مركز نجوم القرآن

16/07/2026

قال رسول الله
صلى الله عليه وسلم:
«من قرأ سورة الكهف يوم الجمعة أضاء له من النور ما بين الجمعتين».

16/07/2026

🌿 الحمد لله الذي بنعمته تتم الصالحات 🌿

اليوم نحتفل بإنجاز يفرح القلب ويبعث الأمل. ❤️

نبارك لابنتنا المجتهدة حور إتمام حفظ 16 جزءًا من كتاب الله، بعد رحلة مليئة بالاجتهاد والمراجعة والصبر.

نسأل الله أن يجعل القرآن ربيع قلبها، ونور صدرها، وشفيعًا لها ولوالديها يوم القيامة، وأن يرزقها إتمام حفظ كتابه الكريم كاملًا على خير.

هذا الإنجاز رسالة لكل أبٍ وأم: إذا وُجد التشجيع، وصحَّ التوجيه، واستمرَّت المتابعة، فإن أبناءنا قادرون على تحقيق أعظم الإنجازات.

🌸 ألف مليون مبروك يا حور، وفخورون بكِ جدًا. ونسأل الله أن يبارك فيكِ، ويزيدكِ علمًا وهدى، وأن يجعلكِ من أهل القرآن الذين هم أهل الله وخاصته.

💚 مركز نجوم القرآن لتحفيظ القرآن الكريم ✨ معًا نصنع جيلًا يحمل القرآن في قلبه، ويهتدي به في حياته.

15/07/2026

نجوم القرآن 💕💕

15/07/2026

🚨 "ابني بيروح الجمعة بالعافية!"
"كل شوية أفكره يغتسل أو يلبس هدوم نضيفة!"
"مش عارف يعني إيه سنن الفطرة ولا ليه النبي ﷺ أمر بيها!"

لو الجمل دي شبه اللي بيحصل عندك في البيت... فأنت مش لوحدك.

للأسف، ولادنا بيتعلموا كل يوم حاجات كتير من الموبايل والشارع، لكن أساسيات دينهم بقت محتاجة حد يغرسها في قلوبهم بأسلوب يحببهم فيها، مش يخوفهم منها.

❤️ في كورس الشرعي بمركز نجوم القرآن مش بنحفظ الأولاد معلومات وخلاص...
إحنا بنربي، وبنناقش، وبنقربهم من سنة النبي ﷺ بطريقة تناسب سنهم وتخليهم يطبقوا اللي بيتعلموه.

📚 في الحصة الأخيرة اتكلمنا عن:
🕌 فضل صلاة الجمعة وأحكامها.
✨ السنن والآداب المستحب يعملها المسلم في يوم الجمعة.
🌿 سنن الفطرة التي أوصى بها رسول الله ﷺ، وليه المحافظة عليها من جمال الإسلام وكماله.

هدفنا إن ابنك يرجع البيت وهو بنفسه يقول:
🤍 "يلا يا بابا ننزل بدري لصلاة الجمعة."
🤍 "النهارده الجمعة... لازم أعمل السنن اللي اتعلمتها."

وده أجمل شعور لأي أب أو أم...
إنك تشوف ابنك بيذكرك بالطاعة بدل ما تفضل طول الوقت تذكره بيها.

🌱 اغرسوا في أولادكم حب الله ورسوله وهم صغار... فالقلب الذي يتربى على السنة، يصعب أن تضل به الطريق.

📩 الأماكن محدودة، واحجزوا مكان أولادكم في كورس الشرعي بمركز نجوم القرآن، واجعلوا لهم نصيبًا من العلم الذي يبقى أثره معهم طوال العمر بإذن الله.

فروعنا:📍
دمياط الجديدة 01551852743
ميدان سرور 01096576057
الشارع الحربي 01063253609
الشهابية 01094823254
السنانية 01505658576

10/07/2026

النهاردة كانت حصة من أجمل حصص الكورس الشرعي في مركز نجوم القرآن. 🕌✨

رغم إن النهاردة يوم جمعة، إلا إن الأولاد كانوا حريصين جدًا على الحضور، وجايين بكل حماس.

📖 حصة الصلاة... أعظم عبادة بيتقرب بيها العبد لربه.

اتكلمنا عن:
✅ أركان الصلاة.
✅ واجبات الصلاة.
✅ سنن ومستحبات الصلاة.
✅ ولو حصل سهو أو نسيان أو زيادة في الصلاة... نعمل إيه؟

والأهم من كده إن الأولاد عرفوا إن مش كل خطأ في الصلاة حكمه واحد، وإن فيه فرق بين الركن والواجب والسنة، وإزاي يتصرفوا صح لو حصل أي خطأ.

والجميل إن الدرس ما كانش مجرد شرح وحفظ... لكنه كان مليان أسئلة، ومواقف عملية، وتفاعل خلّى المعلومة تثبت في عقولهم وقلوبهم.

🌱 إحنا في مركز نجوم القرآن مؤمنين إن تربية الطفل على الصلاة الصحيحة لا تقل أهمية عن تعليمه القراءة والكتابة، لأن الصلاة هي أول ما يُسأل عنه العبد يوم القيامة.

🌟 نجوم القرآن... بنربي جيلًا يحفظ كتاب الله، ويفهم دين الله، ويعيش به كل يوم.

09/07/2026

كل يوم في مركز نجوم القرآن بيكون عندنا نجوم بيتموا حفظ أجزاء من القرآن الكريم.🌹🌹
وأقل واجب علينا إننا نكرمهم.🏆🥇
وأقل حق ليهم إننا ندعي ربنا إنه يحفظهم ويوفقهم لختم كتابه وأن يجعلهم قرة عين لأهلهم. 🤲🤲

08/07/2026

هؤلاء النجوم أتموا حفظ جزء عم مع المعلمة عبير بفرع الشارع الحربي✨✨✨✨
بارك الله فيهم وحفظهم وأتم عليهم حفظ كتابه كاملا🤲🤲
وبارك في معلمتهم وحفظها وبارك في علمها ووقتها
قولوا آمين🤲🤲🤲

07/07/2026

07/07/2026

🏆 "توقَّع.. واكسب مع نجوم القرآن" ⚽ الأرجنتين 🆚 مصر 🇪🇬
​بمناسبة مباراة منتخبنا الوطني النهاردة، مركز نجوم القرآن بيشارككم الحماس وبيتحداكم في مسابقة التوقعات الكبرى! 🔥
​📋 نظام المسابقة وشروط الاشتراك:
​1️⃣ السؤال التفاعلي:
​توقع نتيجة المباراة النهائية الصحيحة (كام / كام)؟
​اذكر آية قرآنية كريمة تتحدث عن "السعي والاجتهاد" أو "الأخلاق والروح الرياضية" في التعليقات.
​2️⃣ طريقة اختيار الفائز:
​هيتم تجميع كل أصحاب التوقعات الصحيحة والإجابات الكاملة الشروط.
​السحب هيكون على التوقع الصحيح للنتيجة النهائية للمباراة مهما كانت، لأننا بنتعلم إن العبرة دايماً بالسعي وال مجهود والروح الرياضية! 🌟
​هنعمل سحب عشوائي (قرعة) لاختيار فائز واحد فقط بلقب بطل التوقعات 👑 ويعلن عنه على الصفحة بعد المباراة.
​3️⃣ قواعد وضوابط المسابقة:
​الإجابة والتوقع في تعليق واحد فقط.
​أي تعليق يتم تعديله (Edited) بعد بداية الماتش سيكون ملغياً.
​يقفل باب استقبال التوقعات تماماً مع صفارة بداية المباراة.
​🎁 جائزة البطل الكبرى:
🥇 خصم 50% على اشتراك الشهر القادم في السنتر + مصحف شريف + هدايا عينية وقيمة ومميزة للأطفال تنورنا في المركز.
​يلا ورونا حماسكم في التعليقات، واعملوا شير للبوست ومنشن لأصحابكم عشان الكل يشارك! 👇👇
​

06/07/2026

إحنا مش بنحب إن رحلة القرآن تبقى حفظ وتسميع وبس. 🤍

بنحبها تبقى رحلة فيها صحبة حلوة، وضحكة، وذكريات، وأيام يفضل أثرها في القلب.

علشان كده كان يومنا الترفيهي مع البنات؛ يوم اتجمعنا فيه، واتعرفنا على بعض أكتر، واستمتعنا بوقت جميل سوا.

مؤمنين إن اللي بيتزرع بالمحبة بيفضل، وإن البنت لما تحب المكان وأهله، بتحب كل حاجة بتتعلمها فيه.

الحمد لله على يوم مليان فرحة وونس وأوقات حلوة. 🌷✨