Will be Academy

26/08/2026

10/09/2025

هو عادي ابني يعيط في الحضانه🐣
لازم تفهمي الطفل حاسس بإيه:
١_ البيئة المحيطة بيه كلها فجأة اتغيرت ( الوان واشكال ومعلمين وقواعد ونظام وروائح وأطفال وأصوات )
كل مدركاته الحسية في بيته اللي متعود عليها مش موجودة.

٢_ مصدر أمانه بابا وماما مش موجودين.

٣_ الذهاب للحضانة والفصل عن الأم والأب تعتبر ثاني صدمة في حياة الطفل من بعد الفطام وحرمان أمه ليه من غذاءه المفضل .

بناء على ذلك الطفل يبكي اولى الأيام وممكن الأسابيع الأولى والأطفال نفسهم طويل جدا وممكن يكون عنيد وعايز ينفذ اللي في دماغه ومصمم ميروحش ويطول في نوبات البكاء والغضب

وممكن أما يرجع البيت تلاقيه يعمل سلوكيات تعبر عن غضبه يضربك أو يكسر العاب مثلا.

طب والحل :

١_ قبل ما تسلميه تحضنيه جامد وتبوسيه

٢_ ممكن تبعتي معاه لعبته المفضلة ، أو دبدوب ، أو مخدة صغيره حاجة تتطمنه وتعمله ربط بين البيئة اللي متعود عليها والبيئة الجديدة.

٣_ المفروض إنه هناك حيشتغل في أنشطة كثيرة وتنمية مهارات ولعب ده حيساعده على الاندماج.

٤_ حتستلميه بأحضان وتقدميله حلويات وهدايا وتعرفيه إن الميس قالتلك إنه شطور وجميل ومش بيعيط كتير .
وفي البيت قدام بابا تقولي الميس النهاردة يا بابا قالت كذا وكذا ونشجعه.

٥_ اللانش بوكس حطي في اكلاته المفضلة وياريت نبعد عن المقليات والسكريات الكتير عشان ده بعد مرور ساعة من تناوله بيسبب هبوط وشعور بحزن واحنا محتاجين نشاط وصحة وتركيز.

٦_ انصحك متقعديهوش من الحضانة لأنها حتعلمه مهارات كتير مش حتقدميهاله في البيت تنمية إدراكه البصري والحسي وتحسين مهارات التواصل
#الحضانة

Will be Academy

08/09/2025

🎯 مش بس رياضيات… ده تدريب على العبقرية!
لو بتدوري على حاجة تفرّق في شخصية ابنك/بنتك وتخليهم يسبقوا زملائهم بسنين، يبقى مكانكم معانا في UCMAS 💥

🧠 تنمية مهارات التفكير – تركيز أعلى – ثقة بالنفس
💡 كل ده بقيادة المدربة المعتمدة شيماء عصام السيد
اللي قدرت تغيّر مستوى عشرات الأطفال بخبرتها وحبها الحقيقي للتعليم 👩‍🏫💛

📌 من سن 4 سنين
📌 أماكن محدودة – مجموعات صغيرة
📌 عروض حصرية لأول 10 مشتركين 🎁

📍 العنوان 👇👇
المحله الكبري/اابوراضي🌍 اخر شارع عادل الخفه _موناليزا امام بوابه مدرسه الشهيد محمد عطيه الحسيني" المحله الراقيه" سابقا
📞 01002655403

08/09/2025

الطفل بيبدأ يمسك القلم أو أي أداة للكتابة تدريجيًا حسب مراحل نموه الحركي. لكن بشكل عام:

👶 من عمر سنة إلى سنة ونص:

يبدأ يمسك القلم مسكة عشوائية (بكل كفه).

يقدر يشخبط فقط، لكن ما عندوش تحكم.

✋ من عمر سنتين إلى 3 سنين:

يمسك القلم بأصابعه ولكن بإحكام ضعيف.

يبدأ يعمل خطوط غير منتظمة.

يقدر يلون داخل أشكال بسيطة بطريقة عشوائية.

✍️ من 3 إلى 4 سنين:

يبدأ يتحسن في المسكة الثلاثية (3 أصابع).

يرسم أشكال واضحة زي دائرة أو خط مستقيم.

يقدر يتتبع (يوصل نقط – يلون داخل الشكل بدقة أكبر).

🧒 من 4 إلى 5 سنين:

يمسك القلم مسكة شبه صحيحة.

يقدر يكتب حروف أو ينقل شكل.

يتحكم أكتر في اتجاه القلم والضغط.

👦 من 5 إلى 6 سنين:

يقدر يمسك القلم مسكة سليمة تمامًا.

يكتب حروف اسمه – ينسخ جمل قصيرة.

يلون بدقة ويلتزم بالحواف.

---

✅ نصائح لتقوية مهارة مسك القلم:

ألعاب بتقوي عضلات الأصابع (زي الصلصال – المقص – مشابك الغسيل).

التلوين والتوصيل بين النقط.

اللعب بالمكعبات والبازل.

تأسيس من الصفر مع مس/ندي مصطفي
📞01090258334

08/09/2025

📝خطوات تأسيس لغه عربيه بطريقة سهلة ممتعه جدا💯
🎀1- نبدأ مع قاعدة الفتح أَ. بَ. تَ لحد منوصل لحرف ال يَ
من هنا👇👇
🎀٢ــ فى الوقت اللي هحفظه فيه حروف الفتح ابدا اعرفه ان الحروف بتمد ايديها عشان تسلم على الحرف اللى جاى يقعد جمبها 💕👇👇👇
🎀٣- ويعرف ف نفس الوقت اشكال الحروف اول ووسط وآخر الكلمة ..
🎀٤- ابدأ اجمعله حرفين فتح مع بعض واقوله ماسكين فى بعض وادربه كإملاء وقراءة .
٥- اعرفه ان فيه حروف اسمها الحروف اللثوية ودى ٣حروف بطلع فيهم طرف لسانى وانا بنطقهم وهم ال(ث.. ذ.. ظ)
🎀٦- ونشتغل معاهم اننا نعرفهم ان فيه ٦حروف اسمها الحروف الرافسة ودى حروف مينفعش يشبكوا فى الحروف اللى بتيجى بعدها عشان بترفسها وتبعد عنها والحروف دى (أ.. د.. ذ.. ر.. ز.. و)
🎀٧- خلاص ابنى اتقن انه يشبك اول حرفين فى الكلمة مثال حَمَ.. لَعَ... غَفَ..
ابدا ازود حرف على الحرفين دول وادربه كويس بانى املى كتير جدا جدا جدا ويقراااا بكثرة 💕👇👇
🎀٨- فى الفترة دى مهم فيها التدريبات جدا يعنى مثلا ممكن اكتب تدريب كلمة والحرف اللى فى النص ناقص واملى الكلمة ويكمل الحرف اللى سمعه فى النص وممكن اعمل نفس الطريقة مع الحرف الاخير
🎀٩- ابدأ اميزله بين الحروف اللى بتلغب فى الاملاء ومخارجها شبه متشابهه زى ال ث.. س
ال س.. ص
ال غ.. خ
ال ق.... ك
ال ت.. ط
عن طريق كلمات يسمع كل حرف مخرجه ازاى 👇👇👇
🎀١٠- اديله ازاى يحلل الى مقاطع صوتيه عن طريق انى اقوله كل حرف هيقعد فى بيت لوحده لو الكلمة من ٣حروف اعمله ٣مقاطع ولو الكلمة من ٤حروف اعمل ٤مقاطع
🎀١١- ابدا انى اديله دمج الحروف مع بعض عشان يقدر يشوف مجموعةحروف ويشبكهم ويكون كلمة👇👇
🎀١٢- اعرفه ان فيه حروف اسمها الحروف المفخمه ودى حروف لازم اقولها وانا قويه مجموعة فى كلمة "" خص. ضغط.. قظ.. "" " والحروف دى ال"خ. ص. ض. غ. ط. ظ. ق"
🎀١٣- دلوقتى وصلت فى مرحلة تأسيسي لانه عرف كلمة فتح قراءة وكتابة كويس جدا ابدا اديله حروف الكسر واعمل زى معملت فى قاعده الفتح بالظبط لكن هضيف انه يتملى كلمة فيهاحروف فتح وكسر مع بعض ويميز مبين وانا بفتح فمى بالحرف وانا بكسر فمى بالحرف 👇👇👇
🎀١٤- لقيت ابنى اتقن حركة الفتح والكسر كويس جدا ويقدر يميز مبين الحرف المفتوح والحرف المكسور اديله قاعدة الضم واقوله ان الضمة مكانها فوق الحرف تخلينى اضم فمى واديلوا اصوات الحروف وهى مضمومه
🎀١٥- بعد مياخد الحروف المضمومة اديله ال٣حركات مع بعض فى كلمة واحده واهتم جدا فى الفترة دى بالقراءة والكتابة
🎀١٦- بعد ما الطفل يخلص الحركات القصيرة ابدا اعرفه ان لكل حركة قصيرة حاجه بتطولها يعنى لكل حركة قصيرة مد بيطول صوتها
🎀١٧- هديله المد بالالف واقوله ان الحرف المفتوح صوته قصير عشان صوته يبقي طويل جاب المد بالالف عشان يطول صوته وان المد يالالف والفتحة صحاب لازم يجوا مع بعض
🎀١٨- اعرف طفلى ان ماينفعش المد بالالف يجى مع حرف مكسور او حرف مضموم وده اركز عليه جدا جداجدا
🎀١٩- اعرفه ان الحرف المفتوح اللى بيجى قبل حرف المد ده اسمه الحرف الممدود
🎀٢٠- هعرف الطفل لو سألنى يعنى اى ممدود هقوله عشان جه المد مد طوته وطوله
ـــــــــــــــــــــــــــــــــــــــــــــــــــــــــــــــ
دول أهم ٢٠ قاعدة فى بداية التأسيس.

03/09/2025

العنوان 👇👇
المحله الكبري/اابوراضي🌍 اخر شارع عادل الخفه _موناليزا امام بوابه مدرسه الشهيد محمد عطيه الحسيني" المحله الراقيه" سابقا
https://www.facebook.com/Will-be-108102771546713/

28/08/2025

🧐
🤓
كلمه بنسمعها كتير فى الحضانات او اى مكان خدمى
لان مش مع فكرة ان حياتي وحياة طفلي كلها تكون متراقبه او ان معلماتى يكونوا تحت ضغط نفسى طول اليوم لمراقبة وأحكام حضرتك
واني أكون تحت حكم رأيك فيا عن طريق كاميرا
اللي خلاك تخش مكاني وانت مطمن كفيل يخليك تسمع مني وانت مطمن ومن غير ماتردلى كلمه
( زى ابنى مابيكذبش) 😒
ضيعتوا هيبة واحترام المعلم بأقوايل منقوله بدون تقديرك لقيمة المعلم اللى ربنا كرمه 👌
مش لازم كل خطوه اقدملك فيها إثبات مسبق 👍
حتى استخدام الكاميرا والرجوع ليها بقى لأدق تفاصيل يوم طفلك زى
#انا عاوز اشوف اكل كام ساندوتش
مين خربشه
#عاوز اشوف ابنى وقع ازاى من على الزحليقه
#عاوز اشوف مين صاحبه اللى زقه امبارح
#اصل الميس زعقتله وعاوز اشوف زعقتله ازاى
وكأنك رافض ابنك يعيش حياه طبيعيه فيها ايجابيات وسلبيات فيها حياه متكامله وبيئه كامله زي بيتك
فيها خير وفيها شر اللى منها هيتعلم ازاى يعيش
يبقي فين الثقه اللي أنت جبت ابنك فيها عندي
أنت لو مش مطمن علي ابنك مش هتسيبه ثانيه عندي
يبقي متخليش كاميرا أنا المتحكمه فيها قبل أي شئ تكون هي الأمان بيني وبينك
أنا ممكن أخدعك بالكاميرا وأفصلها في أي وقت أو أوقف السيستم أو اعمل أي غلط بعيد عن الكاميرا نفسها وبعدها خلي الكاميرا اللي هي مصدر امانكً تنفع وقتها
😒
يبقي خلي كلامي معاك هو الإثبات وخلي الأمان بينا متبادل من غير إثبات
اللي خلاك تثق فيا من آخر الدنيا يخليكً تطمن اكتر وانت في بيتي
الأمان مش كلمه
الأمان مواقف وسنين معدوده وكلمه أنا هخاف فيها من ربنا قبل ماهخاف من حكمك عليا
احنا وصلنا لحاله من انعدام الأمن حتي وانت واقف معايا
نرجع للنيه الصافيه ونعيش عالم واقعي
ان الحذر لا يمنع قدر
وقل لن يصيبنا إلا ماكتب الله لنا
مين متفق معايا الساحه ملكك وايه اكتر المواقف اللى واجهتك مع الكاميرا