21/11/2024
🔺️البوست ده لكل أم أطفالها عندهم فرط حركة و تشتت انتباه طول اليوم ✋❗
📍اقعد يابني ... بطل تنطيط ... بطل حركه ...
📍انت مش بتقعد خمس دقايق علي بعض ؟؟!
📍انت عليك عفريت ؟! .... انت انت انت .....
📍وتبدأ التهم وانه عنده فرط حركه انا زهقت منه .. 😠😱
↩والمصيبه تشوف بقي الشكاوي والردود عليها من غير المتخصصين وامهات بتبدع بصراحه 😔 ....
↩تلاقي اللي تقولها خوديه معاكي اي مشوار واقعدي لفي بيه ومشيه كتييير في الشمس😥😣 .
↩واللي تقولها احبسيه في اوضه لوحده وسيبيه ينوط ويلعب براحته 😓😕...
↩واللي تقولها اديله دوا مهدئ 😱😱😱😱
↩وشويه ردود فظييعه 🙃🙃🙃🙃🙃🙃
ولا هي صح ... ولا تصلح لطفل .. ولا فيها أي اسلوب للتربية ... ولا الولد استفاد اي شئ منها ...
احنا جايبينهم نعذبهم ⁉️
🔷️السؤال ... طيب أعمل ايه وابني ليه كدا ؟؟ مش هادي زي باقي الولاد ؟؟
الاجابه : ⬇️⬇️🔷️
علشان تعرفي تعملي ايه ؟!!!
لازم تعرفي شويه حاجات كدا ....
الطفل اللي حركته عاليه ,تشتيته سريع ,مندفع و في سمات كتير ممكن يكون سببها :
✅1- الأكل خصوصا السكريات والشيكولاته و المواد الحافظة كفيلة تهيبرالطفل.... علشان كدا دايما بنحظر منها وانها خطر عليهم شوفوا بقي بنديهم منها أد إيه ؟
✅2- التعرض للشاشات زي التاب ,الموبيل ,التليفزيون علشان كدا المده المسموحة للطفل محدده حسب عمره
✅3- الضرب و التهديد و الزعيق الدائم من أكتر الحاجات اللي بتخلي الطفل مبيتحكمش في إنفعالاته و معندوش تمييز بالخطر علشان كدا دايما بنقول لازم نكون اهدي وبلاش ضرب ارجوكم .
✅4- التعرض لصدمة شديدة زي حادث,حالة وفاة , تحرش ...
✅5- الطفل محتاج حاجات واماكن يخرج فيها طاقته و يتحرك و يجري كل يوم حط ١٠٠ خط تحت كل يووووم .
✅6- الطفل مدي التركيز بتاعه في شئ ممل زي الشرح = عمره زائد أو ناقص دقيقة يعني الطفل اللي عنده 5 سنين بيركز في الملل من 4-6 دقائق بس !! و أظن إنتوا عارفين الحصص والدراسه معظمها ممل إزاي
✅7- الأطفال الحركين مبيعرفوش يفهموا غير لما يتحركوا و يعملوا تجارب بإيدهم هو نوع ذكائهم كده و لازم يذاكروا وهما علي كرسي هزاز او مرجيحه ... يكون في شد لانتباههم اكتر
✅8- في كمية مشتتات في كل حتة ,الفصل اللي فيه عدد مهول و ميس لابسة إكسسوارات و إنسيال في جرس بيرن ! و الحيطان مليانة لوحات كل الألوان و مشرفة بتزعق بعلو صوتها بره المفروض الطفل بقي يسيب كل ده و يركز في الشرح !
↩نفس الوضع في البيوت الطفل قاعد في مكان مليان مشتتات و الناس رايحة جاية و التليفزيون شغال و ماما بتتكلم في التليفون او ماسكه الموبايل و هو المفروض يركز في الواجب
✅9- كتير جدا بيبقي السبب في نقص مهارات الطفل إصلا محدش علمه بيحصل إيه في مخه لما يتعصب و إزاي يهدي نفسه ولا حد فهمه إنه طبيعته حركي و فكر معاه إزاي نحقق إحتياجاته بشكل مقبول إحنا كل اللي بنعمله : متزعقش ,متفركش ,أقعد شوية اهدي بقي
✅10- ملاحقه الطفل قبل ما يغلط من أكتر الحاجات اللي بتخليه مندفع و تركيزه قليل :حاسب الكباية ,إعدل كذا,الجزمة بالشقلوب,اللبن لسه سخن ,.... طول النهار بنلاحقهم بالمعلومات لدرجة مبيبقوش محتاجين يركزوا علشان يخلوا بالهم من تصرفاتهم إحنا اللي مركزينلهم
✅11-عدم النوم الكافي لازم نعرف عدد ساعات النوم المناسبه بالنسبة لعمر الطفل
✅12- في فروق فردية :كتير بيبقي أنا كأم طبيعتي هادية و البيت كله كده فلما بخلف طفل حركي بحس إني مش قابلاه و عايزه أخليه زيي ده لي خطوات كتير تتعمل
✅15-لفت إنتباه أحيانا الطفل الحاجات دي بتزيد عنده في مواقف معينه لمجرد إنه محتاج إهتمام فبيقول علي طول مش فاهم علشان الميس تهتم , بيجري من مامته علشان تسيب اللي بتعمله و تبصله ...
🔶️*لو فضلنا نتكلم عن الأسباب بجد مش هتخلص لما منهتمش بقي لأ بأسباب ولا حلول و منحاولش مرة و إتنين و 10 و ندي للطفل أدوية تهده يبقي ده ظلم كبييير .
🍂أكيد في حالات تستدعي أدوية و عدم أخذها ضرر ليهم بس علي الأقل نروح لأكتر من دكتور و نسأل كتير جدا , في كم رهيب من الأمهات ولادهم متشخصين ADHD و مكتوبلهم أدوية مجرد ما تروح لمتخصص تعديل سلوك بتلاقي أسباب كتير و حلول كتير تمشي فيها و فجأة بتلاقي الطفل بيستجيب بشكل مكنش حد يتخيله حتي اللي كان بيمشي علي سور البلكونة !
🍂 مش بنتكلم علي أطفال بيعملوا شقاوة بنتكلم علي حالات خطر بشكل كارثي و نفع معاها تعديل السلوك ,فالموضوع مش لدرجة إن كل أم تفكر إن إبنها محتاج دواء كخطوة أولي ✋❗
