3afer عافر

3afer عافر أياً كان حلمك .. أياً كان هدفك !
هنــعافر معــاك .. و هنوصل !

مجموعة شباب عايزين يغيروا واقع كل الشباب بيعانوا منه ..

كل هدفنا اننا باجتهادنا الشخصي نوصل لهدف و نساعد الناس اللي عايزه توصل لهدف انها توصله باي وسيله ممكنه و باقل تكلفه ممكن نتكلفها

جمعه مباركه عليكم
25/02/2022

جمعه مباركه عليكم

28/12/2016

مقرنا هيكون Circles Coworking Space

احنا شعارنا في عافر و احنا حلمنا اننا نساعد اكبر عدد من الشباب انه يوصل لاي هدف بيسعى ليه سواء في دراسه او في شغل ايا ...
30/11/2016

احنا شعارنا في عافر و احنا حلمنا اننا نساعد اكبر عدد من الشباب انه يوصل لاي هدف بيسعى ليه سواء في دراسه او في شغل ايا كان المجال ..
احنا مش ناس محترفين احنا مجرد اتنين شباب تعبنا من ضغط مجتمعنا و الصعوبات اللي بتواجهنا فكرنا سوا و طلعنا بالفكره دي .. ننظم ورش عمل باقل تكاليف ممكنه للشباب .. و ايفنتات و حلمنا بحاجات كتير ... اول عقبه قابلتنا كانت ان احنا ملناش مكان ننطلق من خلاله .. الحمد لله دلوقتي قدرنا نجيب مكان في في دمياط .. بس الحلم ده مش حلمنا لوحدنا دا حلم اي شخص نفسه يكبر .. اي حد حابب يشاركنا بفكره او بخطوه احنا هننزل عنواننا و يقدر يتواصل معانا علي البيدج هنا ...
و كمان اول حاجه هنعملها ان الناس اللي مشاركانا نفس الفكره و نفس الهدف هما اللي هيختاروا معانا كل حاجه بنحطها في المكان ده ..
المكان ده حلمنا بس من غير شباب عايز يعافر معانا و يكسر في الصخر و يحارب كل الظروف اللي عايشينها حلمنا مش هيكمل.
#الخلاصه ان الفتره اللي جايه هيبقالنا مكان و ده هيساعدنا ف حاجات اكتر..
هنصورلكوا المكان قبل التجهيز و نستني اقتراحاتكوا لشكل المكان.
الهدف من المكان حاجات كتير .. بس الهدف الرئيسي هو انك تـ #عافر !

أول انشطتنا الفتره اللي جايه هتكون مجموعه ورش عمل عن مجال ريادة الأعمال هنتعلم فيها اساسيات اختيار فكره المشروع و هنتعلم...
28/11/2016

أول انشطتنا الفتره اللي جايه هتكون مجموعه ورش عمل عن مجال ريادة الأعمال هنتعلم فيها اساسيات اختيار فكره المشروع و هنتعلم ازاي نعمل دراسة للسوق و ازاي ندير رأس المال بشكل صحيح .. ازاي نسوق لفكرتنا و ازاي نختار الفريق اللي هيشتغل معانا سواء شريك او موظفين .. و حاجات تانيه كتير و كمان هيكون معانا ناس من دول تانيه جايين من AIESEC ...
اللي حابب يكون مشارك معانا في الورش دي يسجل علي ال LINK ده
https://goo.gl/forms/72UcSZQrjqTuXBzl1

من الواضح ان كلية تجارة مطلعتش سهلة .. و من الواضح بردو ان المحاسبة طلعت #بعبع لأغلبة طلبة تجارة ^_^ .. و غالباً طريقة ...
11/11/2016

من الواضح ان كلية تجارة مطلعتش سهلة .. و من الواضح بردو ان المحاسبة طلعت #بعبع لأغلبة طلبة تجارة ^_^ .. و غالباً طريقة تدريسها هتبقي هي السبب .. أياً كان مش هنركز مع المشكلة و خلونا نركز فى الحل اللى اسمه " أفهم محاسبة " ده كورس "مجاني" بيقدمة المحاسب أ/ محمد رواش .. بطريقة ممتعة في فيديوهات هتبدأ معاك من مباديء المحاسبة المعادلة الحسابية و القيود ... لحد ما يوصل معاك لمحاسبة الشركات و محاسبة المقاولات و المحاسبة الدفترية

و يكمل معاكم لحد أهم اسئله الانترفيو للمحاسبين ^_^

مدة كل فيديو بتبقي حوالي 15 دقيقة .. و الفيديوهات كلها حوالى 35 فيديو .. يعني مش هياخدوا منك 8 ساعات بالتمام و الكمال و انت قاعد فى بيتكم .. لا تنزل فى السقعة و لا يضحك عليك فى center كورسات ^_^

مباديء محاسبة
https://www.youtube.com/watch?v=z4fB9Nc2qZ0&list=PLb4WD8aZzxg7tJKFfunfnZh_I4QTmlrxr

محاسبة شركات
https://www.youtube.com/watch?v=7sER0lnhuDM&list=PLb4WD8aZzxg70FkA-xDUe2njTcBrsMewT

المحاسبة الدفترية
https://www.youtube.com/watch?v=GVpG3kN8PYQ&list=PLb4WD8aZzxg7CkPMPnv8lqi7yQbe_flhY

أهم أسئلة ال interview للمحاسبين
https://www.youtube.com/watch?v=bEzAvXKhL4Y&list=PLb4WD8aZzxg6o-vgr8LXb3yYRn7nLhk4U


البوست دا جبناه من علي موقع وادي المشمش اللي هتلاقوا عليها حاجات كتير ممكن تفيدكوا ..

11/11/2016

من الحاجات اللي هنعملها اننا هنلف علي الــ Pages اللي ممكن تنزل حاجات مفيده للناس اللي حابه تعافر و نجيب منها Posts مفيده للناس اللي فعلا حابه تعافر .. توجهنا كله اننا نسهل علي الناس اللي بتابعنا الوصول للحاجات دي .. لو في بوست منقول هنكتب تحته انه مش من مجهودنا حفاظا علي مجهود الشخص اللي تعب و نزله قبلنا ...

09/11/2016

فى الوقت اللى انت اتنازلت فيه عن جزء من احلامك بسبب ظروفك .. فى ناس تانية قاعدة بتغير ظروفها عشان تناسب احلامها

و ده حال معظمنا الفتره الجايه خصوصا الناس اللي عندها امتحانات :D
05/11/2016

و ده حال معظمنا الفتره الجايه خصوصا الناس اللي عندها امتحانات :D

03/11/2016

خليك عاقل ومتزن في كل شيء في حياتك.. إلا تطوير نفسك .. خليك مجنون و متحطش لنفسك حدود ..
عافر و حارب اي حاجه ممكن توقفك و خليك فاكر حدودك انت اللي بتحطها .. خلي حدودك السما .. !

بقالك اد اية ناوي تبدأ مذاكرة و لسه مبدأتش ..!و عاوز تبدأ تروح الجيم و مروحتش .. !كمية احلام و امنيات اللى شاغلة بال كل ...
29/10/2016

بقالك اد اية ناوي تبدأ مذاكرة و لسه مبدأتش ..!
و عاوز تبدأ تروح الجيم و مروحتش .. !
كمية احلام و امنيات اللى شاغلة بال كل واحد فينا و بردو لسه مبدأش فى تحقيقها .. !!
بكل أسف لازم تتأكد ان الوضع هيستمر كده لفترة طويلة ..!
طول مانت ثابت مكانك و معودتش نفسك تاخد خطوة و تبدأ .. !

أزاي تبدأ ؟

دة السؤال اللى هنجاوب علية بالتفصيل فى هيئة خطوات عملية .. اياً كان اللى ناوى تبدأ فية اية ..

بداية : أختار حاجة واحدة تبدأ بيها ..!
لان ديماً الحماس اللى بيجيلك بضيع عالفاضي بسبب التشتيت من رغبتك فى تغيير كل حاجة للاحسن مرة واحدة و الاحباط اللى بيجيلك بسبب كم الحاجات دي

ثانياً : مش مهم الكمّ .. المهم استمرارك بعد البداية .. كفاية نص ساعة مذاكرة لكن كل يوم .. كفاية 10 دقايق رياضة فى البيت لكن كل يوم .. و تدريجياً مع الوقت المدة دي هتتضاعف و المهمة دي هتتحول لعادة بالنسبة ليك.

ثالثاً : اطلب مساعدة اللى حواليك .. اصحابك .. اهلك .. جيرانك عرفهم مشكلتك و اطلب منهم يشاركوك .. ” انا مقصر فى المذاكرة و محتاجك تذاكر معايا .. عشان ناوي على تقدير السنة دي ” .. ” وزني زايد و عاوزك تنزل تجري معايا ” .. مشاركة حد معك هتشجعك جداً علي الأستمرار .. بجانب توضيحك للمشكلة حاول تطلب منه تنبيهك و متابعتك .. عشان تحسن من مستواك ديماً
رابعاً : فكر نفسك ديماً .. انت بدأت لية ؟ بتذاكر لية ؟ بتتمرن لية ؟ بتتعلم English لية ؟؟
علق ورقة على التلاجة .. غير ال Background بتاعت موبايلك او لابك .. اكتب ع الحيطة كل ما تحس انك هتقف شوف الحاجات دي خليها دايما حاجه تفوقك .. المهم انك تفضل فاكر ديماً لية مينفعش تقف.

خامساً : احتفل بنجاحك .. و استمتع باللى وصلتلة لكن متسمحش لنفسك تقعد فاضى أبدأ علطول فى حاجة جديدة .. أبدأ من تانى اشتغل على نفسك و على حاجة كنت مأجلها

سادساً : أبدأ حالاً .. أبدأ فى اول حاجة تيجي على بالك .. خد خطوة دلوقتى ..

#عافر

البوست ده نقلناه ببعض التعديلات البسيطه مش اجتهاد شخصي مننا.

- سالناكوا قبل كده يعني ايه entrepreneur او رائد الاعمال ؟؟ - رائد الاعمال هو شخص بدأ فكره مشروع باجتهاده الشخصي و بمبلغ...
12/10/2016

- سالناكوا قبل كده يعني ايه entrepreneur او رائد الاعمال ؟؟
- رائد الاعمال هو شخص بدأ فكره مشروع باجتهاده الشخصي و بمبلغ بسيط يعني مش بيزنس كبير زي شركه ضخمه او كدا انما هو شخص بيحاول يستغل اقل الموارد اللي متاحه علشان يبدأ startup
- يعني ايه اصلا startup و ايه الفرق بينها و بين شركه كبيره ؟
- الــ startup هي مشروع بيبدأ بمبلغ كبير و بيمر بمراحل معينه علشان يوصل انه يكون business ناجح .. و علشان تحول ال startup بتاعتك دي ل business ناجح محتاج تبقي عندك خلفيه عن حاجات اساسيه زي
- Market researching
- Finance
- Marketing
و لازم يكون عندك مهارات كتير زي :
-Team management
- Creativity

- ليه بنتكلم عن رياده الاعمال ؟؟
- لانها اول خطوه لاي شخص عايز يبقي businessman ناجح ..
-- يعني اي حد ناجح و كبير دلوقتي كان في بدايته رائد أعمال لكنه بشوية اصرار و معافره نجح و بقي في المكان اللي هو فيه دلوقتي !
تابعونا هنتكلم اكتر عن رياده الاعمال و عن اهميه كل حاجه من الحاجات اللي فوق دي و ليه بنحتاجها و ازاي نتعلمها و حاجات تانيه كتير ..


06/10/2016

سمعت قبل كدا عن رياده الاعمال ؟
طب مر عليك مصطلح Entrepreneur أو Entrepreneurship ? ?
مستنيين ردودكوا و تابعونا علشان نعرف سوا كل ما يخصل المجال ده ؟؟


Address

Sror Square
Dumiat

Website

Alerts

Be the first to know and let us send you an email when 3afer عافر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category