23/06/2019
اول برنامج في برامج تكنوتوبيا هو Robotic وده بيكون 3 مستويات
كتير جدا من الآباء و الأمهات بيسألونا السؤال ده، و في الواقع بيستغربوا أكتر لما يعرفوا إن الولد أو البنت هيتعلموا برمجة و تصميم آلات و كلام كبير كده. خلونا نقولكم الولاد هيتعلموا الحاجات دي إزاي؟
المستوى الاول
الولاد بيتعلموا فيه على جهاز Kit اسمه EV3 من شركة Lego العالمية للعب الأطفال، الkit دي بتبقى عبارة عن جزئين، software و Hardware، الجزء الhardware بيبقى عبارة عن مكونات الكترونية زي الحساساتsensors و المواتيرmotors و طبعا الmicro controller اللي بيتحكم في الsensors و الmotors، إلى جانب كمية كبيرة جدا من المكونات اللي بتحاكي الأجزاء الميكانيكية في الآلات، زي التروس و المسامير و الأكساتaxis و و العجل و السيور و غيرها كتير من الأجزاء الميكانيكية اللي الولد/البنت يقدروا من خلالها يبنوا روبوت كامل قادر يقوم بأنواع كتير جدا من المهمات، و عن طريق الأجزاء دي الأولاد بيدرسوا و ينفذوا أشكال كتير جدا من ميكانيزمات الحركة زي الأوناش و الروافع و الأذرع الآلية.
جزء الsoftware هو عبارة عن برنامج الأولاد بيبرمجوا الروبوت من خلاله، يعني بيدوا للروبوت الأوامر أو الخطوات اللي هينفذ بيها المهمة بتاعته، و هو lab view معد خصيصا للأطفال مبني على لغة الC++ و دي لغة البرمجة اللي الولد هيتعلم بيها أساسيات برمجة و التحكم في الروبوت. البرنامج ده open source يعني الأولاد في المستويات المتقدمة للكورس هيقدروا يضيفوا و يعدلوا على البرنامج ده، لإن ساعتها مستواهم من البرمجة هيؤهلهم إنهم يضيفوا وظايف functions للبرنامج تسهل عليهم التحكم في الروبوت أو تضيف أمر جديد الروبوت يقدر ينفذه.
الهدف مش إن ولادنا يتعلموا Robotics قد ما الهدف إننا نفتحلهم آفاق جديدة للإبداع و التعلم،
و هي دي الرؤية اللي بنطمح لتحقيقها
