High Horse Stud هاي هورس لتعليم الفروسية وركوب الخيل

18/09/2026

16/09/2026

🤔🐎 زوزكا

16/09/2026

📚🏇 لو شاطر في مدرستك.. تبقى فارس معانا!
في High Horse Academy بنكافئ المتفوقين بعرض العودة للمدارس:

هات شهادة السنة اللي فاتت وتعالى:
🔥 ممتاز = هتاخد 40% خصم
🔥 جيد جداً = هتاخد 30% خصم
🔥 جيد = هتاخد 20% خصم

وكمان هات صاحبك أو أخوك يجرب أول سيشن ببلاش على حسابنا!

عشان نبدأ الدراسة بطاقة وتركيز عالي 💪

ابعتلنا كلمة "متفوق" وصورة الشهادة على الرسايل واحجز مكانك.
الأماكن محدودة - هاي هورس المحلة الكبرى

16/09/2026

هشام ابو الشيخ
الخيل تعرف خيالها.. والاصيل يفضل اصيل 🐎🫰

15/09/2026

لما الحصان يخطف منك اللجام.. بتعمل ايه؟ تعاند معاه ولا تسيبه؟

حركة بتحصل مع كل الفرسان مبتداين او متقدمين، لكن فرق رد الفعل الصحيح هو الفارق بين المحترف وقليل الخبرة، الحصان يروح مدّي رقبته مرة واحدة لتحت ويشد العنان من ايدك.

لو عاندت معاه وشديت قصاده انت اللي هتتاخد لقدام وهتقع، لان ببساطة رقبته اقوى من دراعك 10 مرات.

هنا بيجي دور حركة اسمها الريليز - Release او انزلاق العنان

مش معناها تسيب اللجام.. معناها تسمح للعنان يجري جوه ايدك بانسيابية.

فايدتها ايه ؟

1- بتحافظ على توازنك وبتفضل ثابت في السرج وكتفك ورا.
2- بتحافظ على اتصالك بفم الحصان، العنان متخطفش كله ووقع، انت لسه ماسكه من آخره.
3- بتعلم الحصان ان الشد مالوش لازمة، لما يشد وميلاقيش مقاومة بيرجع لوحده.

تعملها صح زي المحترفين ازاي؟

الحصان اول ما يبدأ يشد، اوعى تميل معاه لقدام.

اعمل 3 حاجات في نفس الثانية:
- افتح صوابعك سنة وسيب العنان ينزلق 10-15 سم.
- رجع كتفك ورا وسقط كعبك لتحت واشفط بطنك.
- ادفع ايدك لقدام على رقبته.

وبعد ما يخلص شد، اهم نقطة.. لم العنان تاني بالراحة، ايد ورا ايد، مش مرة واحدة بعنف.

**ممنوع نهائي:**
- اوعى تلف العنان على ايدك، لان صباعك ممكن يتكسر.
- اوعى تمسك في الرقبة عشان تثبت نفسك، ثبّت نفسك برجلك ووزنك بس انسى ايدك خالص في التوازن.

الحصان مش بيشد عناد، هو يا موجوع من ايدك الناشفة، يا فاقد توازنه في قفزة او منزل، يا اتعلم ان الحركة دي بتخليه ياخد حريته.

الريليز مش استسلام.. الريليز امتصاص للصدمة، انت بتديه الحبل اللي هو عايزه، بس انت اللي لسه ماسك آخر الحبل.
لان الصراع على اللجام ممكن يسبب عدم توازن الحصان بسبب تغيير خطوته فجأة في وقت غير مناسب.
يعني هيكون ضحيتها الفارس والحصان معا.
دمتم بامان 💐

كابتن هشام ابو الشيخ
- High Horse
#فروسية #خيل

15/09/2026

في زمن كثر فيه الضجيج وقلّ فيه الثبات...
حان الوقت لنعود لأصلنا، لقوتنا، ولأصالتنا! 🐴🏹
في هاي هورس.. نُحيي إرث الفارس الأصيل.
ليست مجرد رياضة، بل هي مدرسة متكاملة لصناعة الشخصية!

🔥 لماذا تختار رحلة الفرسان في هاي هورس؟
* الفروسية:
أن تمسك بزمام الخيل، يعني أن تتعلم كيف تمسك بزمام حياتك.. تتعلم الهدوء أمام التحديات، الجرأة في مواجهة الخوف، والقيادة بكل ثقة.
* الرماية بالقوس:
فن التركيز والحسم وثبات الأعصاب. تُعلمك كيف تحدد هدفك بدقة وتصيبه، بعيدًا عن تشتت الهواتف وضجيج السوشيال ميديا.

💡 الفروسية والرماية تُغرس ولا تُدرّس.. إنها ما يصنع أخلاق الفرسان:
* الانضباط والالتزام
* الاحترام الشهامة
* الإقدام والقيادة
* التركيز والبصيرة

عيش تجربة حقيقية تبني منك شخصية قوية، مستقلة، وقادرة على مواجهة الحياة بثقة وثبات.
الفروسية والرماية ليست مجرد هواية.. إنها أسلوب حياة الفرسان!

✨ في أكاديمية هاي هورس، نمنحك الرحلة التي تستحقها نحو القوة والتميز.

📌 احجز تجربتك الآن وابدأ أولى خطواتك نحو عالم الفرسان!

📩 تواصل معنا عبر رسائل الصفحة لمعرفة المواعيد والتفاصيل.

15/09/2026

تنويه هام بخصوص بروتوكول التدريب على خيل المدرسة
يُلاحظ أحيانًا أن المدرب يُسارع لإيقاف التمرين عند تكرار نفس الخطأ من المتدرب على السرج، وقد يظن البعض أن في ذلك تسرّع.
الحقيقة أن خيل المدرسة هي خيل عامة، تخدم عشرات المتدربين بمستويات مختلفة.
أي خطأ يُسمح بتكراره، تتعلمه الخيل وتعتاد عليه، ثم تبدأ في تنفيذه بشكل تلقائي مع باقي المتدربين، مما يؤثر على مستواها التدريبي وسلوكها الذي بذلنا سنوات في بنائه.
مسؤوليتنا الأولى كمدربين ليست فقط تعليم الفارس، بل الحفاظ على جودة وسلامة واستجابة خيل المدرسة.
إيقاف الخطأ فورًا هو جزء من بروتوكول حماية الخيل، وليس تقييمًا لمستوى المتدرب.
وهنا تظهر القيمة الحقيقية لامتلاك الفارس لجواده الخاص. عندما يكون لك حصانك، تصبح الرحلة مختلفة تمامًا: أنتما شريكان يتعلمان معًا، تعتادان على أخطاء بعضكما، وتصحيحها يكون أعمق وأسهل، لأن العلاقة بينكما ثابتة ومستمرة.
نشكركم على تفهمكم وثقتكم، وهدفنا دائمًا أن نقدم لكم خيلًا احترافية متزنة وجاهزة لتعليمكم بشكل صحيح وآمن.
ادارة التدريب
اكاديمية هاي هورس لتعليم الفروسية

14/09/2026

طريقة تنفيذ Rising Trot و Sitting Trot

لازم كلنا نكون عارفين اهمية تمرينة خطوة التروت للمبتداين والمتقدمين، اي مهارة بتتقنها اثناء تنفيذ التروت هي بمثابة كنز، لانها هتكون اسهل ما يكون في الكانتر او في اي خطوة اخرى للحصان.
اللي يتقن التروت ، يقدر يتقن اي حاجه بعدها.

1. الـ Rising Trot (التروت الصاعد) اب اند داون - بتاع المبتدئين والمسافات الطويلة

الفكرة إنك متتهبدش على ضهر الحصان، انت بتطلع وتنزل معاه.

التنفيذ الصح:

1. الوضعية الأساسية: كعبك لتحت، رجلك على مشط الرجل في الركاب، ضهرك مفرود وكتافك مرتاحة، ايدك ثابتة قدامك.

2. التوقيت هو كل حاجة: الحصان في التروت بيحرك رجلين عكس بعض (دياجونال). لما الكتف الخارجي للحصان يطلع لقدام، انت تطلع لفوق. لما ينزل، انت تنزل. الحصان هو اللي بيرفعك، انت مش بتنط.

3. ازاي تطلع؟ متقفش على الركاب! ادفع فخادك لقدام وفوق خفيفة، كأن حد بيزق وسطك لفوق 15-20 سم بس. لو قومت جامد هتفقد التوازن.

4. قاعدة الدياجونال الصح: وانت ماشي في دايرة، لازم تطلع لما الرجل الأمامية الخارجية للحصان تطلع لقدام. بص عليها بسرعة من تحت عشان تتأكد. لو عكست الدياجونال هتتعب الحصان.

**غلطة 90% من الناس:** بينزلوا يرزعوا في السرج. المفروض تنزل بهدوء، تلمس السرج وتنزل تاني، متخبطش.

2. الـ Sitting Trot (التروت الجالس) - بتاع المتقدمين والدريساج

ده الأصعب، لأن مفيش هروب من الحركة، لازم جسمك يمتصها.

التنفيذ الصح:

1. اقعد بعمق: وزع وزنك على عضمتي المقعد، مش على الفخاد. خليك غاطس في السرج.

2. الوسط هو المساعد: متخليش ضهرك زي الخشبة. خلي وسطك وبطنك مرنين. تخيل إن حوضك بيعمل حركة بندول صغيرة لقدام وورا مع كل خطوة حصان. انت بتمتص الحركة، مش بتقاومها.

3. الرجل ثابتة وطويلة: رجلك نازلة ولفة حوالين الحصان بهدوء، كعبك لتحت، ومفيش تشليق. كل ما رجلك كانت اهدى، قعدتك بقت اثبت.

4. الايدين ميزان: ايدك قريبة من رقبة الحصان وثابتة تماماً، حتى لو جسمك بيتحرك تحت. لو ايدك بتطلع وتنزل، هتوجع بوق الحصان.

تمرين مساعد عشان تتقنه: شيل الركابات خالص واعمل تروت جالس على اللونج (الحبل) والمدرب ماسك الحصان. 5 دقايق كل حصة وهتلاقي توازنك اتحول تماماً.

ابدأ بايه؟
اتعلم Rising Trot الأول واتقنه على الدياجونال الصح، وبعد شهرين ادخل Sitting Trot لمدة دقيقة واحدة بس في وسط التمرين وزودها تدريجياً.

كابتن هشام