محمود عرابي Mahmoud Oraby

Stop Selling .. Start Helping
الهدف الأساسي عشان تتمم بيعتك صح مش انك تبيع
الهدف هو انك تساعد عميلك علي اختيار الحل المناسب لمشكلة موجودة عنده
حتى لو مش هيشتري منك علي فكرة
طب ازاي ده ؟ اقولك ازاي
اي عميل بيشوف البياع عبارة عن واحد جاي يبيع و ياخد فلوس و يمشي و غالبا بيكون مقتنع انك لازم تبيع عشان تقفل تارجتك و تمشي و عشان كده بيتعامل معاك بحساسية شوية
لكن لما تكلمه علي انك مستشار ليه و بتساعده عشان بس عايز تساعده مش عشان تبيع و خلاص هنا نظرته بتختلف و تلقائيا معاملته بتختلف
ف لو حتي مشتراش منك برضه انصحه بالصح عشان هتلاقيه وثق فيك لما لقاك همك مصلحته هو مش همك بيعة و خلاص
طب انت كبياع مستفيد ايه بقي ؟
مستفيد كتير و اول استفادتك أن العميل ده طالما وثق فيك يبقي هيشتري منك سواء دلوقتي أو بعدين
و لو مشتراش يبقي هيرشحك لحد من دايرة معارفه عشان يشتري منك ( و دي تحديدا حصلت معايا كتير الحمد لله )
و هتلاقي سمعتك بقت منورة في الماركت بتاعك انك بياع شاطر و همك مصلحة عميلك مش مجرد بياع و خلاص

الإصرار يكسب أي مقاومة. العميل قالك «لأ» ٥ مرات؟
طبيعي.
اغلب الصفقات بتتقفل بعد الـ المكالمة الخامسة و ممكن اكتر كمان
اللي بيستسلم عند أول «مش عايز» بيسيب الفلوس على الترابيزة للمنافس اللي هيجي يبتسم ويقول «طب ممكن أشرحلك نقطة تانية؟»
الرفض مش نهاية، الرفض اختبار.
كل «لأ» بتقربك خطوة من «أيوة» طالما عندك قيمة حقيقية بتقدمها وإصرار ما بيتهزش.العميل مش بيشتري المنتج، بيشتري الثقة اللي جواك إن المنتج ده هيغيّر حياته و يعالج مشكلة عنده
والثقة دي مش بتروح للعميل إلا من اللي بيخبط الباب لحد ما إيده تتورم وما يبطلش و ما يزهقش.
الإصرار و المتابعة المستمرة مش إزعاج، ده احترام لقيمة اللي بتقدمه.
اللي بيخاف يكمل بيخسر،
و اللي بيكسل يكمل بيخسر،
واللي بيكمل بس بذكاء بيكسب.
الصفقة الجاية مش للأذكى، للأكثر صبراً.
خليك اكتر حد صبور في السوق، والسوق كله هيبقى ليك

اللهم لك الحمد والشكر يارب العالمين
بشاير الشغل اللي من سنة بدأت تظهر بفضل الله
تعاقد خلصان من سنة برضه و سبحان الله رجع تاني حيز التنفيذ
اللهم لك الحمد و الشكر