Hassan Abou Shmeila - حسن أبو شميلة

13/07/2026

تم فتح مجموعة جديدة وأخيرة للصف الثالث الإعدادي.. على الطلبة الموجودين على قائمة الانتظار التوجه لمقر الدرس لتوفيق أوضاعهم .

12/07/2026

هو انا مكنتش هاعلق على امتحان البحته كما اعتدت الا اعلق .. بس ردا على رسايل كتير على الخاص خليني اقول رأيي باختصار.. الامتحان حلو ممكن يكون طويل شوية لو الطالب ماتعودش يحل كتير لكن للطالب الي بيحل كتير وملتزم بوقت مش هيقابل مشكله (وده يفسر ليه كنت باغلس عليكم في الحته دي) .. فيه مسألتين تراكمي مش صعبين بس التوفيق هيلعب دوره مع الطالب هيفتكر قوانينهم او عدوا عليه قريب ولا لا .. وبصراحه المفروض يكون فاكر منهم واحده على الاقل .. الامتحان في المجمل انا شايفه بيقوم بدوره الي هو ترتيب الطلبه بناء على مستواهم بخلاف الامتحان التافه الي كل الناس بتقفله فمبيميزش بين الطلبه .. خلاصة الأمر أغلب الطلبه هتكون حاله فيه حلو وكل مشكلتهم انهم ماقفلوش .. احب اقولك مش مطلوب منك تقفل .. يكفيك تكون حليت كويس .. وتوكل على الله وركز في التطبيقية وان شاءالله ربنا هيكرمك.

06/07/2026

هدية جميلة من بنتي حنين غانم الثانيه على مدرسة عماد نصر مطاريد. أسعدتيني والله .. المعتاد اني باتصور معاها وانا باكرمها .. المرة دي هي الي بتكرمني 😅.. شكرا جزيلا ❤️

15/06/2026

14/06/2026

توكلنا على الله

12/06/2026

البوست ده مش تكريم لأ ده قصه ملهمة .. احمد الجمل أو ( الزمولوكس) 😅 زي ما هو مسمي نفسه.. احمد جالي في بداية السنه دي وهو داخل ثالثه اعدادي .. من اول او تاني حصه كان واضح ان مستواه ضعيف جدا في الرياضة ..لكن اهتمامه كان بيقول انه عايز يبقى كويس .. مركز جدا ومنصت وده خلاني احترمه بغض النظر عن نسبة تحصيله الضعيفة.. أخطاؤه في الواجبات كانت كتير جدا بس كان مطيع وملتزم في أي اجراء عملته عشان يتحسن .. الملفت للنظر ان احمد عمره ما جه الدرس لوحده كانت معاه والدته او جدته في كل مرة يوصلوه ويستنوه لحد مايخلص و ماعندهمش أي مشكله انهم يستنوه ساعه او أكتر بعد كل حصه لحد ما الاسيستانت يصلحله كل أخطاؤه.. احمد اختار مكان جلوسه في المجموعة بين اتنين أوائل مدارسهم .. لا هو اتحرج من فارق المستوى ولا هما تضرروا من وجوده جنبهم .. في نهاية الترم الاول احمد جاب درجه حلوة جدا .. وابتدا الترم الثاني بطموح مبهر .. وفي نهاية الترم رغم ان النتيجه لسه ماظهرتش لكن انا وهو منتظرين الدرجه النهائية .. البوست ده مش تكريم للزمولوكس لوحده لكن تكريم لأسرة كامله الجده والام والحفيد عشان أثبتوا ان طولة البال تبلغ الأمل.
( ان الله لا يضيع أجر من أحسن عملا)
تعديل.. ياريت نشجع احمد بلايك على الكومنت بتاعه .. اسمه احمد محمود

04/06/2026

الكلمات الي بتخلي الواحد يحب الشغلانه دي♥️♥️♥️ ... اللهم أدم علينا نعمتك .

26/05/2026