07/05/2026
الضغط بيولد الانفجار... 💔📚
الطالب بقى حاسس بكمية ضغط كبيرة جدًا، خصوصًا مع نظام التقييمات اللي بقى عبء نفسي قبل ما يكون تعليمي.
ضغط مذاكرة، ضغط درجات، ضغط دروس، وضغط مستمر من كل اتجاه..
وللأسف، لسه في طرق تدريس كتير معتمدة على:
"احفظ.. سَمِّع.. اكتب.. وارجع احفظ تاني."
من غير ما الطالب يفهم، يفكر، أو حتى يحب اللي بيتعلمه..
المنظر المؤلم للكتب المقطعة والمرمية في الشارع مش مجرد استهتار من الطلاب زي ما ناس كتير فاكرة...
ده في أوقات كتير بيكون نتيجة ضغط، كره، وفقدان شغف بالتعليم نفسه..
المشكلة مش في النظام بس، المشكلة كمان إننا أوقات كتير ما بقيناش نزرع قيمة التعليم الحقيقية جوا أولادنا، وبقى الهدف درجات وخلاص..
التعليم المفروض يبني إنسان، مش يضغطه لحد ما يكره المدرسة والكتاب..
يارب يصلح الحال ويوفق جميع طلابنا 🤍
