئ دي.
لما طفلك الي عمره سنتين يبتدي يكتشف كلمه لا و مش عايز الي بتتقال علي اي حاجه ..ما هي الا محاوله لمزاوله مفهوم الاستقلاليه .
مش لازم نفهمه و نرسخ جواه انه ملوش رأي. لو مفيش حاجه تضره ما نسيبه يقول " مش عايز " ، مش حيجري حاجه يعني.
مش عابز يسلم علي حد و ماله
مش عايز يلبس الطقم ده و عايز ده و ماله
مش عايز ياكل في الطبق الي لونه اصفر و عايز الاحمر و ماله
مش عابز يلبس جزمه الي لايقه عالطقم و مصمم في واحده مش لايقه و ماله ...هو مش داخل مسابقه اناقه 😀
طلامه قراره مش حياذيه...اسيب ليه حريه الاختيار و هو حيتعلم لوحده و حيحس انه متشاف و مش محتاج يكون عنيد عشان يثبت انه موجود .

10/09/2024