Viral Academy

كل سنة وانتم طيبين 😍

نصر اكتوبر المجيد 1973 💪💪

كل عام وانتم بخير 😀

كل سنة وأنتم طيبين 😀🐑

▪كل أفراد المبيعات من أول المبتدئ للمدير محتاجين إبتكار دايم وتغيير مستمر في الأساليب المستخدمة في الإقناع والتواصل مع العملاء، والتغيير ده بييجي من الإطلاع المستمر على أحدث الاساليب والدراسات وقصص رواد الأعمال وتجاربهم.

- سواء بتحب القراءة أو لا، بالك طويل أو بتزهق بسرعة، مدير أو لسه مبتدئ، هتلاقي في التجميعة دي اللي كل يناسبك واللي محتاجه عشان تفضل مطلع فى مجال المبيعات👇

1⃣ How I Raised Myself From Failure to Success in Selling by Frank Bettger.
قصة فرانك بيتجر من الفشل للنجاح في المبيعات بأمثلة وتجارب شخصية مر بيها، واللي قال عنه ديل كارنيجي إنه أكتر كتاب ملهم قرأه في حياته عن الـ Salesmanship

2⃣ Secrets of Closing the Sale by Zig Ziglar.
الكتاب بيركز أكتر على الجوانب النفسية والعقلية في التواصل مع العميل المحتمل، وكيفية إغلاق الصفقة، بالإضافة لأهم الأسباب اللي ممكن تخلي العميل يرفض المنتج بتاعك.

3⃣ Little Red Book of Selling: 12.5 Principles of Sales Greatness by Jeffrey Gitomer.
لو معندكش الوقت تقرأ مئات الصفحات ومحتاج "الزتونة"، فالكتاب ده جاب من الأخر قدملك الخلاصة اللي مش بس هتنفعك في كاريرك الحالي، دي مكملة معاك مدى الحياة.

4⃣ How to Win Friends and Influence People by Dale Carnegie.
الكتاب ده فيه نصائح مهمة جداً عن إنك إزاي تخلي الناس تعجب بيك، وإزاي تتعامل مع الشخصيات المختلقة، ده غير أهم المهارات الشخصية اللي لازم تكون موجودة عند فرد المبيعات.

5⃣ Coaching Salespeople into Sales Champions by Keith Rosen.
مهم جدا للـteam leaders والـManagers اللي مهتمين ببناء فريق مبيعات قوي وناجح وكيفية توجيهم وزيادة كفاءتهم.

6⃣ The Psychology of Selling by Brian Tracy.
لو بتسعى إنك تبيع أكتر وأسرع وعايز تطور من مهارات البيع عندك وتفهم سيكولوجية البيع وتأثيرها على طريقة تعاملاتك المهنية فالكتاب ده أحسن مرجع ليك.

7⃣ Pitch Anything: An Innovative Method for Presenting, Persuading, and Winning the Dealby Oren Klaff.
الـSales Pitch تعتبر أكتر جزء حيوي ومهم في عملية البيع، بل وممكن تتوقف عملية البيع كلها على مدى إتقانك ليه وقدرتك على الإقناع.
وسواء بتتعامل مع مستثمر، عميل، أو حتى المدير بتاعك … الكتاب ده مرجع كويس جداً ليك في كيفية إقناعهم وتوصيل رسالتك بطريقة فعالة.

8⃣ The Sales Bible: The Ultimate Sales Resource by Jeffrey Gitomer.
لو المصطلحات دي مألوفة بالنسبالك ( leads, pipeline management, pitching ) فالكتاب ده بيجاوب على كل الأسئلة الموجودة بخصوص المصطلحات دي.

9⃣ The Extremely Successful Salesman's Club
الكتاب ده بِعد شوية عن منهج الكتب التقليدية في السرد و أسلوب " هي دي الطريقة اللي هتبيع بيها" الي بنلاقيه في معظم الكتب.
هنا انت هتتعرف على Simeon اللي انضم لنادي سري للـ Extremely Successful Sales Professionals و هتخوض معاه رحلته اللي اتعلم فيها أهم الـPrinciples اللي ساعدتهم على النجاح.
الكتاب عبارة عن قصة ممتعة جدا مكتوبة بشكل ممتاز و بتـAdd value كبيرة جدا للي بيقراه.
- وأكيد فى عدد أكبر من المصادر ممكن تتعلم منها، شاركنا بالكتب اللي قرأتها عن مجال المبيعات 👇

▪أشهر اللى بتقدمه الأسواق هما المنتج والخدمة، لكن فى الحقيقة مفيش حاجة فى العالم
مينفعش معاها التسويق، وعشان كده بنلاقي إن حاجات كتير غير المنتج والخدمة دخلوا عالم التسويق.
مش بس نقدر نسوّق للمنتج والخدمة، إحنا كمان ممكن نسوق الأفكار، البلاد، الأماكن، الحملات التطوعية، المعلومات، المنظمات، الأشخاص، ...تسويق الفكرة مثلاً هى من أكتر الأجزاء عبقرية فى التسويق، لإنك بتبيع وبتقنع الناس بفكرتك قبل ما يشوفوها أو يشتروها فعلاً.
⬅ الشاب " أليكس تيو" اللى عمل مليون دولار ببساطة من صفحة إلكترونية إعلانية بسيطة جداً، فيها مليون بيكسل (وحدة المساحة الكترونية)، بيبيع فيها البيكسل الواحد ب1دولار. (الشركة بتشترى عدد من البيكسلات عشان تعلن فيهم عن منتجاتها
"توى" كان المفروض يسوّق لفكرته وينجح تسويقه للفكرة عشان الناس تقتنع وتشترى، وكان لازم يتعامل مع علم وفن تسويق الأفكار.
بدأ يطورّ تاج لاين "امتلك جزء من التاريخ _ history of piece a Own " وبدأ ينشر التاج لاين ده وسط الشركات اللى بيحاول يقنعها إنهم يحجزوا معاه مجموعة من البيكسلات اللى هتدخلهم التاريخ، لإن الصفحة دى لما تنجح والفكرة تنتشر، هتبقى حالة نادرة من نوعها، والناس هتدخل تشوف إيه الصفحة اللى تساوى مليون دولار دى، وبالتالى الشركات اللى موجودة على الصفحة دى هتتشاف كتير جداً من ناس كتير جداً فى العالم، وده اللى حصل فعلا.
مع التاج لاين العبقرى ده، بدأ يحيط الشاب "توى" نفسه بهالة إعلامية ضخمة، مع تنشيط فكرته دى بتعريفه للناس سبب عمل الصفحة، وهو إنه محتاج يدفع مصاريف دراسته فى الجامعة، وكمان يشترى جوز شرابات جداد !
مع عبقرية الفكرة، و عبقرية توى التسويقية، وطريقته الفكاهية البسيطة فى عرض فكرته، واستهدافه للشركات المغامرة اللى هتفهم فكرته، مع استخدامه المكثف لأدوات دعائية قوية فى حالته زى الإعلام والعلاقات العامة، والتسويق الفيروسى _ Marketing Viral قدر بسرعة قياسية يجمع المليون دولار.

👈الـ Case دى من كتاب الماركتنج بالمصري، لقراءة الكتاب بالكامل إضغط اللينك https://goo.gl/x1cZSV