أحمد فتحي في المواد الشرعية

أحمد فتحي في المواد الشرعية مدرس المواد الشرعية
أونلاين للثانوية الأزهرية

08/04/2026

المحاضرة الأولى من شرح فرع الميراث
لطلاب
المحاضرة متاحة الأن على #يوتيوب
شرح تفصيلي مبسط
دا لينك المحاضرة 👇👇
https://youtu.be/LxF5gcVUXow
للاستفسار تواصل معايا على الرقم 010 98015360

@متابعين

أغلبنا هيقرأ النهاردة الجزء الخامس من القرآن، ومِش هبالغ لو قولتلك دا أهم بوست ممكن تشوفه في حياتك، وإن شاء الله هتفهم س...
23/02/2026

أغلبنا هيقرأ النهاردة الجزء الخامس من القرآن، ومِش هبالغ لو قولتلك دا أهم بوست ممكن تشوفه في حياتك، وإن شاء الله هتفهم سورة النِّساء بشكل تاني خالص!

​الجزء دا بيمثّل الكتالوج الحقيقي لإدارة البُيوت والعلاقات، وهتلاقي فيه روشتّة للتعافي من الذنوب، والسورة مليانة أحكام وتشريعات علشانك إنت، ومع كل حُكم بتلاقي التركيز كله تقريبًا على حاجتين: (العدل والرحمة).

​الجزء الخامس بياخدنا لـ ٣ محطات أساسية، وكالعادة لو فهمناهم.. كتير جدًا من مشاكلنا هتتحل؛ لأننا بنستخرج الأحكام والحلول من دُستور ربِّ العالمين:

​١. المحطة الأولى - الضعف البشري:
فيه شعور كدا أنا متأكد إنه مُشترك بينا.. أحيانًا بنحس إننا بايخين أوي مع ربنا من كُتر الذنوب! أو إننا كل مرة نتوب وخلاص دي آخر مرة، وهوب نفس الغلطة هي هي! فالاحباط واليأس من ضعفك بيركبك وبتقول: أنا مفيش مني رجا، كدا كدا ضايع!

أهو الشعور باليأس وجلد الذات دا هو أكبر زوحليقة بيعملهالك الشيطان، وعلشان كدا في بداية الجزء دا ربنا نزِّل آيات زي البلسم على قلبك وبيعمل معاك مُكاشفة نفسية جميلة ومُرعبة: (وَاللَّهُ يُرِيدُ أَن يَتُوبَ عَلَيْكُمْ) ركّز كدا في كلمة (يُرِيدُ)، ربنا مش بس هيقبل تَوبتك، لا هو الودود -سُبحانه- اللي يريد إنه يتوب عليك، حابب رجوعك مهما عكّيت وغِبت، بابه مفتوح ومفيش بينك وبينه حواجز ولا واسطة!

وفي نفس الآية بيحصل زوووم خطير على العُصاة الغرقانين: (وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا)، إيه دا مين دول يا رب؟
دول صُحبة السُوء، وصُنّاع التريندات الفاسدة.. إلحق فلان اتجوّز، إلحق فضيحة فلانة، والبيئة التوكسيك اللي بتزيّنلك الحرام والشهوات! الناس دي ذكيّة جدًا، اليأس ركبهم حرفيًا وغرقانين في الوحل وشهواتهم سايقاهم، فهمّا عايزينك معاهم في نفس الوحل علشان مايحسّوش بعقدة النقص، ودا صراع إرادة قوي لازم تُدركه علشان بمجرد ما تقعد على طرف الزوحليقة.. زقّة صغيرة هتنزل الوحل.

ولأن ربنا الخالق العظيم يعلم تركيبتنا، ختم المعنى بآية بتغسل القلب: (يُرِيدُ اللَّهُ أَن يُخَفِّفَ عَنكُمْ وَخُلِقَ الْإِنسَانُ ضَعِيفًا) ياااه على الجَمال والرحمة! ربنا بيقولك: أنا الخالق، وأعلم إنك ابن آدم مِش مَلاك، وأعلم بتركيبتك البشرية اللي فيها ضعف قدام ش**ة عابرة، ضعيف وقت الغضب، ضعيف قدام الفلوس أو كلمتين حلوين في الحرام.. ولأني أعلم الضعف دا، أنا هخفف عنّك، وهشرَّعلك اللي يسند ضعفك.

ودا مش مُبرِّر علشان نستحلى الضعف ونقول: يلا بقى ما إحنا ضُعاف! لا دا طوق نجاة وقت الذنب علشان تهرب لربنا وترجع، مِش تتمادى!

٢. المحطة التانية - بيوت المُسلمين:
مبدأيًا كدا، مفيش بيت مافيهوش مشاكل، ودا طبيعي ومُتوقع؛ لأننا شخصيات مُختلفة، جايين من بيئات وتربية وتجارب مُختلفة، وبنحط دا كله في خلاط واحد وتحت سقف واحد! حتى بيت النبي ﷺ اللي هو أطهر بيت على وجه الأرض حصل فيه غِيرة وخلافات زوجية، والسيدة سَودة بنت زمعة في وقت من الأوقات خافت على العلاقة وتنازلت عن يومها وحقّها للسيدة عائشة حبًّا في النبي ﷺ وحفاظاً على بيتها ومكانتها معاه في الجنة، فالمُشكلة عُمرها ما كانت في وجود الخلاف، المُشكلة كلها في إزاي بنتعامل مع الخلاف؟

و​سورة النساء حطّت لينا المَنهج والكتالوج اللي يحمي أي بيت من الخراب، وبدأت بتأسيس الهيكل التنظيمي للبيت، وهنا هنقابل أكتر مُصطلح بيتفهم غلط:

​- القوامة (الرِّجَالُ قَوَّامُونَ عَلَى النِّسَاءِ):
حبيبي الرجل المُسلم، القوامة تكليف ومسؤولية مُرعبة، مِش تشريف ولا رُخصة لأغراض استعراضية، وبعض الرجّالة -للأسف الشديد- فاكر إن القوامة هي نموذج سي السيد، وخشونة الحنجرة، والتطاول، وزفارة اللسان، وإلغاء شخصيّة الزوجة!

لكن القوامة جايّة من القيام على الأمر بكل جوانبه، يعني إنت الضهر والسند، والقلب اللي بيحتوي، إنت الشقيان المطحون في الدنيا علشان توفّر الأمان المادي والنفسي والمعنوي لأهل بيتك، وإنت الشيخ اللي بيسأل عن الصلاة والعبادة، وإنت الأستاذ اللي بتعلِّم أهلك، وإنت الأسد الحامي للأعراض، وإنت المؤدِّب والمُوجّه بما أمَرَك الله، وإنت القائد الحكيم لشؤون البيت.

على الجانب الآخر، بعض البنات -المُتأثرات بالفاسدات- بتشوف إن القوامة سُلطة وظُلم وتهميش! بس لو شيلتي النضارة السودا دي وركّزتي.. هتلاقي إن الإسلام أعفاكي من مسؤولية الإنفاق الإجباريّة والحماية وأي تكاليف مادية وجسدية، وكلِّف الراجل بكل الأعباء المُرهِقة، وأي مؤسسة ناجحة لازم يكون ليها مُدير وقائد حكيم ومُوجّه ومُصدِر للقرارات، والقوامة حماية للمرأة، فلازم تتقبلي شرع ربنا بصدر رحب علشان تُطبّقي شعار (سَمِعنَا وأَطَعنَا).

​- الزوجة الصالحة (فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّهُ):
القرآن هنا بيرسم صورة الزوجة السويّة المسؤولة اللي جايّة تبني بيت؛ (قَانِتَاتٌ) يعني مطيعة لربها ولزوجها في المعروف، مِش نِد بِنِد، وعِند ومُكابرة!
(حَافِظَاتٌ لِّلْغَيْبِ) يعني في غياب زوجها هي أسد بيحمي عِرضه، وماله، وأسرار بيته، ومشاكلها مابتخرجش برا العتبة، ومابتخونش ثقته فيها، وهي دي الست اللي الراجل بيشيلها فوق راسه.

طيب لو الزوجة اتغيّرت، ومابتسمعش الكلام و و و؟
اسمها ناشِز، والنُشوز مش معناه إنها حرقت الأكل أو قصّرت في شغل البيت، النُشوز هو التعالي والتمرُّد المُتعمّد وهدم أساسيات الحياة الزوجية.

لو دا حصل، ربنا سُبحانه وتعالى حطّ لينا روشتة مُتدرّجة من ٣ أدوية، وبتتاخد بالترتيب جوا البيت علشان نعالِج:

» العلاج الأول .. (فَعِظُوهُنَّ): الشرع والطِب النفسي اتفقوا إن البداية بتكون بالكلام واللين، يعني نفكّر بعض بفضل ربنا علينا، وإننا اتجمّعنا ومرينا بتفاصيل وحكايات ولحظات حلوة، ونتكلّم عن الحلال والحرام، نعاتب بحُب ونحُط النقط على الحروف من غير إهانة ولا تجريح.

» العلاج التاني .. (وَاهْجُرُوهُنَّ فِي الْمَضَاجِعِ): لو الكلام اللين والعتاب مجابش نتيجة ولسه النُشوز موجود.. الشرع بيقول إنك تدّي مساحة هُدنة بذكاء، مساحة تهدّي الأجواء وتراجع نفسها، يعني مثلاً: تجنّبها في النوم جوا الأوضة، وبيّن استياءك بأدب، لكن ماتسيبش البيت ولا تقاطعها بالشهور، ودا أقوى رسالة نفسية، ومعناها: أنا زعلان جدًا ورافض تصرّفاتك.

» العلاج التالت .. (وَاضْرِبُوهُنَّ): وهنا هدّي أعصابك وافهم قبل ما تِسخَن، الخطوة دي كتير من الجَهَلَة والفَسَدَة بيفسّروها بالهوى، ودا جهل وتعدّي على حُدود الله!

الخُطوة دي بتيجي لمّا تكون العلاقة على حافة الهاوية، والنشوز وصل لمرحلة هيتخِرب فيها البيت، سيدنا النبي ﷺ اللي هو المُشرِّع بإذن الله والمُفسِّر للقرآن قيّد الكلمة دي وقال: (ضرباً غير مُبرِّح)، وعُمره ﷺ ما مَد إيده على امرأة قط!

وحَبْر الأمَّة ابن عباس فسّرها بإنها: (الضرب بالسِّوَاك).. إنت متخيل؟ يعني بعود فرشة الأسنان، إذن دا مش اللي في بالك خالص.

والمقصد الشرعي هنا مِش الأذى الجسدي إطلاقاً -دا مُحرّم-، والمقصد هو إظهار قمّة الاستياء والرفض؛ وكأنك بتفوّق الإنسان دا إننا في خطر والبيت بيضيع.

وأي راجل بيستغل الآية دي ويفصّلها علشان يِمِد إيده ويهينها؛ فهو جاهل، ومُخالِف لشرع الله، والنبي ﷺ بريء من فِعله.

والـ ٣ أدوية اللي فاتوا دول بياخدوا وقت، ممكن ٣ شهور أو ٦ شهور أو حتى سنة، أو أكتر أو أقل؛ لأن أي مرض بياخد وقت في العلاج، طيب إذا الحال استمر على ما هو عليه، بنخرج من العلاج الفردي وندخل على العلاج اللي بعده:

​» العلاج الرابع .. تدَخُّل الحُكماء: هنا نلجأ للحل قبل الأخير (وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا) الشرع هنا واضح وجميل، مابنروحش محاكم، ومابننشرش غسيلنا على الفيسبوك، ومابنجيبش قرايب مشحونين ومتحيّزين يزوّدوا الطين بَلّة!

إحنا بنختار راجل عاقل وحكيم من أهله، وراجل زيّه من أهلها.. بس فيه هنا جزئية في غاية الخطورة، والسّر كله في الحتّة دي: (إِن يُرِيدَا إِصْلَاحًا يُوَفِّقِ اللَّهُ بَيْنَهُمَا) يعني التوفيق وحلّ المشكلة مرهون بنيَّة الحَكمين، ولو نيتهم وأسلوبهم وكلامهم بيهدّي النفوس، وينصر المظلوم ويعقّل الظالم.. ربنا هينزل عليهم السَكِينة ويحلّها من عنده.

» العلاج الأخير .. الإمساك أو الطلاق: لو استنفذنا كل الأدوية، ومفيش فايدة واستحالت العِشرة.. هنا الشرع بيتَدَخَّل بعملية جراحيّة لإزالة الأذى، وهي الطّلاق.

يلا بقى نُنشر الغسيل؟
مفيش غسيل أصلاً، كل دا جَهل وتعدّي على الشرع، والإسلام أمرنا بأدب الخِلاف: (وَلَا تَنسَوُا الْفَضْلَ بَيْنَكُمْ) نمشي باحترام، ندّي كل واحد حقّه، لا أذى، لا تشهير، لا محاكم، لا نستخدم العيال ككروت ضغط ومسخرة!

​بالله عليكم.. شُفتوا عظمة وشُمولية في التشريع زي دي؟
دين بيعالج أدَق تفاصيل مشاعرنا، وبيحط أسوار تِحمي بيوتنا من الانهيار والعادات والأعراف اللي خربت عُقول الشباب والبنات والأهالي، اتمسّكوا ببيُوتكم، وافهموا مقاصد رب العزّة، وعدّي واتغافل علشان المراكب تِمشي.

​٣. المحطة التالتة والأخيرة - فيروس النفاق:
بعد ما السورة حطّت قوانين تنضَّف بُيوتنا من المشاكل، بتاخدنا علشان ننضَّف دايرتنا ومُجتمعنا من أخطر فئة ممكن تتعامل معاها في حياتك، وهمّا المُنافقين!

​النفاق دا مرض وفيروس خطير جدًا، والمُنافق أخطر عليك من العدو الواضح! لأن العدو الواضح إنت عارفه وعارف نيّته، لكن المُنافق دا عايش معاك، وبياكل معاك، وممكن يكون بيصلي جنبك وبيتكلم بلُغتك، لكن جوَّاه كُره وحقد وخيانة، ومستني أقرب فرصة يِعلِّم بيها عليك!

​تعالى نشوف السورة كشفت وشوشهم إزاي، وخد بالك علشان الصفات دي موجودة في ناس كتير حوالينا النهاردة:

- ​(إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ):
المُنافق فاكر نفسه ذكي، بيلعب على كل الحِبال ومحدّش واخد باله! تلاقيه بِوشّين، يقعد معاك تحسّه ملاك، ويروح يقعد مع اللي بيكرهوك ويدحرج معاهم أحلى التَمَاسي، فاكر إنه بيكسب بُنَط، لكن الحقيقة إنه بيخدع نفسه، وربنا كاشفه وهيفضحه.

- (وَإِذَا قَامُوا إِلَى الصَّلَاةِ قَامُوا كُسَالَىٰ يُرَاءُونَ النَّاسَ):
لحظة بس.. هو المُنافِق بيصلِّي؟ أيوة وبيصوم وبيزكّي وبيحِج كمان! بس شوف ربنا وَصَفُه بالاستثقال والكسل والتعب من العِبادة، والصلاة عندة مش أولويّة، هي مجرّد إثبات حُضور وانصراف قدام النّاس، والعبادة بالنسباله دعاية مش عقيدة.

- (مُّذَبْذَبِينَ بَيْنَ ذَٰلِكَ لَا إِلَىٰ هَٰؤُلَاءِ وَلَا إِلَىٰ هَٰؤُلَاءِ):
تلاقيه ​معاك معاك.. عليك عليك! شخص مُذبذب وعايش في المراجيح، ملوش مبدأ ولا كلمة، دينه هو مصلحته فقط! وتلاقيه كلامنجي وبيعرف يرسمها ويِحبُكها طول ما الدنيا أمان ومفيش خساير، لكن وقت الشدة والأزمات.. أول واحد يبيعك ويهرب.

- نهاية المُنافق المُرعبة:
ربنا -سُبحانه وتعالى- توعّد ليه وعيد مخصوص: (إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ) يعني في قاع جهنّم، تحت أبو لهب والصُحبة اللئيمة.

علشان كدا النبي ﷺ كان دايمًا بيستعيذ من النِّفاق، ف​اللهم طهّر قلوبنا من النفاق، واهدنا وعلِّمنا وفهِّمنا وأدِّبنا بآياتك، واحفظ بيوتنا من كل سوء.

​لو وصلت لحد هنا، ارفع البوست بتعليق وشير لعله ينفع غيرك، واستنوا الجزء السادس بكرة إن أحيانا الله.
#منقول

06/02/2026

سورة المعارج (الدرس الثاني)
طلاب الصف الثاني الثانوي (علمي)
اللينك في أول تعليق
اسمع الشرح وقولي رئيك
للاستفسار تواصل معايا على الرقم 010 98015360



طلاب 3ث اجهز معايا كدا عشان هنزل لك سؤال على منهجك (كل يوم)السؤال مش هيبقى صعب بس محتاج واحد مذاكر عشان يحلهفـ تحدى نفسك...
04/02/2026

طلاب 3ث
اجهز معايا كدا عشان هنزل لك سؤال على منهجك (كل يوم)

السؤال مش هيبقى صعب بس محتاج واحد مذاكر عشان يحله
فـ تحدى نفسك وخليك جاااااااهز عشان اللي جاي ملوش زاي😂
نسمِ الله بالسؤال دا
(خاص بالتفسير لطلاب العلمي والأدبي)

اكتب الإحابة في تعليق
ولو عاوز تسأل اي سؤال يخص المواد الشرعية
تواصل معايا على الرقم 010 98015360



21/01/2026

الدرس الأول من سورة المعارج
للصف الثاني الثانوي علمي (الترم الثاني)
للتواصل أو الاتسفسار
010 98015360



بداية الترم الثاني لطلاب الصف الثاني الثانويمتاح الأن على اليوتيوب شرح أو اربع دروس في منهج التوحيد (علمي) (صفة الصدق - ...
19/01/2026

بداية الترم الثاني لطلاب الصف الثاني الثانوي
متاح الأن على اليوتيوب شرح أو اربع دروس في منهج التوحيد (علمي)
(صفة الصدق - صفة الفطانة - صفة التبليغ) وما يستحيل في حق الرسل عليهم السلام

https://youtu.be/x9WWEvzcM1I?si=qTCuv222g8XiUaoR

متاح متاح شرح المواد الشرعية للثانوية الأزهرية (أون لاين)
الشرح مباشر على تيليجرام
للاستفسار تواصل على الرقم 010 98015360




♥بــسم الله نبدأ♥⭕بعد أن اتم الله علينا بفضله ومنته بالتوفيق في الترم الأول مع طلاب الصف الأول والثاني الثانوي⭕نعلن عن ب...
04/01/2026

♥بــسم الله نبدأ♥
⭕بعد أن اتم الله علينا بفضله ومنته بالتوفيق في الترم الأول مع طلاب الصف الأول والثاني الثانوي
⭕نعلن عن بداية شرح منهج الفصل الظراسي الثاني
بمشيئة الله يوم السبت
الموافق 2026/1/10
📌سنتر / أونلاين
📞 للتواصل والاستفسار تواصل على الرقم
010 98015360
او اكتب تعليق بـ (تم) وهنتواصل معاك
📌أماكن تواجدنا👇👇
المحلة الكبرى
صفط تراب: بجوار مسجد سيدي عبدالغني



Address

El-Mahalla El-Kubra

Website

, ,

Alerts

Be the first to know and let us send you an email when أحمد فتحي في المواد الشرعية posts news and promotions. Your email address will not be used for any other purpose, and you can unsubscribe at any time.

Contact The School

Send a message to أحمد فتحي في المواد الشرعية:

Shortcuts

Share

Category