Mr/Ahmed El Far for Physics

Mr/Ahmed El Far for Physics الصفحة الرسمية للأستاذ أحمد الفار مدرس الفيزياء للثانويةالعامة والازهرية بدمنهور

15/05/2026

تكريم طلابنا #الفيزياء
#الثانويةالعامة

30/03/2026

عزيزي الطالب…
قبل ما تقارن بين مدرس ومدرس، لازم تفهم إن الدروس دلوقتي بقت سوق كبير، وفيه تعليم وفيه تسويق، وفيه اللي بيعرف يعمل الاتنين، وفيه اللي بيعرف يسوّق بس.
لما تلاقي مدرس بيعمل سحب على iPhone، أو جنيهات ذهب، أو رحلات وأكل وهدايا في الحصص…
اسأل نفسك سؤال مهم:
الحاجات دي معمولـة عشان مستواك الدراسي؟
ولا معمولـة عشان تتصور وتنزل على السوشيال ميديا؟
واسأل نفسك سؤال تاني أهم:
الفلوس اللي بتتصرف على الهدايا والرحلات دي جاية منين؟
من جيب المدرس؟ ولا في الحقيقة من فلوس الدروس وكثرة عدد الطلبة؟
الموضوع مش إن مدرس صح ومدرس غلط،
الموضوع إنك تفهم إنت بتدفع فلوسك في إيه.
فيه مدرس الشهر عنده 200 جنيه، وعدد قليل، ويعرف اسمك، وتقدر تكلمه، ويتابعك.
وفيه مدرس الحصة عنده 150 جنيه، وعدد كبير، وممكن يعدي شهر كامل وهو مش عارف اسمك أصلًا.
فيه مدرس بيديك وقته وشرحه ومتابعته،
وفيه مدرس بيديك فيديو وامتحان أونلاين وخلاص، ودي كل العلاقة بينك وبينه.
فمتختارش المدرس اللي بيعمل شو أحلى…
اختار المدرس اللي يخليك أشطر.
الهدايا هتخلص، والرحلات هتخلص، والصور هتخلص…
إنما مجموعك ومستواك هما الحاجة الوحيدة اللي هتفضل معاك.

02/02/2026

🔥 مش كل دوشة اسمها نجاح… ومش كل هدوء ضعف
⚖️ في فرق بين تسويق العلم… واستعراض الطلاب
🎓 وفي فرق بين رزق بييجي بالحق… ورزق بالشو
— — — — — — — — — —
دار بيني وبين أحد أولياء الأمور في بلدي حوار صريح،
سألني:
ليه مبتصورش مجموعاتك وطلابك؟
ليه مش ماشي شغل الشو والريلز زي غيرك؟ ده بيجيب طلبة أكتر…
وكان ردي واضح ومن قلبي:
أنا معايا طلاب
وصور، وفيديوهات، وذكريات، وتكريمات
نُشر منها القليل جدًا.
لكن في لحظات كتير
دخل عليّ هاجس الكمال والمثالية
وخفت إن الصورة تطغى على الجوهر،
وإن العرض يضعف القيمة.
أنا مؤمن إن الرزق من عند الله
وفي فرق كبير بين:
إنك تزود رزقك بعرض طريقة شرحك
وإنك تفتح رزقك بالشو وتصوير الطلاب
وجهة نظري الثابتة ما حييت 👇
📌 الرزق الحقيقي في:
طريقة شرحك
عمق فهمك
غزارة معلوماتك
وعشان كده
طلابي بحاول يكونوا
✔️ أقوي علميًا
✔️ فاهمين مش حافظين
— — — — — — — — — —
🤲 دعواتكم تتكلل مسيرتنا بالنجاح
والخير دايمًا في الهدوء الواثق مش في الدوشة
#الفار

27/01/2026

وأنت قاعد سرحان ومخك مليان أسئلة:
ألحق أبدأ في مادة إيه؟
وألم الباب ده امتى؟
وأعوّض اللي فات إزاي؟
حاسس الدنيا داخلة في بعض؟
طبيعي.
حاسس إنك تايه؟
طبيعي.
بس اللي مش طبيعي إنك تستسلم.
قوم… حتى لو مش متحمس.
افتح الكتاب… حتى لو مش فاهم.
ابدأ صفحة… حتى لو تقيلة.
عشان الحقيقة البسيطة:
اللي بيكمل هو اللي بيكسب.
مش أذكى واحد،ولا أشطر واحد
ولا أهدى واحد،اللي بيكسب هو اللي مسابش نفسه.
كفاية إنك لسه واقف،كفاية إنك،بتحاول وربنا شايف وربنا كريم
ومفيش خطوة بتروح هدر 🖤

07/11/2025

سؤال لطلبة ثالثة ثانوي

📌نصيحة لكل المعلمين حب كل طلابك واخلص في شغلك معاهم أوعى تعتقد إنه مش ممكن يتخلى عنك.📌علشان بسهولة يتخلى عنك ويروح لمدرس...
05/11/2025

📌نصيحة لكل المعلمين حب كل طلابك واخلص في شغلك معاهم أوعى تعتقد إنه مش ممكن يتخلى عنك.

📌علشان بسهولة يتخلى عنك ويروح لمدرس تاني زميلك متخليش دا يهزك أبدًا ولا يأثر عليك طالما أنت متأكد إنك عملت وبتعمل اللي عليك وإنك ماشي صح وطريقتك صح.

📌طلبة كتير هتسيبك بدون ما تعرف أي سبب مقنع في أسباب كتير منها👇
💥طالب فعلًا مش مستوعب منك أو مش مستوعب طريقتك
💥طالب مش بيتحمل ضغط الإمتحانات والمتابعات والواجب والأسئلة كل حصة 😏
💥طالب بيمشي ورا سياسة القطيع رايح مع اللي رايح وجاي مع اللي جاي 🙂
💥 ‏فيه طلبة هتمشي من عندك وطلبة تانية هتيجي ليك جديدة وطلبة مشت من عندك وهترجع تاني ليك عادي.

📌في النهاية اخلص لشغلك عشان ربنا أولًا وعلشان أولاد الناس أمانة معاك لو عندك سلبيات اسمع نصيحة المحبين لك فيها وغيرها اصبر على مر الشغلانة دي علشان ربنا يعوضك منها.

📌إنك تتقدم ببطء وخطوتك بطيئة أفضل من الهبوط السريع أو إنك تفضل ثابت بدون تقدم.

📌في النهاية تصدق عن شغلك وعملك اعف اليتيم من مصاريف الدرس راعي ظروف الناس اللي على قدها
حد طلب منك تخفيض خفض اعمل كل اللي تقدر عليه
في النقطة دي وهتشوف عوض ربنا ازاي .

📌 ‏واعرف إن مش كل الناس هتتفق عليك مهما كنت كويس
أو شاطر هتلاقي ناس تكرهك بدون سبب أو سبب عندها
المهم اطلب الدعم النفسي والمعنوي من ربك لأنه الوحيد المطلع على اجتهادك وتعبك.

03/11/2025

بعض الآباء يظنون أنهم ينتصرون لأبنائهم حين يهاجمون المعلّم،
لكنهم في الحقيقة يزرعون في قلوبهم أول بذرة تمردٍ على كل سلطةٍ تربوية،
على كل توجيهٍ ناصح،
على كل كلمة "احترم" و"استمع".

اليوم تهاجمون المعلّم ليشعر ابنكم بالقوة،
وغدًا سيهاجمكم بنفس القوة،
لأنكم أنتم من علمتموه أن التمرد بطولة،
وأن الصوت العالي هو دليل الحق.

احموا أبناءكم من الغرور…
فالذي لا يعرف كيف ينحني أمام من علّمه،
لن يعرف يومًا كيف ينهض بثقة أمام الحياة.

Address

البحيره دمنهور
Damanhour

Website

Alerts

Be the first to know and let us send you an email when Mr/Ahmed El Far for Physics posts news and promotions. Your email address will not be used for any other purpose, and you can unsubscribe at any time.

Shortcuts

Share

Category