اتقان للهندسة والديكور

https://momento360.com/e/u/c7e86869a2414b80a87250a50a6f0861
اضغط وحرك الكاميرا

000 000 on Momento360 - click to view in 360

تشطيب بعين مهندس 👷‍♀️
بلاطة 60×120 ممكن تعيش سنين… وممكن تطبّل بعد شهور.
الفرق؟ طريقة التركيب
البلاطات الكبيرة 60×120 بورسلين ليها طريقة تركيب خاصة ضروري نركب بيها حتى لو التكلفة اعلى
والغلط في تركيبها بيؤدي لخلع أو تطبيل بعد فترة.
الارضيات:
يفضل عمل ارضية هليكوبتر او محارة على وتر موزونة بميزان ليزر عالشعرة
ويتم التركيب باستخدام مادة لاصقة خاصة بتركيب البورسيلين.
• استخدام الصلايب والكلبسات ضروري
• في حالة عدم المحارة والتركيب على مونة يتم تخشين ضهر البلاطة بالمادة قبل التركيب
مادة لاصقة + صلايب وكلبسات

✔ الحوائط:
• محارة مظبوطة على وتر والافضل تأكيس وتربيع خصوصا لو هتركب بانيو شاسيه
• تركيب بمادة لاصقة قوية
• صلايب وكلبسات + ميزان وهزاز

⚠ ملحوظة مهمة:
فواصل التمدد في البورسلين أساسية،
وإهمالها يسبب خلع وتطبيل

التشطيب الصح يعيش… مش بس يبان حلو

زي ما وعدناكم هنبدأ بعون الله سلسلة بوستات تشطيب بعين مهندس
كل تفصيلة تفرق
هنحاول كل مرة نتكلم على حاجة من اشهر الحاجات اللي بنتسأل فيها

رطوبة فوق وزرة السيراميك…هل ده عيب تنفيذ؟

ظهور رطوبة أعلى وزرة السيراميك أثناء أو بعد التشطيب مباشرة حالة شائعة جدًا، لو المبنى مش فالدور الارضي وتأكدنا ان مافيش تسريب مياه
في نوع من الرطوبة بتحدث نتيجة تركيب السيراميك بمونة او محارة الارضية في حالة البلاطات الكبيرة.
السبب الأساسي بيكون الاستعجال في مراحل التشطيب بدون إعطاء مونة السيراميك وقتها الكافي للجفاف، خصوصًا في الشتاء.
مياه المونة بتحتاج تتبخر من فواصل السيراميك، لكن لو الفواصل اتقفلت بدري، المياه بتطلع في أضعف نقطة… وهي الحائط فوق الوزرة.
علشان كده الرطوبة ممكن تظهر أثناء النقاشة و تختفي وبعدين تظهر تاني قبل أو بعد التسليم
المعالجة الصحيحة
كشط – تجفيف كامل وممكن الاستعانة بلهب البوري– سيلر مناسب – معجون – دهان نهائي.
الوقايه او التقليل من ظهورها
عدم الاستعجال في ملئ فواصل السيراميك واعطاءها وقت كافي للجفاف خصوصا في الشتاء.
اعطاء وقت كافي فاصل بين مرحلة تركيب الارضيات ومرحلة الدهانات.