Student Union Faculty Of Engineering - Sinai University

⚫⚫*Attention please*
For all faculties of sinai university .🔴🔴

البوست مهم ليك جداً اذا كنت من الاشخاص اللي عندها مهمة وشغف للتطوع والcommunity work واكتساب صفة وثقل في الCV بتاعك فيما بعد التخرج 📃

طبعاً كلنا نسمع عن "الاتحاد الدولي للصليب والهلال الاحمر" وهي منظمة عالمية زيها زي الامم المتحدة ع سبيل المثال، والمتمثل في مصر في "الهلال الاحمر المصري" .. وطبعاً زي اي منظمة عالمية كبيرة ليها فروع ف مصر ويعتبر من اهم الفروع ان لم يكن "الاهم" هو فرع شمال سيناء اللي احنا موجودين فيه ك target. 🇾🇪🚩

ملحوظة مهمة : في تعاون قائم حاليا بين الهلال الاحمر والunicef "المنظمة العالمية" زي اي تعاون بين اي منظمة دولية شغالة في شمال سيناء ودا هيدي للمتطوع option الاشتراك ف اي انشطة يقوم بيها الهلال الاحمر بالتعاون مع اليونسيف 🔆

ان شاء الله هيبقي ف محاضرة ف منتهي الاهمية لكل طالب صيدلة او اسنان او هندسة للتعريف بمهمة الهلال الاحمر في شمال سيناء وكمان فتح باب التطوع لاي حد ينضم للمنظمة ويقوي ال community work وتستفاد ف الfield دا خصوصاً. ✨💪🏻

المحاضرة مهمة علشان تعرف اليات عمل الهلال الاحمر وفرصتك في عمل ميداني ف ارض خصبة، وجودك كشخص "مميز" ف انك تاخد كورسات مهمة related للfiled بتاعك.

المحاضرة ان شاء الله هتبقي يوم الاثنين القادم 14 اكتوبر في سيمينار كلية الهندسة في الدور الارضي في ميعاد الساعة 4 عصرا.. مستنينكم ⏰

السيد /عميد ،وكيل،المستشار التربوى، اعضاء هيئه تدريس كليه هندسه وايضا اتحاد كليه هندسه يرحبون بطﻻب الدفعه الجديده ويهنئونهم بالقبول مع التمنى لهم بدوام النجاح واﻻزدهار

يتقدم اتحاد طلاب كلية الهندسة بجامعة سيناء باخلص التهاني للاستاذ الدكتور اشرف امين لتولية منصب وكيل كلية الهندسه داعين الله عزوجل بمزيد من التقدم والتوفيق

Dr-Ashraf Amin

اعلان هام
تعلن اللجنة الثقافية العليا بإتحاد طلاب الجامعة عن اقامة مسابقة ف القران الكريم علي مستوي الجامعة وذلك يوم الاثنين الموافق ١٥/٤/٢٠١٩ الساعة الخامسة مساءً بسيمينار كلية الهندسة ،علي ان يكون التسابق ف (القرآن الكريم كامل-نصف القرآن الكريم-ربع القرآن الكريم)
-تمنح جوائز مالية قيمة للثلاث مراكز الاولي من كل مرحلة
وعلي من يرغب ب الاشتراك تسجيل اسمه ورقم ال id ورقم التلفون واي مرحلة تسابق يريد ان يخوضها بمكتب اتحاد الطلاب ب إدارة الانشطة الطلابية ف موعد اقصاه الاحد القادم ،أول ارسال البيانات السابق ذكرها علي رقم واتس أمين اللجنه الثقافية (01153262950)

خالص تمنياتنا لكل المتسابقين بالتوفيق..👏🏻

تعلن كلية الهندسه عن مسابقة اختيار الطالب المثلي والطالبه المثاليه على مستوى الكليه

دعوه من لجنه سوق العمل اتحاد طلاب الجامعه ل حضور ندوه بعنوان
'How To Deal With Difficult Personalities'
''تنميه المهارات وكيفيه التعامل مع الشخصيات الصعبه''
المحاضر الدكتور : احمد البكل عضو هيئه التدريس في اداره الاعمال وذلك ب مشيئه الله يوم 4-1 من الشهر القادم وذلك في تمام الساعه الخامسه مساءا حتا السابعه مساءا وذلك في قاعه السيمنار في كليه اسنان العدد محدود جدا من يريد الحضور للندوه يسجل اسمه معايا مع العلم من يتم تسجيل اسمه ولم يحضر سيحرم من الحضور في ندوات للجامعه او لاتحاد الطلاب اذا تم الاكتفاء من العدد سيتم تسجيل اسمه في الاسباقيات في حضور الندوات قادمه
لجنه سوق عمل كليه هندسه : عبد المنعم هشام
💪💪💪
Menem Hesham

اتحاد طلاب كلية الهندسه بيقدملك سحر الطبيعة البحرية🌅 والصحراوية🏜️ إنها مدينة شرم الشيخ🥰 الساحرة التي تنفرد بجمال الشعاب المرجانية🐙🐚 تحت أعماق البحر🌅🌄 الأحمر وروعة السلاسل الجباليه 🌄والوديان مما يجعلك في حيرة تقسيم وقت زيارتك لها بين كل المتع التي تتيحها لك المدينة التي تجمع بين المرح و أجواء المغامرة و الأثارة ....

أما بقا مكاننا التاني هو مكان هيخليك تحس براحة نفسية وأستجمام .. المكان دا هو مدينة دهب الهادية وبطبيعتها الخلابه وتصميماتها المختلفة البسيطة ... وفي مكانا الثالت هنخليك تعيش جو الكامب اللي علي شط البحر يعني منك للبحر ع طول ... و حفلة النار اللي بتفضل للصبح ... والدي جي والأغاني🎼🎵 الرايقة ...

مكاننا الرابع بقي هو هيبقي المغامرة الكبيرة في رحلة سانت كاترين ودي رحلة رابعة جوا رحلتنا هتقدر تخرج كل طاقتك وتتفرج ع المناظر الطبيعية الجميلة في سيناء المصرية الساحرة بالجبال الشاهقة ... وعلشان قلبنا عليك هنطلعك الجبل و أنتا راكب جمل🐪🐫 ...
- أتوبيسنا دا رحلة لوحدها وقصة لوحده هتتمتع فيه واي فاي أوبن ... وهتعرف تشحن تليفونك طول فترة الرحلة ... الشاحن عليك والكهرباء علينا ..


- مكان التجمع أمام حديقة مبارك بالمساعيد الساعة السادسة مساءاً يوم الاحد الموافق 24/3/2019 ...
- هنوصل فندقنا اللي أربع نجوم .. اللي جوا خليج نعمة .. يعني الجبال الساحرة يعني الهضبه ⛰️🏔️ ...

- اليوم الأول ...
- صباحاً ( تسلم الغرف ثم الراحة ... ثم نبدء جولة في الفندق .... والاستمتاع بالبسين والبحر و أكوا بارك داخل الفندق ... )
- عصراً ( نبدء رحلة السفاري للاسمتاع بالجبال والطبيعة الصحراوية الخلابة والاستمتاع بالأمسية البدوية والعشاء البدوي والمشروبات البارده والسخنه وحفلة النار ومفاجأتنا ... وبعدين نرجع نعمل جولة حره في خليج نعمة والسوق القديم نسهر ونتدلع ..)

- اليوم الثاني ...
- صباحاً ( نبدء الرحلة البحرية ونتفرج ع جمال البحر الأحمر باليخت ... ونعمل أحلي سنوركلينج ... ونأكل لقمة حلوه ع المركب والناااس اللي غاويه تغوص في البحر وتتفرج علي الشعب المرجانية والسمك الملون🐠🐡🦈🐙🦞🦐🦀🐙 مش ناسينكوا ... )
- مساءاً ( هنستمتع بجولة حره في شرم وجمال شرم بقي .. ونروح سوهو سكوير ونشوف مسجد الصحابه و النافورة الراقصة ... )

- اليوم الثالث ...
- (هنتحرك بأ توبيسنا🚍🚍🚌 علي مدينة السحر والجمال مدينة دهب ودي رحلة تانيه ودنيا تانيه خالص جوا رحلتنا هنستمتع بهدوء المدينة وجمال بحرها المليء بالشعاب المرجانية ... هنروح الجبال الملونة وهنعمل رحلة بحرية هنروح البلو هول ومحمية أبو جالوم وهنرجع بالجمال والاستمتاع بالممشي السياحي المطل ع البحر و الكافيهات والمطاعم التي تتناول جميع الاذواق ... هتستمتعوا بالبازرات والمحلات والتسوق فيها .

- اليوم الرابع ...
هنتحرك علي رأس شيطان ونعمل كامبنج 🏕️🏖️ع الشط قدام البحر يعني أحلي منظر في الدنيا وهنبات فيه وطبعاً دا غير حفلة الشوي و الحفلة الترفيهية ..

- اليوم الخامس ...
- (هتنحرك علي متعة الاثارة و المغامرة الصحراوية وصعود الجبال بالجمال ودخول دير سانت كاترين وهنشوف الشجرة المباركة والبئر اللي أتقابل عنده سيدنا موسي و زوجته و أختها وهنصلي الفجر بمسجد صلاح الدين الأيوبي فوق جبل موسي وهستمتع بشروق الشمس من بين الجبال ونتصور أحلي صور للذكري ...)

تنيهات هامة جدااا
🔔🔔🔔🔔🔔🔔🔔🔔🔔🔔🔔🔔🔔🔔🔔🔔

الرحلة لصعود جبل موسى رحلة ممتعة جدا....
- عند التحرك من الأتوبيس للكامب ومن ثم صعود الجبل يرجى عدم حمل شنط كبيرة لتسهيل عملية الصعود
- إحضار ملابس ثقيلة جدا نظرا لبرودة الجو فوق قمة الجبل .
- إحضار سكريات مثل الشيكولاته و أكلها خلال صعود الجبل لبعث الدفأ في الجسم وتعويض ما يفقده.
- عدم احضار اي شئ غير قانوني.
- شرب المياة وعدم الإكثار منها لعدم الإضطرار لدخول الحمامات.
- إتباع كافة تعليمات السلامة من مشرف الرحلة و الدليل البدوي.

على كل من يرغب بالاشتراك تكوين فريق مكون من 5 اشخاص
واختيار اسم الفريق وارسال صوره مجمعه للفريق كامل ع رسائل الصفحه
ولاي استفسار ع الخاص

قامت اللجنه الثقافيه بكليه الهندسه تحت اشراف اداره الانشطه الطلابيه بالجامعه متمثله فى كلا من :
ك/ تامر حجازى
ك/ حسن الشناوى مشرفين الكليه
بعمل دورى المعلومات على مستوى الكليه وتمت فعاليات المسابقه بصوره حماسيه بين الفرق المشاركه
وقد فاز بالمسابقه فريق (ENB)
وحضر فعاليات البطوله:
د/ محمد سامى المستشار التربوى على مستوى الكليه
وقام باداره فعاليات البطوله :
الطالب/ خالد جاهين امين اللجنه الثقافيه بكليه هندسه
نتمنى دوام التوفيق 🙂

فعاليات ايفنت التعريف بلجان اتحاده طلاب كليه هندسه
+ الاشتراك لدورى المعلومات لكليه الهندسه

فعاليات ندوه (مشوار حياتك) من اتحاد طلاب كليه هندسه
التى تشرفنا فيها بحضور :
أ.د/ اسامه راتب نائب رئيس الجامعه لشئون فرع العريش
أ.د/ محمد عبدالسلام عميد كليه الهندسه
أ.د/ نبيل الكسار رئيس قسم الهندسه المعماريه
أ.د/ محمد سامى ابو السعود المستشار التربوى لكليه الهندسه
وايضا نتوجه بكامل الشكر والتقدير لكلا من :
أ.د/ سهام نصار عميده كليه الاعلام
د/ خالد مسعد
وايضا نشكر الساده الضيوف على تواجدهم للندوه