19/05/2024
العهد المستديمة
عندي الموظف شيفو الخطير 😂 مندوب مشتريات وبيشترى مشتريات صغيرة القيمة وطلبات البوفية وبعض المستلزمات المكتبية وحاجات صغيرة خاصة بالشركة .
بيكون عندنا حساب اسمه العهدة بنعمله في دليل الحسابات
وبنفتح حساب فرعي للموظف شيفو الخطير ده بفرض ان دي أول مرة يشتغل ويصرف عهدة
صرفنا ليه 10000 جنيه
ايه هيكون القيد ؟
10000 من ح/العهدة المستديمة (شيفو الخطير)
10000الى ح/ النقدية/البنك
بعد فترة جه شيفو الخطير او المندوب شيفو معاه كشف تسوية بالعهدة وجاب معاه الفواتير بشوية حاجات خاصة بشراء قطع غيار وحاجات للبوفيه وحاجات مكتبية ودفاتر بوكسات وورق للإدارة. ماقيمته 5000 عبارة عن (قطع غيار 4000, مصروفات بوفيه 500,مصروفات ادوات مكتبية 500)
بيكون القيد :
من مذكورين:
4000ح/مشتريات أو مخزون قطع غيار ومهمات
500 ح/ مصروفات عمومية وادارية (بوفيه)
500 ح/ مصروفات ادارية وعمومية
الى ح/ العهد المستديمة (شيفو الخطير)
كده باقي معاه 5000من ال 10000
هعمله استعاضه او تجديد للعهدة تاني بقيمة 5000عشان اكملها
والقيد بيكون :
5000من ح/العهد المستديمة (المندوب شيفو الخطير)
5000 الى ح/ الخزينة أو البنك على حسب خدهم نقدا ولا اديناه شيك يصرفه
#محاسبة
#محاسبين
