زاد نجاحك يزداد

@

كل عام أنتم بخير

إبنك هو مشروع حياتك ...
تحذير وتنبيه هام
لو ابنك هياخد درس في مجموعة او سنتر واحنا في موسم حجز الدروس الخصوصية .

# رسائل هامة إلى عزيزي ولي الأمر :

1- انزل احجز بنفسك عند المدرسين واعرف مكان المدرس وخد تليفونه واعرف المواعيد و قيمة الشهر والمذكرات بكام بالظبط

٢ - اطلب من المدرس او المدرسة انه يبعتلك تقرير علي الاقل شهري بغياب الطالب ودرجاته وفلوس الشهرعلى الاقل مكالمة صغيرة لو مش فاضى تروح بنفسك

٣- عايزك تبقى عارف إن مفيش مدرس بيزود فلوس الشهر و العام الدراسي شغال .. ولما ابنك او بنتك يقولولك فيه كورس اضافي مثلا بــ 200 جنيه اتصل اسأل الاول مش عيب ع فكرة والمدرس نشر هيقول عليك دقة قديمة وبخيل لأنه غالبا هيكون هو كمان ولي أمر

٤- لو فجأة ابنك او بنتك قالولك انا طلعت من الدرس وروحت لمدرس تاني . اتصل بالمدرس الأول و اعرف منه السبب يمكن الغلط من عند ابنك بسبب سوء مستواه أو سلوكه .. و اتصل برده بالمدرس التاني واعرف منه المواعيد والفلوس وياريت لو تروحله وتعرف مكانه .

٥_ اتأكد فلوس الشهر بيدفعوها ولا لأ مش معنى كلامي انك تخون ابنك أو بنتك لكن صدقوني من تجارب كتير أصدقاء السوء عندهم قدرة رهيبة يهدموا أعظم تربية لأولادكم

٦- لما تروح للمدرسين سيب رقم تليفونك بنفسك.

٧- لو ظروف حضرتك المادية ما تسمحش بدفع فلوس الشهر كاملة ومحتاج تعمل تخفيض . اطلب ده بنفسك و بعزة وكرامة .. فضلكم وخيركم كتير ع المدرسين .. و لو المدرس رفض أو كلمك وحش رد عليه الرد المناسب وخد ابنك وامشي وهتلاقى غيره كتير عندهم ضمير .

9- ادي السلطة الكاملة للمدرس إنه يربّي ابنك و يعلّمه و يعاقبه لو استاهل العقاب .
..............................................
يمكن بعض منكم مش هيكون فاهم هدف النصايح دي إيه ، بس أكيد ولادكم فاهمين كويس.. واحنا كمدرسين عارفين الحاجات اللي بتحصل بحجة الحصة و بفلوس الحصة وفي وقتها.. وكتير اولياء امور اكتشفوا مصايب بتحصل لا داعي لذكرها.
ولادكم يستاهلوا رقابة و متابعة و اهتمام منكم أكتر من كده يا جماعة ..
و ربنا يجعل تعبكم بفايدة ويفرحكم بولادكم.

لو حد عنده تعليق أو مناقشة ع استعداد أتكلم معاه ونشوف وجهة نظر بعض .
البوست ده خاص بالاولاد اما البنات فليهم بوست خاص
اسف للاطالة
منقول