بداية جديدة مع نهى إبراهيم

الجديد دلوقتي مش ان الحضانات بس بترفض انها تعمل انفصال آمن تدريجي
ولا انهم بس مش دارسين ولا عارفين يعني ايه أطفال ونفسياتهم

تؤ تؤ الجديد بقى ان احنا نقول ان الانفصال الآمن غلط اصلا 🤣🤣 ويعدوا ياخدوا منشورات بعض كوبي بيست عشان يداروا على مصايبهم

بالنسبالي الحقيقة الحضانة اللي مش بتعمل انفصال آمن مش هثق فيها اصلا تربويا ونفسيا ومش هأمن عالاطفال عندهم لأن ده معناه انهم مش فاهمين حاجة عن الأطفال وان ده مؤشر اصلا لجهلهم الحقيقة

الامهات اللي مهتمة تعرف أهمية الانفصال الآمن وخطورة ان الطفل يتساب فجأة في الحضانة مش بس على نفسيته لا ده بيولوجيا كمان على مخه ونموه

ممكن تسمعوا الفيديو بتاعي عن الانفصال الآمن على جروب مجتمع أمهات التعلم الحر

"الانفصال الامن"

الموضوع الشائك دائما واللي تأثيره ممكن يفضل سنين طويلة عالطفل وعشان كدة بنفضل نتكلم فيه كتير
وأي مكان فاهم يعني ايه انسان ونفسية وشخصية طفل بتتكون ازاي لازم يكون عارف أهمية الانفصال الآمن وبيطبقه بشكله الصح مش بيحدد أيام وساعات محددة ويقول ده انفصال آمن

كلاكيت عاشر مرة بكرة ان شاء الله هعمل لقاء على جروب @مجتمع أمهات التعلم الحر عن الانفصال الآمن


صلوا على سيدنا محمد صلى الله عليه وسلم واسألوني أي اسئلة عن الموضوع هجاوبها بقدر معرفتي بكرة بإذن الله

محدش يسألني هيكون الساعة كام لأني شخصيا مش عارفة 🙄 حسب مربنا يفتحها عليا كدة واعرف ادخل لايف بس هيكون بالنهار بإذن الله

فيديو الانفصال الآمن وفيديو اللعب الحسي فاضلهم أيام ويحذفهم الفيس بوك

لو أي ام مهتمة ياريت تلحق تسمعهم وان شاء الله بالنفع يارب

صلوا على سيدنا محمد صلى الله عليه وسلم وادخلوا الجروب مجتمع أمهات التعلم الحر 🤩😍

امهات جدد كتير سألوني يعني ايه اللعب الحسي وايه أهميته في تطور مخ الأطفال ومهاراتهم وتعليمهم كمان

فان شاء الله نتقابل الساعة ١ الضهر على جروب مجتمع أمهات التعلم الحر ونتكلم عن الموضوع بشكل تفصيلي 🤩

وياريت لو حد عنده اي اسئلة يكتبها عشان نجاوبها في اللقاء بإذن الله

اللهم صلي وسلم على سيدنا محمد وعلى آله وصحبه

ام جميلة سألت عن ان طفلها بيسأل دايما اسئلة كتير طول الوقت وده كان ردي

والحقيقة انا حاسة ان دي نقط أساسية كدة كدة لتربية أي طفل ولحل اغلب تحديات السن الصغير فحبيت اشارككم بيه
يارب ينفعكم بيه وصلي اللهم وسلم على سيدنا محمد وعلى آله وصحبه

تم بحمدالله امبارح لقاء عن الانفصال الآمن للأطفال
اتكلمنا عن موضوع الانفصال الآمن واهميته وازاي نقدر نطبقه ونحاول نتعامل مع الأمر الواقع وفي نفس الوقت نطبق الانفصال الآمن المهم جدا للأطفال

الفيديو لسه موجود على جروب مجتمع أمهات التعلم الحر

يارب يكون بالنفع لأي أم

وفي انتظار تعليقاتكم واسئلتكم عاللقاء ان شاء الله

وصلي اللهم وسلم على سيدنا محمد وعلى آله وصحبه

هو انا ازاي اعلم ابني صح؟

انا عارفة ان كل الامهات تايهين في موضوع التعليم
ومش عارفين يعلموا ولادهم ازاي

انا هحكيلكم عن تجربتنا في الفنار

وان ازاي كل خطوة بتسلم للخطوة اللي بعدها ولو عندنا مشكلة في الخطوة الأولى بيبقى عندنا مشكلة في باقي المراحل

تعالوا احكيلكم الرحلة اللي مر بيها الولاد عندنا في الفنار

الرحلة بدأت ان الطفل عندنا بيعيش طفولته بالطول والعرض والفنار بيوفرله كل متطلبات المرحلة العمرية
بطريقة مباشرة وغير مباشرة وفي بيئة مصرية ونحط تحت بيئة مصرية دي الف خط وهقولكم اكتر عن النقطة دي في بوست تاني

فالطفل بيشبع احتياجاته وبيبقى ثبت أقدامه في الخطوة الأولى وبيبقى مستعد انه يدخل المرحلة اللي بعدها بمنتهى السلاسة والسهولة

مش هتصدقوا ان الولاد بيقولوا احنا عايزين نتعلم ازاي نقرأ القصص زي مانتوا بتقرأوا وعايزين نتعلم الكتابة
وبدأوا يعملوا عمليات حسابية يمكن أعلى من سنهم في العادي
وعادي جدا بيسيبوا ملعب الرمل اللي متاح قدامهم ويحضروا جلسة تعليمية لفترة طويلة ماشاء الله لا قوة
إلا بالله بمنتهى التركيز

وكل ده وهو مازال انسان انا مخسرتوش
واثق في نفسه
معندوش حقد أو غيره أو منافسة مع زمايله
قادر يتعامل مع اللي أصغر منه واللي في سنه واللي أكبر منه
قادر يعبر عن نفسه
صاحب قرار ومبادرة
مبدع ومبتكر وخياله واسع

فده بيأكد لنا اللي بننادي بيه من زمان ان المهارات هي اصلا اللي بتوصل الطفل للاكاديمي بشكل سلس وهادي

وان اشباع احتياجات الطفل الأساسية المطلوبة في المرحلة هي نقطة انطلاق للمراحل الجاية كلها بما فيها الأكاديمي بكل صوره وأشكاله

وان أي طريقة تانية غير كدة هي حرفيا بتأخر الطفل ونفضل بعد كدة نشتكي من التأخر في الكلام وصعوبات التعلم وندخل في دوامة فرط حركة وتشتت انتباه والطفل اصلا كان طبيعي واحنا اللي لعبنا في السيستم

فمحتاجين نفكر نفسنا دايما اني مش علشان ابني لازم اهدم

وان شاء الله نتكلم في لقاءات تانية اكتر عن طريقة التعلم عندنا

وأول تعليق في الجروب الخاص بالسن من ٣ ل ٥ في الفنار واللي هيكون عليه لقاءات مباشرة اونلاين ان شاء الله

كل عام وانتم بخير ربنا يتقبل منا جميعا وصلي اللهم وسلم على سيدنا محمد وعلى آله وصحبه أجمعين

أول ليلة تراويح 🤩🤩

دي الحاجات اللي خدناها معانا المسجد

نصلي شوية ونلعب معاهم شوية بهدوء من غير منزعج حد ومش لازم نخلص كل التراويح وممكن نبقى نروح التهجد لوحدنا بس عشان نشحن روحيا ونفسيا للي بيفرق معاه الصلاة في المسجد وعشان كمان يرتبطوا بالمسجد ويحبوه

يا ترى انتو خدتوا ايه معاكم المسجد؟ شاركونا 🤩😍

ربنا يتقبل منا ومنكم ويجعلنا من عتقائه من النار من أول ليلة يارب

اللهم صلي وسلم على سيدنا محمد وعلى آله وصحبه أجمعين

قضاء الصلوات الفائتة في رمضان

منشور كل سنة 😍🤩 كل سنة وانتوا طيبين جميعا ويارب يجبر وينصر أهلنا في كل مكان ويجعلنا من عتقائه في رمضان ده يارب وصلي اللهم وسلم على سيدنا محمد وعلى آله وصحبه أجمعين

منشور مُهمّ مُيسّر مُحَرَّر، في مسألة يغفل عنها كثير من الناس، وهي مسألة قضاء الصلوات الفائتة، لعلّ من عليه شيء منها ينشغل بقضائها في هذا الزمان الشريف، فيُبرئ ذمّتَه ويُتمّ توبتَه.

اعلموا أوّلًا أن قضاء الصلوات الفائتة واجب في قول جماهير الفقهاء، وعليه المذاهب الأربعة، وأكثر الفقهاء يجعلون القول بعدم القضاء قولٌا شاذًّا لا يسوغ.

وينبغي للمُسلم أن يحتاط لعمود دينِه ويأخذ في شأنها بالأحوط والأسلم.

ثانيًا: أجر قضاء الفوائت أعظم من أجر النوافل، كما في الحديث القدسي "وما تقرّبَ إليّ عبدي بشيءٍ أحبّ إليّ مما افترضتُه عليه".

بل قال السادة المالكية وغيرهم: لا يجوز لمن عليه فوائت أن ينشغل بغيرها، فلا يجوز له أن يُصلّي النوافل أصلًا، لا تراويح ولا غيرها، واستثنوا من ذلك: الشفع والوتر وسُنّة الفجر.

وقد يصعب على نفوس بعض الناس ألا يُصلّوا التراويح أو النوافل، أقول: قد تقرّر أن أجر القضاء أعظم، وأنه أوجب وأحبّ إلى الله، فاعبد الله على مُراد الله لا على مُراد نفسك.

ولتطمئن، فقد قال جماعة من الفقهاء: إن من أدّى الفرائض الفائتة في وقت قيام الليل: وقع له أجر القيام، لأنه شَغَل وقت القيام بصلاة، وهو المقصود.

ثالثًا:
أمّا عن كيفية القضاء، فيجوز القضاء في كل وقتٍ، وعلى أي ترتيب -عند الجمهور- ، المهم أن تقع الصلاة على صورتها، يعني الفجر ركعتان والظهر أربعًا، وهكذا.

رابعًا:
بالنسبة لأقلّ عدد من الصلوات يقضيه الإنسان في اليوم لكي لا يكون مُقصّرًا آثمًا: فأكثر الفقهاء لا يُحددون عددًا، بل يقولون إن الإنسان يجب أن يقضي ما عليه في كل وقتٍ زائد عن احتياجاته الأساسية من أكل وشرب ونحو ذلك، وحدّد العدد بعضهم فقال: إن قضى الإنسان خمسة أيام مما عليه فليس مُفرّطًا.

فليجتهد الإنسان في القضاء، وليعلم أنه لا يتفضّلُ بذلك أو يفعله تبرُّعًا، بل هو دَينٌ في ذمّته يُؤدّيه، فلا يتبرّم منه أو يتأفف، بل يُؤدّيه بنفسٍ راضية، وإن خفّف في أدائه -بما لا يُخلّ بالصلاة- فلا بأس، فلا بأس عند جمهور الفقهاء أن يصلّي بالفاتحة وحدها، وأن يكتفي بتسبيحة واحدة في الركوع وفي السجود، مع الطمأنينة.

وعلى مذهب السادة الشافعية تصح الصلاة حتى مع اختلاف نية المأموم عن نية الإمام

ف يجوز أن يؤدي المصلي صلاته الفريضة خلف إمام التراويح، طبعا مع مراعاة عدد ركعات كل صلاة، ف يُسلّم الإمام ولا يسلم المأموم ولكن يقوم ويكمل ركعات صلاته

تقبّل الله منا ومنكم صالح الأعمال.

منقول

يمكن ناس كتير متعرفش اننا في الفنار عندنا اشتراك يومي بشكل منفصل للي حابب ابنه أو بنته يحضر يوم مع الولاد في المزرعة يتعلم ويستكشف ويلعب 🤩

بس الفترة الجاية بإذن الله حابين نطور ده أكتر عشان نتيح فرصة لأطفال أكتر
وعشان كدة عملنا جروب للمرحلة العمرية دي من ٣ ل ٥ سنين زي جروب بستان الطفولة للسن الأقل من ٣ سنين
وهننزل فيه كل أسبوع الأيام المتاحة الاشتراك اليومي فيها وبرنامج اليوم كمان وانشطته وأهدافها 😍🤩

وكمان هيكون في لقاء انهاردة الساعة ٨ بليل بإذن الله عالجروب هنتكلم فيه عن التعلم الحر الموجه ذاتيا للسن من ٣ ل ٥

وازاي احنا في الفنار بنطبقه والنتائج اللي وصلنا ليها مع الأطفال

والجروب كمان هنتكلم فيه دايما عن المرحلة العمرية دي وطرق التعليم المختلفة

وان شاء الله ننظم لقاءات مع متخصصين تقدر تفيد كل أم وأب

لقاء اونلاين مباشر يوم السبت الساعة ٨ بإذن الله