منصة نبغة التعليمية

للاسف كلامها صح جدا

انا عاوزه اعترف بحاجه جد ومش هزار
انا فعلا تعبت وحاسه بتعب اعصاب من التصريحات والتقييمات
وربنا عرفنا ان الامتحانات من التقييمات

بس حضرتك متجاهل ان والله العظيم كل المناهج الجديده سيئه ..
والله العظيم السنه دي اسوء سنه في التعليم والله العظيم ظلمت الاطفال ومش ساعدتها
مافي تطوير والواقع مختلف عن ال بتقولوا
دي مناهج مش للتطوير
اسوء حاجه التقييمات وعدم اعاده امتحان الشهر و توزيعه الدرجات
ظلمت طلبه بموضوع ضرب الدرجه في اتنين
بقي كل ال فارق الحضور عشان الدرجات مش الاستفاده محدش لاحق يشرح ولا حد لاحق يفهم
بقت الدرجه والحضور والامتحان والتقييم اهم من التحصيل والتعليم 😔
والله العظيم كنا محتاجين تدريبات للمعلمين و يبقي ف مساحه ليهم يبدعوا ويشرحوا بدل الرصد وتضييع الوقت فقط علي كتابه وتصحيح التقييمات والرصد والرصد والرصد
ان كل واحد بيجي في المنصب مبيفكرش غير تطوير عشان اسمه يسمع فقط لكن مش عشان يخدم
والله العظيم حتي برنامج ال summer camp ظلم
لو مطبقش صح
المناهج وحشه وحشه وحشه وكلها حشو وتموت الابداع عند الاطفال
المناهج تعقد الاطفال وفيها حشو غير منطقي
بنشتكي عشان عاوزين ولادنا ينزلوا المدارس ويتعلموا ويعيشوا طفولتهم وتبقي لهم ذكريات حلو
مش اطفال محرومه من حصه الالعاب والموسيقي والنشاط والتدبير المنزلي
مش اطفال بتعيط من كتر الكتابه والمدرسه بقت عقاب
مش اطفال بنجري وراها طول اليوم عشان منهج معقد وحشو حشو حشو يمنع الطفل من التفكير والابداع
مش اطفال المناهج بتاعتها مفيهاش تدرج منطقي
مش اطفال بتاخد معلومات غير مناسبه اطلاقا لعمرها
مش اطفال مفيش فالتعليم كلها سنه للتأسيس
اطفال بتدخل kg1 مطلوب منها اصلا انهم يكونوا متأسسين
ازاي طفل ٤ سنين ولا خمس سنين مطلوب منه يتعامل مع منهج الكي جي الجديد ده .. فين التأسيس فين التأسيس ليه الكي جي مش تأسيس حضرتك
ليه مفيش استعانه بالمدرسين الخبره ف وضع المناهج
ليه مفيش لجنه من المدرسين تشرف علي المنهج مش احنا ال بنتعامل مع الاطفال
شفنا واتعاملنا مع اطفال بعدد شعر راسنا حرفيا ليه ميبقاش ف حد من ارض الواقع عشان علي الاقل يبقي منهج مناسب
ليه ؟؟؟؟
بجد ليه ؟؟؟؟
ولادنا مبيلعبوش .. ولادنا مبيفرحوش
ولادنا مش لااااااااااااحقين يعيشوا احلي سن ولا طفولتهم
طفولتهم بتضيع ف الورق والدرجات