القوميه الخاصه بدمنهور

ازاي تفرق بين كل أنواع المنادى في أقل من دقيقة
#للصف الثالث الإعدادي

العظظظظظظظممممممممة 🤫🤫) 🤩
👈بكل بساطة ازاي نفرق بين أنواع المنادى بكل بساطة
👈1/ بص يا صديقي أنت تبص على المنادى لو بعد حاجة توضحه . متفكرش غير في منادى مضاف ( بلطجي)😁 يعني بيحذف النون والتنوين من المنادى بتاعك
زي ، يامعلمي النحو ، اجتهدوا
شايف معلمي محذوف منه النون أهي

👈2/ أو شبيه بالمضاف)مش بلطجي يعني مش بيحذف النون ولا التنوين
مثل: يا مسافرا لمرسى مطروح ، انتبه
شايف في مسافرا تنوين أهووو

👈ثانيا
بقي لو مجاش بعد المنادى حاجة توضحه خالص ، وغالبا بيجي فعل
يبقي متفكرش غير في👈 1/نكرة مقصودة وبتبقى مرفوعة عشان كده لازم تحفظ #علامات الرفع
المفرد وجمع التكسير الضمة المثنى الألف جمع المذكر الواو
👈2/ نكرة غير مقصودة وبتبقى منصووووبة.
عشان كده لازم تعرف علامات النصب
المفرد وجمع التكسير الفتحة، المثنى وجمع المذكر الياء ، جمع مؤنث الكسرة

👈ثالثا
لو لقيت المنادى اسم انسان أو اسم بلد وأنت مغمض نوع المنادى علم فاهم ياض علم
👈بس خلي بالك من الاسم المركب يعني اسم بيتكون من جزئين ده منادى مضاف زي عبدالله. عبد الرحمن ، عبدالغفور

👈رابعا
👈منادى ما فيه ال
زي يا أيها الطالب
👈خلي بالك المنادى هو أي فقط وديما يعرب منادى مبني على الضم وده نوعه نكرة مقصودة
#خلي بالك
لو ناديت على الله هتبقى يا ألله ومتنساش الهمزة
والطريقة التانية اللهم ومتحطش يا عشان خاطري أداة النداء هنا محذوفه وجه مكانها الميم المشددة
وده نوعه علم مفرد
دمتم متفوقين مع بتاع العربي

متنسوش دعوة حلوة بقى✍️

سادسه ابتدائي
Unit1

بسم الله الرحمن الرحيم
الصفحه الاولي دي محادثه تلفونيه بين موظفه الاستقبال بتاعه المتحف المصري وبين ولد بيسالها التذكره كام وبتفتحوا امتي وكده

(1)
اما اجي اقول صباح الخير هاقول
جود مورنينج good morning
________
كيف يمكنني مساعدتك؟ او
كيف استطيع انا مساعدتك؟
كيف يعنيHow هاو
استطيع can كان
انا I
انت you يو
يساعد. هيلب help
How can I help You?
تبقا
هاو كان أي هيلب يو ؟
____________,_________
(2)
ماهي ساعات عملكم او ماهي مواعيد العمل
ما يعني what وات
ساعات hours أوارز
ساعات عملكم او عملك
ال ك دي او الكم دي اللي بتعبر عن حاجتك انت او حاجتكم انتم
اسمها
Your
وبنكتبها قبل الحاجه اللي بقول انها ملكك انت او تخصك انت او بتعتك انت وطبعا بنقولها قبل الحاجه اللي بقول انها ملككوا انتم او تخصكوا انتم تبعكوا انتوا بتاعتكوا 😃😁🤣
فتبقا
Your hours
يور أوارز
فتبقا الجمله
وات أار يور أوارز ؟
_____________
قالت احنا بنفتح من الساعه تسعه للساعه سبعه
يبقا من معناها from فروم
و الي معناها to تو
تمام كده
_______________________
(3)
فسأل هنا
هل انتم تفتحون ايام الجمعه ؟
هل يعني 👈 هل يا ماميز ملهاش اداه استفهام معينه
هي بتبقا حسب الجمله
فهنا بيسال الموظفه
هل بتكونوا فاتحين انت او انتم الجمعه ؟
,احنا عارفين ان
انت او انتم معناها you
وان you بتاخد are معناها(يكون
او يكونوا لو بسال مجموعه
طيب
ده سؤال واما نيجي نكتب السؤال بنعكس الاجابه
يبقا نعكس نعمل عكس عكاس
تبقا
Are you
هل انتم
او هل انت
الجمله هل تفتحون أيام الجمعه؟
Are you open on fridays?
أار يو اوبن أون فرايدايز؟
__________
ردت عليه قالتله المتحف مفتوح يوميا
او نحن نكون فاتحين وميا
نحن يعنيwe
نكون are واختصارها
're
فاتحين open
وي أار اوبن دايلي
Daily,👉 يوميا )دايلي)
تبقا we're open daily.
_______________________
نروح للصفحه التانيه
4)
)هنا هو بيكمل المحادثه التلفونيه بينه وبين الموظفه
فبيسالها
كم تكلفه الدخول اللي مكان ما ؟ او كم يتكلف عشان ادخل ؟ هنا بيسال كم يتكلف دخول المتحف

كم يعني How much هاو ماتش
وتاخد فعل مساعد does داز
يتكلف او تكلفه cost كوست
(ل) او عشان من اجل يعني معناها to تو
الدخول او يدخل. get in جيت إن
دخوله الهاء هنا عايده علي المتحف . معناها it
يبقا السؤال

How much does it cost to get in?
هاو ماتش داز إت كوست تو جيت إن
_______
هنا بقا بيقولك ان يتكلف cost
لو جه وراها to
يعني cost to هنحط وراها الفعل ف المصدر يعني فعل من غير اي اضافات
زي اما بقول
Cost to get in👍👍👍
_________
اما لو جه بعد cost
for

تبقا
Cost for
بنحط وراها اسم مش فعل
زي مثال
How much does it cost for children?
كم يتكلف الدخول للاطفال
*******
________________________________________
(5)
بيسالها هنا هو السعر ده يعني يشمل دخول حجرات المومياء
هل هذا يشمل حجرات لمومياء؟
هل قولنا ملهاش اداه معينه وبنسال حسب الجمله
هنا هنسال ب Does
هذا يعني that
يشمل.Include
حجرات المومياء the Mummy rooms
فالسؤال يبقا ع بعضه
Does that include the Mummy rooms?
داز ذات أنكلود زا مامي روومز؟
____
الاجابه من سؤال هل بتبقا أما ان احنا نكتب نعم او نكتب لا ونعكس نعمل مقص نجيب الفاعل اول وبعدين نكتب الهل دي يعني بص كده ⁦✌️⁩⁦✌️⁩
هنا الموظفه قالت لا
لا يعني No
وبدل ما نكتب ذات that هنكتب it (إت)عايده علي المتحف يعني
و بنكمل العكس العكاس اهو ونكتب does بس خلي بالك طالما كتبنا لا اللي هي (No) بنزود لاداه السؤال هل اللي كتبناها ف الاخر اللي هي does بنزدولها (not) نوت يعني لا
تبقا doesnot وبنختصرها تبقا doesn't دازنت
تمام كده
تبقا
No
ومننساش الفصله السفليه بعد yes او No
تبقا
No,it doesn't
نو إت دازنت
تمام كده♥️♥️♥️
______________________'______________
(6)
كده هيشكرها علي مساعدتها
شكرا علي مساعدتك
مساعدتك
مساعده. يعني help
مساعدت(ك ) الكاف دي اللي بتعبر عن حاجتك انت اللي تخصك انت اسمها your يوور وبنكتبها قبل الحاجه اللي تخص او بتاعه اللي قدامي
تبقا
Thanks for your help
ثانكس فور يور هيلب
__________
للرد علي الرحب والسعه
You're welcome
يو أار ويلكام
_________

أتمني لك يوما سعيدا
Have a nice day
هاڤ أنايس داي
والفاء ف هاف زي اسم نيڤين
_________________
والحمد لله كده يبقا خلصنا الدرس الاول واكمل المره الجايه ان شاء الله
الي القااء يا اصدقاااء 🤚🤚🤚💙💙 متنسوش يوم سنه سته يوم السبت
❤️Miss Nada ❤️

ملحوظة النهاردا مهمة لأنها هفضل معاك طول سنين دراستك للنحو
وهي (ازاي تجيب اسم كان وخبر كان)

-بص يا سيدي احنا اتفقنا أن النحو أو قطعة النحو هي شخص اتكلم معاه، هتسأله صح هيديك الإجابة.

_طب يا مستر أسأل القطعة في الدرس ده ازاي؟

-تعالى أقلك: انت أول ما تشوف كان أو أخواتها عشان تجيب اسمها هتسأل كان أو اخواتها حاجة واحدة هتقلها (مين؟)

تعالى أديك مثال
( كان الولد مجتهدا)

نسأل كان يلا بكلمة "مين"،
(مين اللي كان؟) الإجابة (الولد) يبقى وأنا مغمض ده (اسم كان).

_طب الخبر بقى يا مستر نسأل عنه بكلمة إيه؟
-هتسأل عنه بس الأول اعرف هتسأل مين، احنا في الاسم كنا بنسأل (كان) نفسها
أما الخبر انت هتسأل (اسم كان) ولكن بكلمة (ماله؟)
بعد ما تجيب اسم كان اسأله كلمة واحدة (ماله؟) هتلاقي الخبر بكل سهولة

مثال: كان الجو الرائع باردا

خلاص عرفنا اسم كان كلمة (الجو)
يلا نسأل (الجو) الجو ماله؟ الإجابة الرائع؟ لأ طبعا ما فهمتش
يبقى الإجابة (باردا) يبقى وانت مغمض ده (خبر كان).

(الخلاصة: نسأل عن اسم كان بكلمة "مين"، ونسأل عن خبر كان بكلمة "ماله")

بكل بساطة وسهولة إن شاء الله تطلعهم.
قناة اليوتيوب في التعليقات

فين طلاب سادسة؟
بتخاف من المضاف إليه؟ أي كلمة بتشوفها تعربها مضاف إليه؟
تعالى أقلك تعرفه ازاي على طريقة ببساطة.

اتفقنا يا صديقي قبل أي درس بنشرحه لازم نعرف قصته، قصة المضاف إليه يا سيدي، بيكون عندك جملة والجملة دي مش مفهومة تحسها ناقصة، نعتبر إننا بنتكلم فجيت في وسط الكلام فانت بتقولي: أنا عاوز محامي
روحت أنا قايلك كده: محامي
وبعدين سكت
هتقولي؟ انت اتجننت محامي بتاع مين أنا مافهمتش حاجة،
روحت قلتلك: معلش قصدي محامي الجيران كويس
أهي كلمة الجيران دي فهمتني الجملة عشان كده هتتعرب (مضاف إليه)

عشان كده تعريف المضاف إليه: هو اسم مجرور يُضاف لكلمة يوضح معناها

طب جميل انت كده عرفت قصة المضاف إليه، تعالى أقلك بقى تجيبه ازاي.

(١) غالبا المضاف إليه بيكون (اسم نكرة+ اسم معرفة) أول ما تشوف اسم نكرة وبعديه معرفة شك على طول إنه مضاف إليه
مثال: لاعب النادي
هنا لاعب نكرة مافيهاش ال وكلمة النادي معرفة فيها ال يبقى على طول (النادي مضاف إليه) وكمان لو قلتلك لاعب وسكت، مش هتفهم حاجة.

(٢) (اسم نكرة +اسم نكرة ما وصفتش اللي قبلها هتديك مضاف إليه) هتقلي الله مش ده شرط النعت هقلك: اصبر بس
تعالى أفهمك.
لو قلتلك: سيارة إسعاف، هنا سيارة نكرة وبرضو إسعاف نكرة، تتأكد ازاي أنها مضاف إليه؟ بص كده النكرة التانية كلمة (إسعاف) هل هي هنا ضافت ولا وصفت؟
هتقولي لا يا مستر ضافت، لأن أنا كنت ممكن أقول: سيارة مطافي، سيارة تين، أي سيارة لكن انا ضفت إسعاف عشان أفهمك إنها إسعاف مش حاجة تانية.
هقلك جدع طالما ضافت يبقى تتعرب مضاف إليه، عشان كده كلمة إسعاف مضاف إليه

إنما لو قلتلك سيارة جميلة، النكرة التانية كلمة (جميلة) هسألك سؤال هنا ضافت ولا وصفت؟ هتقلي لا طبعا وصفت لأن وصفتها أنها جميلة هقلك جدع، يبقى وانت مغمض طالما وصفت تبقى (نعت) مش مضاف إليه

آخر حاجة كلمات أول ما تشوفها اعرف إن اللي بعدها مضاف إليه (كل، جميع، غير، سوى، كلا، كلتا)

أي اسم بعد الظرف يتعرب مضاف إليه بس شرط مايكنش الظرف فيه تنوين
أي ظرف فيه تنوين اعرف إن مافيش بعده مضاف إليه
مثال: جاء صباحا أبي (أبي تتعرب فاعل) لأن قبلها ظرف فيه تنوين فهتتعرب حسب موقعها في الجملة مش هتتعرب مضاف إليه.
العصفور فوق الشجرة (الشجرة مضاف إليه لأن قبلها ظرف مافيهوش تنوين)

أي ضمير يتصل باسم مش فعل، يتعرب وانت مغمض مضاف إليه، زي كلمة (اجتهاده) الهاء ضمير مبني في محل جر مضاف إليه

ملحوظة: المضاف إليه بيكره النون والتنوين لو لاقيت كلمة فيها نون أو تنوين اعرف مستحيل اللي بعدها يتعرب مضاف إليه.
وبكده يبقى المضاف إليه اتنسف تماماااا
وتقدر تجيبه بسهولة وببساطة
استنوا باقي الدروس، النحو سهل مش صعب بس افهمه😉

THE FUTURE CONTINUOUS TENSE المستقبل المستمر
🧔🏼 جدو ( هبقي ) كان قاعد مع حفيده عايز يدردش معاه ويفيده 😚
🧒🏻 جدو يا جدو هو إنت إسمك الحقيقي ( هبقي ) ؟
🧔🏼 لا يا أنس أنا إسمي ( FUTURE CONTINUOUS ) بس صحابي في المدرسه طلعوها عليا. كانت أبله عطيات بتاعة الدراسات تقوللي لازم تعمل الواجب أول ما تروح أقولها ( I will be sleeping ) أنا ( هبقي ) نايم أعمله في الحلم يعني 😴😂 !!!

- وكانت مس زيييزي بتاعة الإنجليييزي تقوللي إعمل الهوم وورك أقوللها ( I will be visiting my grandma ) أنا ( هبقي ) بزور ستي 👵🏻 ماكانش في حاجه إسمها تيته ماعرفش تيته دي جبتوها منين 🤯

- إصحابي يقولولي هتيجي معانا الرحله 🏄🏼 يوم الجمعه أقولهم ( I will be visitiny my uncle ) أنا ( هبقي ) بزور عمي بشندي👨🏻‍🦲
👬🏼 قالولي هو أنت كسوووول كده علي طووووول كل ما حد يقولك حاجه تتحجج وتقول هبقي هبقي هبقي خنقتنا يا أخي 👊🏻 !! ومن ساعتها بقوا يقولوا ( هبقي ) راح ( هبقي ) جه 😂

🧒🏻 اممممم علشان كده لما تيته قالتلك خد الزباله وإنت نازل قلتلها ( I will be talking on the phone ) أنا ( هبقي ) بتكلم في التليفون 📱 أمسك الزباله إزاي
🧔🏼 ايوه ايوه صح 🤳🏻 🤭😂

🧒🏻 طب ليه يا جدو بتعمل كده ما أنت اللي مالي الزباله قشر لب وبرتقان 🍊 ؟
🧔🏼 ما هو ده إستخدامي وتكويني يا حبيبي هي دي وظيفتي في الحياه إني أتكلم عن حاجه ( هتبقي مستمره في فتره محدده في المستقبل )
🧒🏻 طب وإيه تكوينك يا جدو
🧔🏼 حاجه بسيطه جداً يا حبيبي (WILL BE + VING ) بس مع كلللللل الضمائر هتحط ( WILL BE ) وبعدها أي ( VING )
🧒🏻 أنا عارف ( WILL BE ) بس مش فاهم ال VING
🧔🏼 ده ال ( VERB + ING ) يعني أييييييي VERB ومعاه ING 🥰 زي
( Walking - working - reading - learning ..... )

🧒🏻 اه اه ده سهل أوي عارفه 😊😁
بس ( be ) بصراحه بتغلبطني 🤦🏻‍♂ ال am وال is وال are 😬 دول

🧔🏼 ما فيش ولا am ولا is ولا اي are 🤩🤣
🧒🏻 إزاي يعني طب لو الفاعل ( he - she - it ) ؟!!!
🧔🏼 هنحط be برضوا be بسسسسس كله كله كله be 🥳 أغنيهالك be be be 🎶🎤
- تعالي هديلك Examples
- By this time next week I ( will be travelling ) by train 🚉
- You ( will be eating ) your lunch at 12 o'clock 🥘🍝
- At this time tomorrow, ( we will be sitting ) on the beach 🏖
- Your parents ( will be thinking ) of you in Alex 🏝
- He ( will be going ) to the club when you come home 🏘
- She ( will be working ) on the report all next week 👩🏼‍💻

🧔🏼 ها صدقتني لقيت اي حاجه غير be بس 🎊💪🏻
🧒🏻 إيه ده بجد بس كده 😍😂 هو ده ال ( future continuous ) 😯 ده حاجه كونتينواس خالص آخر كنتسه يعني 😂🤣

🧑🏻 طب اُمال ليه البت صباح 🙇🏻‍♀ بنت طنط إنشراح ماعرفتش تدخل ثانويه عامه بسببه

🧔🏼 علشان في المدرسة بيحفظوها مش بيفهموها وكل ما أقوللها تعالي أشرحلك نفسي بكره تقولي ( I will be watching the movie at 5 pm ) بس كانت بتقولها بالعربي أنا ( هبقي ) بتفرج عالفيلم الساعه خمسه !!!! خلي الأفلام تنفعها 🙆🏻‍♂🥴

🧒🏻 طب ولو عايزين ( النفي ) حاجه ( مش هتبقي ) بتحصل في المستقبل
🧔🏼 لا ده مش أنا بقي دي تيته 🧕🏻 😂🤣 بس هقولك برضوا سر عن ستك 🗣 إحنا عشرة عمر
- بتقول ( will not be + ving ) بتضيف ( not ) بس وممكن نختصر ( will not ) ب ( won't )
وكل النفي في كل الأزمنه هو هو بنضيف ( تيته noooooooooooot ) هي كده عمري ماقلتلها حاجه ووافقت 12 زمن كلهم not not not وطي صوتك أحسن تسمعنا 😍😂😂

🧒🏻 ياااااه يا جدو ده سهل جدا 👏🏻🎈🎊
🧔🏼 أخيراً فهمت 🥰 كويس تعالي بكره بقي زي دلوقتي عمك ( المستقبل التام ) هييجي يشرحلك نفسه ده سهل جداً زيي إبني بقي وأنا اللي مربيه ومسهله 👶🏻💪🏻
🧒🏻 إيه بكره زي دلوقتي 🙄💭 امممم..... اصل......كنتتتتت ... بااااااا ...... ااااااااه
( by this time tomorrow, I will be traveling 🚆 to my parents 🧖🏻‍♂🧖🏼‍♀ ) 🤭

🧔🏼 يا شرير أول ما تبقي هتبقي تعمل حاجه تقول لجدك ( هبقي ) إنك إنت ( هتبقي ) ماشي يا ( هبقي ) يا صغير 😍😂 المهم إنك فهمتني وطلعت لجدك 😍 😘🥇🏆

معلومه في حدوته 🥳😘🎈🎉🎁

معلومات هامة في تأسيس اللغة العربية😍✊
1) إزاي أطلع حرف ساكن من جملة مفيهاش تشكيل 👉🤔

هنقوم ندور على كلمة فيها لام قمرية لأن حرف اللام فيها ساكن دايما وابدا
طب مفيش يبقى لام شمسية ....ايه؟؟؟
اه والله لأن الحرف اللى بعدها مشدد واى
شدة تنفك بساكن وحركة
2 ) طب ازاى اطلع شدة؟ ؟؟
ما انا لسه قائلة بعد اللام الشمسية لازم فى شدة
3 ) إزاى اعرف اللام دى شمسية ولا قمرية ؟؟؟
نحفظ حروف الشمسية بأغنية
احنا حروف أخوات أخوات ال ت ث / د ذ/ ر ز/ س ش /ص ض /ط ظ وننط نجيب ال ل و ال ن
يبقى باقى الحروق قمرية اللى متجمعين فى كلمة (جحا غبى فك مخه وقع )
4 )ازاى اعرف أن الكلمة نهايتها تاء مربوطة ة ولا هاء مربوطة ه فى الإملاء
طبعا معروف أن التاء المربوطة تنطق هاء وتكتب تاء علشان كده بتلخبط
سهل جدا تزود للكلمة ياء ملكية وانطقها هتظهر على طول فى النطق
مثال كلمة اله /وجه ......تصبح الهى/ وجهى اذا هى هاء
لكن حديقة /أسرة ......تصبح حديقتي /اسرتى اذا هى تاء مربوطة
5 )ازاى اعرف ان النون اللى فى آخر الكلمة أصلية ولا نون كدابة
اه فى نون كدابة اللى هى التنوين بالفتح لأننا بننطق نون وهى مش موجودة اصلًا
زى شكرًا. ... كتابًا...... قلمًا
نعمل إيه نضيف للكلمة ال لو اختفت النون تبقى كدابة علشان بتخاف من ال
لكن لو أصلية مبتخفش
وتفضل زى ما هى الشكر.....الكتاب.....القلم شوفتوا هربت بسرعة ازاى
لكن فى كلمة حنان.....ميدان.....زمان ...الحنان..... الميدان......الزمان ثبتت على موقفها تبقى أصلية
6 )ازاى اعرف لما اعمل تنوين بالفتح لكلمة امتى ازود آ التنوين و امتى لأ
كل الكلمات نزود معاها آ التنوين بالفتح ماعدا الكلمات المنتهية ب تاء مربوطة
و همزة على السطر
يسبقها مد الف لأنهم مش بيحبوا أ التنوين تقف وراهم لكن باقى الحروف بتحبه
تبقى كلمة زى سماء.... دواء ....حديقة.........سعيدة ....أسرة لما اجى انونها بالفتح مش هزود الف
ونحط التنوين فتحتين على اخر حرف فقط
لكن كلمات مثل باب كتاب قلم ......تصبح بابًا .....كتابًا......قلمًا نضيف الف وفتحتين
7) ازاى اعرف ان الكلمة دى فعل ولا اسم
عادى جدا ازودلها ال لو نفعت متبقاش فعل تبقى اسم لكن لو منفعتش تبقى فعل
اسرة....الأسرة تبقى اسم. أحب ...الأحب. مينفعش تبقى فعل
سعيدة..السعيدة. اسم. سار ..السار. مينفعش تبقى فعل
منقول للافاده

The Present Perfect المضارع التام

لما المضارع التام إتولد 🧒🏻 اُمه وأبوه إتخانقوا يسموه إيه. أبوه قال نسميه تام علي إسم جده وأمه قالت نسميه ( لسه ) وعلشان ماحدش يزعل سجلوه في الورق ( تام ) وبقوا ينادوله ب ( لسه )
إصحابه في المدرسه مابقوش يحبوه علشان إسمه ال ( present perfect ) ومابقوش فاهمين هو إزاي مضارع وتم خلاص وكانوا متلخبطين جداً بس نوسه زميلته 👧🏻 حاولت تفهمه وراحت قالتله
👧🏻 خد يا ( تام ) السندوتش ده 🍔
🧒🏻 لا شكراً أنا ( لسه ) واكل ( I have just eaten ) كوارع وكرشه 🥘 😂
👧🏻 طب خد عصير 🍹
🧒🏻 شكراً يا نوسه أنا ( لسه ) شارب ( I have just drunk ) حلبه حصي
👧🏻 طب تيجي نذاكر 📝
🧒🏻 أنا ( لسسسسه ) مخلص ( I have done ) الواجب
👧🏻 هو أنا كل ما أقولك حاجه تقولي ( لسسسسسسسه ) عاملها

🧒🏻 أنا أصلي ( لسسسسسسسه ) مخلص كل حاجه حالاً علشان كده إسمي ( تام ) لإن اللي عملته تم خلاص ولإنه مش من زمان ولسسسسسسه مخلصه حالاً ولسه ليه أثر ( الكوارع لسسسسسه في بطني ما إتهضمتش - والحلبه لسه في بقي 😋 )
فهو قريب للمضارع وملمس معاه فعلشان كده إسمي ( المضارع التام )

👧🏻 طب إنت بتتكون من إيه ؟
🧒🏻 بتكون من ( have أو has ) وال past participle اللي هو التصريف الثالث
👧🏻 لا مش فاهمه إمتي have وإمتي has وإيه التصريف الثالث ده !!!
🧒🏻 هبسطهالك يا نوسه ما تستعجليش الضمائر سبعه بنقسمهم تقسمتين
- ( I - you - we - they ) + have + p.p
- ( he - she - it ) + has + p.p
👧🏻 طب ( have /has ) معناهم إيه يملك مثلا
🧒🏻 لا خالص مش يملك والمفأجاه إن مالهمش أي معني 🕺🏻 هما بنلزقهم في النص وخلاص علشان اللي بيسمع يفهم إن ده مضارع تام 😂

👧🏻 يااااه بجد طب إيه التصريف الثالث ده 🙇🏻‍♀
🧒🏻 للفعل في الإنجلش ثلاث أشكال ( أول للمضارع - وثاني للماضي - وثالث اللي بنتكلم عنه ) زي
- work / worked / worked.
- walk / walked / walked.
- call / called / called.
والمفاجأه إن معظمهم زي ما إنت شايفه كده. الثاني زي الثالث أخره ed سمعينا زغروطه بقي 💃🏼
وساعات بيبقي الفعل irregular غير منتظم شكله بيتغير زي
- drink / drank / drunk.
- speak / spoke / spoken.
- choose / chose / chosen.

👧🏻 ياااه ده سهل أوي أنا ( لسسسسسسسسسه ) حالاً أول مره أفهمها
🧒🏻 قلتي ( لسه ) 😂 يبقي فهمتي يا نوسه قوليها بقي بالإنجلش
👧🏻 حاضر ( I have understood ) noooooooow 💃🏼💃🏼💃🏼

الزتونه 🥳🥰 :-
للمضارع التام أكثر من إستخدام 💪🏻
- الإستخدام الأشهر والأكثر عن حاجه لسسسسسسه حاصله حالاً في التو والبو 😂😂.
- بنستخدمه برضوا مع حاجه حصلت ومش عايز أحدد وقتها ( I have seen this movie before ) شفت الفيلم قبل كده
خاصة مثلا لو إتكررت كثير ( she has read this book many times ) ماهو أكيد مش هنفتكر قرأته إمتي وإمتي قرأته كثير وخلاص.
ومع التغيبرات غير اللحظيه لو واحده خست فأكيد ماخستش يوم الخميس الساعه سته 😂 😂 لا مافيش وقت محدد فهتقولها ( you have lost some weight )
هو ده ال( present perfect ) اللي كنا بنخاف منه