العلوم والأحياء مع مس /رانيا صقر

23/06/2026

البداية بإذن الله تعالى 8/15 👌
بالتوفيق للجميع يارب 💗

21/06/2026

مليوووون مبروووك لكل ولادى ❤🎊❤🎊
فرحتونى بدرجاتكم وربنا يوفقكم فى الجاى ويقدر لكم الخير يارب العالمين 🤲❤❤

19/06/2026

منهج علوم الصف الثالث الاعدادي الجديد 👌

15/06/2026

14/06/2026

أهم 🔟 نصايح لطلبة الثانوية العامة قبل بداية الإمتحانات🖐🖐

1️⃣ أفضل مراجعة ليلة الامتحان هي المنهج بالكامل من الجلده للجلده بقراءة سريعه و ليس حل الأسئلة و الامتحانات .. ده هيساعد و هيسهل تذكر المعلومات تاني يوم في الامتحان

2️⃣ النوم من ٦ الي ٨ ساعات ليلة الامتحان مهم جدا .. النوم القليل بيأثر علي الذاكرة و التركيز ..الفطار قبل النزول للإمتحان مهم جدا .. قله السكر في الدم هيقلل التركيز و هيزود التوتر

3️⃣عموما أيام الامتحانات..متعملش حاجه جديده مش متعود عليها .. يعني مثلا متشربش قهوه صباحا و انت مش متعود تشربها .. متاخدش مهديء مثلا عمرك ما اخدته.. ذاكر من نفس المذكرات اللي ذاكرت منها طول السنة .

4️⃣ ادخل اللجنة قبل بداية الإمتحان بوقت كاف و ليس قبل الامتحان علي طول .. أقرأ الأدعيه و الأذكار اللي متعود عليها .. متتكلمش مع حد و متراجعش مع حد .. عشان تحافظ علي تركيزك

5️⃣ نصيحة أنك تقرأ الامتحان كله الاول دي نصيحه مضروبه جدا.. تضييع وقت و هتوترك لو لقيت سؤال مش عارفه أو حسيت الامتحان في مجمله صعب.. امشي سؤال سؤال أفضل

6️⃣ أقرأ السؤال كويس جدا قبل الاجابه.. وضح خطك .. أجل السؤال الصعب للآخر .. وزع الوقت و سيب وقت للمراجعه و لا تخرج أبدا قبل نهاية الوقت .. اقعد للآخر راجع و راجع و اتأكد من اجاباتك

7️⃣ بعد الامتحان .. علي البيت عدل ..متراجعش مع حد و لا مع مدرس و لا مع زمايلك في التليفون .. و متروحش تفتح الكتاب تشوف حليت صح و لا لأ .. اقفل المادة دي و استعد للي بعدها

8️⃣ الأيام اللي بين الامتحانات وزع الماده الجايه عليهم و اعمل حسابك ليلة الامتحان أنك تقرأ المادة كلها زي ما اتفقنا .. و بلاش حل امتحانات الا في مواد المسائل زي الفيزياء و الرياضيات

9️⃣ الأهل دورهم مهم جدا . مطلوب الهدوء .. الدعم .. التشجيع ..لا داعي لأي ضغط .. أكل صحي.. (سمك .. مكسرات.. فاكهة طازه ) ..و الدعاء المكثف

🔟 اعمل اللي عليك و ارضي ضميرك و ارضي ربنا و ارضي أهلك اللي طفحوا الدم عشانك في ظل ظروف قاسيه جدا .. ابذل أقصي ما في وسعك لإسعادهم و اعلم أن الله لا يضيع أجر من أحسن عملا
يارب النجاح و التفوق و الفرحه لكل طلبة الثانوية العامة 🤲🤲
منقووول

10/06/2026

ومع نهايه امتحانات الصف الثالث الاعدادي😏
نقدر نقول وداعا لمنهج من أمتع مناهج العلوم وأشملها سوااء في الكيمياء او الفيزياء او الاحياء منهج تأسيسى لفروع العلوم الثلاثة ولصفوف المرحلة الثانوية...منهج شيق ومترابط قمت بفضل الله بتدريسه لمده 17 سنه من بدايه شغلي وكان منهج دسم وكبير وكان بيتعدل ويتحذف منه اجزاء لحد ماوصل للكم الحالى👌
كده هنقول خلاص مع السلامه ونرحب بالمنهج الجديد المعدل اللى دلوقتى بيبقى اتقل واكبر كما
الله المستعان ونسأل الله التوفيق والسداد لنا ولاولادنا الطلبة فى كل ما هو آت🤲💚

08/06/2026

🔴أولادى طلاب 3 اعدادى 🥰
حابة أشكركم على كل لحظة قضيناها خلال السنة. ❤️
🔸️كنتوا أكتر من مجرد طلاب، كنتوا جزء جميل من رحلة مليانة تعب واجتهاد وضحك وذكريات هتفضل محفورة في القلب💝
🔹️ فخورة بكل طالب حاول واجتهد وطور من نفسه، وفخورة بكل خطوة تقدمتوا فيها مهما كانت صغيرة. النجاح مش مجرد درجات، النجاح إنك تتعلم وتستمر وتحاول لحد ما توصل لهدفك.
🔹️أتمنى لكم كل التوفيق في امتحاناتكم وفي حياتكم القادمة
، وربنا يحقق أحلامكم ويكلل تعبكم بالنجاح والتفوق.
🔹️افتكروا دائمًا إن الثقة بالله ثم بالنفس، والاجتهاد المستمر، هما مفتاح أي نجاح.
هتوحشوني جدًا، وأسأل الله أن يجمعنا دائمًا على الخير، وأن أراكم في أعلى المراتب.
مع خالص حبي وفخري بكم جميعًا. 🌹
أ/ رانيا صقر

08/06/2026

حل امتحان علوم اعدادية دمياط 2026

08/06/2026

امتحان علوم اعدادية دمياط 2026

07/06/2026

منقول
حل امتحان محافظة البحيرة 2026