https://www.facebook.com/436464626227291/

Codology, El Arish (2026)

18/02/2026

كل سنة وانتو طيبين جميعًا يخواتي وينعاد علي المبرمجين ( والناس العادية ) بألف خير يارب ❤️❤️

تقبل الله منا ومنكم صالح الاعمال يارب العالمين ❤️

08/01/2026

التعليم العالي: جامعة العريش تطلق منحة Innovegypt للطلاب والخريجين

تحت رعاية الدكتور أيمن عاشور وزير التعليم العالي والبحث العلمي وإشراف الدكتور حسن الدمرداش، رئيس جامعة العريش، وبالتعاون مع مركز الإبداع التكنولوجي وريادة الأعمال بهيئة تنمية صناعة تكنولوجيا المعلومات بوزارة الاتصالات وتكنولوجيا المعلومات، تُعلن الجامعة عن إتاحة منحة Innovegypt المجانية للطلاب والخريجين.

تهدف المنحة إلى تعريف المشاركين بأساسيات الإبداع التكنولوجي وريادة الأعمال، وتمكينهم من تطوير مشروع متكامل باستخدام التفكير التصميمي ونماذج الأعمال الحديثة.

مدة التدريب 6 أيام بنظام التعلم الهجين (Hybrid)، حيث يتم التدريب حضورياً خلال أول يومين بجامعة العريش، واستكمال باقي الأيام أونلاين، ويحصل المتدربون في نهاية البرنامج على شهادة معتمدة من مركز الإبداع التكنولوجي وريادة الأعمال.

آخر موعد للتسجيل: 21 يناير
رابط التسجيل:
https://forms.gle/C6MUYFMv3z2nFWa67

21/11/2025

عمرك سألت إزاي فريق كامل يشتغل على نفس المشروع من غير ما الشغل يدخل في بعض؟
ومش بتكلم عن إنك تخلص الـUI وتسلّمه للـFront لأ، بتكلم عن فريق واحد كلهم Backend مثلا او تيم كبير كلهم شغالين علي نفس الحاجة

في الشركات ، كل واحد بياخد Task، يشتغل عليها، ويسلمها ، لكن إنك تبعت الكود اللي عملته على واتساب أو درايف أو فلاشة ف دي طريقة مش profissional خالص وكلها مشاكل

عشان كده بنستخدم حاجة اسمها Version Control
وأشهر نظام فيها هو Git، والموقع اللي بنرفع عليه الكود هو GitHub.

Git ببساطة هو أداة بتخليك تحفظ نسخ من المشروع، وتتابع التعديلات، وتعرف مين عمل إيه ومتى، وتشتغلوا كلّكم على نفس المشروع بدون ما الشغل يتلخبط.

أكبر مشكلة بتظهر هي الـ Conflict ، ودي لما أكتر من شخص يعدّل على نفس الملف ف التعديلات كلها تخش في بعض والبروجكت يضرب
وعلشان نتجنب ده بنستخدم حاجة في إدارة المشاريع اسمها Project Scheduling Logic، ودي بتحدد العلاقات بين التاسكات اللي بتتقسم :

• Start-to-Start (SS)
مهام لازم يبدأوا مع بعض، زي Backend وFrontend.
• Finish-to-Finish (FF)
مهمتين لازم يخلصوا مع بعض، زي السيرفر اللي بيستنى آخر تعديل Backend.
• Finish-to-Start (FS)
مهمة مش هتبدأ قبل ما اللي قبلها تخلص، زي إن Backend يستنى Database.

ده بيخلي كل واحد فاهم هو هيبدأ امتى، بيعتمد على مين، ومين بيعتمد عليه ، وأفضل طريقة للشغل إن كل واحد يبقى ماسك Feature مستقلة ، ويرفع " الملفات اللي تخصه بس " باستخدام .gitignore علشان الدمج يبقى مظبوط من غير مشاكل

ولو بتستخدم Git لأول مرة ف لازم:

1. تعمل أكونت على GitHub :
https://github.com

2. تنزل Git على جهازك :
https://git-scm.com/downloads

3.تعمل repository علي جيت هاب ، ده زي فولدر هنرفع عليه الاكواد

4. تفتح البروجكت على أي IDE زي visual studio مثلا

5. تربط المشروع بالـ Git لأول مرة باستخدام الأوامر تحت دي

اول مرة هترفع المشروع : git init

ربط المشروع بالـ جيت هاب :
git remote add origin رابط-الريبو

تجهيز الملفات للرفع : git add .

حفظ التعديلات : git commit -m "message"

رفع الكود على GitHub : git push origin main

سحب آخر تحديث اتعمل : git pull origin main

12/10/2025

في عالم مليان بالHacking انهاردة ، مهم نعرف ازاي نحمي بياناتنا ..

وأبسط حاجة اننا نتأكد من سلامة اللينكات اللي بنخش عليها ودي خطوات تتاكد منها :

- اللينك بيبدأ ب https مش http

طب و إيه الفرق بينهم ؟
الفرق ان https = secure
يعني بيشفر بياناتك بيحولها لمجموعة من الحروف والارقام ملهاش معني لأي حد بيحاول يسرق بياناتك
وده بيحمي جدا كل معلوماتك الشخصية
وخلي بالك دي حاجة مهمة جدا لما تدخل بيانات خاصة ب أي ڤيزا او حسابات بنكية ، عشان متلاقيش نفسك ع الحديدة 😁😁

- اتأكد من إسم الموقع كويس لإن ساعات الهاكرز بيعملو مواقع شبه بالظبط المواقع اللي بنستخدمها كل يوم ، وده بيخليك لما تدخل بياناتك في الموقع ده هو يسرقهم منك ويقدر يوصل لمعلوماتك الشخصية

- لو لينك طويييل ومليان حروف وارقام ورموز غريبة ؟ بلاش تفتحه بردو ! دايما المواقع الحقيقية لينكاتها قصيرة و واضحة ، بس الهاكرز بيستخدمو لينكات طويلة جدا و بتلخبط عشان يخبو العنوان جوه

ولو جالك أي لينك انت مش مقلق منو بقي في مواقع كتير دلوقتي تتأكدلك من صحة وأمان اللينك ده زي :
موقع VirusTotal
https://www.virustotal.com/gui/home/upload

موقع google report من جوجل نفسها
https://transparencyreport.google.com/safe-browsing/search

وأخيرا كودولوجي بتقولك Keep Safe وخلي معلوماتك في أمان 🤩❤️

01/10/2025

اتبسطنا اننا كنا معاكو في حفلة استقبال الدفعة الجديدة وتكريم الدفعات السابقة في كلية الحاسبات والمعلومات جامعة العريش

و شاركنا معاكو بفقرة صغيرة نتكلم فيها مع المهندسين الجُداد عن ايه هي البرمجة ؟ ولغات البرمجة ونبذة عن تراكات مختلفة زي :
Frontend / Backend / Mobile Apps / AI

ودي مش نهاية المشوار وان شاء الله يبقي عندنا حاجات كتير نقدمها بإذن الله سواء تيكنيكال أو اكاديمي 🥰❤️❤️

Join us to keep in touch :
https://chat.whatsapp.com/DsmUNivFQWRFRji2A1UQ6A?mode=ems_copy_t

28/09/2025

تيم كودولوجي مستنييكم بكرة في حفلة استقبال الدفعة الجديدة وتكريم الدفعات السابقة 🥳🥳🥰❤️❤️❤️

Stay Tuned
هنعمل عظمة🥱🥱🥱❤️❤️❤️❤️❤️❤️

12/08/2025

ألف مبروك لكل اخواتنا الجداد اللي ارتقو من مكانة الإنسان لمكانة المهندس 😍😍
وكلمونا نقولكو أحسن الاماكن اللي تعيطو فيها لما الكود يضرب😂❤️❤️

25/07/2025

يعني إيه Mobile App Development؟

عارف كل مرة بتفتح أبلكيشن على موبايلك زي فيسبوك و بتسجل دخول و بتقلب في البوستات و بتبعت رسايل ، كل ده مبرمج زينا عمله من الصفر
وده بالظبط اللي بيعمله الـ Mobile Developer:
🔧 بيصمم ويبرمج تطبيقات تشتغل على موبايلك (سواء أندرويد أو آيفون)

طب ليه Mobile App Development تراك مهم أصلاً؟
تخيل ان عدد مستخدمي الموبايل في العالم أكتر من 6.8 مليار ده غير ان كل الشركات دلوقتي بقت عايزة أبلكيشن رسمي (سواء بنوك، مدارس، توصيل، حجوزات، تسوق...) ف هو تراك عمرو ما يموت او يقدم اصلا .!

مهم تعرف انك ك mobile developer فـ انت Full-Stack developer

لازم ك مبرمج تطبيقات موبايل تكون فاهم :
User interfaces (Frontened)
يعني شكل التطبيق كل صفحة فيه والزراير والألوان والصور
فين الزرار؟ لونه إيه؟ مكانه فين؟ كل حاجة بتظهر ع الشاشة والمستخدم يقدر يستعملها
Application Logic

لما تضغط على زرار "سجل دخول" إيه اللي بيحصل؟
يتأكد من البيانات – يسجلك – ينقلك لصفحة تانية
يعني بتحدد ايه ال Action اللي بيحصل لما تدوس علي زرار معين مثلا ؟
API Integration
لو الابلكيشن فيه بيانات من الإنترنت (زي طقس، أخبار، صور، تسجيل دخول...)
بنستخدم حاجة اسمها APIs علشان نتواصل مع سيرفرات
تتعلم فيها: HTTP requests / JSON / RESTful API

Database
عايز تحفظ بيانات المستخدم؟ أو بيانات المنتجات ؟
Firebase Firestore (أشهر حاجة للمبتدئين)
أو SQLite في فلاتر
و tools مختلفة علي حسب نوع الابلكيشن

ايه نوع الابلكيشن ده ؟
1. Native Development
يعني تبرمجي للتليفون مباشرة بلغة النظام نفسه
ودي فيها بتصممي برنامج يشتغل بس علي نظام تشغيل اندرويد ، او برنامج يشتغل بس علي نظام تشغيل ios

✅ مميزات الـ Native :
أداء عالي جدًا و سريع
شكله متوافق 100% مع النظام
❌ عيوبه :
لازم تبرمجي كل نسخة لوحدها (أندرويد غير iOS) ودخ بياخد وقت أطول وتكلفة أعلى في المشاريع الكبيرة

2. Cross-platform Development (Flutter)
دي tool حديثة جوجل عملتها بتعملي كود واحد يشتغل على أندرويد وiOS مع بعض بدل متعمل ابلكيشن لكل نظام

✅ مميزات Flutter :
كود واحد يشغل التطبيق على كل الأجهزة
سريع وسهل للتعلم
مجتمع كبير ودعم قوي من Google
تصميم شاشات احترافي
❌ عيوبه :
أقل شوية في الأداء مقارنة بـ Native
مش بتعرف تتعامل مع اجزاء الhardware مباشرة

تتعلم إيه على حسب التراك اللي هتمشي فيه؟
لو Android :
تتعلم Java أو Kotlin
تتعلم Android SDK
بتشتغل علي Android studio

لو iOS :
تتعلم Swift
تشتغل على Xcode فقط (لازم MacBook)

لو Cross Platform – Flutter:
تتعلم Dart (اللغة الأساسية)
تتعلم Flutter SDK
بتشتغل علي VS Code أو Android Studio

لو لسه مبتدئ ومفيش خلفية برمجة Flutter هتبقي مناسبة ليك اكتر بس لو بتعرف JavaScript أو Web قبل كده ممكن تجرب تدوس في React Native

بس عموما flutter دلوقتي بقت مشهورة ومعروفة جدا ، ده غير ان نزل فيها updates كتيرة خلت الاداء قريب جدا من الnative و لو فضلت مشكلة ف هي ان البرنامج بفلاتر مساحته اكتر شوية بس مع تطور الموبايلات ومساحات التخزين دي مبقتش مشكلة كبيرة يعني

ودلوقتي يعزيزي أسيبك مع المصادر 🥰
كورس تعلم لغة dart :
https://youtube.com/playlist?list=PLoP3S2S1qTfCe3hI4f-spGxg2kHOig33Z&si=fq2_F5ymg3fM2gpi

https://youtube.com/playlist?list=PL93xoMrxRJIutlMCImcV3CYMmjS0MmlWL&si=iZU0wqnJFGZL6g3N

كورس تعلم اساسيات فلاتر كامل بالعربي علي يوتيوب :

https://youtube.com/playlist?list=PL93xoMrxRJIvtIXjAiX15wcyNv-LOWZa9&si=YXbFA2i6r5VkPEuW

https://youtube.com/playlist?list=PLeWmXrh004782w91CeXQ4bK8ivREDau-x&si=tqSgq-s1hOV5hp9r

دورة مقدمة من sprints بالتعاون مع مايكروسوفت لتعلم native + flutter
https://sprints.ai/en-eg/journeys/SprintsxMicrosoftSummerCampMobileDevelopment

13/07/2025

السايبر سيكيوريتي (Cyber Security) بقي اسم بيتكرر كتير اليومين دول 🫣🤔
تراك سايبر سيكيوريتي ما هو الا عبارة عن انك حرفيا - قاعد - تتصيد اخطاء الاخرين و قاعد للساقطة واللاقطة عشان تعرف كل الثغرات في السيستم وتعرف كمان تحلها 😂🤡

والمجال ده ببساطة بيحمي الأنظمة، الشبكات، والمعلومات من أي اختراق أو هجوم.
ببساطة مسؤول عن حماية كل حاجة رقمية حوالينا.
سواء كانت أجهزة، شبكات، مواقع، تطبيقات، بيانات شخصية أو بيانات شركات كلها معرضة لهجمات إلكترونية، والمجال ده دوره يمنعها أو يقلل تأثيرها.
مثلا لو حد حاول يخترق حسابك البنكي أو يبعتلك إيميل فيه فيروس أو موقع يبقى فيه ثغرة تخلّي بياناتك تتسرّب أو شركة كبيرة تتعرض لهجوم اسمه Ransomware يخلي كل ملفاتها تتقفل ومفيش حل غير إنها تدفع فدية.

السايبر سيكيوريتي هو اللي بيحميك من ده كله.
مهم تعرف إن المجال فيه أدوات وتقنيات كتير زي:

Firewall (جدار الحماية)

Antivirus

Encryption (تشفير البيانات)

Pe*******on Testing (اختبار الاختراق)

SIEM Systems (أنظمة مراقبة وتحليل التهديدات)

وفيه تخصصات كتيرة زي:

Network Security

Application Security

Ethical Hacking

Digital Forensics

كل تخصص بيشتغل على جانب مختلف، علشان في النهاية تقدر تقول إن السيستم "أمان".

طب ايه المميزات اللي مخلية ناس كتييرة تسأل عنه؟

الطلب عليه عالي جدًا عشان العالم كله بيحتاج السايبر سيكيوريتي، وكل ما التكنولوجيا بتزيد، التهديدات بتزيد، وبالتالي الحاجة للحماية بتزيد

مرتباته محترمة جدًا خصوصًا لو معاك شهادات زي CEH، أو خبرة عملية

مجال مش روتيني و كل يوم فيه جديد و تحديات، بتفكر و بتحل مشاكل

طب ايه العيوب مثلا ؟

المجال مش سهل ومحتاج صبر وتطبيق عملي كتير علشان توصل

لازم التعلم المستمر لأن الهجمات بتتطور بسرعة، والتقنيات بتتغير

السوق في مصر موجود لكن مش ضخم والمنافسة قوية، فلازم تشتغل على نفسك بزيادة

الشهادات مطلوبة وأحيانا ضرورية زي CEH، CompTIA Security+، وغيره

فيه مسؤولية قانونية كبيرة لأنك ممكن تبقى بتتعامل مع أنظمة حسّاسة أو بتفحص ثغرات، وأي استخدام خاطئ أو غلطة ممكن تعرضك للمسائلة القانونية

أبدأ منين؟

1. افهم الشبكات (Networking):
لأن أغلب الهجمات بتحصل على الشبكات، فلازم تبقى فاهم يعني إيه IP؟ DNS؟ Firewall؟ Port؟ VPN؟
ابدأ بكورس بسيط زي:
"Introduction to Networking" على YouTube

2. اتعلم نظام التشغيل Linux:
معظم أدوات السايبر شغالة على Linux، فلازم تبقى مرتاح في التعامل مع التيرمنال (الـ command line)
ممكن توزيعة سهلة زي Ubuntu واتعلم عليها الأول.
قناة TheNewBaghdad فيها شروحات لينكس بالعربي

3. خُد فكرة عن البرمجة:
طبعا لازم تبقى فاهم على الأقل الأساسيات وممكن تبدأ بكورس بسيط زي
Python بالعربي على قناة Elzero Web School

4. افهم المجال نفسه:
يعني تبدأ تعرف التخصصات
(Pe*******on Testing – SOC Analyst – Threat Hunting – Forensics…)
والمصطلحات (مثل: Malware – Exploits – Vulnerabilities – Honeypot…)
والأدوات (مثل: Wireshark – Metasploit – Nmap – Burp Suite)

5. أهم حاجة تبدأ تطبق بنفسك:
جرب على Virtual Machines، ادخل مواقع زي:
TryHackMe
Hack The Box
OverTheWire
والمنصات دي بتديك بيئة تدريب آمنة، تتعلم فيها الهاكينج الأخلاقي وتفهم الثغرات بشكل عملي.

و جمعنا ليكو الكورسات كمان 🥰❤️

كورس "مقدمة في أمن المعلومات" ـ منصة رواق:
https://www.rwaq.org/courses/information-security-introduction

سلسلة "السايبر سيكيوريتي للمبتدئين" – قناة zSecurity بالعربي (علي حسن):
https://www.youtube.com/playlist?list=PLBf0hzazHTGOEuhPQSnq-E6qpNL96r0tm

كورسات ITI:
الرابط العام لبرامج ITI:
https://www.iti.gov.eg/Admission/Programs
سيرش جواها عن التراك

قنوات يوتيوب مفيدة جدًا بالعربي:

InfoSec4TC
https://www.youtube.com/

أحمد عزت – Cyber Security بالعربي
https://www.youtube.com/

Cyber Arabs – مجتمع الأمن السيبراني العربي
https://www.youtube.com/

تقدر تشتغل في البنوك، شركات الاتصالات، شركات IT وتقنية، وحتى جهات حكومية أو شركات Cyber Security.
كمان تقدر تبدأ من غير وظيفة:
جرب Bug Bounty Platforms زي:
HackerOne / Bugcrowd / Synack

📝 اكتبلنا في الكومنتات لو عندك معلومات أكتر ❤️❤️

05/06/2025

كل عام وأنتم بخير بمناسبة عيد الأضحى المبارك! 🐑✨
نسأل الله أن يعيده علينا وعليكم بالخير واليُمن والبركات، وأن يجعل أيامكم كلها سعادة ونجاح. ❤️🤲🏻

Codology

18/02/2026

08/01/2026

21/11/2025

12/10/2025

01/10/2025

28/09/2025

12/08/2025

25/07/2025

13/07/2025

05/06/2025

Address

Website

Alerts

Shortcuts

Share

Category

Listing takedown request