نشء

نشء المساعد الشخصي للأمهات لمساعدتهم في تربية وتعليم أطفا?

شروق .. صوت عصافير .. هدوء لعب .. جري .. تحدي .. وصوت ضحك كتير نار .. ريحة شوي .. مسابقات يا ترى بنحضرلكم إيه؟ 😄 #نشء #...
16/08/2026

شروق .. صوت عصافير .. هدوء
لعب .. جري .. تحدي .. وصوت ضحك كتير
نار .. ريحة شوي .. مسابقات

يا ترى بنحضرلكم إيه؟ 😄

#نشء
#طبيعة
#كامب

طفلك بيحب يقلد أصوات الكرتون؟ عنده شغف وحضور وبيحب يعبر عن نفسه؟👦إيه رأيك نحول الموهبة دي لمهارة حقيقية وتسجيل احترافي ب...
20/07/2026

طفلك بيحب يقلد أصوات الكرتون؟ عنده شغف وحضور وبيحب يعبر عن نفسه؟👦

إيه رأيك نحول الموهبة دي لمهارة حقيقية وتسجيل احترافي بصوته يفتخر بيه؟🎬

في نشء، بنقدملك تجربة ممتعة جداً:

ورشة الفويس أوفر والدوبلاج للأطفال وسط أجواء المسرح🎭

الورشة دي رحلة سحرية الطفل هيدخل فيها عالم التمثيل الصوتي، ويتعلم ازاي يتحكم في نبرة صوته، مخارج ألفاظه، والتعبير عن مشاعره بثقة✨

🎧 اسم الورشة: ورشة فويس أوفر ودوبلاج للأطفال (المستوى الأول)
☑️ السن المناسب: من 5 إلى 7 سنوات
🗓️ الموعد واليوم: الأربعاء يوليو (22_7)
🕔 التوقيت ومدة الورشة: من الساعة 4:00 حتى 7:00 مساءً (مدة الورشة 3 ساعات)
📍 المكان: مزرعة نشء بالثورة الخضراء أمام البوابة الأولى لكمبوند الربوة
🏜️ لوكيشن: https://maps.app.goo.gl/Zt7HpiU628NeHkGdA?g_st=aw

طفلك هيخرج بإنجاز حقيقي، لأن الورشة بتشمل تسجيل فيديو شامل للأطفال وشامل دوبلاج بصوت طفلك على جزء من فيلم كرتون شهير كذكرى ممتعة وتوثيق لموهبته👏🏻

👨‍🏫 يقود الورشة مخرج وممثل ومهندس صوتي ومدرب صوت بخبرة أكثر من 8 سنوات، شارك في أعمال مع أكبر شركات الإنتاج الإعلامي الشهيرة زي:

(ديزني - شاهد - إم بي سي 3 - الجزيرة 360 - تطبيق جيل - سلاح التلميذ - نهضة مصر - عالم زيدو - أوديو هات - CCTN TV - القناة الوثائقية - ستوري تل - رواة)

⚠️ تنويه هام: للحفاظ على التطبيق العملي والاهتمام الفردي بجميع الأطفال، عدد الحضور لا يزيد عن 12 طفل فقط

👇🏻 احجزي مكان طفلك الآن قبل اكتمال العدد! ابعتيلنا رسالة مباشرة على الصفحة أو سيبي كومنت بكلمة "صوت" وهنبعتلك التفاصيل فوراً

#نشء #مسرح

و ليه اخترنا المزرعة كمكان تعلم؟في وقت بقى كل حاجة فيه مريحة وسهلة، تكييف في كل مكان .. شاشات في كل وقت .. وكل تحدي بنحا...
15/07/2026

و ليه اخترنا المزرعة كمكان تعلم؟
في وقت بقى كل حاجة فيه مريحة وسهلة، تكييف في كل مكان .. شاشات في كل وقت .. وكل تحدي بنحاول نبعد أطفالنا عنه ونقدم لهم سبل الرفاهية.
بدأنا نسأل نفسنا:
إزاي هيتعلم الطفل الصلابة، لو عمره ما واجه تحدي؟
عشان كده، في "فرسان على خطى السيرة"، اخترنا إن الطفل يعيش أيامه في بيئة طبيعية حرة
يمشي على الأرض .. يقعد تحت الشجر .. يتعامل مع حرارة الشمس وهو بيتمرن ويحس بالهواء، ويتعلم إن الطبيعة مش عائق لكنها جزء من الرحلة.
مش لأننا بنحب التعب لكن لأننا مؤمنين إن النفس بتقوى لما تواجه تحديات حقيقية، مناسبة لعمر الطفل، في بيئة آمنة وتحت إشراف تربوي.
وده جزء من التربية اللي عاشها جيل الصحابة، جيل اتربى في بيئة مفتوحة، علمته الصبر، والتحمل، والاعتماد على النفس.
وفي آخر اليوم مش بنسيب الطفل مع التجربة وخلاص.
بنقعد معاه...
نحكي...
ونسأله...
ونربط اللي عاشه بموقف من السيرة، علشان القيمة تبقى تجربة، مش مجرد كلام.
في "فرسان على خطى السيرة" إحنا مش بنحاول نرجّع أطفالنا للماضي،
إحنا بنحاول نرجّع لهم جزء من القوة اللي صنعها ذلك الماضي.
عدد المشاركين محدود جدًا، لأننا مؤمنين إن بناء الشخصية محتاج صحبة قريبة واهتمام حقيقي بكل طفل.
📩 لو نفسك طفلك يعيش تجربة مختلفة، تجمع بين المغامرة، والطبيعة، والتربية... ابعتلنا رسالة واعرف تفاصيل الرحلة قبل اكتمال الأماكن.

#نشء
#طبيعة
#فروسية
#رماية

الصيف مش بس وقت للعب والراحة، ده أحسن وقت طفلك يكتشف فيه موهبته الحقيقية، يجرب حاجات جديدة، ويتعلم مهارات تبني شخصيته!👦🏻...
14/07/2026

الصيف مش بس وقت للعب والراحة، ده أحسن وقت طفلك يكتشف فيه موهبته الحقيقية، يجرب حاجات جديدة، ويتعلم مهارات تبني شخصيته!👦🏻❤️

في نشء، جهزنالكم جدول ورش صيفية متكامل ومتنوع جداً لشهر يوليو، لمختلف الأعمار والاهتمامات ورشنا عبارة عن تجارب عملية بيقودها متخصصين عشان ولادنا يخرجوا منها بمهارة حقيقية وإنجاز يفتخروا بيه👏🏻

نبذة بسيطة عن تنوع ورشنا القادمة:
🎙️ عالم الصوت والدوبلاج: تجربة على المسرح لتمثيل أصوات الكرتون وتسجيل فيديو احترافي بصوتهم
✂️ الفنون والأشغال اليدوية: ورش عرائس القفاز، المريونيت، تشكيل مقلمة الفوم، وتطريز البنش نيدل والكروشيه
🌱 الطبيعة والزراعة: يوم الزراعة والتلوين، ورعاية النباتات ومتابعة بذرتهم وهي بتكبر
🕯️ صناعة الشموع والتطريز: ورش إبداعية لطيفة لتعليم الفن والتطريز الفلسطيني الأصيل
🛒 التوعية والتأهيل: ايفنتات حصرية زي يوم المتجر لتعليم الاقتصاد والتسعير، وايفنتات توعية بالحدود الشخصية والدفاع عن النفس

🗓️ الورش هتبدأ من منتصف شهر يوليو، والأماكن في كل ورشة محدودة جداً للحفاظ على جودة التطبيق العملي والاهتمام الفردي بطفلك👌🏻

👀 خليكي متابعة صفحتنا خطوة بخطوة .. هننزل بتفاصيل ومواعيد كل ورشة وطريقة الحجز خلال الساعات الجاية

💬 شاركينا في الكومنتات إيه أكتر مهارة حاسة إن طفلك محتاج يطورها الصيف ده؟ (صوتيات - فنون يدوية - زراعة واقتصاد)؟

#نشء #فنون #دوبلاج

12/07/2026

مين لسه مجربش البلبطة معانا؟ 🥳🤽🏊🚣

#نشء
#سباحة
#كامب

الرماية عندنا مش مجرد إصابة هدف بس، لكن لتدريب القلب قبل اليد.ازاي الطفل يتحكم في غضبه ، ازاي يهدى، ازاي يركز، ازاي يتع...
11/07/2026

الرماية عندنا مش مجرد إصابة هدف بس، لكن لتدريب القلب قبل اليد.
ازاي الطفل يتحكم في غضبه ، ازاي يهدى، ازاي يركز،
ازاي يتعامل مع غضبه لو أخطأ الهدف .

ازاي ينتبه لقوة عضلاته وتوجيه طاقته للتركيز على الهدف .
ازاي يتقبل الخطأ ويحاول مرة ورا مرة .

وكل ده وهو بيتعلم كل مرة ازاي الصحابة والقدوات السابقين اتعاملوا مع المشاعر دي، وازاي أداروا المواقف وربوا نفوسهم على التحمل والصبر في ظل بيئة حرة .

في "فرسان على خطى السيرة" مش هدفنا الأطفال تسمع قصص وتتمرن شوية وتمشي .. لكن هدفنا تربية نفوسهم على معاني زي الصبر والتحمل والاخشوشان والقوة والشجاعة والثقة في النفس وتقديم قدوة بشكل حقيقي وحي، ورابط قوي ما بينهم .

لو عايز طفلك يمر بتجربة ثرية قوية عميقة مع تربويين متخصصين في برنامج مختلف وبيئة حرة ابعت لنا واحجز له مكان معانا عشان ياخد فرصة يطلع أحسن ما فيه ❤️💪

#فرسان
#نشء
#طبيعة
#سيرة
#رماية
#خيل
#سباحة

ليه مهم الطفل يتربى في الطبيعة مش في أماكن مغلقة ومكيفة؟لأن ببساطة تأثيرهم عليه بيتخطى وقت المتعة و اللعب، لكن بيمتد لبن...
03/07/2026

ليه مهم الطفل يتربى في الطبيعة مش في أماكن مغلقة ومكيفة؟

لأن ببساطة تأثيرهم عليه بيتخطى وقت المتعة و اللعب، لكن بيمتد لبناء شخصيته بشكل مستمر 🤍

الرمل و المياه والشجر والبيئة الحرة بتعرضه لمواقف كل يوم لازم يفكر ويتعامل معاها ويتحدى خوفه ويكون واعي بكل حركة بيعملها .
Risky play
من أهم أنواع اللعب اللي بتبني في الطفل الثقة بالنفس و والشجاعة ومهارة اتخاذ القرار و حل المشكلات .. كمان بتدعم التركيز والمثابرة والصبر .. ده غير الصلابة النفسية اللي بيكتسبها من خلال المواقف العادية اليومية واللي بتخليه أقوى في التعامل مع المواقف بره 💪
قيم ومهارات بتتبني في الطفل بشكل طبيعي سهل من خلال تجربة ثرية في الطبيعة ❤️🌿
لسه في أماكن في كامباتنا الصيفية لو عايزة طفلك يمر بتجربة مختلفة تفضل معاه وفي قلبه ابعتلنا والحقي له مكان معانا 😉

#نشء
#كامب
#طبيعة

🍉🍋 بطيخة ولمونة 🍋🍉الصيف بدأ رسميًا… وإحنا هنحتفل بيه على طريقتنا 😍☀️مستنينكم في عصرية صيفية منعشة مليانة لعب وضحك ومغامر...
22/06/2026

🍉🍋 بطيخة ولمونة 🍋🍉

الصيف بدأ رسميًا… وإحنا هنحتفل بيه على طريقتنا 😍☀️

مستنينكم في عصرية صيفية منعشة مليانة لعب وضحك ومغامرات وأنشطة تناسب كل الأعمار من سنة لـ 12 سنة 🌿💦

🗓️ الخميس 25 يونيو
🕓 من الساعة 4 عصرًا إلى 7 مساءً

يوم كامل من المتعة في المزرعة 🥳

👶 من سنة إلى 5 سنوات:
🌈 لعب حسي ممتع ومنعش
🐴 ركوب حمار المزرعة
📚 حكي وقصص

👧👦 من 3 إلى 12 سنة:
🏪 متجر نشء
كل طفل يجيب حاجة صنعها بإيده في البيت ويعرضها للبيع ويقبض فلوس حقيقية💰
تجربة ممتعة هيتعلموا فيها البيع والتسعير والتواصل والثقة بالنفس 💪
🏊‍♂️ سباحة وألعاب مائية منعشة
🐴 ركوب حمار المزرعة

🧒 من 7 إلى 12 سنة:
🏹 تجربة الرماية
جرعة حماس وتركيز وتجربة جديدة يعيش فيها الأطفال روح الفارس الحقيقي.

🌿 لعب حر، حركة، ماء، حس، مغامرات، وأجواء صيفية جميلة في قلب الطبيعة 🌱

في بطيخة ولمونة مش هنقضي وقت وخلاص... هنصنع ذكريات حقيقية 🍉

📩 الأماكن محدودة... ابعتولنا رسالة للحجز والتفاصيل.

#نشء
#الواحة
#طبيعة

كل عام وأنتم وفلذات أكبادكم بألف خير وصحة وسعادة!✨عائلتنا في نشء بتتمنالكم عيد أضحى مبارك مليان بالدفء واللمة وسعادة الأ...
26/05/2026

كل عام وأنتم وفلذات أكبادكم بألف خير وصحة وسعادة!✨
عائلتنا في نشء بتتمنالكم عيد أضحى مبارك مليان بالدفء واللمة وسعادة الأطفال اللي بتنور بيوتنا🌿

العيد فرحة هييييييه 🥳🥳🥳عشان فرحة العيد متكملش غير واحنا مع بعض قررنا نعمل يوم احتفال بالعيد 😊❤️معادنا يوم الجمعة الجاية ...
20/05/2026

العيد فرحة هييييييه 🥳🥳🥳
عشان فرحة العيد متكملش غير واحنا مع بعض قررنا نعمل يوم احتفال بالعيد 😊❤️
معادنا يوم الجمعة الجاية من الساعة 5 ل 7 في مزرعتنا الحبيبة في الشيخ زايد 😍
هنخبز كعك و نعمل توزيعات العيد و نكبر ونلعب مسابقات 🥳🥳
ومنسناش حبايبنا الصغار هيكون ليهم ركن حسي وركوب للحمار 😍
انضموا لينا زحسوا بفرحة العيد 😉
العدد محدود .

#نشء
#طبيعة

Address

Cairo

Telephone

+201092886463

Website

Alerts

Be the first to know and let us send you an email when نشء posts news and promotions. Your email address will not be used for any other purpose, and you can unsubscribe at any time.

Contact The School

Send a message to نشء:

Shortcuts

Share

Category