Team Abozed gym

ويفعلها البطل للمرة الأولى
للمرة الأولى يفوز البطل ..سامسون داوودا ببطولة مستر اولمبيا ...بليلة الابطال للوزن المفتوح ..وشيك بقيمة 600 الف دولار ..متفوقا على البطل والذئب الإيراني..هادى شوبان ...ويأتيهم ثالثا البطل ..ديريك لانسفورد ..
يابختك ياابن المحظوظة...
للتحكيم مقاييس غريبه ومتغيره

رمضان كريم علينا وعليكم بالخير والعافية والسرور والسعاده الدائمه يارب العالمين
مع تحياتى..
كابتن / محمد أبوزيد
Team Abozed gym

الحمدلله رب العالمين..🤲🤲
بفضل من الله تعالى وكرمه فاز الاعب/محمد رضا السيد(الشهير ب حماصه)بالمركز الثانى🥈🥈 والميداليه الفضيه تحت 18 سنه.. بالبطوله العربيه الدوليه بفندق شيراتون بمدينة الاسكندريه ..وظهور فوق الممتاز لللاعب محمد محمود موسى تحت 23 سنه فى اول بطوله دوليه له
وبقا عندنا دوليين 👌👌
حد ليه شوق فى حاجه 😜😜
مع تحياتى..
مدرب الابطال
كابتن / محمد أبوزيد

بكل فخر ...صنع فى مصر ..👍👍
فى ورشة عضلات الكابتن محمد أبوزيد Elcapitano 💪💪
أبطال بطولة منطقة البحيرة تحت 17 سنه ..💥💥
البطل/محمد رضا( حماصه)المركز الأول (٨٥ كيلو)🥇
البطل/ أحمد نعيم الشرقاوى..المركز الثانى (٧٠ كيلو)🥈
البطل/ أحمد على حميده ..المركز الثاني (٧٥ كيلو)🥈
البطل/يوسف رضا( المركز الثانى جمهوريه ١٥ سنه ) تصعيد ..🥈
وكلهم إلى بطولة الجمهوريه تحت ١٧ سنه لتمثيل منتخب البحيرة لكمال الاجسام..👍👍💯💯

احنا مش جيم احنا ورشة عضلات منطقة البحيرة لكمال الاجسام 👌👌
مع كامل تحياتى واحترامى للجميع
كابتن/ محمد أبوزيد 💥💥💥

ياسلااااااام ....مين يفهم 👍👍👍👍💯💯💥

الف مليون مبروك لابنى الغالى وابن من أبناء team_abozed_gym الاعب محمد رضا الشهير بحماصه حصوله على المركز الأول في بطولة iron man (الرجل الحديدى) والجائزة الكبرى البطولة برعاية الكابتن عبدالرحمن شارب وباالاشراف الكامل للاتحاد المصرى لكمال الاجسام بقيادة وحضور الدكتور عادل فهيم رئيس الاتحاد المصرى والعربى والافريقى والنائب الأول لرئيس الاتحاد الدولى..كل الشكر على التنظيم الرائع والاشراف المتميز...مع تحيات team_abozed_gym
برعاية مدرب الابطال
الكابتن / محمد أبوزيد

يعنى هي جات عليا .....😂😂😂
بس المهم..✨️..اللى ينسى ماضيه ..خسارة العتاب فيه 👍👍واللى يتنطط النهارده علشان ربنا مديله حاجه...بكره يقعد ويبقى ولا حاجه 👍👍👍👍

طالما جبنا سيرة رمضان 🌙يبقي لازم نجيب سيرة #البلح
كل سنة وانتوا طيبين 🤎 وركزوا اوي ف الكلمتين دول 🖤
هتقرا معلومات مهمة جدا تفرق معاك طول الشهر !

البلح هو الحاجة ال حرفيا تقدر تقول عليها انها كنز وانت مغمض ,,, يكفي ان
رسولنا الحبيب محمد صلي الله عليه وسلم ,,, وصانا بيه اكتر من مرة


نبدأ الاول ب القيمة الغذائية للتمر ,,, البلح الطري زي ال ف الصورة والتعليقات ، من خلال القيمة هنفهم الفوايد العظيمة العبقرية للبلح
دلوقتي معانا 3 بلحات " تمر = بلح " ,,, هنلاقي ان :-

🔑فيهم 0 % كوليسترول ,,, 0 % دهون ,,, 0 % صوديوم .
🔑 15 جم كاربوهيدرات ,,, منهم 13 جم سكر .
🔑 2 - 3 جم الياف .
🔑نسبه عاليه من الماغنسيوم ,,,ونسبة ممتازة من الحديد ,,, ومن البوتاسيوم .
🔑3جم #بروتين لكل 100 جم ، 1 جم تقريبا ف كل 3 بلحات .


من المعلومات الغذائية دي هنعرف اساس قيمة
البلح للجسم وللصحة العامة :-

🔑مضادات الاكسده ال فيه بنسبة عاليه ,,, هي مقوية لجهاز المناعه خصوصا ضد السرطانات .
🔑0 % صوديوم و نسبة عاليه بوتاسيوم ,,, بالتالي امان جدا لمرضي ومش بس امان ,, لا هو كمان بيساعد ف تحسين مستويات الضغط ,,, وكمان بيساعد ع ان الصداع يختفي .. لو ف صداع .

🔑وبخصوص التمرين ,,, فالبلح غني بالمغنسيوم
والمغنسيوم دا هو اهم حاجة للاستشفاء واكتر حاجة تمنع الشد العضلي
Muscle Spasm
فلما تاكله ع مدار اليوم وخصوصا قبل التمرين ,,, فدا هيساعدك جدا ميحصلكش اى شد عضلي اثتاء التمرين .

🔑محفز لهرمون التيستيرون ,,, بسبب محفزات الهرمون الطبيعيه ال فيه زي الزنك والمنجنيز والماغنسيوم " اقوي المحفزات الطبيعية "

🔑ملين #طبيعي مميز جدا ,,, بسبب الالياف ال فيه ,,, ال هي من النوع المحفزة لزيادة حركة الامعاء و تليين محتويات القولون وزيادة وتسهيل الاخراج .


🟢🟢د لوقتي هنتكلم خصوصا عن فكرة #السكر و #البلح وهل ينفع مع #الدايت مع #السكر مع مقاومة #انسولين :-

✅البلح زي معظم الفاكهة هي مصدر سكريات كبير ، واحنا لما نتعامل مع السكريات بنتعامل مع مصطلح علمي مهم جدا وهو
" المؤشر الجليسيمي "

🔵🔵يعني اى مؤشر جليسيمي

✅يعني مصدر " النشويات / السكريات " دا هيرفع السكر ف الدم بمعدل اد اى ؟ وبسرعة اد اى ؟

✅لما نيجي نشوف البلح هنلاقي انه مؤشر الجليسيمي بتاعه عالي ، ومرتفع شوية يعني هيرفع السكر بسرعة ، ودي نقطة لازم نخلي بالنا منها ونتعامل معاها صح .


فازاى استخدم البلح صح وانا بفطر عليه وانا بطبق سنة النبي المصطفي عليه الصلاة والسلام وازاى استخدمه صح قبل التمرين ؟!

✅✅بكل بساطة البلح مع مصدر بروتين او مصدر دهون صحية ، ازاي بقا

- هتحط جوا كل بلحة واحدة لوز .
- او هتاخد معلقة صغيره زبدة فول سوداني وتحطها جوا كل بلحة هتاكلها .
- او هتاخد البلح مع كوب زبادي صغير .
بكدا انت هتستفاد من كل العظمة ال موجودة ف البلح ال قولناها فوق !
وتقدر تفطر بيه صح ويرفعلك السكر بشكل تدريجي ، ميخلكش تجوع او تاكل كتير ! ويكون صحي مع هرمونات الجسم والانسولين
وتقدر تاخده كوجبة قبل التمرين وتستفاد منه صح كوجبة اسناك قبل التمرين يمدك بالطاقة لمدة طويلة،
عكس لو اخدت البلح لوحده مش هيكون اختيار كويس !


خلاصة المقال ف نقط بسيطة :-

🔑 بتضخم او بتدور ع مصدر كارب ,,, فالبلح لازم يكون ف نظامك .
🔑 بتنشف او بتخس مفيش مشكلة انك تاكل 3 بلحات قبل التمرين،
لكن يكون مع دهون صحية/مكسرات او بروتين.
🔑 مش ماشي ع نظام غذائي ف الاساس ،فدايما البلح ف البيت عندك وتاخد منه 3 - 5ف اليوم ,,, خصوصا لو بتعاني من مشكلة الامساك .
🔑بتعاني من مشاكل السكر / مقاومة انسولين وبتدور ع حاجة حلوة تاكلها ,,, او وسيلة للتحلية سليمة وامان 100%
يبقي مفيش احلي من البلح
" وطبعا كله بالعقل وبالحسبان ,,,,, 3 تمرات كويس "
ويكون مع بروتين او دهون .
🔑صايم ,,, بدل ما تدور ع عصاير جاهزة كلها سكر ,,, البلح هو افضل حاجة تفطر عليها ، اعمل طبق زي الصورة ال ف التلعيقات والف هنا 🤎🖤

وعاش العاش
🤩😍✌️😍🤩
رمضان مبارك ان شاء الله ، وربنا يبلغنا جميعا رمضان بكل الصحة والسعادة

احدث ظهور للمخضرم
الشفرة الحادة ديكستر جاكسون البطل الذي عاصر ونافس جميع الابطال وحامل لقب مستر اولمبيا لمرة واحدة

متى تشيب ياديكستر

نك وكلار مستوى قوي جدا مستر اولمبيا 2022

تابعوا صفحتكم team Abozed gym سننقل لكم اخبار مستر اولمبيا الاول بالاول