محمد زين - Mohamed Zain

محمد زين - Mohamed Zain Contact information, map and directions, contact form, opening hours, services, ratings, photos, videos and announcements from محمد زين - Mohamed Zain, Education, عزبة البرج, Damietta.

إنسان 👁 مسلم ☝️.
مدرس فيزيا 🤷‍♂️ مصري 🇪🇬.
مجتهد 💪 متطور⚡️.
أسعى دائمًا أن أكون🤨 متميز🎯.

الصورة استفذتني جدًا !أنا شرحت المعادلتين وفاهمهم كويس .و ماتخيلتش إن مدرس فيزيا .وابقى مش عارف المفروض بردو أدخل من أ...
03/06/2026

الصورة استفذتني جدًا !

أنا شرحت المعادلتين وفاهمهم كويس .

و ماتخيلتش إن مدرس فيزيا .

وابقى مش عارف المفروض بردو أدخل من أنهي باب😐

حد يقولنا رأيه مين باب الرجالة و مين باب النساء

فكروا معايا معلش عشان الموقف صعب 😅

01/06/2026

كنت فاكره نمل عادي!

بس الحكاية طلعت أكبر من كدا .


#حلقة1

اللي حصل النهاردة في صلاة العيد موضوع الاختلاط في صلاة العيد دا كان زاد عن حده و الصور اللي كانت بتلف الفيس بوك كل عيد ...
27/05/2026

اللي حصل النهاردة في صلاة العيد

موضوع الاختلاط في صلاة العيد دا كان زاد عن حده

و الصور اللي كانت بتلف الفيس بوك كل عيد ، كانت بتحسسني إن الاختلاط في صلاة العيد بقى شيء عادي في مصر (خاصةً المدن).

بس النهاردة صليت في دمياط الجديدة (مدينة) و كانوا في قمة الاحترام .
و مفيش أي نوع من أنواع اختلاط .

دا العادي بتاع مجتمعنا اللي تربينا عليه
وعاوزين ولادنا يتربوا على الصورة دي .
دا اللي يستحق يتصور و ينتشر .

عيد أضحى مبارك 🥳❤️

🥳🥳🥳 أوائل الجمهورية 🤩بفضل ربنا عندي في الدرس الأول☝️و التاني✌️ و التالت 👌و الرابع ✌️✌️و السادس 🖐☝️و السابع🖐✌️ ! فخور جدً...
26/05/2026

🥳🥳🥳 أوائل الجمهورية 🤩

بفضل ربنا
عندي في الدرس
الأول☝️و التاني✌️ و التالت 👌و الرابع ✌️✌️و السادس 🖐☝️و السابع🖐✌️ !

فخور جدًا بيكم ❤️

كدا ٢ث خلصت الحمد لله
و خلاص هنغير عقليتنا
و مش هنافس على أوائل المدرسة

من أول النهاردة (يوم عرفة)

هشتغل و هندعي

تطلعوا أوائل الجمهورية 🇪🇬السنة الجاية ٣ث

لازم يكون دا من أهم أدعيتك يوم عرفة و يلازمك طول السنة و تكون على يقين إنك تقدر تطلع الأول على الجمهورية السنة الجاية .

زي النهاردة من 29 السنة كان أول يوم ليا معاكم على الكوكب دا 🌍في حاجتين مسيطرين على تفكيري دلوقتي :أول حاجا : إن ربنا بيد...
25/05/2026

زي النهاردة من 29 السنة كان أول يوم ليا معاكم على الكوكب دا 🌍
في حاجتين مسيطرين على تفكيري دلوقتي :

أول حاجا : إن ربنا بيديني كمية فرص كتير جدًا من يوم ما اتولدت لحد دلوقتي ، و أي إنجاز حققته دا بفضل ربنا .(الحمد لله❤️)
أي إخفاق ف هو مني ، و بعتذر لأي حد قصرت معاه في أي حاجا (حمادة تاني خالص السنة دي إن شاءالله ).

تاني حاجا : إن جربت حاجات كتير جدًا
عشان أخوض كل تجربة و ماحسش إن فاتني حاجا
دروس سناتر منصات مدرسة ❤️ سوشيال ميديا
دمياط الجديدة والقديمة و القاهرة .
اتعاملت مع كمية ناس و عقول وعقليات مختلفة.
كسبت حاجات كتير و خسرت حاجات كتير .

بس اتعلمت ...

و دا أهم بالنسبالي من المكسب و الخسارة

خلاص يا معلم .....عندنا حروب جديدة

بتحديات جديدة .... بشغف متجدد هتلاقوني فيه الفترة الجاية لما هزهقكم من الشغف اللي هيطفح على الصفحة 😂

دعواتكم ليا

أول يوم ليا في عامي التاسع و العشرون
هيكون (يوم عرفة ❤️)

بحبكم من قلبي بجد ربنا يكرمني ويكرمكم.

تقبّل الله منا و منكم ...سلام ❤️

دعواتكم الصادقة لكل طالب في أولى وتانية ثانوي داخل فترة امتحانات صعبة 🤍جيل دخل الثانوية العامة (قبل ماتبقى بكالوريا) وهو...
15/05/2026

دعواتكم الصادقة لكل طالب في أولى وتانية ثانوي داخل فترة امتحانات صعبة 🤍

جيل دخل الثانوية العامة (قبل ماتبقى بكالوريا) وهو فاكر إنه داخل يتعلّم…

فاتفاجئ بنظام جديد !
و منهج جديد !
تقييمات كل يوم!
حضور مدرسة إجباري .
دروس بعد المدرسة.
امتحانات في الدروس.
امتحان كل اسبوع .
و امتحان شهر .
وامتحان بعد العيد.
وامتحان بعد الامتحان اللي بعد العيد!

التعليم المصري واقع مؤلم.

ادعولهم
ربنا يوفقهم، ويهديهم، ويعدّي الأيام دي على خير 🤍

12/05/2026

ماذا يحدث في يوم مدرس الفيزيا ؟

حقيقي للتوثيق - دمياط- 2026

12/04/2026

في طالب جه يشتغل معايا في المراجعة في بيقولي كنت عندم مدرس جيولوجيا و مفهمتش منه حاجا
مع إن الترم التاني نصه جيولوجيا .
(و كلام الطالب لا يؤتمن)

بس ضروري قبل ماتقرر هتاخد فين علوم متكاملة. تفكر كويس.

المادة مش سهلة و مش صعبة .

هتسمع ناس يقولك كلها فيزيا او كلها كيميا و الترم تاني فعلا نصها أحياء وجيولوجيا
كل دا ملوش لازمة

الفكرة في اللي هيشتغل صح.

و ينظم للطالب المعلومات.

و يبذل مجهود بما يرضي الله .

و أنا للسنة التانية على التوالي بشتغل المادة و الحمد لله شغلي المميز بيستقطب الأوائل .

و مستمرين السنة الجاية للسنة التالتة ع التوالي . إن شاءالله

أغرب إجابة قابلتني وأنا بصحّح النهاردة:أنا بحب أزود عدد الأسئلة المقالي عشان دا المقياس الحقيقي بالنسبالي الطالب دا بيع...
07/04/2026

أغرب إجابة قابلتني وأنا بصحّح النهاردة:

أنا بحب أزود عدد الأسئلة المقالي عشان دا المقياس الحقيقي بالنسبالي الطالب دا بيعرف يقرأ ويكتب أصلًا ولا لأ.

و كل امتحان بشوف إبداعات في الأسئلة المقالي

مش طالب او إثنين دا كل المجموعة بتبدع.

فجمعت ٨ أنواع الطلبة اللي بقابلهم كل مرة و أنا بصحح المقالي :

1) الطالب الكاريزما 😎
يكتب الإجابة… ويشخبط عليها!
لو صح: كنت كاتبها بس شطبت (كاريزما)
لو غلط: كاريزمتي ماتسمحليش أسيب إجابة غلط.

2) الطالب الكارف 🤷‍♂️
السؤال في وادي…
وهو في وادي تاني خالص
يكرف للسؤال و يكتب الإجابة اللي هو عاوزها .
هي الإجابة بتبقى صح بس ملهاش علاقة بالسؤال.

3) الطالب الجاحد
السؤال مش عاجبه؟
يعدّل الأرقام…
ويحل على مزاجه وكأنه اللي حاطط الامتحان (جاحد)

4) الطالب الهابد 💥
ماليلي الورقة أي كلام في أي كلام
وهو عارف إن كل كلامه غلط
وبيكتبه بمبدأ
يمكن جملة فيهم تلمس قلب المصحّح وتعدّي 😂

5) الطالب الفيلسوف 📚
السؤال عايز سطرين؟(بتاع العوامل اللي يتوقف عليها معامل الانكسار
يكتبلك قصة كفاح الضوء + تعريفات السرعة + كل معلوماته عن الفيزيا .
و المشكلة اللي بيكتب إجابة زيادة في الفيزيا بنقصه
لأن اللي بيتفلسف دا معايا يعني معلوماته ناقصة .أو مش واثق فيها .

6) الطالب الشبح 👻
دا بيسيب السؤال فاضي… 😂

ولا نقطة حبر
سلام نفسي عايش فيه لوحده 🧘‍♂️

7) الطالب الدرامي 🎭
في آخر الورقة:
"أنا تعبان والله يا مستر… حاول تنجحني"
يبني كلامك دا بيتعبني أنت والله

8) الطالب الصحبي 🤝
يكلّمك في الورقة:
"أنا فاهم بس اتوترت"
"عدّيها المرة دي"
علاقة إنسانية جميلة… بس مفيش درجات 😂
وقابلت طالب بيكلم نفسه بردو وبيتناقش معاها.

قولي
إنت أنهي نوع فيهم؟

05/04/2026

مشكلة الفيزيا ٣ث
قصة حقيقية
نظام المراجعة
فيزياء - ثانوية عامة 2026

Address

عزبة البرج
Damietta
8066001

Telephone

01097041174

Website

Alerts

Be the first to know and let us send you an email when محمد زين - Mohamed Zain posts news and promotions. Your email address will not be used for any other purpose, and you can unsubscribe at any time.

Shortcuts

Share

Category