المساعد الشخصي للأمهات لمساعدتهم في تربية وتعليم أطفا?
20/05/2026
العيد فرحة هييييييه 🥳🥳🥳
عشان فرحة العيد متكملش غير واحنا مع بعض قررنا نعمل يوم احتفال بالعيد 😊❤️
معادنا يوم الجمعة الجاية من الساعة 5 ل 7 في مزرعتنا الحبيبة في الشيخ زايد 😍
هنخبز كعك و نعمل توزيعات العيد و نكبر ونلعب مسابقات 🥳🥳
ومنسناش حبايبنا الصغار هيكون ليهم ركن حسي وركوب للحمار 😍
انضموا لينا زحسوا بفرحة العيد 😉
العدد محدود .
#نشء
#طبيعة
في سن 3 لـ 7 سنين، إيد طفلك هي عقله الحقيقي!🧠
لما بيلمس التراب، يعجن الطين، أو يحس ملمس صوف الخروف بإيده .. دماغه بتبني روابط عصبية مستحيل تتبني وهو قاعد قدام شاشة موباييل..
اللعب الحسي مش بس تسلية، ده غذاء لعقله بيساعده على:
✅ هدوء الأعصاب وتنظيم المشاعر
✅ تقوية التركيز والانتباه
✅ تطوير مهارات إيده الدقيقة
في كامب ، بنرجعهم للفطرة اللي بتنمي ذكاءهم🌱
📩 ابعتيلنا "بذرة" في رسالة وهنبعتلك كل التفاصيل
10/04/2026
مطلوب ناني / ميس مساعدة للعمل في نشء 🌿👶
بنبحث عن ناني أو ميس مساعدة تكون جزء من فريقنا، بتحب الأطفال وتكون ملتزمة ومسؤولة .
طبيعة المكان: مساحة تعليمية قائمة على الأنشطة العملية في مزرعة .
المهام:
رعاية الأطفال والاهتمام باحتياجاتهم اليومية.
الحفاظ على أمان ونظافة الأطفال والمكان.
التعاون مع الفريق وتنفيذ تعليمات المشرفين.
الشروط:
حب حقيقي للتعامل مع الأطفال وصبر وهدوء
يفضل خبرة سابقة في حضانة أو مساحة تعلم .
شخصية نشيطة وتحب التعلم والتطوير.
الالتزام بالمواعيد والمسؤولية .
راتب يُحدد حسب الخبرة .
مكان العمل: مزرعة نشء في الشيخ زايد متفرع من شارع النزهة .
#نشء
#فرصةعمل
28/03/2026
زرعٌ وبنيان 🌱😊
وحدتنا القادمة اللي هنبدأ معاها خطوة جديدة في مشروع الواحة 🌱🥰
والخطوة الجديدة هي إجابة سؤال الوحدة ..
إزاي نقدر نعيش مستقليين في مكان صحراء بدون أي موارد خارجية ؟ وإيه معنى الاستخلاف ومسؤوليته ؟
ومن خلال المسار البحثي اللي هيشاركونا فيه الأطفال .. هنسأل ونبحث ونكتشف ونحط اجابات كتير ونجرب حلول مختلفة عشان نوصل لإجابة السؤال في هيئة مشاريع مختلفة .. ونتعلم من خلالها عن :
1-البناء
2- الهندسة
3-العمارة
4-الزراعة
5-الحيوانات
6-اللغة والتاريخ
تفتكر ا ايه هي إجابة السؤال؟ وايه هي مشاريع الوحدة؟
لو عايزين تشوفوا مشاريع الأطفال والواحة اللي عملوها كلها بإيديهم، تعالوا يوم السبت الجاي المزرعة، وشوفوا نتيجة التعليم على الحقيقة مش درجات عالورق ❤️
المجموعات اكتملت لبعض الفئات العمرية ومتاح أعداد محدودة، و هنقفل باب الحجز يوم السبت 🙏
ابعتولنا رسالة وهنرد عليكم بالتفاصيل 😊
وكونوا جزء من حكايتنا ❤️
#نشء
#طبيعة
#الواحة
19/03/2026
العيد فرحة 🥳🥳🥳
كل سنة وانتم طيبين وعيد سعيد عليكم 😍
وعشان العيد مينفعش يبقى عيد من غير عيدية 😃
نشء بتعيد عليكم وعملت عيدية لكل أسرة عايزة تنضم لينا 😍😍
خصم 10% بمناسبة العيد لمدة 48 ساعة فقط 😁
ابعتولنا والحقوا مكان في العرض 😉
#نشء
#طبيعة
#الواحة
18/03/2026
كان عندنا حلم .. مش مجرد نشاط جديد .. ولا فكرة مختلفة شوية
حلم إن يبقى في مكان مبني كله بإيد الأطفال.
مكان يفضل واقف قدامهم كل يوم .. يفكرهم إنهم يقدروا.
إنهم مش ضعاف…
وإنهم قادرين يعملوا حاجة حقيقية في الدنيا.
الفكرة بدأت من موقف بسيط لكن كان مؤلم شوية.
كنا قاعدين مع مجموعة من الأبطال من سن 12 لـ 14 سنة…
وبنتكلم عن معنى القيادة والمسؤولية وإن الإنسان يكون
مؤثر وقادر يعتمد على نفسه.
فسألناهم سؤال بسيط:
"تخيلوا إنكم في مكان فاضي وصحراء ومفيش حد غيركم،
مطلوب منكم تبنوا حياتكم بنفسكم .. هتعملوا إيه؟"
الإجابة كانت صادمة…
"مش هنعرف."
"هنستنى بابا وماما"
"إحنا مش زي زمان"
في اللحظة دي…
فهمنا قد إيه في حاجة ناقصة، مش علم ولا معلومات لكن ثقة.
ومن هنا بدأ الحلم يتحول لفعل.
قلنا لهم
طيب إيه رأيكم نعملها بجد؟
نختار مكان ونبدأ نبنيه بإيدينا واحدة واحدة.
وانتوا اللي هتحددوا الحاجات اللي محتاجينها تتبني .
وفعلًا…
اختاروا مكان في المزرعة…
كان فاضي تمامًا…
أرض صحرا بدون شجر ولا صلة وقررنا نعملها ونخضرها ويبقى فيها حياة بإيدينا ❤️
وبدأوا يسألوا نفسهم:
إحنا محتاجين إيه علشان نعيش هنا؟
🌱 مكان نقعد فيه ويكون كبير نلعب ونتحرك تحته
🌱 مكان نتعلم فيه
🌱 أكل نزرعه بإيدينا ❤️
وابتدت الأفكار تتحول لمشاريع…
مشاريع حقيقية…
بإيديهم هم.
وده كان أول طريق
لـ "الواحة"
المكان اللي بيتبني مش بس بالطوب والخشب لكن كمان
بالثقة…
وبالإحساس إن "أنا أقدر".
المرة الجاية هنحكي لكم عن أول مشروع بدأوا بيه "البرجولة"
وإزاي كانت أول خطوة حقيقية في الرحلة دي.. رحلة بنائهم قبل بناء الواحة .. ومع كل خطوة كان بيكبر المشروع كانوا هم اللي بيكبروا وبيحسوا بالثقة في نفسهم وتعرفوا ازاي الواحة غيرت كتير فيهم ❤️❤️
ولسه مكملين في مشاريع الواحة .. في الوحدة الجديدة معمار الواحة 😊
ابعتولنا وكونوا جزء من حكايتنا قبل ما الأماكن تخلص ❤️
#نشء
#طبيعة
#الواحة
طفلك مش كسلان… هو بس زهق من إنه يتعلم بالطريقة دي.
ساعات وساعات قاعد، كراسي صلبة، ألوان أبيض وأسود، صوت واحد بيتكلم وهو المفروض يسمع.
فين الفضول؟
فين الحركة؟
فين الشغف اللي اتولد بيه؟
التعليم التقليدي ما بيسألش الطفل "إيه اللي تحب تعرفه؟"
بيقوله بس "اقعد… واسمع… واحفظ."
ومع الوقت الطفل بيتعلم درس واحد بس:
إن التعليم حاجة بتتعمل ليه، مش معاه.. وبالتالي بيتعامل معاها أنها حاجة مؤقتة مرهونة بوقت وبتخلص مع الامتحان .
في نشء بنؤمن إن التعلبم عملية مستمرة وان الطفل فضولي بطبعه ومحب للمعرفة .. بس كل اللي محتاجه بيئة طبيعية تراعي احتياجاته .
عندنا التعلم بيحصل وهو بيزرع، وهو بيطرح أسئلة وبيبحث عن اجاباتها في كتاب أو في رحلة أو هو بيبني بإيده وبيلعب بالرمل ويتعرف على الفرق بين المواد وصلابتها.
طول الوقت هو بيتحرك ويسكتشف ويتعلم بشكل طبيعي وممتع
لأن الشغف أصل التعلم ❤️
لو طفلك عمره من 2.5 : 8 سنين ابعتلنا واحجزي لها مكان في وحدتنا الجديدة قبل ما الأماكن تخلص 😉
#نشء
#طبيعة
#الواحة
12/03/2026
لحظات سرقناها لتوثيق أوقات دافئة جميلة ستظل في الذاكرة ❤️
من اليوم الرمضاني 🌱😊
#نشء
#طبيعة
#الواحة
25/02/2026
فاكرين واحنا صغيرين رمضان كان عامل ازاي ؟
درس التفسير مع الشعراوي قبل الفطار .. وصوت القرآن في الراديو .. وأيادي كتير بتساعد وتجهز الفطار .. وصوتنا واحنا بنضحك ونلعب مع أطفال العيلة .. لمة العيلة الكبيرة والضحك و الونس و التراويح 🤍
احنا عايزين نعيش اليوم ده تاني مع أطفالنا، ونخطف معاهم ليلة رمضانية متتنسيش فيها لعب وانطلاق ليهم في مكان واسع وسط الطبيعة، وصلاة وتدبر و قرآن 🤍
الجمعة 6 مارس يوم كامل من 2 الظهر لحد يوم السبت صباحاً. يوم مليان فقرات ممتعة .. أوقات خاصة بيكي كأم وبيك كأب وأوقات تانية مجمعة ليكم كأسرة عشان نبني روابط وذكريات جميلة وتجربة مختلفة عمرها ما تتنسي 😊
هنعيش يوم بطابع بسيط وروحه مختلفة 🥰
طبخ خلوي وشوي لتجهيز الفطار 💪 😊
هننصب الخيم بإيدينا 💪😄
العاب جماعية ومسابقات هتشاركوا فيها كأسرة واحدة 💪
قرآن وتدبر ووقت روحاني وسط الطبيعة 🤍🌱
ورش مختلفة ونقاشات مع ناس شبهك بنفس اهتماماتك 😊
وقت سكون وقراءة قرآن وسط الشجر والسما 🌳
كل ده وفمكان قريب في وسط الشيخ زايد .. في مزرعتنا في الثورة الخضراء على بعد 7 دقائق من هايبر 😁
اليوم معمول لعدد محدود جداً 🤍
ومفاجأة الحجز المبكر خصم 15% لأول 5 أسر 😉
احجز دلوقتي والحق مكانك في يوم صعب يتكرر 😊
#نشء
#الواحة
#رمضان
#تخييم
#طبيعة