Athar Academy

اجابة على كل الأسئلة اللي بتتسألنا
باستمرار ⬇️

1 _لية مش مش مسموح بالزيارات ؟
عايزة اشوف المكان واتطمن.
♡ حقك طبعا،
لكن حق ولادنا علينا ان نحافظ عليهم
مش معقول كل عشر دقايق
ادخل حد يتفرج عالمكان وعليهم.
اولا ازعاج للولاد ونقطع عليهم الحصص
ثانيا هلكة اننا نرجع ننظف ونعقم .
كلام مش منطقي ولا يوفر مساحة آمنة للعمل .
تخيلي للحظة ابنك قاعد وكل ما يركز
يلاقي ضيوف بتتفرج ،
اكيد هيكون امر مش مستحب .
نشكر من تفهم مبادئنا واحترم قواعد المكان ، ارضاء لكم عملنالكم
بنحدد وقت ونجى نلف المكان براحتنا خالص ونسال على كل حاجة .

السؤال تاني؛
لية لازم التدريب والمحاضرة يعني والمتابعة كل شوية
*تفاعل الام شرط من شروط التقديم
عشان نضمن ان كل الامهات عندنا تحمل نفس الرسالة وكلنا بنربي بنفس الطريقة
احنا بنختار أم عايزة تربي
مش بنختار طفل كمالة عدد . ومكان عندى مش لعب احنا لعب وتعليم وغرس ايات القرآن وبناء شخصية

السؤال الثالث؛
لية ما متعملوش تعديل سلوك متاخر لان تعديل السلوك موضوع كبير جدا ولازم متخصصين وبرامج علشان احنا دارسين وفاهمين
لية بتخدوهم من سن سنتين ؟!
والاكبر لازم يكون بعيد عن الشاشات ؟
♡ عشان دى رحلة من غرس القيم والمعتقدات والعادات محتاجة
وقت كافي عشان تتأصل فيهم وتكبر معاهم ، وعشان البرنامج الاكاديمي كبير
،وعشان نلحق ننجيهم من الموبيلات والشاشات ، وعشان نتحكم في المدخلات قبل ما يدخل لهم كلمة غلط او تصرف غير لائق ، ناخد الرحلة من اولها
مفيش حد بيبتدي رحلة من نص الطريق .
السؤال الرابع ؛
لية الكاميرات مش اون لاين
احتراما للامهات المربيات الفضليات اللي بتربي بنقلع الطرح وبنقعد عالارض وبنتشقلب وبنلعب معاهم احنا مش في شركة قاعدين على مكاتب.

*اخر توضيح لآخر سؤال
السؤال الخامس ؛
اية هو برنامج تربية الايمانية هو
برنامج تطبيق لآيات
في القرآن الكريم خاصة بتزكية النفس
مثلا ازاي اطبق الآية الكريمة
قد افلح من زكاها .
وهل دة أهم من الاكل والشرب
واللبس والخروج ؟
هسيب الإجابة دي ليكم انتم ،
😍.
ويارب نكون وفينا الإجابات
على أسألتكم .
لكم منا كل التقدير والاحترام.
ربنا يجعلنا ويجعلكم من المفلحين
الله ولي التوفيق 🤲

🌸مين مش هينفع ينضم الى اسرة اثر .........
1️⃣لو انتِ ام بتضربى يبقى مش هينفع تكونى معانا .
2️⃣لو انتِ ام مش عندك رؤيه فى ابنك واضحة يبقى مش هينفع تبقى معانا .
3️⃣لو انتِ سايبه ابنك طول الوقت امام الشاشات ومقتنعه ان دا الصح.. يبقى مش هينفع تبقى معانا .
4️⃣لو انتِ ام اهم حاجه الجانب الاكاديمى فقط ومهمله الجانب النفسى.. يبقى مش هينفع تبقى معانا .
5️⃣لو انتِ ام مش مهتمه بالمظهر الخارجى للطفل وان دا جزء من شخصيته يبقى مش هينفع تبقى معانا ....
🔴🔴اكاديمية اثر مش مكان للرعاية اليومية فقط
اكاديمية اثر كيان لها اهداف فى اولادها ...هدفنا صناعه جيل مختلف فى وسط تحديات كتير
هدفنا نكون قبلة لكل ام هدفها ابن بار صالح ناجح سوى نفسيا