Miss English Dina ziedan, دمياط, Damietta (2026)

17/04/2024

معلومة ع الماشي 😍... كل يوم معلومه 👍👍😂
يا ماما الكلمه دي اسمها ايه Option
اسمها ( اوبشن ) يا حبيبي و معناها اختيار
يا ماما option مفهاش( ش )
المفروض نقول ( اوبتون )
لا اسمها ( اوبشن ) احفظها كده و خلاص 😡😡

طيب يا ماما هي الكلمه دي اسمها ايه Picture
اسمها ( بكتشر ) يا قلب ماما و معناها صوره
ازاي يا ماما الكلمه مفهاش ش برضوا
جبيتيها منين حرف ال ش
المفروض نقول ( بيكتيور) 🤔🤔

بقولك ايه انت أسئلتك كترت و انا اتخنقت منك
امشي ياض من قدامي عاوزه اعمل االغدا قبل ابوك مايشرف 😖
ابقي أسأل مس دينا بتاعتك 👊👊

احم احم تعالي سيب ماما وتعالي بدل ما تضربنا انا و انت 😂😂
👈 بص يا سيدي الموضوع سهل اووي
دي اسمها الحروف المركبه
لو لقيت التركيب ده ture في الكلمه حط تحته خط و انطقه ( تشَر )👇

يعني الكلمه دي Picture ( بكتشَر ) معناها صوره
طيب و الكلمه دي
ها انطق يلا Future ( فيوتشر )
برافوووو معناها المستقبل
طيب و دي Structure ( استركتشر ) معناها بناء

👈و لو لقيت التركيب ده tion حط تحته خط في الكلمه و انطقه ( شَن )👇

انطق كده Mention.. ها قووول برافو ( منشن)
طيب انطق دي كمان يلا option ( اوبشن )
طيب يلا اخر كلمه انطق Station
برافوووو عليك انا متاكد انك نطقتها صح ( استاشن )
معناها محطه

🌟ملحوظه :
اوعي تكتبي لابنك بالعربي كده لأنه غلط انا بس حبيت اوضح لحضرتك 🙏

بس خلاص ..فوووسحة 😂

16/04/2024

👈مس ابني مش بيعرف ينطق الحرف ده u
لان له اكتر من نطق 🙆🏻

و هل بينطق اه👈 زي uncle
ولا بيتنطق يو👈 زي unit
و امتي افرق بين الاتنين في النطق 🙄🤔🤔

بصي يا فندم كل حرف من الحروف له اسم و له صوت
اسمه 👈يو / صوته 👈 أه او أوو

قبل ما تحس ان الموضوع صعب تعالي ناخد امثله ع الكلام ده
في العادي هيتنطق ( أه ) .. طيب انطق كده 👇
Bu به
طيب زود كده حرف ال s هتبقي الكلمه ايه 👇
ايوه Bus اتوبيس برافوا عليك

طيب انطق كده su ايوه (سه ) طيب زود n
هتبقي sun سن اللي هي شمس برافو عليك 👏🏻👏🏻

ها حلوووو الكلام⁦♥️⁩⁦♥️⁩رد و قولي حلو الكلام 😍

طيب الحرف ده بيتنطق باسمه ( يو ) في حالتين
١_ لو جه حرف ال u و بعده حرف ساكن و في اخر الكلمه حرف e ودي حالة الmagic e

‼️يلا ندخل على الامثله 👏🏻👏🏻
بص الكلمه دي Cute ( كيوت ) يعني جميل_رقيق
خدت بالك احنا نطقنا حرف الu باسمه يو
علشان جه بعده حرف ساكن وفي الاخر حرف الe
مثال تاني Hugee انطق كده ها سمعك انا برافو عليك ( هيوج )
٢_هينطق u باسمه اذا جاء بعد حرف الu حرفي ni زي ايه 👇
بص unit ( يونت ) برافو عليك
طيب والكلمه دي 👇
ها انطق universal ( يونيفرسال) برافو عليك 🌹
👈 خليك فاكر أن لكل قاعده شواذ 🤔💓
بس خلاص فرررركش خلص الدرس لو عجبك الدرس اعمل لايك و شير خلي كل الناس تستفاد🌹🌹
و اكتب رأيك في كومنت 🤝🩷
و متنسنيش بدعوه حلوه من قلبك 🩷🩷

16/04/2024

معلومة ع الماشي 😍😍.... كل يوم معلومة 👍👍
لما يجي ابن حضرتك يسألك و يقولك يا ماما هي الكلمه دي اسمه ايه xylophone
اسمها اكسيلفون يا حبيبي و ده نوع من الآلات الموسيقية

لا لا كده كتير اللي حضرتك بتقوليه ده غلط امال
اسمها ايه يعني يا مس 🤔😠
اسمها ( زيلوفون )
ايه ده اللي هو ازاي يعني ؟ جه منين حرف ز ده

بص يا فندم حرف ال x له 4 حالات نطق 👇
١_لو كان منفردا ( مستقل ) عن الكلمه ينطق x
زي x ray ايوه ( اكس راي ) الاشعه
طيب انطق دي كده x large .... برافوا اللي هو كبير في المقاس

2_اذا كان اول حرف في الكلمه بس مش مستقل بذاته
هينطق ( ز z )
زي دي xylophone هتنطق ( زايلوفون )
طيب و دي xenophobia ( زاينوفوبيا ) معناها الخوف من الغرباء

٣_لو جت في نص الكلمه هتنطق زي الحرفين دول مع بعض ( gz )
قبل ما تقولي مش فاهم هقولك اتقل بس و انا هزبطك😂😂😂
تعالي ناخد امثله Exam ايوه برافو عليك اللي هي امتحان تتنطق ازاي ( اجزام ) ⁦☑️⁩
طيب و دي example الله ينور عليك ( اجزامبل ) اللي هو معناه مثال

٤_اخر حاجه لو جت في اخر الكلمه انطقها ( x )
زي مثلا Box ( بوكس ) اللي هو صندوق
طيب انطق دي Fox .... برافو عليك ( فوكس ) ثعلب

طيب يا مس الكلمه دي Next و هنا ال x ف النص و متنطقتشgz يعني

هرد و اقولك 👇
طبعا كل قاعده و ليها ايه ..... برافو كل قاعده وليها شواذ.. دعوة حلوة بقا 😍

16/04/2024

🌹تعالوا نتكلم شويه عن حرف ال A🌹
بصي يا سيدي الحرف ده جميل اوي و له ٤ حالات نطق

١_ ينطق مثل الفتحه المرققه
( مرققه ايه يا مس هو احنا في حصه نحو ) 🤔
لا ياعم اصبر بس انا هفهمك اكتر لما ناخد الأمثلة دي
Fat فات / cat كات / Rat رات
هي دي الفتحه المرققه يا سيدي

٢_تاني حاله تنطق مثل( الفتحه المفخمه) لما يجي بعد حرف ال a حرف ال r
a+r= فتحه مفخمه
قبل ما تقولي مفخمه ازاي هقولك لما تكون تعبان مش انت بتقول( أه ايوه أه ) هي دي الفتحه المخمه
تعالي ناخد امثله وانطقهم لوحدك
Car / jar / far
نطقتهم صح انا متاكد برافوا عليك 🌹

٣ ندخل ع الحاله التالته
حرف الa هننطقه زي الضمه اللي هي أو ( o) امتي
لو جه بعد حرف ال a حرف ll
a+ll = الضمه أو o
احنا اتعودنا متقولش علي حاجه صعبه غير لما نشوف الامثله انطق كده
ball ايوه (بول) برافوا عليك اللي هي كوره
طيب انطق لوحدك بقي
Tall / small / call
ايوه هتنطق o بس احنا بنكتبها a و عرفنا ليه تطقناها o علشان جه بعد حرف ال a حرف ll
و برضه في معظم الأحوالaw تنطق أو ( o) زي
Paw بو / law

٤ _ اخر حاجه بقي حرف ال a هينطق باسمه ( أيه ) لو جه بعده حرف ساكن و كان في اخر الكلمه حرف e
حرف ال a + حرف ساكن و ف اخر الكلمه لقيت حرف e
انطق حرف ال a باسمه أيه زي ايه مثلا
Cake / make / name
ها سهل و لا صعب عرفت أن الانجليزي سهل ازاي

و طبعا خليك عارف ان لكل قاعده شواذ 🌹

بس خلاص فرررركش خلص الدرس لو عجبك الدرس واستفدت بمعلومه اعمل لايك واكتب رأيك في كمنت علشان توصلك كل الدروس باستمرار 💓💓
👈 😍